Jamiyat
O‘zbekistonda WESP dasturi Hamroh, BMTTD va The Coca-Cola Foundation ishtirokida yangi hamkorlik bosqichini amalga oshirdi
2025 yil 11 dekabr kuni Toshkentdagi NBU Tasviriy san’at galereyasida O‘zbekistonda ayollar tadbirkorligini rivojlantirishga qaratilgan Women Entrepreneurship Support Program (WESP) doirasida Hamroh, BMT Taraqqiyot Dasturi (UNDP) va The Coca-Cola Foundation yangi hamkorlikni amalga oshirdi. Tashabbus ayollarga biznes boshlash yoki mavjud biznes faoliyatini rivojlantirish uchun grantlar ajratish, trening va maslahat olish xizmatlarini taklif etadi. Tadbirda davlat idoralari vakillari, xalqaro hamkorlar, ekspertlar va turli hududlardan kelgan tadbirkor ayollar ishtirok etdi.
Tadbir davomida O‘zbekistonda ayollar tadbirkorligining hozirgi holati, mavjud imkoniyatlar va ularga to‘sqinlik qilayotgan omillar muhokama qilindi. Mutaxassislar boshlang‘ich kapitalga kirish imkonining cheklangani, biznes yuritish bo‘yicha yetarli ko‘nikma va huquqiy yordam yetishmasligi, shuningdek, bozorga chiqishdagi qiyinchiliklar ayollar salohiyatining to‘liq namoyon bo‘lishiga to‘sqinlik qilayotganini qayd etdi. WESP dasturi ushbu muammolarni kompleks yechim sifatida qamrab oladi, ya’ni biznesni boshlash uchun grantlar ajratadi, o‘quv dasturlarini taqdim etadi hamda boshlang‘ich biznes vakillari uchun maslahat olish va amaliy ko‘makning birlashtirilgan modeli orqali ayollarning iqtisodiy faolligini oshirishga xizmat qiladi.
Dastur doirasida ayollar uchun biznesni boshlash yoki rivojlantirishga mo‘ljallangan grantlar, biznes boshqaruvi, moliyaviy savodxonlik, marketing, raqamli ko‘nikmalar bo‘yicha treninglar Hamroh platformasi orqali taqdim etiladi.
Tadbirda O‘zbekiston Respublikasi Prezident administratsiyasi rahbari maslahatchisi va Loyiha ofisi bosh koordinatori Nozimaxon Davletova ayollarni qo‘llab-quvvatlashning davlat siyosatidagi ahamiyatiga alohida to‘xtaldi. U iqtisodiy faoliyatda ayollarning ishtirok etishi nafaqat o‘z hayotiga, balki jamiyatning umumiy rivojlanishiga ham bevosita ta’sir qilishini ta’kidladi.
“Bugungi kunda ayollarning iqtisodiyotga qo‘shayotgan hissasi tobora ortib bormoqda. Ayollar o‘z biznesini yurita olishi va iqtisodiy qarorlar qabul qilishi jamiyatning barqaror rivojlanishi uchun muhim omildir. Ayollarga imkoniyat berish, ularni qo‘llab-quvvatlash kelajak avlodni yetuk va ilmli bo‘lishini ta’minlaydi. Chunki ayol avvalo ona, farzandning tarbiyasi, uning dunyoqarashi va kelajakdagi muvaffaqiyatlari onaning salohiyatiga bog‘liq. Hukumat vakili sifatida shuni ta’kidlamoqchimanki, bugungi kunda davlatimiz ayollarning huquqlarini himoya qilish va ularning iqtisodiy hamda ijtimoiy imkoniyatlarini kengaytirishga qaratilgan qator loyihalarni amalga oshirmoqda. Xalqaro hamkorlar bilan ishlash ham ana shu ustuvor yo‘nalishlarning mantiqiy davomidir. Davlatimiz bunday loyihalarni qo‘llab-quvvatlaydi, chunki ular nafaqat ayollar hayotiga ijobiy ta’sir ko‘rsatishi bilan birga, balki O‘zbekistonning xalqaro maydondagi ijobiy imijini mustahkamlashga xizmat qiladi”.
Xalqaro hamkorlar nomidan The Coca-Cola Company Uzbekistan bosh direktori Kazumasa Mukae dastur ahamiyatini quyidagicha izohladi:
“WESP dasturidagi asosiy strategik maqsadimiz ayollarning iqtisodiy imkoniyatlarini kengaytirish va ularni biznes jarayonlariga faol jalb qilishdir. Biz Coca-Cola kompaniyasida ayollarni iqtisodiy rivojlanishning asosiy harakatlantiruvchi kuchi deb bilamiz. Ayolga resurs, ko‘nikma va ishonch berilsa, u birgina o‘z hayotini emas, balki butun jamiyatdagi ijobiy o‘zgarishlarga turtki bo‘lishi mumkin”.
U shuningdek, ushbu tashabbus kompaniyaning O‘zbekistondagi ijtimoiy mas’uliyat siyosati bilan bevosita bog‘liqligini ham aytib o‘tdi:
“Biz 15 yil davomida ta’lim, ekologiya, ichimlik suvi va aholini qo‘llab-quvvatlash yo‘nalishida bir qator loyihalarni amalga oshirdik. WESP ushbu tashabbuslarning mantiqiy davomi bo‘lib, ayollarga barqaror va keng imkoniyatlar yaratishga qaratilgan. Bizning maqsadimiz O‘zbekistonda ayollarning iqtisodiy o‘sishi uchun zarur ekotizimni shakllantirishdir”.
BMTTDning O‘zbekistondagi doimiy vakili Akiko Fudjii xonim WESP dasturining ahamiyatini alohida ta’kidlab, shunday dedi:
“WESP loyihasini noyob qiladigan jihat – bu uning yaxlit va kompleks yondashuvidir. Tashabbus, ayniqsa qishloq hududlardagi ayollarga tizimli to‘siqlarni yengib o‘tishga yordam beradi. U mentorlik dasturlari orqali yordam ko‘rsatish, treninglar asosida bilim va ko‘nikmalarni oshirish, qulay shartlarda moliyalashtirish imkoniyatini yaratish orqali ayollar tadbirkorligini rivojlantirishga katta turtki beradi. Joriy yil boshida ishga tushirilganidan buyon dastur doirasida qariyb 800 nafar ayol treninglarda ishtirok etdi, 100 dan ortiq trenerlar esa maxsus tayyorgarlikdan o‘tkazildi”.
Tadbir davomida ayollarning real hayotiy tajribasi aks ettirilgan hujjatli film namoyish etildi. Filmda ayollarning bir necha qiyinchiliklarni yengib o‘tishi, biznes yuritishdagi ilk qadamlar va ularning jamiyatga ijobiy ta’siri yoritildi.
WESP tashabbusi doirasida 2025–2026 yillarda ayollar tadbirkorligini rivojlantirish bo‘yicha keng ko‘lamli ishlar amalga oshiriladi. Kelgusi rejalarda Hamroh platformasi tomonidan bepul maslahat xizmati imkoniyatlarini kengaytirish va ayollar uchun barqaror o‘quv infratuzilmasini tizimlashtirish ham kiritilgan.
Reklama huquqi asosida
2026-yilning yanvar–mart oylarida kam ta’minlangan aholiga 161,5 mlrd so‘mga yaqin ijtimoiy keshbek to‘lab berildi. Soliq qo‘mitasi ma’lumotlariga ko‘ra, ushbu davrda 621,6 ming nafar fuqaro mazkur imkoniyatdan foydalangan.
Qayd etilishicha, hisobot davrida jami 2 mln 728,4 mingta chek ro‘yxatdan o‘tkazilgan. Faqat mart oyining o‘zida 984,5 mingta chek qayd etilib, 65,1 mlrd so‘m keshbek to‘langan.
Ijtimoiy keshbek hajmi bo‘yicha Andijon viloyati yetakchi — 94,7 mlrd so‘m. Keyingi o‘rinlarda Samarqand (12,5 mlrd so‘m) va Toshkent shahri (11,5 mlrd so‘m) qayd etildi.
Shuningdek, Toshkent viloyatida 10,8 mlrd, Farg‘onada 7,1 mlrd, Namanganda 4,6 mlrd so‘m keshbek to‘langan.
Qashqadaryoda 3,8 mlrd, Surxondaryoda 4,3 mlrd, Sirdaryoda 2,5 mlrd, Jizzaxda 2,9 mlrd so‘m qaytarilgan.
Qoraqalpog‘istonda 2,2 mlrd, Xorazmda 1,8 mlrd, Buxoroda 1,5 mlrd, Navoiyda 649 mln so‘m ijtimoiy keshbek ajratilgan.
Ma’lumot uchun, bu tizim 2023-yil 1-maydan joriy etilgan bo‘lib, «Ijtimoiy himoya yagona reyestri»ga kiritilgan shaxslarga tatbiq etiladi. Ular chakana savdo obyektlarida ayrim mahsulotlarni xarid qilganda 1 foiz emas, balki 12 foiz qo‘shilgan qiymat solig‘i miqdorida keshbek oladi.
Toshkent shahri markazida ayrim ko‘chalarda transport harakati vaqtincha cheklandi. Shahar hokimligi ma’lum qilishicha, cheklovlar 2-maydan 11-maygacha amal qiladi.
Buning sababi Milliy kutubxona oldidagi maydonda o‘tkaziladigan «Tashkent Flowers Fest 2026» gullar festivali bilan bog‘liq. Ayniqsa, 7–9-may kunlari tadbirning asosiy qismi o‘tkazilishi rejalashtirilgan.
Shu munosabat bilan Milliy kutubxona atrofidagi yo‘llarda transport vositalari harakati to‘liq yoki qisman to‘xtatildi.
Cheklovlar bir nechta markaziy ko‘chalarni qamrab olgan. Jumladan, Zarafshon ko‘chasining «Hyatt Regency Tashkent» mehmonxonasi oldidan Mustaqillik shoh ko‘chasigacha bo‘lgan qismi yopildi.
Shuningdek, Istiqlol ko‘chasining Amir Temur shoh va Buyuk Turon ko‘chalari oralig‘idagi qismida harakat cheklangan.
Buyuk Turon ko‘chasining Istiqlol ko‘chasidan Yoshlar ijod saroyigacha bo‘lgan qismida ham transport qatnovi vaqtincha to‘xtatildi.
Holat “G‘afur G‘ulom” bekatida sodir bo‘lgan. Yo‘lovchi ayol poyezd kirib kelayotganida uning yo‘liga tushib ketgan. Mashinist harakat tarkibini tezkor to‘xtatib qolgan. Ayol jiddiy jarohatlanmagan.
Foto: Toshkent metropoliteni
Toshkent metrosida yo‘lovchi ayol poyezd yo‘liga tushib ketdi. Bu haqda metropoliten matbuot xizmati xabar berdi.
Ma’lum qilinishicha, holat 2 may kuni soat 21:35 atrofida “G‘afur G‘ulom” bekatida sodir bo‘lgan. Bekatga 40-sonli harakat tarkibi kirib kelayotgan paytida yo‘lovchi ayol ehtiyotsizlik oqibatida yo‘lga tushib ketgan.
Mashinist tezkor va aniq harakat qilib, harakat tarkibini zudlik bilan to‘xtatgan hamda xavfsizlik choralariga to‘liq rioya etgan.
Dastlabki ma’lumotlarga ko‘ra, fuqaro jiddiy tan jarohati olmagan. U tez tibbiy yordam xodimlari tomonidan ko‘rik uchun olib ketilgan.
Qo‘shimcha qilinishicha, hodisa metro harakati jadvaliga ta’sir ko‘rsatmagan, barcha poyezdlar belgilangan jadval asosida harakatlangan.
DXX va bojxona xodimlari hamkorlikda yirik miqdordagi giyohvandlik moddalarini fosh qilishdi.
Voqea Kogon tumanida Surxondaryo–Buxoro yo‘nalishida harakatlanayotgan «Lacetti» avtomashinasi to‘xtatib tekshirilishidan boshlandi. Mashinani boshqarib kelayotgan buxorolik shaxs (1993-y.t) muqaddam narkojinoyat sodir etgani uchun sudlangani ma’lum bo‘ldi. Avtomashina ko‘zdan kechirilganda, uning motor qismidagi havo filtri ostiga yashirilgan 993 gramm «opiy» moddasi topildi.
Surishtiruv davomida ushbu modda Termiz tumanida yashovchi, xalqaro yuk tashish bilan shug‘ullanuvchi 46 yoshli shaxsdan olingani aniqlandi. Tezkor tadbir davom ettirilib, termizlik ham qo‘lga olindi. Uning yonidan Afg‘onistondan kontrabanda yo‘li bilan keltirilgan 5 kg, yashash xonadonidan esa 7 kg «opiy» ashyoviy dalil sifatida rasmiylashtirildi.
Mazkur shaxslarga nisbatan jinoyat ishi qo‘zg‘atilib, tergov harakatlari olib borilmoqda.
O‘zbekistonda energiya resurslaridan samarali foydalanishni kuchaytirishga qaratilgan yangi chora-tadbirlar belgilandi. Bu Prezidentning 2026-yil 29-aprelda qabul qilingan «2026-yilda energiya samaradorligini yanada oshirish, energiya resurslarini tejash va ulardan oqilona foydalanishning qo‘shimcha chora-tadbirlari to‘g‘risida»gi PF–70-sonli Farmonida o‘z aksini topgan.
Farmonga muvofiq, 2026-yil 1-iyuldan boshlab davlat tashkilotlari, ijtimoiy soha muassasalari hamda davlat ishtirokidagi korxonalarning yangi quriladigan, rekonstruksiya qilinadigan yoki mukammal ta’mirlanadigan bino va inshootlari energiya samaradorligining kamida «S» toifasiga javob berishi shart bo‘ladi. Bu talab binolarni loyihalash va qurish jarayonida energiya tejamkor yechimlarni joriy etishni rag‘batlantirishga qaratilgan.
Shu bilan birga, energiyani tejash iste’molchilarni elektr energiyasi yoki tabiiy gaz tarmoqlaridan uzib qo‘yish orqali emas, balki samaradorlikni oshirish orqali ta’minlanishi belgilandi. Bu yondashuv energiya ta’minotida barqarorlikni saqlash bilan birga, resurslardan oqilona foydalanishni ta’minlashga xizmat qiladi.
Hujjatga ko‘ra, Energiya samaradorligi milliy agentligiga Energiya samaradorligini rag‘batlantirish va qo‘llab-quvvatlash jamg‘armasi orqali energiya servis kompaniyalari (ESKO) tomonidan ko‘rsatiladigan xizmatlar uchun kafolatlangan to‘lovlarni amalga oshirish huquqi berildi. Bu mexanizm sohada xususiy sektor ishtirokini kengaytirish va yangi loyihalarni jalb qilish imkonini oshiradi.
2026 yildan boshlab energiya sarfi belgilangan me’yorlardan keskin oshib ketgan davlat obyektlarida har yili xalqaro standartlar asosida energiya samaradorligini yaxshilashga qaratilgan dasturlar amalga oshiriladi. Bu orqali ortiqcha energiya sarfini kamaytirish va tizimli nazoratni kuchaytirish ko‘zda tutilgan.
Shuningdek, 2026-yil 1-oktyabrga qadar energiya iste’molini tahlil qilishda zamonaviy raqamli yechimlar joriy etiladi. Xususan, Big Data, Business Intelligence va sun’iy intellekt texnologiyalari orqali energiya sarfi va samaradorlik ko‘rsatkichlarini doimiy monitoring qilish tizimi yo‘lga qo‘yiladi.
Shavkat Mirziyoyev Samarqandga tashrif buyurdi
Kam ta’minlanganlarga 161,5 mlrd so‘m ijtimoiy keshbek berilgan
Toshkentdagi ayrim ko‘chalar 11-maygacha yopildi
-
Siyosat4 days agoOʻzbekiston Davlat investitsiya jamgʻarmasi Toshkent va Londonda ikki tomonlama IPO oʻtkazdi
-
Siyosat4 days agoOʻzbekistonda yashirin forumda davlat xizmatchilariga oid maʼlumotlarning sizib chiqib ketishini tekshirmoqda
-
Jamiyat4 days agoMashina olib berish va’dasida yuzlab odamni chuv tushirgan “Umid avto”chilarga hukm o‘qildi
-
Siyosat3 days agoPrezident Mirziyoyev energiya tejash vositasi sifatida kommunal xizmatlarni oʻchirishni taqiqlovchi farmonni imzoladi
-
Dunyodan4 days ago
Jarrohlar Apple Vision Pro foydasiga monitorlardan voz kechishmoqda
-
Iqtisodiyot4 days ago«Kursga sun’iy ta’sir o‘tkazish tarafdori emasmiz»
-
Iqtisodiyot5 days agoAQSh logistikasini O‘zbekistonda turib «zabt etgan» Sarvarjon Narimonov hikoyasi
-
Dunyodan4 days ago
Ukraina va Yevropa Ittifoqi Isroilga qarshi sanksiyalar kiritmoqchi