Jamiyat
O‘zbekneftgaz “Dolzarb 100 kunlik” doirasida qanday natijalarga erishdi?
Tashkilot matbuot xizmatining ochiqlashicha, iqtisod qilingan mablag‘lar birinchi navbatda geologiya qidiruv ishlari, 3D seysmika, yangi istiqbolli maydonlarni aniqlash, izlov-qidiruv va ishlatish quduqlarini burg‘ilashga yo‘naltirilmoqda. Ta’kidlanishicha, bu yil kompaniya tarixidagi eng katta burg‘ilash hajmi rejalashtirilgan – 103 ta quduq. Shuningdek, respublika bo‘ylab 6500 kv.km hududda 3D seysmik qidiruv ishlari o‘tkazilishi belgilangan.
“O‘zbekneftgaz” AJ matbuot xizmati tashkilotda boshlangan “Dolzarb 100 kunlik” dasturining dastlabki 50 kunligida erishilgan natijalarga bag‘ishlangan brifing o‘tkazdi. Unda geologiya-qidiruv ishlari, burg‘ilash, ishlab chiqarish hamda iqtisodiy-ijtimoiy yo‘nalishlardagi so‘nggi ko‘rsatkichlar ochiqlandi.
Qayd etilishicha, “Dolzarb 100 kunlik” doirasida jamiyatni moliyaviy sog‘lomlashtirish, xarajatlarni maqbullashtirish orqali samaradorlikka erishish kabi vazifalarga asosiy e’tibor qaratilgan. Mablag‘lar birinchi navbatda geologiya qidiruv ishlari, texnik tadbirlar, qazib chiqarish hamda qayta ishlashga yo‘naltirilgan.
“Sarf-xarajatlarni qisqartirish natijasida dastlabki ikki oyda qo‘shimcha 1,1 trln so‘m samaraga erishildi. Xususan, o‘tgan qisqa davr mobaynida neft va gaz qazib chiqarish, uglevodorodlar zaxirasini oshirishda ustuvor hisoblangan geologiya qidiruv, 3D seysmika natijalari asosida yangi istiqbolli maydonlarni aniqlash hamda izlov-qidiruv quduqlarini burg‘ilash ishlari amalga oshirildi. Respublikadagi kon va maydonlarning chuqur geologik tuzilishini o‘rganish hamda izlov burg‘ilashga yangi strukturalar aniqlash maqsadida jami 6500 kv.km hajmda 3D seysmik qidiruv ishlari o‘tkazilishi belgilandi. Bu o‘tgan yilga nisbatan 2,5 baravar ko‘p”, – deydi tashkilot matbuot kotibi Mo‘min Ibodov.
Mas’ulga ko‘ra, bu yil “O‘zbekneftgaz” tarixidagi eng katta hajmda burg‘ilash ishlari amalga oshiriladi. Jumladan, 103 ta quduq: 58 ta izlov-qidiruv qudug‘i, 45 ta ishlatish qudug‘ini burg‘ilash reja qilingan.
“Geologiya qidiruv ishlarini jadallashtirish, yer qa’rini geologik jihatdan o‘rganish maqsadida 20 ta investitsiya bloki uchun ruxsatnomalar olindi. Geologiya-qidiruv asbob-uskuna parkini modernizatsiya qilish hamda ularga zamonaviy uskunalarni jalb etish maqsadida 12 ta burg‘ilash dastgohi, 2 ta 3D seysmik majmua va 100 dan ortiq karotaj asbobini xarid qilish yuzasidan xorijiy hamkorlar bilan muzokaralar olib borildi”, – deydi Mo‘min Ibodov.
Jamiyatda tovar-moddiy resurslar narxlarini maqbullashtirish, yuqori foizli kreditlar bo‘yicha stavkalarni pasaytirish, qo‘riqlash tizimini raqamlashtirish orqali xarajatlarni kamaytirish bo‘yicha ham ishlar amalga oshirilgan. Debitor qarzdorliklarni undirish, ishlab chiqaruvchilar bilan to‘g‘ridan-to‘g‘ri muzokaralar natijasida tovar-moddiy resurslar va xizmatlar narxlarini pasaytirish orqali 766 mlrd so‘m iqtisod qilingan. Bu ko‘rsatkich yil yakuniga qadar 2,5 trln so‘mga yetishi kutilmoqda.
Bundan tashqari, sohaga oid bo‘lmagan aktivlarni tasarrufdan chiqarish orqali saqlash xarajatlari dastlabki ikki oyda 3 mlrd so‘mga qisqartirilgan, yil oxirigacha qo‘shimcha 33 mlrd so‘m iqtisod qilish rejalashtirilgan. Qurilish va burg‘ilash loyihalari qiymatini optimallashtirish hisobiga esa yil boshidan 154 mlrd so‘m tejalgan va yil yakunida mazkur ko‘rsatkich 1,7 trln so‘mga yetishi prognoz qilinmoqda.
Kon va obektlarda mavjud ishchilar shaharchasidagi yotoqxona, hojatxona, yuvinish va oshxonalarning bosqichma-bosqich kapital ta’mirlanishi, gigiyenik anjomlarni yangilash hamda zarur maishiy jihozlarni xarid qilish va kir yuvish xonalarini tashkillashtirishga ham mablag‘lar yo‘naltiriladi.
“Markaziy apparatda xodimlar funksiyalarini qayta taqsimlash, takrorlanayotgan vazifalarni birlashtirish orqali xodimlar soni 875 nafardan 610 nafar (29 foiz)ga optimallashtirildi. Qo‘riqlash xizmatining raqamlashtirilishi va laboratoriyalarning yangicha tizimda ishlashi natijasida 700 ga yaqin yangi ish o‘rni yaratilishi belgilandi. Xususan, xodimlarning oylik maoshlarini oshirish, issiq ovqat, mavsumiy oyoq kiyim bilan ta’minlash, talabga javob bermaydigan eski avtobuslar o‘rniga xavfsiz va qulay bo‘lgan zamonaviy avtobuslar sotib olish, 200 o‘rinli yotoqxona, 160 o‘rinli oshxona va konferens zali qurilishi uchun 280 mlrd so‘m mablag‘ ajratiladi”, – deydi tashkilot matbuot kotibi.
Brifingda aytilishicha, dasturning yana bir asosiy maqsadi tabiiy gaz va neft mahsulotlari ishlab chiqarish hajmini oshirishdan iborat. Xususan, joriy yilning o‘tgan davrida jamiyat tomonidan:
tozalangan tabiiy gaz 2,276 mlrd m³ (rejaga nisbatan 109,4%),
gaz kondensati 78,2 ming tonna (rejaga nisbatan 109,1%),
suyultirilgan gaz 85,7 ming tonna (rejaga nisbatan 108,2%),
oltingugurt 28 ming tonna (rejaga nisbatan 124%),
polietilen mahsuloti 21 ming tonna (rejaga nisbatan 104,2%) ishlab chiqarilgan.
Ijtimoiy soha talabini qondirish maqsadida aholi va xususiy tadbirkorlarga 88,8 ming tonna (rejaga nisbatan 111,6%) suyultirilgan gaz yetkazib berilgan.
“Bugungi kunda “Uzbekistan GTL” MChJ tomonidan sintetik neft mahsulotlarini barqaror ishlab chiqarish ta’minlanmoqda. Ta’kidlash joizki, belgilangan tizimli chora-tadbirlarni amalga oshirish natijasida zavodda o‘tgan yilgi ko‘rsatkichlarga nisbatan 33 ming tonna ko‘p sintetik neft mahsuloti ishlab chiqarilib, o‘sish sur’ati 318 foizni tashkil etdi”, – deydi Mo‘min Ibodov.
“O‘zbekneftgaz” AJ axborot xizmati
Toshkent shahrida yo‘l harakati ishtirokchilari xavfsizligiga tahdid solgan holda avtomashina boshqargan Tesla haydovchisiga nisbatan sud hukmi chiqarildi. Sud qaroriga ko‘ra, u bir yil muddatga transport vositasini boshqarish huquqidan mahrum qilinib, 25 BHM miqdorida jarimaga tortildi.
Toshkent shahrida yo‘l harakati qoidalarini qo‘pol ravishda buzib, boshqa harakat ishtirokchilari hayoti va salomatligiga xavf tug‘dirgan Tesla rusumli avtomashina haydovchisiga nisbatan sud qarori e’lon qilindi.
Ma’lum qilinishicha, sud haydovchining harakatlarini ko‘rib chiqib, uni yo‘l harakati xavfsizligiga tahdid solganlikda aybdor deb topgan.
Sud hukmiga muvofiq, haydovchi bir yil muddatga transport vositasini boshqarish huquqidan mahrum etildi. Shuningdek, unga bazaviy hisoblash miqdorining 25 baravari miqdorida jarima jazosi ham tayinlandi.
Mutasaddilar yo‘l harakati ishtirokchilari hayoti va salomatligiga xavf tug‘diradigan qoidabuzarliklarga nisbatan qonunchilikda belgilangan tartibda qat’iy choralar qo‘llanishini eslatib, haydovchilarni harakat qoidalariga qat’iy rioya qilishga chaqirdi.
«Xavfsiz va sog‘lom yurt» tezkor-profilaktik tadbirlari doirasida DXX, IIV va Bojxona qo‘mitasi xodimlari tomonidan o‘tkazilgan tezkor tadbirlarda Rossiyadan yuborilgan pochta jo‘natmasida yashirilgan hamda mamlakatga kontrabanda yo‘li bilan olib kirilgan jami 1,2 kilodan ortiq gashish moddasi musodara qilinib, ikki nafar shaxs ushlandi.
«Xavfsiz va sog‘lom yurt» tezkor-profilaktik tadbirlari doirasida Davlat xavfsizlik xizmati, Ichki ishlar vazirligi va Bojxona qo‘mitasi xodimlari hamkorligida giyohvandlik vositalarining noqonuniy aylanmasiga qarshi qator tezkor tadbirlar amalga oshirildi.
Xorazm viloyatida o‘tkazilgan tezkor tadbirda Urganch shahrida yashovchi, 1997 yilda tug‘ilgan va muqaddam giyohvandlik vositalari bilan bog‘liq jinoyat uchun sudlangan shaxs Urganch xalqaro aeroportida Rossiyadan yuborilgan pochta jo‘natmasini qabul qilib olgan vaqtida qo‘lga olindi.
Tekshiruv davomida jo‘natma ichidagi turli xil shirinliklar orasiga shokolad qadog‘i ko‘rinishida yashirilgan 538 gramm «gashish» giyohvandlik moddasi borligi aniqlandi.
Yana bir tezkor tadbir Toshkent viloyatining Yuqori Chirchiq tumanida o‘tkazildi. Unda Toshkent shahrida yashovchi 45 yoshli fuqaro narkokurerlar tomonidan mamlakatga kontrabanda yo‘li bilan olib kirilib, xufiyona joyga yashirib qoldirilgan 700 gramm «gashish» moddasini qabul qilib olayotgan vaqtida ushlandi.
Huquqni muhofaza qiluvchi organlar tomonidan har ikki holat yuzasidan jinoyat ishlari qo‘zg‘atilgan. Ayni paytda tergov harakatlari doirasida ushbu jinoyatlarga aloqador boshqa shaxslarni aniqlash bo‘yicha tezkor chora-tadbirlar davom ettirilmoqda.
Mutasaddi idoralar fuqarolarni narkojinoyatlarga aralashmaslikka chaqirib, bu turdagi huquqbuzarliklar uchun javobgarlik choralari qonunchilikka kiritilgan so‘nggi o‘zgartishlar bilan yanada kuchaytirilganini eslatdi.
Interpolning qizil bildirishnomasi asosida xalqaro qidiruvda bo‘lgan O‘zbekiston fuqarosi Polsha bilan hamkorlikda mamlakatga qaytarildi. Qaytarish jarayoni O‘zbekistonning Polshadagi elchixonasi, ikki davlatning tegishli idoralari hamda Interpol milliy markaziy byurosi hamkorligida amalga oshirildi.
Interpol tomonidan xalqaro qidiruvga berilgan O‘zbekiston fuqarosi F.V. Polsha poytaxti Varshava shahridan Toshkentga olib kelindi.
Fuqaroning O‘zbekistonga qaytarilishi mamlakatning Polshadagi elchixonasi tomonidan ko‘rilgan tashkiliy-diplomatik chora-tadbirlar, shuningdek Polsha Adliya vazirligi bilan yo‘lga qo‘yilgan hamkorlik natijasida amalga oshirildi. Qaytarish operatsiyasi O‘zbekiston Ichki ishlar vazirligi huzuridagi Interpol milliy markaziy byurosi tomonidan tashkil etildi.
Ma’lum qilinishicha, 1988 yilda Samarqand viloyatida tug‘ilgan F.V. O‘zbekiston Jinoyat kodeksining 168-moddasi (firibgarlik) bo‘yicha ayblanib, Interpolning qizil bildirishnomasi asosida xalqaro qidiruvga berilgan.
Fuqaro Interpol xodimlari hamrohligida Varshavadan Toshkentga olib kelindi.
O‘zbekistonning Polshadagi elchixonasi ma’lumotiga ko‘ra, mazkur amaliyot xorijdagi O‘zbekiston fuqarolarining huquq va manfaatlarini himoya qilish, huquqni muhofaza qiluvchi organlar o‘rtasidagi xalqaro hamkorlikni mustahkamlash hamda qidiruvdagi shaxslarni vatanga qaytarish bo‘yicha olib borilayotgan tizimli ishlar natijasi hisoblanadi.
Prezident Shavkat Mirziyoyevga yoqilg‘i-energetika sohasidagi murojaatlar tahlili taqdim etildi. Davlat rahbari kuz-qish mavsumiga tayyorgarlik doirasida elektr va gaz ta’minotidagi tizimli muammolarni bartaraf etish, tarmoqlarni ta’mirlash hamda aholini uzluksiz energiya bilan ta’minlash bo‘yicha mas’ullarga topshiriq berdi.
Foto: Prezident matbuot xizmati
Prezident Shavkat Mirziyoyevga 17 iyul kuni yoqilg‘i-energetika sohasida fuqarolar murojaatlarini ko‘rib chiqish hamda ularda ko‘tarilgan muammolarni kuz-qish mavsumiga tayyorgarlik doirasida bartaraf etish yuzasidan axborot berildi.
Qayd qilinishicha, 2026 yilning birinchi yarmida yoqilg‘i-energetika sohasiga oid 40 mingga yaqin murojaat kelib tushgan. Ularning 50 foizi tabiiy va suyultirilgan gaz, 38,3 foizi elektr ta’minoti bilan bog‘liq.
Murojaatlarda asosan suyultirilgan gaz ballonini to‘ldirish, elektr ta’minotidagi uzilishlar, elektr tarmoqlarini qurish va ta’mirlash hamda tabiiy gaz bosimi bilan bog‘liq masalalar ko‘tarilgan.
Kuz-qish mavsumidan oldin takror murojaatlar kelib tushayotgan mahalla va obektlarni xatlovdan o‘tkazish, elektr va gaz tarmoqlarining texnik holatini o‘rganish, aniqlangan kamchiliklarni bartaraf etish bo‘yicha hududlar kesimida manzilli rejalar ishlab chiqish vazifasi qo‘yildi.
Ayniqsa, elektr ta’minotida uzilishlar ko‘p kuzatilayotgan hududlarda tarmoq va transformatorlarni ta’mirlash, avariya brigadalarining shayligini oshirish, tabiiy gaz bosimi bilan bog‘liq muammolar mavjud joylarda ta’minot barqarorligini ta’minlash muhimligi qayd etildi.
Shuningdek, suyultirilgan gaz ballonlarini to‘ldirish va aholiga yetkazib berish grafiklariga qat’iy rioya qilish, ehtiyoj yuqori bo‘lgan hududlarda qo‘shimcha zaxira va imkoniyatlarni safarbar etish zarurligi ko‘rsatib o‘tildi.
Davlat rahbari mutasaddilarga murojaatlarda ko‘tarilgan tizimli muammolarni kuz-qish mavsumi boshlanguniga qadar hal etish bo‘yicha topshiriq berdi.
Yagona interaktiv davlat xizmatlari portali saytini (my.gov.uz) soxtalashtirib, fuqarolarning pulini o‘zlashtirgan jinoiy guruh a’zolari qo‘lga olindi.
Ichki ishlar vazirligi Kiberjinoyatlarga qarshi kurashish departamenti xabariga ko‘ra, ular soxta sayt yaratib, Instagram orqali «kompensatsiya rasmiylashtirish markazi» nomi ostida yolg‘on reklama tarqatgan.
Tergov ma’lumotlariga ko‘ra, jinoiy guruhni 1993 yilda Xorazm viloyatida tug‘ilgan shaxs tashkil etgan. U soxta sayt orqali fuqarolarning karta ma’lumotlarini qo‘lga kiritib, pullarni yechib olgan. Guruh 26 nafar fuqaro nomiga rasmiylashtirilgan 293 ta bank kartasidan foydalangan. O‘g‘irlangan mablag‘lar dastlab ushbu kartalarga o‘tkazilgan, keyin esa Telegram messenjeridagi maxsus kriptobotlar orqali kriptoaktivlarga aylantirilgan.
Tergov davomida mazkur jinoiy guruh respublika bo‘ylab 456 nafar fuqarodan 1 milliard so‘mdan ortiq mablag‘ni o‘zlashtirgani aniqlangan.
Holat yuzasidan Jinoyat kodeksining 168-moddasi (firibgarlik) hamda 278-6-moddasi bilan jinoyat ishi qo‘zg‘atilgan va tergov harakatlari davom etmoqda.
Toshkentda Tesla haydovchisi bir yilga rulga o‘tirish huquqidan mahrum etildi
Rossiyadan yuborilgan posilkadagi gashish fosh etildi
Rustam Jo‘layev Prezident huzuridagi Milliy xavfsizlik agentligi rahbari etib tayinlandi
-
Siyosat5 days ago
Prezident Shavkat Mirziyoyev Qatar amiriga ta’ziya bildirdi
-
Mahalliy5 days ago
O‘zbekistondagi 10 mingdan ortiq maktab «Canva»dan bepul foydalanadi
-
Iqtisodiyot4 days agotadbirkor va davlat organlari o‘rtasida huquqiy bahs yuzaga keldi
-
Iqtisodiyot4 days ago
Andijonda Belarus texnologiyasi asosida qishloq xo‘jaligi texnikalari ishlab chiqariladi
-
Mahalliy4 days ago
Ayrim fransuz tili o‘qituvchilariga umumiy qiymati 1,3 mln yevrolik grant ajratiladi
-
Jamiyat4 days ago
Farg‘onada menejer 1,7 mlrd so‘mlik ko‘mirni o‘zlashtirgani aniqlandi
-
Dunyodan4 days agoMahmud Ahmadinejod atrofidagi sirli o’yin: “Mossad bilan hamkorlik”
-
Dunyodan5 days ago
Anqarada NATO sammiti boshlandi