Jamiyat
poyezd kupesi ishratxonaga aylantirilgani aniqlandi
“Olot-Toshkent” yo‘nalishidagi poyezdda vagon kuzatuvchisi bo‘lgan shaxs kupeda qo‘shmachilik qilib kelgani ma’lum bo‘ldi. U 300 ming so‘m evaziga yo‘lovchi erkak va ayolga jinsiy aloqa qilishlari uchun bo‘sh kupeda sharoit yaratib bergan. “Provodnik”ning bu harakati tezkor tadbirda fosh qilindi.
Sun’iy intellekt chizgan surat
Poyezd kupesida qo‘shmachilik qilgan vagon kuzatuvchisi jinoiy jazoga tortildi. Kun.uz sud hukmi bilan tanishdi.
Sud hujjatida keltirilishicha, 1985 yilda Payariq tumanida tug‘ilgan Dilshod Hamdamov 2019 yil may oyidan “O‘ztemiryo‘lyo‘lovchi” AJ mahalliy yo‘nalishlarda yo‘lovchilarga xizmat ko‘rsatish filiali vagonlar xizmatchisi lavozimida ishlab kelgan.
Dilshod Hamdamov 2025 yil 21 fevral kuni 071-raqamli “Olot-Toshkent” yo‘nalishida harakatlanuvchi yo‘lovchi poyezdning 7-vagonida kuzatuvchi bo‘lgan. U shu kuni “Qorako‘l” temiryo‘l vokzalidan chiqqan yo‘lovchi B.O‘.ga tanishi G.O‘. bilan jinsiy aloqa qilib ketishi uchun 300 ming so‘m evaziga 7-vagonning 2-kupesida sharoit yaratib bergan. Aslida bu yo‘lovchilarning chiptasi poyezdning 11-vagoniga olingan bo‘lgan.
“Provodnik”ning poyezdda qo‘shmachilik qilgani Navoiy viloyati Transportda xavfsizlikni ta’minlash boshqarmasi jinoyat qidiruv guruhi xodimlari tomonidan aniqlangan. Tadbirda ishlatilgan 300 ming so‘m pul ashyoviy dalil sifatida rasmiylashtirib olingan.
Dilshod Hamdamov sudda aybiga to‘liq iqrorlik bildirgan.
“2025 yil 21 fevral kuni “Olot-Toshkent” yo‘nalishidagi 071-raqamli yo‘lovchi poyezdining 7-vagonida kuzatuvchilik qildim. Shu kuni soat 19:00 larda “Olot” bekatidan yo‘lga chiqib, soat 20:00 larda “Qorako‘l” temiryo‘l bekatiga yetib keldik. Yo‘lovchilarni vagonga chiqarish vaqtida yonimga B.O‘. bir ayol kishi bilan keldi. Ularning chiptasi 11-vagonning 48- va 50-joylari edi. B.O‘. va yonidagi ayolni 7-vagonning 5- yoki 6-kupe vagoniga kiritib, shu yerda o‘tirib turishlarini aytdim. O‘zim SV tipli xonalarni tekshirib, 3 ta bo‘sh SV tipli xona Samarqandgacha bo‘sh ekanini aniqladim. Erkak va ayolni 3-SV xonaga joylashtirdim. Biroz vaqt o‘tib, ayol keldi va SV xonaning eshigi yopilmasligini aytib, boshqa xona qilib berishni so‘radi.
Keyin ularga 2-kupega kirishlarini aytdim. Kirishganidan so‘ng ularga kupeda dam olib ketishlari uchun sharoit yaratib berdim. Buning evaziga erkakdan 300 ming so‘m oldim. Erkak menga kupeda hamroh ayoli bilan jinsiy aloqa qilib ketishini bildirdi. Ularni hech kim bezovta qilmasligini, eshikni ichkaridan qulflab olishni aytib, yangi choyshab hamda yuvinishlari uchun iliq suv keltirib berdim”, degan Dilshod Hamdamov o‘z ko‘rsatmasida.
Poyezd Qiziltepa bekatiga kelib to‘xtagan. Dilshod Hamdamov yo‘lovchilarni chiqarayotganida IIB xodimlari uning yoniga kelib, 2-kupeni ochishni so‘ragan. Shu tariqa u tezkor tadbirda ashyoviy dalillar bilan ushlangan.
Dilshod Hamdamov ushbu erkakka oldin ham “xizmat ko‘rsatgan” bo‘lgan. Buni sudda guvoh sifatida so‘ralgan B.O‘. tasdiqlagan.
“2024 yil sentabr oyi o‘rtalarida N. ismli tanishim bilan ish yuzasidan Buxoro viloyatining Qorako‘l tumaniga bordim. Qaytishda N. bilan poyezdda Toshkent shahriga ketishni rejalashtirib, chipta sotib oldik. Chiptalarimiz bo‘yicha o‘rnimiz turli vagonlarda edi.
Poyezd kelganidan so‘ng vagon oldida turgan Dilshod Hamdamov yoniga borib, sherigimni yonimda olib ketmoqchi ekanimni bildirdim. U buning iloji borligini, faqat qo‘shimcha to‘lov qilishim kerakligini aytdi. U sherigim Nigorani o‘zim o‘tirgan kupega joylashtirib berish evaziga 200 ming so‘m so‘radi.
Dilshod Hamdamovga sherigim bilan alohida xonada ketishim kerakligini, u bilan jinsiy aloqa qilib ketmoqchi ekanimni aytganimda u yana 200 ming so‘m bersam o‘zining xonasini bo‘shatib berishini bildirdi.
Vagon kuzatuvchisi o‘zining xizmat xonasida tanishim bilan jinsiy aloqa qilishim uchun sharoit yaratib berdi. Keyin biz kupega kirib, eshikni ichkaridan qulflab oldik. Samarqand shahrigacha kupeda tanishim bilan jinsiy aloqa qilib ketdim”, degan erkak sudda.
Shundan so‘ng erkak yo‘lovchi vagonlarda bunday axloqqa zid harakatlarga chek qo‘yish maqsadida 2025 yil 21 fevral kuni Navoiy viloyati Transportda xavfsizlikni ta’minlash boshqarmasi boshlig‘i nomiga ariza bilan murojaat qilgan. Uning arizasi asosida tezkor tadbir o‘tkazilgan.
Sud hukmi bilan Dilshod Hamdamov Jinoyat kodeksining 131-moddasi 1-qismida nazarda tutilgan jinoyatni (g‘arazli yoki boshqa past niyatlarda qo‘shmachilik qilish) sodir qilganlikda aybdor deb topilgan. Unga oylik ish haqining 20 foizini davlat daromadi hisobiga ushlab qolgan holda 2 yil axloq tuzatish ishlari jazosi tayinlangan. Shuningdek, Dilshod Hamdamov 1,5 yil “O‘zbekiston temiryo‘llari” AJ tizimidagi korxona va tashkilotlarda mansabdorlik va moddiy javobgarlik lavozimlarida ishlash huquqidan ham mahrum qilingan.
Toshkent viloyatining Qibray tumanidagi «Do‘rmon» qo‘rg‘onida Abdulla Oripov uy-muzeyining ochilishiga bag‘ishlangan tantanali marosim bo‘lib o‘tdi.
Tantanali marosimda O‘zbekiston Respublikasi Prezidenti maslahatchisi Ruslanbek Davletov hamda O‘zbekiston Respublikasi Bosh vaziri o‘rinbosari – Oila va xotin-qizlar qo‘mitasi raisi Zulayho Mahkamova ishtirok etdi.
Abdulla Oripov – o‘zbek xalqining ardoqli farzandi, atoqli shoiri, ozod O‘zbekiston madhiyasi matnining muallifi. Sobiq ittifoqning bir yoqlama mafkurasi qilichi ziyolilarimizning qutlug‘ qoni bilan bo‘yalgan va bu qon hali qurib ulgurmagan, ijodkorlarimiz boshi uzra qatag‘on siyosati ko‘lankasi solib turgan tahlikali davrda «O‘zbekiston – Vatanim manim!» deya o‘z yurtini baralla tarannum etish uchun hamma ham o‘zida jur’at topmagan. Mana shunday jasur qalam ahli eslanganida, shubhasiz, Abdulla Oripov nomi birinchilar qatorida zikr qilinadi. Qolaversa, millionlab qalblarni o‘zining lirik nazmiy asarlari orqali ezgulik va mehr-oqibat, pokiza ishq va vatanparvarlik tuyg‘usi bilan to‘ldirgan ham Abdulla Oripov edi.
Do‘rmon ijod uyiga tutash hovlida Abdulla Oripov 1996-2016 yillarda yashab, ijod qilgan. Joriy yil qahramon shoirimiz tavalludiga 85 yil to‘ldi…
— Bu uy-muzeyini tashkil etishda davlatimiz rahbarining tashabbusiga minnatdorlik bildirgan holda katta bunyodkorlik va o‘zgarishlarga beminnat ko‘mak bergan atoqli shoirimiz oilasi, jumladan, Hanifa aya Mustafoyevaga minnatdorlik bildiramiz, — dedi Toshkent viloyati hokimi, senator Zoyir Mirzayev tantanali tadbirda. — Chunki o‘z e’tibor berilmaganida, bugun bu yangi uy-muzeyining, pirovardida, kelajak avlodning madaniy mulkiga aylangan noyob eksponatlar, tarixiy qo‘lyozma va suratlar ko‘z qorachig‘idek asrab-avaylanmaganida, ularning yo‘q bo‘lib ketish ehtimoli ham yo‘q emasdi.
Tadbirda davlat va jamoat arboblari, shoir va yozuvchilar, xususan, Abdulla Oripovning shogirdlari so‘zga chiqdi, xalqimizning yangi madaniyat dargohi bilan samimiy tabrikladi.
Toshkent viloyatida ochilgan ushbu maskan Abdulla Oripovning betakror ijodiy merosini keng targ‘ib etish, ayniqsa, yoshlar qalbida Vatanga sadoqat, milliy g‘ururni mustahkamlash, avlodlarni yuksak insoniy fazilatlar ruhida tarbiyalashga xizmat qiladi.
Butun musulmon ummati uchun muqaddas bo‘lgan, ruhiy poklik, mustahkam imon, mehr-oqibat, rahm-shafqat, birodarlik va birdamlik kabi yuksak qadriyatlarni o‘zida mujassam etgan Ramazon oyi hamda muborak Iyd al-Fitr bayrami munosabati bilan O‘zbekiston Respublikasi Prezidenti Shavkat Mirziyoyev nomiga xorijiy davlatlar va hukumatlar, yirik xalqaro va mintaqaviy tashkilotlar rahbarlari, taniqli din va jamoat arboblaridan samimiy qutlovlar kelmoqda.
Tabriknomalarda ko‘p millatli O‘zbekiston xalqiga tinchlik, totuvlik, farovonlik va ravnaq tilaklari izhor etilib, mamlakatimiz bilan do‘stona munosabatlar va o‘zaro manfaatli sheriklikni yanada mustahkamlash va kengaytirishga intilish qat’iy ekani bildirilgan.
Xususan, quyidagilar o‘z tabriklarini yo‘llagan:
Saudiya Arabistoni Podshohi Salmon bin Abdulaziz Ol Saud;
Saudiya Arabistoni Valiahdi, Vazirlar Mahkamasi Raisi Muhammad bin Salmon bin Abdulaziz Ol Saud;
Turkiya Respublikasi Prezidenti Rejep Tayyip Erdog‘an;
Qozog‘iston Respublikasi Prezidenti Qasim-Jomart Toqayev;
Qirg‘iz Respublikasi Prezidenti Sadir Japarov;
Tojikiston Respublikasi Prezidenti Emomali Rahmon;
Turkmaniston Prezidenti Serdar Berdimuhamedov;
Ozarbayjon Respublikasi Prezidenti Ilhom Aliyev;
Qozog‘iston Respublikasining birinchi Prezidenti Nursulton Nazarboyev;
Birlashgan Arab Amirliklari Prezidenti Shayx Muhammad bin Zoid Ol Nahayon;
Birlashgan Arab Amirliklari Vitse-prezidenti, Bosh vaziri, Dubay amirligi hokimi Shayx Muhammad bin Roshid Ol Maktum;
Birlashgan Arab Amirliklari Vitse-prezidenti Shayx Mansur bin Zoid Ol Nahayon;
Misr Arab Respublikasi Prezidenti Abdulfattoh as-Sisi;
Eron Islom Respublikasi Prezidenti Mas’ud Pezeshkiyon;
Pokiston Islom Respublikasi Prezidenti Asif Ali Zardoriy;
Pokiston Islom Respublikasi Bosh vaziri Shahboz Sharif;
Kuvayt Davlati Amiri Shayx Mish’al al-Ahmad al-Jobir as-Saboh;
Kuvayt Davlati Valiahdi Shayx Saboh al-Holid al-Hamad as-Saboh;
Iordaniya Hoshimiylar Podshohligi Podshohi Abdulla II;
Hindiston Respublikasi Bosh vaziri Narendra Modi;
O‘mon Sultoni Haysam bin Toriq Ol Said;
Bahrayn Podshohi Shayx Hamad bin Iso al-Xalifa;
Jazoir Xalq Demokratik Respublikasi Prezidenti Abdulmajid Tabbun;
Falastin Davlati Prezidenti Mahmud Abbos;
Liviya Davlati Prezident kengashi rahbari Muhammad Yunus al-Manfi;
Afg‘oniston Bosh vaziri Mulla Muhammad Hasan Oxund;
Komor orollari Ittifoqi Prezidenti G‘azaliy Usmoniy;
Isroil Davlati Prezidenti Itsxak Gersog;
Birlashgan Millatlar Tashkilotining Ta’lim, fan va madaniyat masalalari bo‘yicha tashkiloti (UNESCO) bosh direktori Holid al-Ananiy;
Shanxay hamkorlik tashkiloti bosh kotibi Nurlan Yermekbayev;
Shanxay hamkorlik tashkiloti Mintaqaviy aksilterror tuzilmasi Ijroiya qo‘mitasi direktori Ularbek Sharsheyev;
Turkiy davlatlar tashkiloti bosh kotibi Kubanichbek Omuraliyev;
Turkiy davlatlar tashkiloti Oqsoqollar kengashi raisi Binali Yildirim;
Islom hamkorlik tashkiloti bosh kotibi Husayn Ibrohim Toha;
Ta’lim, fan va madaniyat masalalari bo‘yicha islom tashkiloti (ICESCO) bosh direktori Salim al-Malik;
Iqtisodiy hamkorlik tashkiloti bosh kotibiAsad Xon;
Ko‘rfaz arab davlatlari hamkorlik kengashi bosh kotibi Jasim Muhammad al-Budayviy;
Kavkaz musulmonlari idorasi raisi Shayxulislom Ollohshukur Poshozoda,
Al-Azhar majmuasi rahbari Ahmad at-Toyib.
Tabriklar kelishda davom etmoqda.
O‘zbekiston Respublikasi Prezidentining 2026 yil 29 yanvar kuni Turkiyaga rasmiy tashrifi doirasida Hatay viloyatining Arsuz tumanida «O‘zbekiston» turar-joy majmuasining ochilish marosimi o‘tkazilgan edi. Tashrif davomida Hatay aholisi vakillari Navro‘z bayramida O‘zbekistonga taklif etilib, Andijon-Samarqand-Buxoro-Xiva yo‘nalishi bo‘ylab sayohat tashkil etish taklifi bildirilgandi.
Joriy yilning 20 mart kuni Turkiyaning Hatay viloyati va tumani xokimlari boshchiligida jami 170 ga yaqin kishi Andijon xalqaro aeroportida O‘zbekiston Respublikasi Turizm qo‘mitasi raisi o‘rinbosari S.Tadjiyev hamda Andijon viloyati hokimi o‘rinbosari I.Ismanov tomonidan tantanali kutib olindi.
Tashrif dasturi doirasida mehmonlar Andijon shahrida hududning madaniyati, tarixi, va urf-odatlari bilan yaqindan tanishish maqsadida «Bog‘i Bobur» madaniyat va istirohat bog‘i va «Registon» maydoniga tashriflari rejalashtirilgan.
Tashrif doirasida Turkiyaning Hatay viloyati delegatsiyasi, shuningdek, Samarqand, Buxoro va Xorazm viloyatlariga tarif buyuradilar.
Bugun kunduzi yog‘ingarchilik kutilmaydi, faqat Surxondaryo viloyatida kunning ikkinchi yarmida ba’zi joylarda yomg‘ir yog‘adi. Ba’zi joylarga tuman tushishi mumkin. Shamol 7–12 m/s tezlikda esadi, shimolda va cho‘l hududlarda ba’zi joylarda 13–18 m/s gacha kuchayishi mumkin. Harorat 15–20° iliq bo‘ladi.
Poytaxtimizda yog‘ingarchilik kutilmaydi. Shamol 3–8 m/s tezlikda esadi. Harorat 18–20° iliq bo‘ladi.
Tog‘ oldi va tog‘li hududlarda ba’zi joylarda yog‘ingarchilik (yomg‘ir, qor) bo‘ladi, tuman tushishi mumkin. Shamol 7–12 m/s tezlikda esadi. Harorat 5–10° iliq bo‘ladi.
Toshkent shahrining Chilonzor tumanida Navro‘z bayrami munosabati bilan o‘tkaziladigan tadbirlar sabab Al-Xorazmiy ko‘chasining bir qismi vaqtincha transport harakati uchun yopiladi.
Foto: Toshkent shahar hokimligi
Ma’lum qilinishicha, Chilonzor tumanidagi 24/7 Al-Xorazmiy yangi sayr va gastro turizm ko‘chasida Navro‘z umumxalq bayrami munosabati bilan “Xalq sayli” tadbiri tashkil etilmoqda.
Shu munosabat bilan Al-Xorazmiy aylanma yo‘li qismidan 2-Qatortol ko‘chasigacha bo‘lgan hudud 20 mart kuni soat 15:00 dan 21 mart kuni soat 24:00 gacha transport harakati uchun vaqtincha yopiladi.
Mutasaddilar haydovchilar va yo‘lovchilardan harakat yo‘nalishlarini oldindan rejalashtirishni hamda muqobil yo‘llardan foydalanishni so‘ramoqda.
Vaqtinchalik noqulayliklar uchun uzr so‘ralgan.
O‘zbekistonda moliyaviy xizmatlar hajmi 20 foizga oshdi
58 ovozdan 13 ming 386 ovozgacha. «Tashabbusli budjet» g‘oliblari e’lon qilindi
Venchur va xususiy investitsiya fondlari uchun huquqiy asos yaratiladi
-
Dunyodan2 days ago
Eron Hormuz boʻgʻozi orqali cheklangan oʻtishga ruxsat beradi
-
Jamiyat2 days ago
Tadbirkor boshpanasiz bo‘lgan 5 ta oilani uy-joy bilan ta’minladi
-
Siyosat2 days agoSoʻnggi savdo maʼlumotlariga koʻra, Oʻzbekiston temir yoʻllari importi eksportdan 2,5 barobar koʻp
-
Iqtisodiyot3 days agopayme Tez QR orqali to‘lovni 3% keshbek bilan ishga tushirmoqda
-
Jamiyat4 days ago
Ichki ishlar xodimlarining qo‘pol muomalasi va tergov sifatidan norozilik ko‘paygan – Prezident
-
Iqtisodiyot5 days ago«Yomg‘ir va qorda ham foydalanishga tayyor bo‘ladi» – Toshkent-Andijon pulli yo‘li haqida nimalar ma’lum?
-
Iqtisodiyot4 days ago“Markaziy Osiyo umumiy investitsiya makonini yaratishi zarur” – Alisher Umirdinov
-
Iqtisodiyot4 days agoMetandan go‘shtgacha. Narxi keskin oshgan mahsulot va xizmatlar