Iqtisodiyot
O‘zbekistonga mol go‘shti importi qisqara boshladi. Narxlar ham oshgan
Oxirgi 2 oyda O‘zbekistonga mol go‘shti olib kirish 22 foizga kamaydi. 1 kg import mahsulot uchun o‘rtacha narxlar ham 7,4 foizga oshdi. Bunga Rossiyaning bir qator hududlarida qoramollar orasida xavfli infeksiya tarqalishi fonida mahsulot yetkazib berishdagi uzilishlar ta’sir qilayotgan bo‘lishi mumkin. Bundan tashqari, Kobul va rasmiy Islomobod o‘rtasidagi munosabatlar sovuqlashib, qurolli to‘qnashuvlar yuzaga keldi. Ushbu omil ham Pokistondan Afg‘oniston orqali go‘sht kirishini murakkablashtiradi.
O‘zbekistonga mol go‘shtining importi oxirgi oylarda qisqara boshladi. Kun.uz o‘rgangan Bojxona qo‘mitasi ma’lumotlariga ko‘ra, aprel oyida qiymati 57 million dollarlik 11,2 ming tonna mol go‘shti import qilingan. Taqqoslash uchun, bu ko‘rsatkich, mart oyida 12,7 ming tonnani, fevral oyida esa 14,4 ming tonnani tashkil etgandi.
O‘z navbatida narxlar ham qimmatlasha boshlagan. Xususan, o‘tgan oyda 1 kg import mol go‘shtining o‘rtacha bahosi 5,06 dollarni tashkil etgan. Bu ko‘rsatkich martda 4,81 dollar, fevralda 4,71 dollar bo‘lgandi.
Ma’lumot uchun, O‘zbekistonda go‘sht importi uchun bojxona bojining nol stavkasi qo‘llanadi.
Oxirgi oylarda go‘sht importining o‘sishi sekinlashib, narxlar oshganiga bir qancha omillar ta’sir qilayotgan bo‘lishi mumkin. Xususan, Rossiyaning bir qator hududlarda qoramollar orasida xavfli infeksiya tarqaldi. Natijada Qozog‘iston hukumati ushbu mamlakatdan tirik chorva, go‘sht mahsulotlari, shuningdek, issiqlik ishlovi berilmagan ozuqa va yem qo‘shimchalarini olib kirish hamda tranzit qilishni to‘xtatdi. Bundan tashqari, Kobul va rasmiy Islomobod o‘rtasida yuzaga kelgan ziddiyat fonida Pokistondan Afg‘oniston orqali go‘sht kirib kelishida ham muammolar kuzatilayotgan bo‘lishi mumkin.
Statistika qo‘mitasi ma’lumotlariga ko‘ra, aprel oyida suyakli mol go‘shti 3,2 foizga (yillik nisbatda +16,6 foiz), suyaksiz mol go‘shti 3,2 foizga (+17,3 foiz), qo‘y go‘shti 3,7 foizga (+20,3 foiz) qimmatlashgan.
Rasmiy raqamlarga qaraydigan bo‘lsak, suyakli mol go‘shti narxining oshishi oxirgi yillarda quyidagicha bo‘lgan:
2017 yil – 35,9 foiz (umumiy inflatsiya – 14,4 foiz);
2018 yil – 26,9 foiz (umumiy inflatsiya – 14,3 foiz);
2019 yil – 26,6 foiz (umumiy inflatsiya – 15,2 foiz);
2020 yil – 21,1 foiz (umumiy inflatsiya – 11,1 foiz);
2021 yil – 10,4 foiz (umumiy inflatsiya – 9,98 foiz);
2022 yil – 9,8 foiz (umumiy inflatsiya – 12,3 foiz);
2023 yil – 9,3 foiz (umumiy inflatsiya – 8,8 foiz);
2024 yil – 13,3 foiz (umumiy inflatsiya – 9,8 foiz).
O‘zbekiston Respublikasi Prezidenti Shavkat Mirziyoyev 13-may kuni «O‘zbekiston energetika haftaligi – 2026» forumida ishtirok etish uchun mamlakatimizga kelgan Ozarbayjonning «SOCAR» kompaniyasi bosh direktori Ravshan Najaf hamda «British Petroleum» kompaniyasi rahbariyati Ariel Flores va Jovanni Kristofolini qabul qildi.
Uchrashuvda energetika va neft-gaz sohasida yetakchilardan hisoblangan ushbu yirik kompaniyalar bilan o‘zaro manfaatli hamkorlikni kengaytirish masalalari ko‘rib chiqildi.
Energetika sohasidagi kooperatsiya muvaffaqiyatli kechayotgani mamnuniyat bilan qayd etildi. «SOCAR» kompaniyasi Ustyurt platosidagi uglevodorod konlarini o‘zlashtirish loyihasini amalga oshirishda O‘zbekistonning sherigi hisoblanadi. «SOCAR» ning O‘zbekistondagi vakolatxonasini ochish to‘g‘risida qaror qabul qilindi.
Ushbu keng ko‘lamli loyihaga «British Petroleum» kompaniyasi qo‘shilganiga yuksak baho berildi.
Neft-gaz sohasida uglevodorod xomashyosini qidirish, qazib olish va chuqur qayta ishlash, neft va neft mahsulotlarini uzoq muddatli yetkazib berishni yo‘lga qo‘yish hamda tarmoq uchun mutaxassis kadrlar tayyorlash bo‘yicha qo‘shma loyihalarni ilgari surish muhimligi ta’kidlandi.
Bundan tashqari, Ozarbayjon futbol federatsiyalari assotsiatsiyasi raisi sifatida ham faoliyat yuritayotgan Ravshan Najaf davlatimiz rahbariga 2027-yilda O‘zbekiston va Ozarbayjonda yoshlar o‘rtasidagi U-20 jahon chempionatini o‘tkazishga birgalikda tayyorgarlik ko‘rishdagi ko‘magi uchun minnatdorlik bildirdi.
Iqtisodiyot
Yirik investitsiya loyihalarini korrupsiyaga qarshi ekspertizadan o‘tkazish tartibi belgilandi
Adliya vazirligi yirik investitsiya loyihalarini korrupsiyaga qarshi ekspertizadan o‘tkazish va ularning raqobat muhitiga ta’sirini baholash tartibi to‘g‘risidagi yo‘riqnomani davlat ro‘yxatidan o‘tkazdi.
Yirik investitsiya loyihasi moliyaviy resurslar qiymati kamida 50 mln AQSh dollari ekvivalentida jalb etilgan holda amalga oshiriladigan, iqtisodiy va ijtimoiy ahamiyatga ega obyektlar, xizmatlar yoki boshqa infratuzilmani yaratish, kengaytirish yoki modernizatsiya qilishga qaratilgan investitsiya loyihalari hisoblanadi.
Yirik investitsiya loyihasini korrupsiyaga qarshi ekspertizadan o‘tkazish va ularning raqobat muhitiga ta’sirini baholash davlat organlari va tashkilotlarining korrupsiyaga qarshi ichki nazorat tuzilmalari tomonidan amalga oshiriladi.
Yirik investitsiya loyihasining xavf darajasi yuqori bo‘lgan taqdirda loyihaning maqbulligi va amalga oshirish imkoniyati bo‘yicha salbiy xulosa beriladi.
Ekspertiza yoki baholash natijalari bo‘yicha salbiy xulosa berilgan bo‘lsa, ekspertiza va baholash xulosalarida ko‘rsatilgan kamchiliklar bartaraf etilmasdan investitsiya loyihasini ma’qullashga yo‘l qo‘yilmaydi.
2027-yildan boshlab veterinariya sohasida laboratoriya tekshiruvi, hayvonlarni emlash, dezinfeksiya va identifikatsiya qilish kabi 6 ta davlat funksiyasi xususiy sektorga beriladi. Viloyat hokimlariga yil yakunigacha ushbu xizmatlar bo‘yicha kamida 2 tadan xususiy laboratoriya va veterinariya klinikasini tashkil etish topshirildi. Bu haqda prezident ishtirokidagi chorvachilik sohasini qo‘llab-quvvatlash chora-tadbirlari yuzasidan o‘tkazilgan yig‘ilishda ma’lum qilindi.
Qishloq ho‘jaligida har bir mahsulot bo‘yicha onlayn kuzatish tizimi yo‘lga qo‘yiladi. Fermer va dehqonlar uchun «Agro ko‘makchi» mobil ilovasida elektron «Dala daftari» tizimi joriy etiladi. Mazkur tizim orqali sun’iy intellekt zararkunandalar tarqalishini oldindan bashorat qilib, dehqonlarga zarur tavsiyalar beradi.
Faol va halol ishlayotgan fermerlar reytingi yuritilib, ularga qo‘shimcha imtiyozlar beriladi. 2027-yil 1 martgacha oziq-ovqat mahsulotlari xavfsizligi bo‘yicha yagona avtomatlashgan axborot platformasi ishga tushiriladi. U chegaradagi «Yagona darcha» tizimi bilan integratsiya qilinib, eksportchilar ortiqcha byurokratik jarayonlardan ozod etiladi.
Yangi tizim orqali importda nazorat vaqti 9 kundan 2 kunga, eksportda esa 3 kundan 1 kungacha qisqartirilishi belgilandi. Buning hisobiga tadbirkorlarning mahsulotni omborda saqlash xarajatlari 70 milliard so‘mga tejaladi.
Milliy statistika qo‘mitasi ma’lumotlariga ko‘ra, 2026-yilning yanvar–mart oylarida O‘zbekistonga 9 ta xorijiy davlatdan 69 ming tonna banan import qilingan. Import qilingan mahsulotning umumiy qiymati 20,4 mln AQSh dollarini tashkil etgan.
Hisobot davrida banan importi hajmi 2025-yilning mos davriga nisbatan 21,3 ming tonnaga yoki 44,7 foizga oshgani qayd etildi. Bu mamlakatda import mevalarga talab yuqoriligicha qolayotganini ko‘rsatmoqda.
Statistikaga ko‘ra, Ekvador O‘zbekiston bozoriga eng yirik yetkazib beruvchi davlat bo‘lib qolmoqda. 2026-yilning dastlabki uch oyida O‘zbekistonga eng ko‘p banan Ekvadordan import qilingan. Ushbu davlatdan 53,5 ming tonna mahsulot olib kirilgan.
Ikkinchi o‘rinni Xitoy egallagan bo‘lib, bu davlatdan 11,1 ming tonna banan import qilingan. Turkiyadan esa 3,4 ming tonna mahsulot yetkazib berilgan.
Shuningdek, Rossiyadan 404,3 tonna banan import qilingan. Boshqa davlatlar hissasiga esa 555,8 tonna mahsulot to‘g‘ri kelgan.
Britaniyaning yirik energetika kompaniyasi – British Petroleum (BP) Ustyurt hududidagi mahsulot taqsimotiga oid bitimga qo‘shildi.
Mazkur bitim Qoraqalpog‘iston Respublikasining Ustyurt mintaqasida joylashgan Boyterak, Terengquduq, Birqori, Haroy, Qoraqalpoq va Qulboy bloklarini qamrab oladi.
Toshkent shahrida o‘tkazilgan «O‘zbekiston neft va gazi – 2026» xalqaro konferensiyasi doirasida imzolangan kelishuvda Energetika vaziri Jo‘rabek Mirzamahmudov, «O‘zbekneftgaz» AJ boshqaruv raisi Abdug‘ani Sanginov, SOCAR kompaniyasi prezidenti (Ozarbayjon) Rovshan Najaf hamda BP kompaniyasining Ozarbayjon, Gruziya va Turkiya bo‘yicha mintaqaviy prezidenti Djiovanni Kristofoli ishtirok etdi.
Mazkur loyiha kompaniyaning O‘zbekistondagi ilk tashabbusi bo‘lib, u «O‘zbekneftgaz» va SOCAR bilan hamkorlikda amalga oshiriladi.
Qayd etilishicha, katta resurs salohiyatiga ega bO‘lgan ushbu loyiha neft-gaz resurslarini qidirish va o‘zlashtirish ishlarini amalga oshirish va uzoq muddatli manfaatlar yaratishga xizmat qiladi. Shuningdek, mazkur mahsulot taqsimotiga oid bitim (MTB) BP kompaniyasining qidiruv portfelini kengaytirish va uzoq muddatli o‘sish strategiyasining muhim qismi ekani aytildi.
Bitimdagi tomonlarning ulushlari quyidagicha belgilangan:
BP kompaniyasi – 40 foiz;
SOCAR kompaniyasi – 30 foiz;
«O‘zbekneftgaz» AJ – 30 foiz.
Ma’lumot uchun, ushbu MTB dastlab 2025-yil 24-iyul kuni O‘zbekiston Respublikasi Energetika vazirligi, «O‘zbekneftgaz» va SOCAR o‘rtasida imzolangan. Ayni paytda loyiha birinchi bosqichda bo‘lib, SOCAR operator sifatida seysmik qidiruv ishlarini olib bormoqda.
Ohangaronda kuchli yog‘in oqibatlari: FVV izoh berdi
AQShda ichki xavfsizlik departamentining sobiq rahbariga nisbatan tergov boshlandi.
Prezident «SOCAR» va «British Petroleum» rahbarlarini qabul qildi
-
Jamiyat3 days agoНавоийда бир неча кун қизғин давом этган «Медиа ҳафталик» якунланди
-
Siyosat5 days ago
O‘zbekiston va Rossiya prezidentlari uchrashdi
-
Jamiyat5 days agoYer maydonlarini sotish bilan bog‘liq firibgarlik holatlari fosh etildi
-
Sport3 days agoO‘zbekiston o‘smirlar futbol terma jamoasi JCh yo‘llanmasini qo‘lga kiritdi
-
Sport4 days ago“Barselona” bosh murabbiyining otasi “El Klasiko” kunida vafot etdi
-
Sport3 days agoDenovdagi kurash musobaqasi qotillik bilan yakunlandi: Taniqli polvon pichoqlab o‘ldirildi
-
Siyosat4 days agoQozog‘iston prezidenti ham Moskvaga boradi
-
Sport3 days ago“Barselona” ilk bor “Real”ni yengib, Ispaniya chempioni bo‘ldi