Jamiyat
O‘zbekistonda nogironligi bo‘lgan sayyohlar uchun qulay infratuzilma yaratiladi
O‘zbekiston Respublikasida nogironligi bo‘lgan sayyohlar uchun qulay infratuzilma yaratish «to‘siqsiz turizm»ni rivojlantirishning asosiy yo‘nalishlaridan biridir. Bu konsepsiya nafaqat turizm sohasidagi imkoniyatlarni kengaytiradi, balki ijtimoiy adolat va tenglikni ta’minlashga ham xizmat qiladi. So‘nggi yillarda mamlakatimiz turizm infratuzilmasini modernizatsiya qilishga katta e’tibor qaratmoqda, xususan, tarixiy obidalar, muzeylar, mehmonxonalar va transport tizimlarida nogironligi bo‘lgan shaxslar uchun qulayliklar joriy etilmoqda.
«To‘siqsiz turizm»ni amalga oshirishda eng muhim jihatlardan biri – transport tizimini moslashtirishdir. Masalan, shaharlarda jamoat transportida maxsus ramplar, kengaytirilgan eshiklar va belgilar orqali nogironlar uchun xavfsiz va qulay harakatlanish imkoniyati yaratilmoqda. Shuningdek, aeroportlar va temir yo‘l stansiyalarida liftlar, maxsus yordamchi qurilmalar va xizmat ko‘rsatish xodimlarining malakasini oshirish orqali sayyohlar uchun xizmat sifatini yaxshilashga e’tibor qaratilmoqda.
Turizm ob’yektlarida ham kirish imkoniyati standartlarini joriy etish katta ahamiyatga ega. Muzeylar, tarixiy yodgorliklar va dam olish maskanlarida maxsus yo‘laklar, moslashuvchan inventar va audio-gidlar orqali nogironligi bo‘lgan sayyohlar ham madaniy va tarixiy tajribaga to‘liq ega bo‘lishlari mumkin. Bu nafaqat sayyohlar uchun qulaylik yaratadi, balki mamlakatning turizm salohiyatini oshirishga xizmat qiladi.
Shuningdek, axborot texnologiyalari yordamida «to‘siqsiz turizm»ni rivojlantirish mumkin. Mobil ilovalar va veb-saytlar orqali nogironligi bo‘lgan sayyohlar uchun mos ob’yektlar, transport yo‘nalishlari va xizmatlar haqida oldindan ma’lumot olish imkoniyati yaratilmoqda. Bu esa ularning sayohatlarini rejalashtirishni osonlashtiradi va O‘zbekistonni qulay, xavfsiz va inklyuziv turizm maskaniga aylantiradi.
Termiz tumanida yashovchi fuqaro boshqaruvidagi yuk mashina chegarada ko‘rikdan o‘tkazilgan. Uning yukxonasidagi kartoshkalar orasidan kartoshka ko‘rinishida yasalgan 72 kg gashish topilgan. Ushbu narkotik modda Rossiyaga olib ketilayotgan bo‘lgan.
Surxondaryoda Afg‘onistondan Rossiyaga olib ketilayotgan katta miqdordagi narkotik modda fosh etildi. Bu haqda Davlat xavfsizlik xizmati xabar berdi.
Ma’lum qilinishicha, Termiz tumanida yashovchi 25 yoshli haydovchi boshqaruvidagi MAN yuk mashinasi Afg‘onistondan “Termiz-avtomobil yo‘li” xalqaro o‘tkazish punktiga kirib kelgan vaqtda DXX Chegara qo‘shinlari va Bojxona idoralari xodimlari hamkorligida ko‘rikdan o‘tkazilgan. Jarayonda mashina yukxonasida kartoshka mahsulotlari borligi ma’lum bo‘lgan.
Qishloq xo‘jaligi mahsuloti sinchkovlik bilan tekshirilganda ularning orasiga kartoshka ko‘rinishida yasalgan 222 dona bo‘lakdan iborat 72 kg 300 gr gashish yashirilganligi aniqlangan. Narkotik modda protsessual tartibda rasmiylashtirib olingan.
Dastlabki ma’lumotlarga ko‘ra, katta miqdordagi ushbu narkotik modda Rossiyaga olib ketilayotgan bo‘lgan.
Hozirda holat yuzasidan surishtiruv ishlari olib borilmoqda.
Avvalroq Samarqandda 38 kilogrammga yaqin narkotik modda aniqlangandi.
Elektr ta’minotini yaxshilash hamda iste’molchilarga sifatli elektr xizmatlarini ko‘rsatish maqsadida 2026 yil 24 martdan 31 martga qadar Toshkent shahrining Mirzo Ulug‘bek tumanidagi Mingbuloq va Shukur Burhonov ko‘chalarida yerosti kabel tarmoqlarini tortish ishlari olib boriladi.
Shu munosabat bilan mazkur hududda avtoulovlar harakatiga vaqtincha o‘zgarishlar kiritiladi. Xususan, Mingbuloq ko‘chasining Hamroyeva ko‘chasidan kirish qismida harakat vaqtincha cheklanadi. Avtoulovlar yo‘lning ikkinchi bo‘lagidan qarama-qarshi yo‘nalishda harakatlanadi. Shuningdek, Do‘rmon yo‘li ko‘chasidan Mingbuloq ko‘chasiga harakatlanish imkoniyati saqlab qolinadi.
Bundan tashqari, Mingbuloq ko‘chasidan Shukur Burhonov ko‘chasiga harakatlanish ham vaqtincha cheklanadi.
Mas’ullar haydovchilardan belgilangan tartib va tezlik me’yorlariga qat’iy amal qilgan holda harakatlanishni so‘ramoqda. Yuzaga kelishi mumkin bo‘lgan noqulayliklar uchun uzr so‘raldi.
Qashqadaryo viloyatining Shahrisabz tumani hududida joylashgan Hisor tog‘ tizmasida yirik qor ko‘chkisi qayd etildi. Hodisa 2026 yil 23 mart kuni taxminan soat 16:25 larda sodir bo‘lgan.
Ma’lum qilinishicha, qor ko‘chkisi dengiz sathidan 3000 metr balandlikda boshlanib, umumiy hajmi taxminan 700 ming kub metrni tashkil etgan. Ko‘chki aholi yashash hududidan taxminan 5 kilometr uzoqlikda yuz bergan.
Hodisa oqibatida hech qanday qurbonlar yoki jarohatlanganlar qayd etilmagan. Shuningdek, infratuzilma va aholi turar joylariga zarar yetmagan.
Mutaxassislar ta’kidlashicha, bahor mavsumida tog‘li hududlarda qor ko‘chkilari xavfi saqlanib qoladi. Shu munosabat bilan fuqarolarga ehtiyotkorlik choralariga rioya qilish tavsiya etilmoqda.
Kuni kecha Qamchiq dovonida yuk avtomobili ishtirokida yo‘l-transport hodisasi sodir bo‘ldi. Oradan bir kun o‘tib esa shu hududda «Spark» rusumli avtomobil yo‘ldan chiqib ketdi. Har ikki holatda ham qutqaruvchilar haydovchilarga tezkor yordam ko‘rsatdi.
Ma’lum qilinishicha, kuni kecha taxminan soat 11:30 lar atrofida yuk avtomobili haydovchisi boshqaruvni yo‘qotishi oqibatida transport vositasi yon tomonga ag‘darilib ketgan. Hodisa natijasida qurbonlar va jarohatlanganlar qayd etilmagan. Biroq avtomashinaga ortilgan yuklar yo‘lning qatnov qismiga sochilib ketgan.
Hodisa joyiga Favqulodda vaziyatlar vazirligining «Qamchiq» maxsus qidiruv boshqarmasi qutqaruvchilari yetib kelib, haydovchiga yordam ko‘rsatgan va yo‘l-transport hodisasi oqibatlarini bartaraf etgan.
Bundan bir kun avval esa taxminan shu hududning o‘zida «Spark» rusumli avtomobil yo‘ldan chiqib, xandaqqa tushib ketgan. Ushbu holatda ham qutqaruv bo‘linmalari xodimlari tomonidan haydovchiga amaliy yordam ko‘rsatilgan.
Otabek Umarov nomidan tarqalayotgan videolarga izoh berildi.
Ijtimoiy tarmoqlarda O‘zbekiston Milliy Olimpiya qo‘mitasi raisining birinchi o‘rinbosari Otabek Umarov nomidan onlayn kazinolarni targ‘ib qiluvchi video tarqalmoqda.
«Shuni ma’lum qilamizki, ushbu material mutlaqo haqiqatga to‘g‘ri kelmaydi. Mazkur video sun’iy intellekt texnologiyalari yordamida soxtalashtirilgan bo‘lib, undagi tasvir va ovoz real voqelikka mos emas hamda jamoatchilikni chalg‘itishga qaratilgan.
O‘zbekiston Milliy Olimpiya qo‘mitasi hamyurtlarimizdan bunday asossiz va soxta axborotlarga ishonmaslikni so‘raydi» deyiladi qo‘mita xabarida.
Hukumat Toshkent issiqxonalarini janubiy viloyatlarga ko‘chirish rejasini ma’lum qildi
Jahon banki Surxondaryoda yo‘l qurishga 200 mln dollar ajratadi
Afg‘onistondan kartoshka ko‘rinishida olib o‘tilayotgan 72 kg gashish fosh qilindi
-
Siyosat5 days agoSoʻnggi savdo maʼlumotlariga koʻra, Oʻzbekiston temir yoʻllari importi eksportdan 2,5 barobar koʻp
-
Dunyodan4 days ago
Isroil Livan janubida quruqlikdan operatsiya boshladi
-
Jamiyat4 days agoCoca-Cola O‘zbekistonda Ramazon oyida bir qator xayriya tashabbuslarini amalga oshirdi
-
Jamiyat4 days agoToshkentda bayram kunlari jamoat transporti uchun maxsus jadval joriy etildi
-
Mahalliy4 days agoRo‘zadan keyin 90 foiz odamlar yo‘l qo‘yadigan xato
-
Jamiyat4 days agoChilonzorda Al-Xorazmiy ko‘chasining bir qismi yopiladi
-
Dunyodan5 days ago
Eron Hindistondan qo’lga olingan tankerni ozod qilishni talab qildi
-
Jamiyat5 days ago23 martdan Toshkent – Chorvoq avtobus qatnovi qayta tiklanadi