Jamiyat
«Pr premier-avto» MChJ rahbariga hukm o‘qildi
Ushbu avtosalon arzonga mashina olib berishni va’da qilib, qisqa muddat ichida 150 dan ortiq odamni chuv tushirgan va 2,5 mlrd so‘mdan ortiq mablag‘ni o‘zlashtirgan. 1 avgust kuni JIB Chilonzor tuman sudida avtosalonning 3 nafar vakiliga hukm o‘qildi. Kun.uz muxbiri sud yig‘ilishidan reportaj tayyorladi.
{Yii::t(}
O’tkazib yuborish 6s
O’tkazib yuborish
«Pr premier-avto» 2022 yilda avtomobillar va yengil motorli transport vositalarining ulgurji savdosi bilan shug‘ullanuvchi firma sifatida davlat ro‘yxatidan o‘tgan. Shunga qaramay, avtosalon og‘ir yuk avtomobillari savdosi bilan ham shug‘ullangani aytilmoqda.
Avtosalon odamlarga 1,5 oydan 3 oygacha bo‘lgan muddatda mashina chiqarib berishni va’da qilgan. Mijozlarni ishontirish uchun «O‘zavtosanoat» bilan shartnomasi borligini aytgan. Arzonligi va boshqa qulay shartlariga ishonganlar esa biryo‘la 2-3 ta avtomobilga ham to‘lov qilgan. Sud hukmi oldidan bir necha jabrlanuvchi ushbu firmaga qanday aldangani haqida so‘zlab berdi.
«Toshkent shahri Chilonzor tumanida joylashgan “Pr premier-avto” avtosalonini OLX sayti orqali ko‘rib, ularning manziliga bordim. Ular yillik 8 foiz nasiya savdo bo‘yicha mashina chiqarib berishlarini aytishdi. Shundan keyin men Cobalt avtomashinasiga 62 million 500 ming so‘m miqdorida boshlang‘ich to‘lov qilib, qolganini yillik 8 foiz stavkasi bo‘yicha 3 yil muddatda to‘lash uchun shartnoma tuzdim. Keyin ularning xodimlari “Kapitalbank”da to‘lov qildirishdi va 2 oy muddatda mashinamizni chiqarib berishni aytishdi. Oradan shuncha muddat o‘tib so‘rasak, ba’zi ehtiyot qismlari yetishmayotgani sababli mashinalar kechikayotgani haqida ma’lumot berishdi.
Yana ozgina kutdik. 3 oy, 4 oy. Bo‘lmadi. Oxiri borganimizda, “Pr premier-avto” avtosaloni yopilganini ko‘rdik», – deydi Samariddin Abdusalimov.
Buxorolik Avaz Toshtemirov ham aldanganlardan biri. Unga mashina 90 kunda topshirilishi aytilgan.
«2023 yil 13 dekabr kuni “Pr premier-avto” avtosaloniga Cobalt mashinasi uchun 46 million 851 ming pul to‘lagan edik. “90 ish kuni mobaynida olasizlar”, dedi. 89-kungacha aloqada bo‘ldik. 90-kuni aloqa uzildi», – deydi u.
Jabrlanuvchi mashinaning oylik to‘lovlari arzon chiqqani hamda bank orqali to‘layotgani uchun avtosalonga ishongan.
Boshqa bir jabrlanuvchi Nurbek Ibodullayev esa avtosalon faoliyatini yarim yilcha kuzatgan. Ammo bu uni avtosalon tuzog‘idan saqlab qololmagan va u ham shartnoma tuzgan.
«Ijtimoiy tarmoqlar orqali ko‘rdim, shartlari yoqdi. Keyin 2023 yil fevral oyida Cobalt uchun 50 mln so‘m to‘ladim. 45 ish kunida chiqadi deyishgandi. Mana, 1 yildan beri sarson bo‘lib yuribmiz. 5-6 oy kuzatgandim. Yopilmaganidan keyin to‘g‘ri ishlayapti ekan, degan fikr bilan to‘lov qilgandim», – deydi u.
Sud ishi davomida sudlanuvchilar aybiga iqrorlik bildirdi. Sudya Sarvar Mamadiyev tomonlarni eshitib, hukm o‘qidi. Unga ko‘ra, avtosalon vakillari Jinoyat kodeksining 168-moddasi 4-qismi «a», «v» bandlari bilan aybli deb topildi. Shu bilan sudlanuvchilar Diyora Odilovaga 6 yil, Muzaffar Ahmadjonovga 8 yil va avtosalon ta’sischisi hamda rahbari bo‘lgan Shahlo Matrasulovaga 5 yil muddatga ozodlikdan mahrum qilish jazosi tayinlandi. Sudlanuvchilar jazosini umumiy tartibli koloniyalarda o‘taydigan bo‘ldi.
Bundan tashqari, ulardan solidar tartibda jabrlanuvchilarga yetkazilgan zarar to‘liq undirilishi belgilandi.
«Pr premier-avto»ning qilmishlaridan 150 dan ortiq kishi jabrlangan bo‘lsa, sudya ularning 130 nafarini tinglaganini aytdi. Zarar miqdori esa 2,5 milliard so‘mdan ortiq. Boshqa ishlarni qo‘shib hisoblaganda 5 milliard so‘mdan oshadi. Hozirgi paytda qolgan ishlar bo‘yicha dastlabki tergov harakatlari davom etmoqda.
Sud hukmidan keyin yana bir jabrlanuvchi bilan suhbatda bo‘ldik. U shartnoma shubhali tuzilganini bilganini aytgan.
«2024 yilda ijtimoiy tarmoq orqali o‘sha reklamalarni ko‘rdim. “Halol nasiya savdo, qo‘shimcha foizlari yo‘q” deb maqtashgandi. Keyin bordim. O‘sha avtosalon oldida yuk avtomashinalari ham, yengil mashinalar ham turardi.
Keyin menga har xil mashinalar ro‘yxatini ko‘rsatib, “O‘zavtosanoat” bilan shartnomamiz bor, 50 kunga qolmasdan mashinalarni chiqarib beryapmiz, deb va’da berishdi. Foizi ham juda kam edi, 10 foizga bormasdi. Grafiklarini chiqarib berishdi. Shunda Gentra avtomobiliga 56 million to‘lagandim. Qolganini avtomobil chiqqanidan keyin to‘laydigan bo‘ldim. Ikki oyga qolmasdan chiqadi, deyishgandi.
13 martda to‘lagan bo‘lsam, 14 mart kuni qaytib keldim. Shartnomani yaxshiroq o‘rganib chiqdim-da, menga yoqmadi, shubhalandim. Shartnomani bekor qilaman, pulimni qaytaringlar, dedim. Ular pullarim “O‘zavtosanoat”ga o‘tib ketganini aytishdi.
O‘sha Muzaffar degani o‘zini direktorman degandi. Endi qaytarish uchun 20 kun kutishim kerakligini aytdi. Hozir kerakligini aytgandim, ariza yozib ketishimni so‘rab, pul 20 kunda qaytarilishini bildirdi. 20 kun ko‘pligi, menga pullarim hozir kerakligini aytganimda “10 kun ichida qilib beramiz, qo‘ng‘iroq qilib turing”, dedi», deydi navbatdagi jabrlanuvchi.
Shundan keyin sudlanuvchi Muzaffar jabrlanuvchiga masalani Diyora hal qilishini aytgan. Diyora Odilova esa pulni Hayit bayramigacha qaytarishini va’da qilgan. Hayit kelganda esa avtosalon tag-tugi bilan yo‘qolib qolgan. Barcha narsalarini yig‘ishtirib ketishgan. Jabrlanuvchi shu zahoti 102 ga xabar bergan. Mashinasidan xabar olgani kelayotgan yana 10 ga yaqin kishi ham avtosalon ustidan ariza yozib bergan.
«Lekin jinoyat ishi qo‘zg‘atilmadi. Ancha kutdik. Keyin ichki ishlar vaziriga jamoaviy ariza yozdik. Shundan keyin jinoyat ishi qo‘zg‘atildi. Ungacha hamma mashinalar bir kechada olib chiqib ketildi. Uchastkavoy ham hech qanaqa chora-tadbir ko‘rmagan ekan.
Mahalla noziriga aytilgandi. Ariza yozib berganimizdan keyin darhol chora ko‘rishi kerak edi. O‘sha mashinalarni o‘zi ko‘rdi. Ofis bo‘m-bo‘sh, kompyuterlar, call-markazi bor edi. Call-markazida bir 15-20 ta joy qilingan, yigit-qizlar o‘tirardi», – deydi jabrlanuvchi.
Sud hukmidan keyin shaxsini sir tutishni so‘ragan jabrlanuvchi odamlarni jalb qilgan, bankka olib borib to‘lov qildirgan avtosalonning boshqa xodimlarini ham jazolash kerakligini aytdi.
Shahzod O‘roqboyev,
Kun.uz
Bu yilgi Mustaqillik bayrami ijtimoiy tarmoqlarda chin ma’noda portladi. Prezident Shavkat Mirziyoyevning nutqi, bayram ssenariysi va sahnadagi chiqishlarga foydalanuvchilardan juda katta, samimiy va kuchli reaksiya bo‘ldi.
Izohlarni o‘qib, bir narsa yaqqol ko‘rinadi: odamlar bayramni shunchaki tomosha qilmagan — his qilgan.
“Juda zo‘r!”, “Boshqacha bo‘ldi!”, “Ta’sirli!”, “Gap yo‘q!”, “Sahnadagi energiya va jonli ijro odamni lol qoldirdi, haqiqiy bayram kayfiyati!”, “Harbiylarning safdagi kelishgan va qat’iy qadamlari qalbimizni g‘ururga to‘ldiradi”, “Juda go‘zal bayram, betakror bayram”… — ijtimoiy tarmoqlardagi minglab fikrlarda bir xil kayfiyat.
Ayniqsa, Prezident nutqidagi fikrlar alohida muhokama qilindi. Vatan tarixi, bugungi islohotlar va kelajakka ishonch uyg‘unlashgan nutq ko‘pchilikda kuchli taassurot qoldirdi.
Bu yilgi Mustaqillik bayrami sahnada o‘zgacha bo‘ldi — ijtimoiy tarmoqlardagi reaksiya esa bundan ham kuchli!
Bu shunchaki izohlar emas. Bu — xalqning bayramga bo‘lgan kayfiyati.
BYD Central Asia mahalliy ishlab chiqarilayotgan BYD CHAZOR UzPride modelining rasmiy sotuvi boshlanganini e’lon qiladi. Mahalliylashtirish darajasi yuqori bo‘lgani tufayli 55 KM Luxe jamlanmasi 255 900 000 so‘m narxda taklif etilmoqda.
Modelning nomi uning mazmun-mohiyatini aks ettiradi: brend mahalliy bozorda izchil rivojlanib, texnik mutaxassislarni tayyorlash va mamlakat avtomobilsozlik sanoatini zamonaviylashtirishga ko‘maklashmoqda. Shu bilan birga, zamonaviy texnologiyalarni aholining tobora keng qatlamlari uchun qulay va hamyonbop qilmoqda. Shu sababli yangi talqin O‘zbekiston va uning xalqiga chuqur hurmat ramzi sifatida UzPride nomini oldi.
O‘zbekiston Respublikasi mustaqilligining 35 yilligi munosabati bilan xaridorlar uchun maxsus moliyalashtirish dasturi tayyorlandi:
– boshlang‘ich to‘lov – 35%;
– bo‘lib to‘lash muddati – 35 oy;
– foiz stavkasi – 0%;
– moliyalashtirishni rasmiylashtirish – faqat OFB hamkor banki orqali.
Mustaqillikning 35 yilligiga bag‘ishlangan moliyalashtirish dasturi shartlari 2026 yil 29 avgustdan 1 sentyabrgacha amal qiladi.
Dastur shartlari qutlug‘ sana bilan ramziy tarzda uyg‘unlashtirilgan bo‘lib, yangi supergibrid sedanni O‘zbekiston bo‘ylab xaridorlar uchun yanada qulayroq shartlarda sotib olish imkonini beradi.
BYD CHAZOR UzPride haqida
BYD CHAZOR UzPride DM-i supergibrid tizimi bilan jihozlangan. Unda elektr yuritmaning afzalliklari 1,5 litr hajmli yuqori samarali benzin dvigatelining imkoniyatlari bilan uyg‘unlashtirilgan.
132 kVt quvvatga ega elektr dvigatelining eng yuqori burovchi kuchi 316 N·m ni tashkil etadi. Avtomobil 0 dan 100 km/soat tezlikka 7,9 soniyada chiqadi. NEDC o‘lchov tartibi bo‘yicha faqat elektr quvvatida yurish masofasi 55 kilometrgacha yetadi. Akkumulyator quvvati past bo‘lganda yoqilg‘i sarfining eng kam ko‘rsatkichi 100 kilometrga 3,8 litrni tashkil etadi.
55 KM Luxe jamlanmasiga aylantiriladigan 12,8 dyuymli multimedia ekrani, 8,8 dyuymli displeyga ega raqamli ko‘rsatkichlar paneli, o‘zbek tilidagi aqlli ovozli boshqaruv tizimi, 4G va Bluetooth ulanishi, shuningdek, OTA orqali masofadan yangilash imkoniyati kiradi.
Haydovchiga yanada ko‘proq qulaylik yaratish maqsadida avtomobil kalitsiz kirish tizimi, NFC-karta, masofadan ishga tushirish, o‘rindiqni elektr yordamida sozlash, elektr yuritmali tom tuynugi hamda orqa o‘rindiq yo‘lovchilari uchun havo yo‘naltirgichlarga ega iqlim tizimi bilan jihozlangan.
360° atrofni ko‘rsatuvchi panoramali HD-kamera hamda old va orqa to‘xtash datchiklari avtomobilni boshqarish va tor joylarda harakatlanishni osonlashtiradi.
Xavfsizlik tizimlari qatoriga tezlikni bir maromda saqlash tizimi, yo‘nalish barqarorligini nazorat qilish, g‘ildiraklarning sirpanishiga qarshi tizim, shinalardagi bosimni kuzatish, qiyalikda harakatni boshlashga ko‘maklashish, avtomobilni avtomatik ushlab turish, old va yon xavfsizlik yostiqchalari, shuningdek, parda turidagi xavfsizlik yostiqchalari kiradi.
BYD CHAZOR UzPride modelining mahalliy ishlab chiqarilishi yangi energiya manbalarida harakatlanuvchi zamonaviy avtomobillar tanlovini kengaytiradi hamda mamlakat avtomobilsozlik sanoatining rivojlanishiga hissa qo‘shadi.
BYD Central Asia kompaniyasining mustaqillikning 35 yilligiga bag‘ishlangan dasturi – O‘zbekiston Respublikasi mustaqilligining 35 yilligini mamlakatimizda ishlab chiqarilgan yangi avtomobil boshqaruvida kutib olish uchun ajoyib imkoniyatdir.
*Mustaqillikning 35 yilligiga bag‘ishlangan moliyalashtirish dasturi 2026 yil 29 avgustdan 1 sentyabrgacha, 1 sentyabr kuni ham, amal qiladi. Dastur doirasidagi moliyalashtirish faqat OFB hamkor banki orqali rasmiylashtiriladi. Dastur bo‘yicha taklif etiladigan avtomobillar soni cheklangan. Texnik ko‘rsatkichlar ma’lumot berish maqsadida keltirilgan bo‘lib, yo‘l va ob-havo sharoiti, avtomobilning yuklanish darajasi hamda haydash uslubiga qarab farq qilishi mumkin. Avtomobilni sotib olish shartlari va jamlanmasi haqidagi batafsil ma’lumotni BYD kompaniyasining rasmiy dilerlaridan olishingiz mumkin.
BYD kompaniyasining O‘zbekistondagi aloqa ma’lumotlari
Rasmiy ishonch telefoni: 1811
Rasmiy veb-sayt: bydauto.uz
Instagram: @bydauto.uz
Telegram: t.me/bydautouz
Jamiyat
Yangi o‘quv yilida 806 mingdan ziyod 6 yoshli bola maktabga tayyorlov guruhlariga qamrab olinadi
E-qaror tizimida Maktabgacha va maktab ta’limi vazirligining maktabgacha ta’lim tashkilotlarini 2026/2027 o‘quv yiliga tayyorlash va bolalarni qabul qilish jarayonini samarali tashkil etishga oid buyrug‘i e’lon qilindi. Hujjatning ilovalari Maktabgacha va maktab ta’limi vazirining 2026-yil 18-avgustdagi 299-son buyrug‘i bilan tasdiqlangan.
Hujjatga ko‘ra, 2026/2027 o‘quv yilida respublika bo‘yicha 811 ming 586 nafar 6 yoshli bola hisobga olingan. Ularning 806 ming 290 nafarini maktabga tayyorlov guruhlariga qamrab olish rejalashtirilgan. Natijada qamrov darajasi 99,3 foizga yetkazilishi ko‘zda tutilmoqda.
Maktabga tayyorlov guruhlari bilan qamrab olinmagan 6 yoshli bolalar uchun 485 ta bir yillik bepul majburiy tayyorlov guruhi tashkil etiladi. Ularda jami 13 ming 104 nafar bolani qamrab olish rejalashtirilgan.
Shundan:
— umumiy o‘rta ta’lim maktablarida 413 ta guruh tashkil etilib, 11 ming 163 nafar bola;
— davlat maktabgacha ta’lim tashkilotlarida 65 ta guruh ochilib, 1 ming 766 nafar bola;
— boshqa mos binolarda 7 ta guruh tashkil qilinib, 175 nafar bola qamrab olinadi.
Chora-tadbirlar rejasiga muvofiq, avval hududlardagi 6 yoshli bolalar xatlovdan o‘tkaziladi. Xatlov natijasida tayyorlov bilan qamrab olinmagan bolalar mavjud bo‘sh guruh va o‘rinlarga joylashtiriladi.
Shundan keyin ham qamrovdan tashqarida qolgan bolalar uchun umumta’lim maktablari, davlat maktabgacha ta’lim tashkilotlari, «Kelajak markazlari» va boshqa obyektlarning bo‘sh xonalarida yangi tayyorlov guruhlari tashkil etiladi. Ularni sentyabr–oktyabr oylarida ishga tushirish belgilangan.
Prezident farmonida tadbirkorlik subyektlarining huquqiy himoyasini kuchaytirishga qaratilgan «tadbirkorlik subyektining haqlilik prezumpsiyasi» belgilandi.
Unga ko‘ra, davlat organi tomonidan aksi isbotlanmaguncha tadbirkorlik subyekti va uning mansabdor shaxsi qonunchilikka muvofiq harakat qilgan hamda o‘z majburiyatlarini lozim darajada bajargan deb hisoblanadi.
Sudda tadbirkorga nisbatan huquqiy ta’sir chorasi qo‘llash uchun uning asosli, qonuniy va mutanosib ekanini, shuningdek, huquqbuzarlik faktini isbotlash majburiyati davlat organiga yuklanadi.
Qonunchilikdagi bartaraf etib bo‘lmaydigan ziddiyatlar, noaniqlik va tushunmovchiliklar, shuningdek, dalillar yetarli emasligi tufayli yuzaga keladigan shubhalar tadbirkorlik subyekti foydasiga talqin qilinadi.
Ko‘ksaroy qarorgohida O‘zbekiston Prezidenti Shavkat Mirziyoyev va Hindiston Bosh vaziri Narendra Modi o‘rtasida muzokaralar bo‘lib o‘tdi. Uchrashuv avvalida mehmon davlatimiz rahbarini Mustaqillik kuni bilan samimiy tabrikladi. Ushbu tarixiy tashrif ikki mamlakat o‘rtasidagi munosabatlarni keng qamrovli strategik sheriklik darajasiga olib chiqib, o‘zaro hamkorlikda yangi bosqichni boshlab berishi ta’kidlandi.
Tomonlar savdo-iqtisodiy aloqalar izchil rivojlanayotganini mamnuniyat bilan qayd etdilar. O‘tgan yili tovar ayirboshlash hajmi ilk bor 1 milliard dollardan oshdi, qo‘shma korxonalar soni esa 7 barobarga ko‘paydi, haftasiga 14 ta to‘g‘ridan-to‘g‘ri aviaparvoz amalga oshirilmoqda. Ikki davlat rahbarlari 2030-yilga qadar o‘zaro savdo hajmini 5 milliard dollarga yetkazish bo‘yicha zarur choralarni ko‘rishga kelishib oldilar. Shuningdek, energetika, farmatsevtika, metallurgiya, sog‘liqni saqlash va qishloq xo‘jaligi kabi ustuvor sohalarda yangi sanoat kooperatsiyasi loyihalarini amalga oshirishga alohida e’tibor qaratildi.
Hamkorlikni samarali muvofiqlashtirish maqsadida tashqi siyosat idoralari rahbarlari darajasida yangi muvofiqlashtiruvchi mexanizm ta’sis etiladigan bo‘ldi. Tomonlar parlamentlararo, Hukumatlararo komissiya va Ishbilarmonlar kengashi doirasidagi muloqotlarni faollashtirishga kelishib oldilar. Andijon va Gujarat, Farg‘ona va Haryana, Samarqand va Agra o‘rtasidagi hududlararo yaqin sheriklik aloqalari ham yuqori baholandi.
Gumanitar sohada ta’lim va madaniyat yo‘nalishidagi aloqalar kengaymoqda. Hozirda O‘zbekistonda Hindistonning 4 ta universiteti faoliyat yuritmoqda. Madaniy-gumanitar aloqalarni rivojlantirishga alohida e’tibor qaratilmoqda. Bunda Lal Bahodur Shastri nomidagi Hind madaniyati markazi va Mahatma Gandi nomidagi Hindshunoslik markazi muhim o‘rin tutmoqda.
Shuningdek, O‘zbekistonda yoga tobora ommalashib borayotgani va ushbu sohadagi hamkorlik faol rivojlanayotgani qayd etildi.
Tashrif doirasida Madaniy almashinuv bo‘yicha besh yillik dastur imzolanishi, madaniyat kunlari va kinofestivallar muntazam o‘tkazilishi belgilandi. Rahbarlar BMT, ShHT va BRIKS kabi xalqaro tashkilotlar doirasida bir-birini izchil qo‘llab-quvvatlashni davom ettirishlarini bildirdilar. Muzokaralar yakunida belgilangan barcha vazifalar bo‘yicha aniq «yo‘l xaritalari» ishlab chiqilishiga kelishib olindi.
O‘zbekistonda yetti oylik bozor xizmatlari hajmi 802,5 trln so‘mga yetdi
«Enamdan qolgan dalalar» (Esse)
Шавкат Мирзиёев Бишкекда кутиб олинди
-
Sport4 days ago
EChL 2026/2027. Umumiy guruh bosqichi taqvimi e’lon qilindi
-
Jamiyat3 days ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Sport3 days ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
-
Jamiyat2 days ago
Qonunchilikdagi noaniqliklar tadbirkor foydasiga talqin qilinadi
-
Siyosat4 days ago
Prezidentning Mustaqillik bayrami tabrigidan o‘rin olgan asosiy fikrlari
-
Siyosat2 days ago
Pokiston bosh vaziri bilan uchrashuv o‘tkazildi
-
Siyosat1 day ago
Шавкат Мирзиёев Бишкекда кутиб олинди
-
Mahalliy12 hours ago
«Enamdan qolgan dalalar» (Esse)