Jamiyat
O‘zbekistonga “begona” mashina – qarovsiz qoldirilgan Nissanʼning sarguzashtlari
Moldovan egasi Qo‘qon ko‘chalarida qoldirib ketgan Nissan avtomobil eng qadrlanadigan yurtda qadrsiz bo‘ldi: qariyb 500 kun chang bosib yotgan mashina davlat ixtiyoriga o‘tkazilib, auksion savdolariga chiqarildi. Bir mazza qilib “inomarki” minay, deya niyat qilgan qo‘qonlik Kozim Rahimov auksionda qatnashib, mashinani sotib oldi. Biroq u Nissan bilan birga boshiga g‘alva ham “sotib olganini” mashina eshigini ochgandagina bildi: avtomobilning rul boshqaruvi o‘ng tomonda edi.
{Yii::t(}
O’tkazib yuborish 6s
O’tkazib yuborish
Farg‘onada Nissan avtomobili bilan bog‘liq qiziq holat sodir bo‘ldi: auksion savdolariga chiqarilgan va fuqaro tomonidan sotib olingan mashinani davlat ro‘yxatidan o‘tkazish rad etilmoqda. Chunki ushbu avtomobilning rul boshqaruvi o‘ng tomonda joylashgan. Mashinani 47 mln so‘mga sotib olgan Kozim Rahimov esa endi nima qilarini bilmay, boshi qotgan.
Ko‘chada qoldirilgan Nissan
Qo‘qon shahrining Yuzlar ko‘chasidagi 51-uy yaqinida chet el davlat raqam belgisi taqilgan Nissan avtomobili ancha payt chang bosib, qarovsiz holda turdi. O‘tgan-qaytganlar biror kun egasi kelib olib ketar-da, deya mashinaga e’tibor berishmasdi. Keyinchalik ushbu Nissan moldovalik Sergey Kodrianu ismli shaxsga tegishli ekani ma’lum bo‘ldi.
Sergey Kodrianu O‘zbekistonga 2020 yil 26 yanvar kuni Qoraqalpog‘istonning “Daut-ata” bojxona chegara posti orqali kirib kelgandi. O‘shanda unga transport vositasini 2022 yil 31 mart kuniga qadar O‘zbekistondan olib chiqib ketish majburiyati berilgan. Sergey Kodrianu nima maqsadda kelgani va mashinasini nega qoldirib ketgani bizga qorong‘i.
2023 yil 9 avgust kuni “Andarxon” bojxona chegara posti inspektori tomonidan Qo‘qon shahrida qarovsiz qoldirib ketilgan TO228TI davlat raqam belgili Nissan mashinasi topiladi. Avtomobil “Avto” yagona axborot almashuv tizimi dasturi orqali tekshirib ko‘rilganida u Sergey Kodrianuga tegishli ekani, O‘zbekistondan olib chiqib ketilishi kerak bo‘lgan muddatdan 497 kun o‘tib ketgani aniqlanadi. Shu sababli transport vositasiga 298 mln 498 ming so‘m miqdorda to‘lanishi lozim bo‘lgan bojxona yig‘imlari hisoblangan.
JIB Qo‘qon shahar sudining 2023 yil 3 oktyabrdagi qarori bilan Sergey Kodrianu mashinasini belgilangan muddatda O‘zbekiston bojxona hududidan tashqariga olib chiqmagani uchun 660 ming so‘m jarima jazosiga tortilgan. Nissan esa Qo‘qon shahridagi bojxona omboriga vaqtinchalik saqlovga olingan.
Bojxona omboridan auksionga “yo‘l”
Mashina eng qadrlanadigan yurtda qadrsiz bo‘lgan Nissan bojxona omborida 1 yildan ortiq qolib ketadi: 2024 yilning dekabriga kelibgina uning “taqdiri” hal qilinadi. JIB Qo‘qon shahar sudining 2024 yil 3 dekabrdagi qarori bilan mashina davlat daromadiga musodara qilingan. Avtomobil 55 mln 63 ming so‘mga baholangan.
Shu tariqa mashina sud va MIBning hujjatlaridan o‘tib, 2025 yil sentabr oyida narxini tushirib borish tartibida auksion savdolariga chiqariladi.
12 sentabr kuni o‘tkazilgan auksion savdolarida Qo‘qon shahrida yashovchi Kozim Rahimov g‘olib bo‘ladi. U avtomobilni 47 mln 354 ming so‘mga sotib oladi.
G‘olib to‘lovni amalga oshiradi va unga auksion hujjatlari rasmiylashtirib beriladi. So‘ngra dalolatnoma tuzilib, Nissan Kozim Rahimovga topshiriladi.
Ammo Nissanʼning sarguzashtlari shu bilan tugamaydi: yillab chang bosib yotgan mashina eshigini ochgan Kozim Raximov hayratlanib qoladi, chunki uning rul boshqaruvi o‘ng tomonda edi.
Shunga ham rozi bo‘lgan g‘olib avtomobilni davlat ro‘yxatidan o‘tkazishga olib borganda bir mazza qilib “inomarki” minaman, degan niyati puchga chiqqanini sezadi. Negaki, Farg‘ona viloyati yo‘l harakati xavfsizligi boshqarmasi ro‘yxatdan o‘tkazish va imtihon olish bo‘limida ushbu Nissanʼni davlat ro‘yxatidan o‘tkazish rad etiladi.
“Salonini ko‘rmagandim”
Aslida haqiqatan ham rul boshqaruvi o‘ng tomonda joylashgan avtomobillarni O‘zbekistonda davlat ro‘yxatidan o‘tkazish rad etilishi mumkin. Bu Vazirlar Mahkamasining 2017 yil 31 avgustdagi tegishli qarori bilan tasdiqlangan “Avtomototransport vositalarini davlat ro‘yxatidan o‘tkazish tartibi to‘g‘risida”gi nizomda belgilab qo‘yilgan.
Mazkur nizomning 22-bandiga ko‘ra, avtomototransport vositasi rul boshqaruvi o‘ng tomonda joylashgan holda taqdim etilganda YHXX va uning hududiy boshqarmalari tomonidan uni davlat ro‘yxatiga qo‘yish yozma shaklda rad etilishi mumkin.
Shu sababli Kozim Rahimovning mashinani davlat ro‘yxatidan o‘tkazib berishni so‘rab xalq qabulxonasiga qilgan murojaatiga Farg‘ona viloyati YHXB shunday mazmunda javob qaytargan.
“Auksion savdolaridan oldin mashinani joyiga borib ko‘rgandim. To‘g‘risi, juda chang bo‘lib ketgan ekan. Kaliti esa yo‘q edi. Shu sababli, uning salon qismini ko‘rolmagandim. Rul boshqaruvi o‘ng tomondaligini bilmagandim. Endi mashinani davlat ro‘yxatidan o‘tkazib berishmayapti”, deydi Kozim Rahimov Kun.uz jurnalisti bilan suhbatda.
Endi nima bo‘ladi?
Aslida davlat ro‘yxatidan o‘tkazish mumkin bo‘lmagan ruli o‘ng tomondagi Nissanʼni yengil avtomobil toifasi sifatida auksion savdolariga chiqarishning o‘zi katta ehtimol bilan xato bo‘lgan.
Endi mashinani davlat auksionida sotib olgan fuqaro puliga kuyib qoladimi? Yoki savdo bekor bo‘lib, pul fuqaroga qaytariladimi?
Bu yog‘ini vaqt ko‘rsatadi. Biz voqealar rivojini kuzatib boramiz.
Ruslan Saburov,
Kun.uz
2026 yilda Farg‘ona viloyatidagi 100 ta mahallada namunaviy mahalla kutubxonalari tashkil etiladi. Buk-kafe ochgan tadbirkorlarga soliq va ijara to‘lovlaridan imtiyoz beriladi.
Axborot xurujlari avj olayotgan hozirgi davrda yoshlar o‘rtasida kitobxonlikni ommalashtirish har qachongidan ham dolzarb. Bu haqda prezident Shavkat Mirziyoyev Farg‘ona viloyatiga tashrifi doirasidagi yig‘ilishda aytib o‘tdi.
Davlat rahbarining so‘zlariga ko‘ra, shu maqsadda 2026 yilda viloyatdagi 100 ta mahallada namunaviy mahalla kutubxonalari tashkil etiladi, buk-kafe ochgan tadbirkorlarga soliq va ijara to‘lovlaridan imtiyoz beriladi.
Shavkat Mirziyoyev “Burhoniddin Marg‘inoniy” ilmiy-ma’rifiy va turizm majmuasida har ikki yilda Xalqaro kitobxonlik festivalini o‘tkazish, ushbu tadbirga dunyoning mashhur yozuvchi va shoirlarini taklif qilish tashabbusini bildirdi.
Prezident o‘zbek adabiyoti tarixida Qo‘qon adabiy muhitining o‘rni beqiyos ekani, bu zaminda 300 dan ziyod shoir va adib yashab ijod qilganini ham qayd etdi.
Shunday adiblarni yetishtirgan Qo‘qon UNESCO’ning “Adabiyot shahri” maqomini olishga ham munosib. Lekin bunday boy meros haligacha tizimli o‘rganilmagani, ilmiy tadqiqotlar olib borilmagani qayd etildi
Shu bois, Qo‘qon adabiy muhiti antologiyasi va elektron platformasini yaratish, Adabiyot va ijod maktabini tashkil etish taklif qilindi.
Hodisa Karmana tumanida sodir bo‘lgan. YTH oqibatida 16 yoshli yigit vafot etgan. Yana bir o‘quvchi shifoxonada qolmoqda.
Karmana tumanida maktab o‘quvchilari ishtirokida YTH sodir bo‘ldi. Bu haqda Navoiy viloyati IIB YHXB axborot xizmati xabar berdi.
Ma’lum bo‘lishicha, YTH 22 aprel kuni soat 21:00 lar atrofida tumanning Malik mahallasi hududida sodir bo‘lgan. Ichida Hazora qishlog‘idagi 22-umumta’lim maktabining ikki o‘quvchisi bo‘lgan Cobalt yo‘ldan chiqib ketgan.
YTH oqibatida 9-sinf o‘quvchisi I.H. shifoxonada vafot etgan. 11-sinf o‘quvchisi esa tan jarohati olib, shifoxonaga yotqizilgan.
Navoiy viloyati IIB YHXB maktabda yuqori sinf o‘quvchilari ishtirokida muhokama yig‘ilishi o‘tkazgan.
Kun.uz’ning aniqlik kiritishicha, mashina shifoxonadagi o‘quvchining otasiga tegishli bo‘lgan. Biroq u rulni sherigiga berganini aytmoqda. Mashinani kim boshqarganini aniqlash uchun ekspertiza tayinlanishi mumkin.
Avvalroq Navoiyda YTH oqibatida 5 kishi halok bo‘lgandi.
Yanvar-mart oylarida mehnat faoliyati bilan bog‘liq 198 ta baxtsiz hodisa sodir bo‘lgan. Ularning 49 tasi esa o‘lim bilan yakunlangan. Eng ko‘p baxtsiz hodisa sanoat va qurilish sohalarida qayd etilgan.
O‘zbekistonda 2026 yilning 1-choragida 62 kishi mehnat faoliyati bilan bog‘liq baxtsiz hodisalar oqibatida halok bo‘lgan. Bu haqda Kambag‘allikni qisqartirish va bandlik vazirligi xabar berdi.
Ma’lum qilinishicha, yanvar-mart oylarida respublikada mehnat faoliyati bilan bog‘liq 198 ta baxtsiz hodisa sodir bo‘lgan. Ularning 9 tasi guruhiy, 139 tasi og‘ir oqibatli, 49 tasi esa o‘lim bilan yakunlangan.
Baxtsiz hodisalar oqibatida:
146 kishi og‘ir tan jarohati olgan;
15 kishi yengil jarohatlangan;
62 kishi vafot etgan.
Sohalar kesimida sodir bo‘lgan baxtsiz hodisalar:
sanoat – 71 ta;
qurilish – 54 ta;
qishloq va suv xo‘jaligi – 9 nafar;
savdo va xizmat – 8 nafar;
transport – 8 ta;
ta’lim – 4 nafar;
sog‘liqni saqlash – 4 nafar.
Hududlar kesimida eng yuqori ko‘rsatkich Toshkent shahrida kuzatilgan – 44 ta baxtsiz hodisa. Keyingi o‘rinlarda Surxondaryo (36 ta), Toshkent (29 ta), Navoiy (18 ta), Buxoro (16 ta), Andijon (15 ta) viloyatlari qayd etilgan.
O‘zbekistonda 2025 yilda ishdagi baxtsiz hodisalarda 248 ta o‘lim kuzatilgandi.
Hududlar kesimida Toshkent shahri, Sirdaryo va Toshkent viloyatida ajrimlar soni ko‘pligi kuzatilmoqda.
2025 yil holatiga ko‘ra, O‘zbekistonda nikoh barqarorligi koeffitsiyenti 175,6 promilleni tashkil etdi. Bu 1000 ta nikohga o‘rtacha 175 ta ajrim to‘g‘ri kelishini anglatadi.
Oila va gender ilmiy-tadqiqot instituti tahlillariga ko‘ra, mazkur ko‘rsatkich xalqaro miqyosda past bo‘lib, O‘zbekistondagi ajrimlar darajasi ko‘plab boshqa davlatlarga nisbatan «ancha kam ekanini» ko‘rsatadi.
Xususan, nikoh barqarorligi koeffitsiyenti Moldovada – 642,7, Ozarbayjonda – 431,9, Qozog‘istonda – 328,2, Qirg‘izistonda esa – 289,6 promilleni tashkil etadi.
“Tahlillardan ko‘rinadiki, O‘zbekistonda ajrimlar darajasi xalqaro ko‘rsatkichlarga nisbatan ancha past bo‘lib, bu jamiyatda oilaviy qadriyatlar ustuvor ekanini va nikohlar barqarorligini ko‘rsatadi”, deyiladi xulosada.
Oila va gender instituti tayyorlagan nikoh barqarorligi haritasi
Hududlar kesimida tahlil qilinganda, Qashqadaryo, Xorazm va Surxondaryo viloyatlarida nikoh barqarorligi yuqori darajada saqlanib qolmoqda. Toshkent shahri, Sirdaryo va Toshkent viloyatida esa ajrimlar nisbatan yuqoriroq ekani kuzatilmoqda.
Saida Mirziyoyeva Samarqand viloyatiga tashrifi davomida bir qator infratuzilma loyihalari hamda «Yangi O‘zbekiston» massivini rivojlantirish ishlari bilan tanishdi.
Xususan, musiqa maktabi kabi yangilanishga muhtoj binolar ko‘zdan kechirildi. «Geologlar» mahallasidagi bog‘cha nafaqat kapital ta’mirlanadi, balki tubdan qayta quriladi. Rekonstruksiyadan so‘ng u Samarqanddagi eng yirik maktabgacha ta’lim muassasasiga aylanadi va 600 nafargacha bolani qabul qiladi.
Tashrif yakunida Samarqand viloyati va tumanlari rahbariyati bilan uchrashuv o‘tkazildi.
Ta’kidlanishicha, hududlardagi bunday o‘zgarishlar Prezident tomonidan olib borilayotgan tizimli islohotlarning bir qismidir. Bunday tashriflardan asosiy maqsad — topshiriqlar ijrosini qog‘ozdagi hisobotlarda emas, balki joyiga chiqqan holda real ko‘rish va amaliy ko‘mak berishdan iborat.
«Rahbarimiz topshiriqlarining joylardagi ijrosini ta’minlashga jamoam bilan birga ko‘maklashish, haqqoniy holatni qog‘ozlardagi hisobotlarda emas, balki o‘z ko‘zim bilan ko‘rish uchun ham bu yerga tez-tez kelib turaman», — dedi Saida Mirziyoyeva.
Shveysariya sudi Gulnora Karimovaga qarshi qo‘zg‘atilgan ishni to‘xtatdi
Farg‘onada 2027-yil yakunigacha 300 mln dollarlik 50 ta loyiha ishga tushiriladi
Markaziy bank dollar kursi bo‘yicha ma’lumot berdi
-
Iqtisodiyot5 days ago“QQSni oson qaytarib olish ta’minlanmasa, stavkani 6 foizga tushirishni taklif qilamiz” – Davron Vahobov
-
Dunyodan5 days ago
Buyuk Britaniyada “chekmaydigan avlod” dunyoga keldi
-
Iqtisodiyot5 days agoQirg‘iziston ilk marta Yevropa Ittifoqining sanksiyalarni chetlab o‘tishga qarshi kurashish mexanizmiga tushdi
-
Dunyodan5 days ago
Eron oliy rahbari yuzi va oyog‘idan jiddiy jarohat oldi
-
Iqtisodiyot4 days agoYevroittifoq O‘zbekistonning ikkita korxonasiga sanksiya kiritdi
-
Siyosat5 days ago
Shavkat Mirziyoyev Mirzo Ulug‘bek tumani hokimligiga tashrif buyurdi
-
Siyosat4 days agoYevropa Ittifoqi Rossiya mudofaa sanoatiga xomashyo yetkazib bergan ikki O‘zbekiston shirkatiga sanksiyalar kiritdi
-
Iqtisodiyot4 days ago
Ikki oyda xorijga 466,6 mln dollarlik to‘qimachilik mahsulotlari sotildi