Jamiyat
Pokiston bilan radiatsiya va yadro xavfsizligi bo‘yicha bitim imzolandi
Oliy darajadagi Strategik hamkorlik kengashining birinchi yig‘ilishidan so‘ng O‘zbekiston Respublikasi Prezidenti Shavkat Mirziyoyev va Pokiston Islom Respublikasi Bosh vaziri Shahboz Sharif Qo‘shma deklaratsiyani imzoladilar.
Bundan tashqari, yetakchilar huzurida quyidagi ikki tomonlama hujjatlarni almashish marosimi bo‘lib o‘tdi:
– Tashqi ishlar vazirliklari o‘rtasida 2026-2028 yillarga mo‘ljallangan hamkorlik dasturi;
– O‘zbekiston – Pokiston Ishbilarmonlik kengashini tashkil etish to‘g‘risida bitim;
– O‘zbekiston – Pokiston hududlararo forumini tashkil etish to‘g‘risida shartnoma;
– Imtiyozli savdo to‘g‘risidagi bitimga yangi tovarlar ro‘yxatini kiritish haqida bayonnoma;
– Port xizmatlari va chegirmalar taqdim etish sohasidagi hamkorlik to‘g‘risida bitim;
– Konchilik va geologiya sohasidagi hamkorlik to‘g‘risida bitim;
– Qishloq xo‘jaligi sohasidagi hamkorlik to‘g‘risida bitim;
– Qishloq xo‘jaligi tadqiqotlari va rivojlanish sohasidagi hamkorlik to‘g‘risida bitim;
– Farmatsevtika mahsulotlarini nazorat qilish sohasidagi hamkorlik to‘g‘risida bitim;
– To‘qimachilik va tikuvchilik sanoatida hamkorlik to‘g‘risida bitim;
– Raqamli va axborot texnologiyalari sohasidagi hamkorlik to‘g‘risida bitim;
– Madaniyat sohasidagi hamkorlik to‘g‘risida bitim;
– Buyuk Boburiylar sulolasining ilmiy-ma’rifiy, madaniy va me’moriy merosini asrash, o‘rganish hamda keng targ‘ib qilish to‘g‘risida bitim;
— Sport sohasidagi hamkorlik to‘g‘risida bitim;
– Radiatsiya va yadro xavfsizligi sohasidagi hamkorlik to‘g‘risida bitim;
– Ekologiya va tabiiy ofatlar sohasidagi hamkorlik to‘g‘risida bitim;
– Favqulodda vaziyatlarni boshqarish sohasidagi hamkorlik to‘g‘risida shartnoma;
– Korrupsiyaga qarshi kurashish sohasidagi hamkorlik to‘g‘risida bitim;
– Giyohvandlik vositalari, psixotrop va yangi psixoaktiv moddalar va ularning prekursorlarining noqonuniy aylanishiga qarshi kurashish sohasidagi hamkorlik to‘g‘risida bitim;
– Ozodlikdan mahrum etilgan shaxslarni jazoni o‘tashni davom ettirish uchun topshirish to‘g‘risidagi kelishuv;
– O‘zbekistondan Pokistonga iste’mol qilish uchun yangi uzilgan olma, anjir, limon va achchiq qalampir eksporti uchun fitosanitariya talablari to‘g‘risida bayonnoma;
– ikki mamlakat mudofaa vazirliklari o‘rtasida “yo‘l xaritasi”.
Shuningdek, O‘zbekiston – Pokiston ekspertlar kengashini tashkil etish, O‘zbekiston Iqtisodiyot va moliya vazirligi bilan Pokiston Sanoat va ishlab chiqarish vazirligi huzuridagi Kichik va o‘rta biznesni rivojlantirish boshqarmasi, Termiz shahri hokimligi va Peshovar shahri ma’muriyati, Samarqand shahri hokimligi va Islomobod shahri ma’muriyati, O‘zbekiston Respublikasi Prezidenti huzuridagi Strategik va mintaqalararo tadqiqotlar instituti va Islomobod strategik tadqiqotlar instituti, Toshkent davlat sharqshunoslik universiteti va Peshovar universiteti o‘rtasida hamkorlik to‘g‘risida bitimlar imzolandi.
Texnikum o‘qituvchilari va xodimlariga 200 foizgacha ustama to‘lanadi. Hukumatning 2026-yil 11-fevraldagi VMQ-51-son qarori bilan xalqaro ta’lim dasturlari joriy etilgan texnikumlar xodimlarining mehnatiga haq to‘lashning yangi tartibi tasdiqlandi.
Qarorga muvofiq quyidagi yangiliklar joriy etildi.
100 foizlik ustama:
Xalqaro ta’lim dasturlariga jalb qilingan direktorlar, bosh buxgalterlar, o‘qituvchilar va ishlab chiqarish ta’limi ustalariga har oylik majburiy 100 foizlik ustama belgilandi.
Rag‘batlantirish jamg‘armasi:
Texnikumlarda mehnatga haq to‘lash jamg‘armasining 50 foizi miqdorida maxsus rag‘batlantirish jamg‘armasi tashkil etiladi.
Natijaga qarab mukofot:
Yuqori reyting ko‘rsatkichlariga ega bo‘lgan pedagog xodimlarga bazaviy stavkasiga nisbatan 200 foizgacha qo‘shimcha rag‘batlantirish to‘lanadi.
Texnikumlarda xalqaro ta’lim dasturlarini o‘qitishga jalb etilgan o‘qituvchilar va ishlab chiqarish ta’limi ustalariga rag‘batlantirish miqdorini belgilash bo‘yicha texnikumda doimiy faoliyat yurituvchi ishchi guruh tuziladi.
Ishchi guruhlarning qarori ochiq ovoz berish orqali ishchi guruhlar yig‘ilishlarida ishtirok etayotgan a’zolarning ko‘pchilik ovozi bilan qabul qilinadi va ishchi guruhlar rahbarlari tomonidan tasdiqlangan bayonnomalar bilan rasmiylashtiriladi.
«Novza» metrosi yaqinidagi savdo majmuasida yong‘in kuzatildi.Bu haqda poytaxt IIBB xabar berdi.
Toshkent shahar «Novza» metro yaqinidagi savdo majmuasining tom qismida yong‘in sodir bo‘lganligi to‘g‘risida poytaxt FVBga xabar qilingan.
Shunga ko‘ra, qutqaruv bo‘linmalari voqea joyiga yetib borib, binodan barcha fuqarolar evakuatsiya qilingan va yong‘in soat 18:19 da o‘chirilgan. Hodisa sabab jarohatlanganlar yo‘q.
Eslatib o‘tamiz, 31 yanvar kuni «Aviator» majmuasida ham yong‘in sodir bo‘lgandi.
Toshkent shahar hududiy elektr tarmoqlari korxonalarida 16 nafar rahbar lavozimiga loyiq, 22 nafari qayta attestatsiya sharti bilan loyiq, 17 nafari esa lavozimiga noloyiq deb topildi.
Energetika vazirligi hamda mutasaddi idora va tashkilotlar ishtirokida «Hududiy elektr tarmoqlari» aksiyadorlik jamiyati tarkibiga kiruvchi «Toshkent shahar elektr tarmoqlari» MChJ hamda «Energosavdo» filialining Toshkent shahri hamda uning tuman bo‘linmalari rahbar xodimlari attestatsiyadan o‘tkazildi.
Mazkur attestatsiya rahbar kadrlarning kasbiy malakasi va amaliy ko‘nikmalarini baholash, shuningdek, ularning egallab turgan lavozimiga muvofiqligini aniqlash maqsadida tashkil etildi.
Attestatsiya jarayonlari, ochiqlik va shaffoflik tamoyillari asosida o‘tkazilib, 55 nafar rahbar xodimning kasbiy bilimi, shaxsiy va kasbiy kompetensiyasi, boshqaruv qobiliyati, strategik fikrlashi, umumiy dunyoqarashi hamda qonunchilik va sohaga oid me’yoriy hujjatlarni bilish darajasi atroflicha baholandi.
Ma’lumot uchun: 2025 yilda Energetika vazirligi va Yoqilg‘i-energetika sohasi kadrlarini qayta tayyorlash va ularning malakasini oshirish markazi hamkorligida Toshkent shahar elektr tarmoqlari korxonalarining rahbar, o‘rinbosar hamda bosh muhandislari uchun malaka oshirish o‘quv-kurslari tashkil etilgan.
Natijaga ko‘ra, 16 nafar rahbar xodim (29 foiz) lavozimiga loyiq deb topildi, 22 nafari (40 foiz) 6 oydan so‘ng qayta attestatsiyadan o‘tish sharti bilan lavozimiga loyiq deb hisoblandi. Shuningdek, 17 nafar rahbar xodim (31 foiz) egallab turgan lavozimiga noloyiq deb topilib, ularning o‘rniga yuqori salohiyatga, yetarli bilim va zamonaviy boshqaruv qobiliyatiga ega bo‘lgan eng munosib kadrlarni tanlab olish bo‘yicha tegishli chora-tadbirlar belgilandi.
Attestatsiya komissiyasi takliflariga asosan, rahbar xodimlar malakasini oshirish uchun asosiy yo‘nalishlar qayta ko‘rib chiqildi. Jumladan, soha uchun kadrlar tayyorlash va ularning malakasini oshirish tizimini tubdan takomillashtirish, istiqbolli kadrlar zaxirasini shakllantirish, shuningdek, har bir rahbar nomzod uchun alohida shaxsiy rivojlanish rejalarini ishlab chiqish asosiy vazifalar sifatida belgilandi.
Mazkur chora-tadbirlar elektr ta’minoti sohasida samarali boshqaruvni ta’minlash, xizmat sifati va ishonchliligini oshirishga xizmat qiladi.
Yuk ko‘tarish qurilmalarini texnik ko‘rikdan o‘tkazish tartibi belgilandi.
Hukumat qarori (53-son, 11.02.2026-y.) bilan «Yuk ko‘tarish qurilmalarini texnik ko‘rikdan o‘tkazish tartibi to‘g‘risida»gi nizom tasdiqlandi.
Ushbu Nizom yuk ko‘tarish qurilmalarini texnik ko‘rikdan o‘tkazish tartibini belgilaydi.
Vazirlar Mahkamasi huzuridagi Sanoat, radiatsiya va yadro xavfsizligi qo‘mitasi mazkur sohada vakolatli davlat organi etib belgilandi.
Nizomga ko‘ra, yangi o‘rnatilgan, modernizatsiya (rekonstruksiya) qilingan yoki mukammal ta’mirlangan yuk ko‘tarish qurilmalari foydalanishga topshirilgunga qadar to‘liq texnik ko‘rikdan o‘tkazilishi shart.
Foydalanishda bo‘lgan yuk ko‘tarish qurilmalari 1 yilda kamida 1 marta qisman texnik ko‘rikdan va 3 yilda 1 marta to‘liq texnik ko‘rikdan o‘tkazilishi kerak.
Yuk ko‘tarish qurilmalarining texnik ko‘rigi mulkdorning yozma yoki elektron tarzdagi murojaatiga asosan, ixtisoslashgan tashkilot tomonidan o‘tkaziladi.
Yuk ko‘tarish qurilmalari dastlabki, davriy va navbatdan tashqari texnik ko‘rikdan o‘tkaziladi.
Texnik ko‘riklar mulkdorning yozma yoki elektron tarzdagi murojaati asosida ixtisoslashgan tashkilot tomonidan mulkdor bilan tuzilgan shartnomaga muvofiq o‘tkaziladi.
O‘zbekistonda xorijda mehnat qilayotgan migrantlar uchun yangi media-loyiha — «Musofir Show» Kapital-shousi start oldi. Loyiha xorijda yashab ishlayotgan odamlarning haqiqiy hayotiy hikoyalarini jamlaydi hamda ularga ko‘mak olish va o‘z hayotini o‘zgartirish imkoniyatini taqdim etadi.
So‘nggi yillarda mehnat muhojirligi minglab o‘zbek oilalari hayotining ajralmas qismiga aylandi. Kimdir bir necha oyga ketadi, kimdir esa yillab xorijda qoladi. O‘zbekistonda yo‘lga qo‘yilgan mazkur loyiha aynan shu insonlarga — vatanidan uzoqda yashab mehnat qilayotganlarga bag‘ishlangan.
Loyiha nimasi bilan qiziqish uyg‘otmoqda?
Shouning asosiy farqli jihati — uning ochiq va qulay ekanligida. Tarixda birinchi bor ushbu loyihada dunyoning istalgan mamlakatida turib, onlayn ishtirok etish yoki kuzatib borish mumkin. Bundan tashqari, loyiha mehnat muhojirligi haqida stereotiplarsiz, O‘zbekistondagi ko‘plab oilalar uchun xos bo‘lgan insoniy hikoyalar yordamida so‘zlaydi.
Shou turli mamlakatlarda yashab ishlayotgan bo‘lsada, uyi va oilasi bilan turli rishtalar orqali bog‘langan insonlarni o‘z saflarida birlashtiradi. Ishtirokchilar o‘z tajribalari bilan o‘rtoqlashadi, xorijdagi hayot haqida so‘zlab beradi va eng muhimi tegishli yordam hamda hayotiy shart-sharoitlarini ijobiy tomonga o‘zgartirish imkoniyatini qo‘lga kiritadi.
Loyiha qanday qiyofaga ega?
Shou formati mehnat muhojirlarining haqiqiy hayotiy hikoyalariga — ularning xorijdagi yo‘li, moslashishdagi qiyinchiliklari, hayotiy sinovlari va shaxsiy yutuqlariga asoslanadi.
Tashkilotchilar bergan ma’lumotga ko‘ra, mamlakat tashqarisida mehnat qilayotgan muhojirlar yoki ularning oila a’zolari shou ishtirokchisiga aylanishi mumkin.
Loyiha ishtirokchilarga amaliy ko‘mak berishni, shuningdek, qimmatbaho sovg‘alar — pul mablag‘lari, maishiy texnika va avtomobil yutuqlarini nazarda tutgan.
Loyiha nima beradi?
Loyiha yaratuvchilari quyidagi asosiy maqsadlarni o‘z oldilariga qo‘yishgan:
— oilalarni birlashtiruvchi noyob format yaratish;
— hayotiy hikoyalar ijobiy o‘zgarishlar uchun asosga aylanadigan maydonni shakllantirish;
— ko‘ngilochar format va sovg‘alar yutish imkoniyatini hayotga tatbiq etish.
Loyihaning ahamiyatli jihati nimada?
Kuzatuvchilar fikricha, bunday shouning yo‘lga qo‘yilishi – mehnat muhojirlarining hayotiy hikoyalari va haqiqiy tajribasiga bo‘lgan e’tiborni ifoda qiladi.
Ularning ko‘pchiligi uchun bu loyiha ekrandagi oddiy tomosha emas, balki yillar davomida kutilgan imkoniyatga aylanishi mumkin.
Qanday qilib batafsil ma’lumot olish va ishtirok etish mumkin?
Loyihada ishtirok etish yoki tanish insonni qo‘llab-quvvatlash tartibi haqida Kapital-shouning quyidagi rasmiy manbalari orqali ma’lumot mumkin:
sayt: www.musofir.asia
telegram-bot: t.me/musofir_shou_bot
telegram-kanal: t.me/musofir_shou
instagram: instagram.com/musofir_shou
YouTube: www.youtube.com/@Musofir_Shou
TikTok: tiktok.com/@musofir_shou
operator: +998 88 785 1797
Zelenskiy urush yaqin bir necha oy ichida tugashi mumkinligini aytdi.
Texnikum o‘qituvchilari 200 foizgacha ustama olishi mumkin
«Real» UYeFA bilan Superliga bo‘yicha «futbol manfaati uchun» kelishuvga erishdi
-
Dunyodan4 days agoInternetda xitoyliklar bilan bog’liq 8,7 milliard yozuv tarqaldi
-
Jamiyat3 days agoAjabtovur psixologiya: yaxshiga rostdan ham kun yo‘qmi?
-
Sport4 days agoHumoyun Sultonov Nigeriyada Devis kubogida g‘alaba qozondi
-
Dunyodan2 days agoDubayda rossiyalik generalga suiqasd uyushtirgan shaxs hibsga olindi
-
Jamiyat3 days agoNyu Yorkda 11 yoshli o‘zbekistonlik maktab avtobusi urib yuborishi oqibatida halok bo‘ldi
-
Iqtisodiyot2 days agoUsta dehqonlarga 75 mln so‘mgacha subsidiya beriladi
-
Siyosat4 days agoSaida Mirziyoyeva AQSh maxsus vakili bilan uchrashdi
-
Iqtisodiyot3 days agoDavlat xaridlarida elektron-skoring tizimi joriy etiladi