Parij, 2025-yil 13-mart — Fransiya Prezidenti Emmanuel Makron O‘zbekiston Prezidenti Shavkat Mirziyoyevning Parijga rasmiy tashrifini iliq kutib oldi. Fransiya yetakchisi o‘zining tvitter sahifasida ushbu tashrif doirasida ikki davlat o‘rtasidagi do‘stlik aloqalarini yanada rivojlantirish va strategik hamkorlikni mustahkamlashga va’da berdi.

Makronning rasmiy tvitida quyidagi so‘zlar bitilgan:

“Parijga xush kelibsiz, hurmatli Shavkat! Mazkur davlat tashrifi bilan birga, biz Fransiya va O‘zbekiston o‘rtasidagi do‘stlik rishtalarini yanada yuksaltirib, kelajakka yo‘naltirilgan sheriklik uchun berilgan va’dani bajaramiz. Yashasin O’zbekiston, yashasin Fransiya!”

Bu bayonot Fransiya va O‘zbekiston o‘rtasidagi diplomatik munosabatlarning mustahkamligini aks ettirib, ikki davlatning yaqin hamkorlikka intilishining belgisidir. Ushbu tashrif davomida O‘zbekiston va Fransiya yetakchilari turli sohalarda hamkorlikni kengaytirish, jumladan, iqtisodiyot, madaniyat va ta’lim yo‘nalishlarida yangi kelishuvlarga erishishni rejalashtirmoqda.

Shuningdek, Prezident Mirziyoyevning Fransiyaga safari doirasida bir qator yirik investitsion loyihalar, ilmiy-akademik almashinuv dasturlari va madaniy tadbirlar muhokama qilinishi kutilmoqda. Bu esa O‘zbekiston va Fransiya o‘rtasidagi tarixiy rishtalarni yanada mustahkamlashga xizmat qilishi shubhasiz.

Ekspertlar fikriga ko‘ra, ushbu tashrif O‘zbekiston va Fransiya o‘rtasidagi munosabatlarni yangi bosqichga olib chiqib, hamkorlikning yangi imkoniyatlarini ochib berishi mumkin. Makronning iliq kutib olish bayonoti esa ikki davlat o‘rtasidagi do‘stona munosabatlarning yaqqol ifodasi sifatida baholanmoqda.

Amerikaning Firefly Aerospace kompaniyasiga qarashli Blue Ghost fazoviy qurilmasi Oyga qo‘ndi. Bu haqda NASA xabar berdi.

Matbuot xizmati bergan ma’lumotga ko‘ra, Oyga qo‘nish bizning vaqt bilan 2 mart soat 13:34 da amalga oshgan. Oyning Yerga ko‘rinadigan tomonida, Inqirozlar dengizida (hududda iqlimiy sharoit o‘ta beqarorligi uchun shunday nomlangan — tahr.) joylashgan Latreyl tog‘i yaqinida ushbu modul ikki hafta tinmay ishlaydi.

Oyga qo‘nadigan ushbu modul 15-yanvar kuni SpaceX kompaniyasining Falcon 9 raketasi yordamida uchirilgan edi. Fazoviy modul bortida NASAga tegishli o‘nta tadqiqot uskunasi bo‘lib, ular Oy haqida ma’lumotlar to‘plab, kelajakdagi parvozlar uchun hozirlik ko‘rishda yordam beradi.

Falcon 9 raketasi, shuningdek, yaponlarning Oyga qo‘nuvchi HAKUTO-R Mission 2 (Resilience) modulini ham fazoga olib chiqqan, u aprel oyida sayyoramiz yo‘ldoshiga mini-roverni olib boradi.