Iqtisodiyot
O‘zbekistonda yirik AESning birinchi energobloki 2033 yilda, ikkinchisi 2035 yilda ishga tushiriladi
Kichik quvvatli atom stansiyasining birinchi energobloki 2029 yilda, ikkinchisi esa oradan olti oy o‘tib ishga tushirilishi rejalashtirilgan.
O‘zbekistonda yirik quvvatli atom elektr stansiyasini 2035 yilda to‘liq ishga tushirish ko‘zda tutilmoqda. Bu haqda 25 sentabr kuni Moskvada bo‘lib o‘tgan “Jahon atom haftaligi” xalqaro forumida Atom energiyasi agentligi (O‘zatom) direktori Azim Ahmadxo‘jayev ma’lum qildi, deya xabar bermoqda Spot nashri.
2029 yilda Jizzax viloyatida kichik AESning birinchi energobloki foydalanishga topshiriladi, yarim yildan keyin ikkinchisi ham ishga tushiriladi. Ahmadxo‘jayevning aytishicha, reaktor uskunalarini ishlab chiqarish allaqachon boshlangan va barcha ishlar jadval bo‘yicha olib borilmoqda.
Spot muxbirining yirik AES qurilishi muddati haqidagi savoliga javob berar ekan, O‘zatom rahbari birinchi energoblok 2033 yilda, ikkinchisi esa 2035 yilda ishga tushirilishini ta’kidladi.
“Hozircha reja shunday. Lekin baribir hammasi shartnoma doirasida muhokama qilinadigan amalga oshirish jadvaliga bog‘liq bo‘ladi (hujjat hali imzolanmagan). Aniq muddatlarni keyinroq bilamiz va qo‘shimcha ma’lumot beramiz”, – dedi O‘zatom rahbari.
20 iyun kuni Rosatom davlat korporatsiyasi hamda O‘zatom Sankt-Peterburg xalqaro iqtisodiy forumida O‘zbekistonda yirik quvvatli atom elektr stansiyasi qurilishi loyihasini amalga oshirish imkoniyatlarini o‘rganish bo‘yicha kelishuv imzolagan edi.
O‘tgan haftada O‘zatom va Rosatom O‘zbekistonda AES loyihasining yangi konfiguratsiyasi borasida kelishib oldi. Endi loyiha ikki yirik quvvatli energoblok va ikki kichik AES blokini o‘z ichiga oladi.
Yangi kelishuvga ko‘ra, AESlardan bittasi kichik, ikkinchisi an’anaviy katta stansiya bo‘ladi va ular birgalikda 525 gektarlik umumiy maydonda joylashadi. E’tiborlisi, katta va kichik AESlarni bitta maydonda integratsiya qilish – juda noyob hodisa. Bu loyiha O‘zbekistonni bunaqangi qo‘shaloq AESga ega dunyodagi birinchi davlatga aylantiradi.
Loyihaning bir nechta asosiy parametrlari haqida o‘zbekistonliklar birinchi bo‘lib Vladimir Putin ishtirokidagi yig‘ilishda xabar topdi. Gap Rossiya poytaxtida o‘tgan jahon atom haftaligining ochilish sessiyasi haqida ketyapti. Bu sessiyada qatnashgan O‘zbekiston bosh vaziri o‘rinbosari Jamshid Xo‘jayevning aytishicha, Jizzaxdagi katta AES har biri 1000 megavattlik ikkita energoblokdan iborat bo‘ladi. Kichik stansiyaga esa har biri 55 megavattlik ikkita reaktor o‘rnatiladi. Shu tariqa, qo‘shaloq stansiyaning umumiy quvvati 2,1 gigavattni tashkil etadi.
Eslatib o‘tamiz, 24 sentabr kuni qabul qilingan qonun bilan O‘zbekiston yadroviy zarar uchun fuqarolik javobgarligi to‘g‘risidagi Vena konvensiyasiga qo‘shildi. Ya’ni hukumat yadroviy falokat yuz bergan taqdirda, xalqqa tovon to‘lash majburiyatini oldi.
Shuningdek, 24 sentabr kuni O‘zbekiston va AQSh o‘rtasida yadroviy hamkorlik to‘g‘risida anglashuv memorandumi imzolandi. AQSh davlat kotibining o‘rinbosari Brent Kristensenga ko‘ra, bu hujjat ikki davlat o‘rtasida yadro energetikasi sohasidagi hamkorlikni kengaytirish uchun asos bo‘lib xizmat qiladi.
O‘zbekiston Prezidenti Shavkat Mirziyoyev «Wabtec» kompaniyasi direktorlar kengashi raisi va bosh ijrochi direktori Rafael Santanani qabul qildi. Bu haqda Prezident matbuot xizmati xabar berdi.
Uchrashuvda mamlakatda temir yo‘l infratuzilmasi va tranzit salohiyati rivojlanayotganini hisobga olib, lokomotivlar parkini yangilash va kengaytirish masalalari ko‘rib chiqildi.
AQSh moliya institutlari ishtirokida lokomotivlarni uzoq muddatli servis xizmati bilan birga yetkazib berish imkoniyatlari muhokama qilindi.
Shuningdek, O‘zbekistonda texnik xizmat ko‘rsatishni yo‘lga qo‘yish, butlovchi qismlar ishlab chiqarish va mutaxassislar tayyorlash masalalari ko‘rib chiqildi.
Tog‘-kon korxonalari karer texnikasiga xizmat ko‘rsatuvchi servis markazini tashkil etish hamda dizel-generator qurilmalari bo‘yicha hamkorlik qilishga ham e’tibor qaratildi.
«Wabtec» lokomotivlar, temir yo‘l texnikasi, raqamli va servis yechimlarini ishlab chiqarish bo‘yicha jahondagi yetakchi kompaniyalardan biri hisoblanadi. Kompaniya Markaziy Osiyo mamlakatlarida ham loyihalarni amalga oshirmoqda.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Milliy statistika qo‘mitasi ma’lumotlariga ko‘ra, 2026-yil yanvar–iyul oylarida O‘zbekistonga 46 davlatdan qariyb 28,5 ming tonna shokolad mahsulotlari olib kirilgan.
Import qilingan mahsulotlarning umumiy qiymati 123,7 mln AQSh dollarini tashkil etgan. Bu o‘tgan yilning mos davriga nisbatan 1,6 ming tonnaga yoki 6 foizga ko‘p.
Import hajmi bo‘yicha Rossiya keskin ustunlik qilgan. Yilning dastlabki yetti oyida Rossiyadan O‘zbekistonga 19,5 ming tonna shokolad mahsulotlari yetkazib berilgan.
Rossiyadan kelgan shokolad mahsulotlari umumiy importning qariyb 70 foizini tashkil etgan. Keyingi o‘rinda Ukraina bo‘lib, undan 2,2 ming tonna mahsulot import qilingan.
Qozog‘istondan 914 tonna, Belarusdan 805,2 tonna shokolad mahsulotlari olib kirilgan. Litvadan import 746,2 tonnani tashkil etgan.
Turkmaniston 715,2 tonna, Turkiya esa 569,5 tonna ko‘rsatkich bilan keyingi o‘rinlarda qayd etilgan. Qolgan davlatlar hisobiga 3 ming tonna mahsulot to‘g‘ri kelgan.
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot4 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat4 days ago
Toshkentda xalqaro moda akademiyasi tashkil etiladi
-
Iqtisodiyot1 day ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat1 day ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat1 day ago
O‘zbekiston do‘konlarida 73 turdagi mahsulot sifatsiz deb topildi