O‘zbekistonda biznes bilan shug‘ullanish keskin ortmoqda



Source link

Milliy statistika qo‘mitasi ma’lumotlariga ko‘ra, 2026-yil 1-may holatiga respublikada jami 580,9 mingta korxona va tashkilot faoliyat ko‘rsatmoqda.

Eng katta ulush savdo sohasi hissasiga to‘g‘ri kelgan. Mazkur yo‘nalishda 158 ming 483 ta korxona faoliyat yuritmoqda. Bu umumiy korxonalarning qariyb har to‘rtinchisini tashkil etadi.

Iqtisodiyotning ikkinchi yirik tarmog‘i sifatida qishloq, o‘rmon va baliqchilik xo‘jaligi qayd etilgan. Ushbu sohada 127 ming 775 ta subyekt ishlamoqda.

Sanoat sohasida esa 61 ming 436 ta korxona faoliyat yuritib, ishlab chiqarish tarmog‘i iqtisodiyotdagi muhim ulushni saqlab qolmoqda.

Statistikaga ko‘ra, yashash va ovqatlanish xizmatlari sohasida 32 ming 266 ta korxona faoliyat olib bormoqda.

Qurilish sohasidagi subyektlar soni 31 ming 489 taga yetgan. Bu yo‘nalish so‘nggi yillarda infratuzilma va uy-joy qurilishi faollashuvi bilan iqtisodiyotning drayverlaridan biriga aylanmoqda.

Tashish va saqlash sohasida 18 ming 123 ta korxona ishlayotgan bo‘lsa, sog‘liqni saqlash va ijtimoiy xizmatlar sohasida 14 ming 732 ta tashkilot qayd etilgan.

Bulardan tashqari, axborot va aloqa sohasidagi korxonalar soni esa 12 ming 750 tani tashkil etgan.

Source link

InfinBANK Qoraqalpog‘iston Respublikasida yosh oilalarni qo‘llab-quvvatlash va ularning uy-joy sharoitlarini yaxshilashga qaratilgan yirik ijtimoiy tashabbusni amalga oshirmoqda.

Shu maqsadda «InFinBank» AJ Qoraqalpog‘iston Respublikasi Jo‘qorg‘i Kengesi hamda O‘zbekiston Respublikasi Prezidenti huzuridagi Ijtimoiy himoya milliy agentligi bilan uch tomonlama hamkorlik memorandumini imzoladi.

Tashabbus doirasida bank ko‘magida 18 ta tumanda og‘ir ijtimoiy sharoitda yashayotgan 101 nafar yosh oila uchun yangi 3 xonali xususiy hovli uylar qurilishi rejalashtirilgan. Mazkur loyiha InfinBANKning aholini qo‘llab-quvvatlash, hududlar rivojiga hissa qo‘shish va ijtimoiy mas’uliyat tamoyillarini amalda ro‘yobga chiqarishga qaratilgan sa’y-harakatlarining muhim qismidir.

Yangi uylar zamonaviy infratuzilma, zarur maishiy qulayliklar va quyosh panellari bilan ta’minlanadi. Bank mazkur loyiha orqali nafaqat uy-joy masalasini hal etishga, balki energiya samaradorligi, ekologik yechimlar va oilalar uchun qulay yashash muhitini shakllantirishga ham hissa qo‘shadi.

InfinBANK, Jo‘qorg‘i Kenges va Ijtimoiy himoya milliy agentligi vakillari ushbu hamkorlik yoshlarni qo‘llab-quvvatlash, oila institutini mustahkamlash hamda ijtimoiy himoyaga muhtoj qatlamlarga amaliy yordam ko‘rsatish yo‘lidagi muhim qadam ekanini ta’kidladilar.

Uylarni joriy yil 30 iyun — Yoshlar kuniga foydalanishga topshirish rejalashtirilgan.

Reklama huquqi asosida

Source link

Markaziy bankning 2026-yil yanvar–aprel oylari bo‘yicha sharhiga ko‘ra, yuridik va jismoniy shaxslarning chet el valyutasiga bo‘lgan umumiy talabi 20,4 mlrd dollarni tashkil qildi.

Bu ko‘rsatkich o‘tgan yilning mos davriga nisbatan 24,3 foizga oshgan. Xususan, yuridik shaxslar tomonidan qariyb 16 mlrd dollar, aholi tomonidan esa 4,4 mlrd dollarlik valyuta sotib olingan.

Shu bilan birga, bozorda valyuta taklifi ham o‘sishda davom etdi. Hisobot davrida umumiy taklif 18 mlrd dollarga yetgan bo‘lib, bu 2025-yilning shu davriga nisbatan 33,9 foizga ko‘pdir.

Markaziy bank ma’lumotlariga ko‘ra, aholi tijorat banklariga 8,2 mlrd dollar sotgan bo‘lsa, yuridik shaxslar tomonidan sotilgan valyuta hajmi 9,8 mlrd dollarga yetgan.

Hisobotda qayd etilishicha, 2026-yilning dastlabki to‘rt oyida dollar kursi 11 ming 938 so‘mdan 12 ming 320 so‘mgacha bo‘lgan diapazonda tebrangan.

Davr yakunida milliy valyuta 0,6 foizga mustahkamlangan. Ya’ni dollar kursi 12 ming 4 so‘mdan 11 ming 938 so‘mgacha pasaygan.

Taqdim etilgan infografikada ham yil boshida kurs nisbatan barqaror bo‘lgani, keyingi oylarda esa keskin tebranishlar kuzatilgani aks etgan. Xususan, 2025-yilning yanvar–aprel oylarida o‘rtacha kunlik tebranuvchanlik 13,6 so‘mni tashkil etgan bo‘lsa, joriy yilning shu davrida bu ko‘rsatkich 28,5 so‘mgacha oshgan.

Tahlillarga ko‘ra, valyuta bozorida talab va taklif bir vaqtning o‘zida o‘smoqda. Bu esa tashqi savdo operatsiyalari, import hajmi va aholi valyuta operatsiyalari faollashganini ko‘rsatadi.

Markaziy bank taqdim etgan grafikda yil davomida kurs harakatidagi o‘zgarishlar, ayniqsa yoz oylaridagi keskin pasayish va keyingi tiklanish jarayonlarini ko‘rish mumkin.

Source link

2031 yilga borib jahonning eng yirik iqtisodiyotlari o‘rtasidagi kuchlar muvozanati sezilarli darajada o‘zgarishi kutilmoqda. Xalqaro valuta jamg‘armasi (XVJ) prognozlariga ko‘ra, bu davrda eng katta iqtisodiy o‘sishni Hindiston namoyon etadi.

Visual Capitalist infografikasida 2026, 2028 va 2031 yillardagi nominal yalpi ichki mahsulot (YaIM) hajmi bo‘yicha dunyoning 15 ta eng yirik iqtisodiyoti keltirilgan. Ma’lumotlar XVJning 2026 yil aprel oyida yangilangan “Jahon iqtisodiyoti istiqbollari” hisobotiga asoslangan.

Prognozlarga ko‘ra, AQSh va Xitoy yaqin yillarda ham jahon iqtisodiyotida mutlaq yetakchilikni saqlab qoladi. Har ikki davlat iqtisodiyoti 2031 yilga qadar taxminan 6,6 trillion dollarga o‘sishi mumkin. Bu AQSh uchun qariyb 20 foiz, Xitoy uchun esa 32 foizlik o‘sishni anglatadi.

Shunga qaramay, Xitoy iqtisodiyoti 2031 yilda 27,5 trillion dollarga yetsa ham, u hali ham AQSh iqtisodiyotidan taxminan 11,5 trillion dollarga kichik bo‘lib qoladi. Ayni vaqtda Xitoy dunyodagi navbatdagi eng yirik iqtisodiyotdan deyarli to‘rt barobar katta bo‘lishi kutilmoqda.

Mutaxassislar AQSh va Xitoy kelgusi yillarda jiddiy ichki muammolarga duch kelishini ta’kidlamoqda. AQShda siyosiy qutblashuv va davlat qarzi ortib bormoqda. Xitoy esa aholi soni qisqarishi va eksportga bog‘liq iqtisodiyot sabab uzoq muddatli o‘sish sur’atlari sekinlashishi xavfiga yuz tutmoqda.

Hindiston esa kelajakda jahon iqtisodiyotining yangi superkuchiga aylanishi mumkin. XVJ prognozlariga ko‘ra, mamlakat iqtisodiyoti 2031 yilga qadar 63,5 foizga o‘sadi va bu dunyodagi eng yuqori ko‘rsatkichlardan biri bo‘ladi.

Taxminlarga ko‘ra, Hindiston 2028 yilga borib Yaponiya va Buyuk Britaniyani ortda qoldirib, YaIM hajmini 5 trillion dollardan oshiradi. 2031 yilga kelib esa Germaniyani ham quvib o‘tib, 6,8 trillion dollarlik iqtisodiyotga aylanishi mumkin.

1,4 milliarddan ortiq aholiga ega Hindiston uchun bu o‘sish global iqtisodiy tartibdagi o‘zgarishlar ramzi sifatida baholanmoqda. Mamlakat kompaniyalarining xalqaro bozorda raqobatbardoshligi ham ortib bormoqda.

Hisobotda Rossiya iqtisodiyotiga oid prognozlar ham keltirilgan. Qayd etilishicha, 2016–2026 yillar oralig‘ida Rossiya iqtisodiyoti ikki barobardan ko‘proq o‘sgan va yirik iqtisodiyotlar orasida yuqori sur’atlarni ko‘rsatgan. Biroq 2031 yilga kelib Rossiya nominal YaIM hajmi qisqaradigan yagona yirik iqtisodiyot bo‘lishi mumkin.

Prognozlarga ko‘ra, Rossiya iqtisodiyotining sekinlashishi natijasida Braziliya, Kanada va Meksika uni jahon reytingida ortda qoldiradi. Mutaxassislar buni mamlakatning uglevodorod eksportiga yuqori darajada bog‘liqligi, mehnat unumdorligining past o‘sishi hamda G‘arb davlatlari sanksiyalari bilan izohlamoqda.

Source link