Iqtisodiyot
O‘zbekistondagi 3 ta yirik oltin koni auksion orqali sotildi. Ularni kimlar xarid qildi?
Oxirgi 3 kun ichida Navoiy viloyatidagi «Temirchi» va «Pirali» Toshkent viloyatidagi «Terekli» oltin konlari umumiy hisobda 20 mln dollarga sotildi. Lotlardan birida savdo deyarli bir sutka davom etib, aktiv bahosi boshlang‘ich narxdan 24 barobargacha qimmatladi.
«Temirchi» oltin koni
Dastlab 18 avgust kuni E-Auksion platformasida Navoiy viloyati, Nurota tumanida joylashgan «Temirchi» oltin koni sotildi. Uning maydoni 249 gektar bo‘lib, taxminiy oltin zaxiralari 6 tonna deb baholangan.
Kon 4 mlrd 120 mln so‘m boshlang‘ich narx bilan sotuvga qo‘yildi. Qariyb 12 soat davom etgan savdo jarayonida aktiv 67 mlrd 780 mln so‘mga sotildi. Bu – lotning umumiy boshlang‘ich qiymatidan 16,5 barobarga ko‘p.
Yakunda lotni «Zauris» MChJ yutib oldi. Ushbu korxona 2025 yilning 4 iyul kuni Toshkent shahrida ro‘yxatga olingan. Faoliyat turi – rangli metall rudalarini qazib olish. Ustav fondi – 10 mln so‘m.
Kompaniyaning 100 foiz ulushi Fayziyeva Feruza Tohir qiziga tegishli. Rahbar sifatida ham Feruza Fayziyeva ko‘rsatilgan.
«Terekli» oltin koni
19 avgust kuni Toshkent viloyati Ohangaron tumanida joylashgan «Terekli» koni sotuvga qo‘yildi. Kon Shaugaz qishlog‘idan 9,6 km janubi-sharqda joylashgan bo‘lib, maydoni 65 gektarga teng, taxminiy oltin zaxiralari esa 2 tonna deb baholangan.
Qariyb 12 soat davom etgan savdolar yakunida 81 mlrd 790 mln so‘m taklif bilan «Toyloq Toza Hudud» MChJ g‘olib deb topildi. Bu miqdor lotning boshlang‘ich narxidan (4 mlrd 120 mln so‘m) 19,8 barobarga ko‘p.
Xaridor – «Toyloq Toza Hudud» kompaniyasi 2021 yilning 10 mart kuni Samarqand viloyatida ro‘yxatga olingan. Faoliyat turi – ko‘p kvartirali uylar va turar joylarni ijaraga berish va boshqarish. Ustav fondi – 67,8 mlrd so‘m.
Tashkilotning 100 foiz ulushi Marupov Baxtiyor Maxmudovichga tegishli. Rahbar sifatida Rasulov Ulug‘bek Jamoliddinovich ko‘rsatilgan.
«Pirali» oltin koni
21 avgust kuni Navoiy viloyati, Navbahor tumanida joylashgan «Pirali» uchastkasi 99 mlrd 95 mln so‘mga sotildi. Bu aktivning boshlang‘ich narxidan 24 barobar ko‘p. Savdolar 23 soat 29 daqiqa davom etdi va 461 qadamdan so‘ng yakunlandi. G‘olib «NBK 111» MChJ.
«Pirali» maydoni 484 gektarga teng, taxminiy oltin zaxiralari esa 2,4 tonna deb baholangan.
Xaridor – «NBK 111» MChJ 2024 yil may oyida ro‘yxatga olingan. Faoliyat turi – rangli metall rudalarini qazib olish. Ustav fondi – 1 mlrd so‘m.
Tashkilotning 60 foiz ulushiga Pulatov Nurmaxammad Komilovich, 40 foiz ulushiga esa Xitoy fuqarosi Chjan Tsyan egalik qiladi. Rahbar sifatida Tojiboyev Farxod Odilovich ko‘rsatilgan.
Endilikda investorlar qo‘lga kiritilgan uchastkalardan 3 yil davomida oltin qidirish huquqiga ega. Ular qimmatbaho metallarni oltin izlovchilar usulida olishi kerak. Qazib olingan qimmatbaho metallar aralashmasining barchasini, jumladan, sof holda topilganlarini ham qabul kassalariga topshirish majburiyati yuklatilgan.
Ma’lumot uchun, O‘zbekistonda qimmatbaho metallarni oltin izlovchilar usulida qazib olish faoliyatiga 2019 yilda ruxsat berilgan, o‘sha yili foydalanishga beriladigan oltin uchastkalarining ilk ro‘yxati tasdiqlanib, unga Navoiy va Samarqand viloyatlaridagi 400 dan ortiq yer maydoni kiritilgandi.
Iqtisodiyot
«O‘zmilliybank» AJ O‘zbekiston emitentlari orasida birinchi bo‘lib Xitoy kapital bozoriga 250 mln dollarlik obligatsiyalar chiqarmoqchi
2026 yil 9–10 sentyabr kunlari O‘zbekiston Respublikasi Bosh vaziri Abdulla Aripov boshchiligidagi O‘zbekiston Respublikasi delegatsiyasining Xitoy Xalq Respublikasining Gonkong maxsus ma’muriy hududiga tashrifi doirasida «O‘zbekiston Respublikasi Tashqi iqtisodiy faoliyat milliy banki» AJ («O‘zmilliybank» AJ) va «China International Capital Corporation» (CICC) Osiyo kapital bozorida hamkorlik qilish bo‘yicha kelishuvga erishdilar.
«Bir makon, bir yo‘l» tashabbusining 11-sammiti doirasida tomonlar Gonkong fond birjasida Xitoy yuani va O‘zbek so‘mida umumiy qiymati 250 million AQSh dollari ekvivalentiga teng bo‘lgan xalqaro obligatsiyalarni chiqarish hamda ularni Gonkong fond birjasida listingdan o‘tkazishni nazarda tutuvchi bitimni imzoladilar.
Erishilgan kelishuv «O‘zmilliybank» AJning Osiyo kapital bozoriga ilk bor chiqishini anglatadi hamda bankning xalqaro qarz olish geografiyasini kengaytirish uchun qo‘shimcha imkoniyatlar yaratadi. Mazkur kelishuvning amalga oshishi bankning moliyalashtirish manbalari va valyuta tarkibini diversifikatsiya qilish, xalqaro investorlar doirasini kengaytirish hamda O‘zbekistondagi ustuvor investitsiya loyihalarini moliyalashtirish uchun Osiyo kapital bozori resurslarini jalb qilish imkonini beradi.
Rejalashtirilayotgan mazkur emissiya «O‘zmilliybank» AJning xalqaro kapital bozorlaridagi izchil faoliyatining navbatdagi bosqichi hisoblanadi. 2020 yildan buyon bank London va Vena fond birjalarda umumiy qiymati 1,13 milliard AQSh dollarini tashkil etuvchi uchta obligatsiya emissiyasini amalga oshirgan.
Mazkur kelishuv 2026 yilga mo‘jallangan davlat investitsiya dasturini amalga oshirish doirasida imzolangan bo‘lib. Ushbu dasturga muvofiq, «O‘zmilliybank» AJ zimmasiga O‘zbekistondagi ustuvor loyihalarni amalga oshirish uchun yetakchi xalqaro moliya institutlaridan jami 1,5 mlrd AQSh dollari ekvivalentidagi mablag‘larni jalb etish vazifasi yuklatilgan.
Imzolangan kelishuv O‘zbekiston va Xitoy o‘rtasidagi moliyaviy-iqtisodiy hamkorlikni izchil kengaytirish borasidagi amaliy natijalardan biri bo‘lib, mazkur hamkorlik so‘nggi yillarda ikki davlat yetakshilarining uzoqni ko‘zlagan siyosati va strategik qarashlari tufayli yangi bosqichga ko‘tarildi.
Ikki tomonlama munosabatlarda savdo-iqtisodiy va investitsiyaviy hamkorlikka alohida e’tibor qaratilmoqda. O‘tgan yil yakunlariga ko‘ra, O‘zbekiston va Xitoy o‘rtasidagi tovar ayirboshlash hajmi 18 milliard AQSh dollariga yaqinlashdi. Yaqin yillarda mazkur ko‘rsatkichni 30 milliard AQSh dollariga yetkazish maqsad qilib olindi. Amaldagi qo‘shma investitsiya loyihalari portfeli qariyb 60 milliard AQSh dollarini tashkil etib, O‘zbekistonda 6 mingdan ortiq qo‘shma korxona faoliyat yuritmoqda.
Shu nuqtai nazardan, Xitoyning yetakchi moliya institutlari bilan hamkorlik kengayib, investitsiya loyihalarini amalga oshirish uchun kapital jalb qilishning yangi mexanizmlari joriy etilmoqda. «O‘zmilliybank» AJning CICC bilan erishgan kelishuvi mazkur yo‘nalishdagi amaliy qadamlardan biri bo‘lib, O‘zbekistonning Osiyo kapital bozorlaridagi ishtirokini kengaytirish, moliyalashtirish manbalarini diversifikatsiya qilish hamda mamlakat iqtisodiyotiga uzoq muddatli resurslarni jalb etishga xizmat qiladi.
Ma’lumot uchun, «O‘zbekiston Respublikasi Tashqi Iqtisodiy faoliyat milliy banki» AJ 1991 yilda tashkil etilgan bo‘lib, mamlakatdagi eng yirik tizimli ahamiyatga ega bank hisoblanadi. 2025 yil yakuniga ko‘ra, bank aktivlari 12 milliard AQSh dollaridan, kredit portfeli 9 milliard AQSh dollaridan, jami kapitali esa 1,6 milliard AQSh dollaridan oshgan.
China International Capital Corporation (CICC) 1995 yilda tashkil etilgan bo‘lib, Xitoyning yetakchi investitsiya banklaridan biri hisoblanadi. Kompaniya investitsiya banking, kapital bozorlari va aktivlarni boshqarish sohalarida xizmatlar ko‘rsatadi hamda Gonkong, Singapur, London va Nyu-York kabi xalqaro moliya markazlarida o‘z faoliyatini amalga oshiradi.
Milliy statistika qo‘mitasi ma’lumotlariga ko‘ra, 2026-yilning yanvar–iyul oylarida O‘zbekistonning eksport hajmi 19,9 mlrd AQSh dollarini tashkil etdi.
Mazkur davrda O‘zbekiston eksportida yuqori ulushga ega bo‘lgan mamlakatlar (top-10):
Rossiya — 2,8 mlrd AQSh dollari;
Xitoy — 1,7 mlrd;
Afg‘oniston — 1,1 mlrd;
Qozog‘iston — 868 mln;
Fransiya — 854,9 mln;
Gonkong (Xitoy maxsus ma’muriy hududi) — 716 mln;
Turkiya — 596,2 mln;
Qirg‘iziston — 575,8 mln;
Tojikiston — 437,5 mln;
BAA — 420,8 mln.
Dollar qimmatladi, yevroda ham ko‘tarilish kuzatildi
Source link
Davlat bojxona xizmati organlari faoliyatini takomillashtirish va bojxona ma’murchiligida zamonaviy yondashuvlarni joriy etishga qaratilgan Prezident farmoni qabul qilindi.
Unga ko‘ra, bojxona sohasida bir qator yangi tartiblar belgilandi.
Jumladan, 2026 yil 1 oktyabrdan xavf darajasi past hamda QQS guvohnomasi faol bo‘lgan tashqi iqtisodiy faoliyat ishtirokchilariga tovarlarni import qilishda to‘lanadigan QQS summalarini o‘zaro hisobga olish imkoniyati yaratiladi.
Shuningdek, tovarlar eksportida nazorat jarayonlarining raqamlashtirilishi va takomillashtirilishi natijasida bojxona rasmiylashtiruvi, fitosanitariya sertifikati, fumigatsiya hamda tovarning kelib chiqish sertifikati uchun yig‘im va to‘lovlar miqdori 30 foizga kamaytiriladi.
2027 yil 1 yanvardan tovarlarning bojxona qiymatini nazorat qilish tartibi ham soddalashtiriladi. Xususan, xavf darajasi past bo‘lgan tashqi iqtisodiy faoliyat ishtirokchilari olib kirayotgan tovarlarning bojxona qiymati tovarlar erkin muomalaga chiqarilgandan keyin nazorat qilinadi.
Bundan tashqari, bojxona qiymatini nazorat qilish maqsadida tovarlar uchun qat’iy bojxona qiymatini belgilash taqiqlanadi. Bojxona qiymati bo‘yicha dastlabki qaror qabul qilish amaliyoti joriy etiladi hamda nazorat jarayonida rasmiy diller va distribyutorlarning narx ma’lumotlaridan foydalanish yo‘lga qo‘yiladi.
2027 yil 1 iyundan esa jismoniy shaxslar tomonidan notijorat maqsadlarda olib o‘tiladigan tovarlar bo‘yicha yagona bojxona to‘lovi miqdori to‘lanishi lozim bo‘lgan bojxona yig‘imlaridan kam bo‘lsa, ushbu yig‘imlar undirilmaydi.
Markaziy bank 2026-yil 7-sentyabrdan valyutalarning yangi kursini belgiladi.
AQSh dollari 9,7 so‘mga tushib, 11 785,30 so‘m etib belgilandi.
Yevro kursi 3,01 so‘mga tushdi va 13 695,70 so‘m bo‘ldi. Funt-sterling 15 949,95 so‘mni tashkil qildi (+31,7).
Rossiya rubli 136,13 so‘m etib belgilandi (+0,33).
O‘zbekiston Saudiya Arabistoniga qilingan hujumlarni qoraladi
«O‘zmilliybank» AJ O‘zbekiston emitentlari orasida birinchi bo‘lib Xitoy kapital bozoriga 250 mln dollarlik obligatsiyalar chiqarmoqchi
77 ta chiqindi poligonida saralash xizmati bo‘yicha tanlov e’lon qilindi
-
Jamiyat4 days ago
Prezidentning xususiylashtirishga oid farmoni e’lon qilindi
-
Sport4 days ago
Husan Botirov Biatlon federatsiyasi raisi etib saylandi
-
Jamiyat4 days ago
Sudyalikka nomzodlar uchun yosh senzi 30 yoshga tushirilishi mumkin
-
Jamiyat3 days ago
Hokim yordamchilarining 9 ta asosiy vazifasi belgilab berildi
-
Siyosat5 days ago
Shavkat Mirziyoyev Serbiyaga yetib bordi
-
Iqtisodiyot4 days agoDollar qimmatladi, yevroda ham ko‘tarilish kuzatildi
-
Siyosat4 days ago
O‘zbekiston hukumati Suriyaga yangi elchisini jo‘natdi
-
Sport4 days ago
«Paxtakor» futbolchisi Muhammadrasul Abdumajidov Fransiya jamoasiga o‘tadi