Jamiyat
O‘zbekistonda bugun ham 43 darajagacha issiq saqlanib qoladi
O‘zgidromet ma’lumotiga ko‘ra, bugun O‘zbekiston hududida havo kam bulutli bo‘ladi, yog‘ingarchilik kutilmaydi. Sharqdan 7–12 m/s tezlikda shamol esadi, ayrim joylarda shamol tezligi 13–18 m/s gacha kuchayishi, ba’zi hududlarda chang-to‘zon kuzatilishi mumkin. Havo harorati 36–41 daraja, shimoliy, janubiy va cho‘l hududlarida 42–43 darajagacha ko‘tariladi.
Toshkent shahrida havo kam bulutli bo‘ladi, yog‘ingarchilik kutilmaydi. Sharqdan 3–8 m/s tezlikda shamol esadi. Havo harorati 37–39 daraja bo‘ladi.
Respublikaning tog‘li hududlarida havo kam, ayrim joylarda o‘zgaruvchan bulutli bo‘ladi, yog‘ingarchilik kutilmaydi. Sharqdan 7–12 m/s tezlikda shamol esadi. Havo harorati 28–33 daraja bo‘ladi.