Jamiyat
O‘zbekistondan Saudiya Arabistoni va BAAga parvozlar qayta tiklandi
2026-yil 10-martdan boshlab, O‘zbekiston hududidan Saudiya Arabistoni Podshohligi va BAAga ikki tomonlama yo‘lovchi tashishni (olib ketish va olib kelish) tashkil etishga ruxsat berildi.
O‘zbekiston Respublikasi Transport vazirligi matbuot xizmati xabariga ko‘ra, bundan oldin yo‘lovchi turi va fuqaroligi bo‘yicha qo‘yilgan cheklovlar bekor qilinadi.
Vazirlik, shuningdek, Saudiya Arabistoni Podshohligiga amalga oshirilayotgan parvozlarda, umra mavsumi nihoyasiga yetayotganligi va «Haj – 2026» mavsumidan oldin barcha «Umra» ziyoratchilari Saudiya Arabistoni Podshohligining amaldagi qonunchiligiga muvofiq mamlakatdan chiqib ketishi shartligini inobatga olgan holda «Uzbekistan Airports»ga Podsholhlikka parvoz qilayotgan barcha turdagi yo‘lovchilarni ortga qaytarishni tashkillashtirish bo‘yicha vazifalar yuklanganini ma’lum qildi.
Shu bilan birga, parvozlarni tashkil qilishda mas’ul idora va tashkilotlarga xavfsizlik talablari, xalqaro havo tashuvlari bo‘yicha amaldagi qoidalar, shuningdek Saudiya Arabistoni Qirolligi va BAAning vakolatli organlari tomonidan belgilangan talab va tartiblarga qat’iy rioya etilishi ta’minlanishi lozimligi bildirilgan.