Iqtisodiyot
O‘zbekistonda birinchi migrantlar resurs markazi ochildi – u xavfsiz migratsiyaga ko‘maklashadi
Markaz Yevropa Ittifoqi bilan hamkorlikda tashkil etildi. U xavfsiz va qonuniy migratsiya bo‘yicha maslahat berish, norasmiy migratsiya xavflari haqida xabardorlikni oshirish, odam savdosi tahdidlari haqida ma’lumot berish bilan shug‘ullanadi.
O‘zbekiston Respublikasi Vazirlar Mahkamasi huzuridagi Migratsiya agentligi va Xalqaro migratsiya siyosatini rivojlantirish markazi Yevropa Ittifoqi tomonidan moliyalashtirilgan Protect loyihasi doirasida mamlakatdagi birinchi migrantlar resurs markazini ochdi. Bu haqda Yevropa ittifoqining Toshkentdagi vakolatxonasi xabar berdi.
Yuqoridagi uch idora “Protect: Ipak yo‘li va Markaziy Osiyodagi ayrim mamlakatlarda migratsiyani boshqarish va migrantlarni himoya qilishni yaxshilash loyihasi”ni amalga oshiradi. O‘zbekistonda birinchi migrantlar resurs markazi ushbu loyiha doirasida tashkil etilgan.
Rasmiy xabarga ko‘ra, markazning asosiy maqsadi – mintaqa bo‘ylab potensial migrantlar uchun xavfsiz va qonuniy migratsiya bo‘yicha xizmatlardan foydalanish imkoniyatlarini kengaytirish, noqonuniy migratsiya xavflari va odam savdosi tahdidlari haqida xabardorlikni oshirish. Loyiha O‘zbekiston hukumati bilan 2025 yil mart oyida imzolangan anglashuv memorandumi orqali rasman yo‘lga qo‘yilgan.
“Bunday markazlar odamlarni migratsiya haqida ongli qaror qabul qilish uchun zarur ma’lumot bilan ta’minlashda muhim o‘rin tutadi. Global Gateaway strategiyasi tamoyillariga muvofiq, YeI Markaziy Osiyodagi hamkorlar bilan transport, raqamli texnologiyalar, energetika yoki ijtimoiy sohalarda barqaror, inson markazidagi infratuzilmaga investitsiya qiladi. Bu esa uyda va chet elda imkoniyatlarni yaratib, noqonuniy migratsiyani rag‘batlantiruvchi bosimlarni kamaytiradi”, – deydi Yevropa Ittifoqining O‘zbekistondagi elchisi Toivo Klaar.
Ma’lum qilinishicha, Toshkentdagi migrantlar resurs markazi dunyo bo‘yicha faoliyat yuritayotgan 14 ta MRM tarmog‘ining eng so‘nggi tashkil etilgani hisoblanadi. Yangi markaz migratsiya yoki qaytishni rejalashtirayotganlar uchun amaliy va o‘z vaqtida yordam ko‘rsatib, ularning qarorlari ongli, xavfsiz va huquqlarga asoslangan bo‘lishini ta’minlaydi.
Toshkentdagi MRM potensial migrantlar, qaytib kelgan fuqarolar va ularning oilalari uchun ishonchli, qulay va dolzarb ma’lumot hamda maslahatlarni taqdim etadi. Jumladan, o‘zbekistonlik fuqarolar uchun quyidagi xizmatlar ko‘zda tutilgan:
qonuniy migratsiya yo‘nalishlari va xorijda ish imkoniyatlari bo‘yicha ma’lumot berish sessiyalari;
noqonuniy migratsiya, odam savdosi va ekspluatatsiya xavflari haqida xabardorlik kampaniyalari;
jo‘nab ketayotganlar uchun tayyorgarlik bo‘yicha maslahatlar va qaytganlar uchun reintegratsiya bo‘yicha maslahatlar.
Shunday markaz 2023 yilda Dushanbe shahrida va 2024 yilda Qirg‘izistonning O‘sh shahrida ochilgan.
“O‘shdagi markaz ishga tushirilganidan buyon 6 mingdan ortiq kishiga maslahat berilgan va ijtimoiy tarmoqlar orqali maslahat olganlar soni qariyb 1 million kishiga yetgan. Dushanbedagi markaz esa 10 mingdan ortiq kishiga yuzma-yuz maslahat bergan va 710 mingdan ziyod kishiga onlayn axborot yetkazgan”, – deyiladi rasmiy xabarda.
Qo‘shimcha qilinishicha, Toshkentdagi markaz butun O‘zbekiston bo‘ylab faoliyatini kengaytiradi, mahalliy muassasalar bilan hamkorlik qiladi, maqsadli shaxslar bilan ishlash orqali migratsiya masalalari bo‘yicha samarali xabardorlik ishlarini olib boradi. Bundan tashqari, ma’lumot kampaniyalari davomida yig‘ilgan axborot migratsiya siyosatini dalillarga asoslangan holda shakllantirish, boshqaruv tizimini mustahkamlash va yanada samarali xizmat ko‘rsatishni qo‘llab-quvvatlash uchun foydalaniladi.
Avvalroq, Migratsiya agentligining ikki xodimi Koreyaga yuborish uchun 700 ming dollar olgani xabar qilingandi. Shundan keyin Migratsiya agentligi Koreyaga yuborish bilan bog‘liq barcha kadrlar to‘liq o‘zgartirilganini ma’lum qildi.
Humo kartalari bo‘yicha 13131 raqamidan kiruvchi SMS-xabar narxi 84,2 so‘m miqdorida saqlanib qolinadi. Avvalroq, 1 maydan boshlab narxlar 168,4 so‘mga oshirilishi haqida xabar berilgandi.
Foto: Sun’iy intellekt tomonidan yaratilgan surat
Octotelecom kontent-provayderi Humo kartalari bo‘yicha 13131 qisqa raqamidan yuboriladigan SMS-xabarnomalar narxi 1 maydan boshlab 168,4 so‘mga oshirilishi haqida xabar bergandi. Bu iste’molchilarning e’tirozlariga sabab bo‘ldi.
Shundan so‘ng Humo to‘lov tizimi operatori bo‘lgan Milliy banklararo protsessing markazi narx avvalgi darajada saqlanib qolinishini e’lon qildi.
Kompaniya foydalanuvchilar murojaatlari va xizmat ahamiyatini inobatga olib, Octotelecom’ga amaldagi tarifni saqlab qolish bo‘yicha rasmiy xat yuborgan. Qo‘shimcha tahlil natijasida uni o‘zgarishsiz qoldirish to‘g‘risida qaror qabul qilindi.
«Qo‘shimcha tahlillar va Octotelecom bilan konstruktiv muloqot yakunlariga ko‘ra, amaldagi tarifni saqlab qolish to‘g‘risida qaror qabul qilindi. 2026 yil 1 maydan boshlab 13131 raqamidan keluvchi bitta kiruvchi SMS-xabar narxi o‘zgarmaydi va 84,2 so‘mni tashkil etadi», deyiladi xabarda.
2026-yil yanvar–fevral oylarida O‘zbekistonda yirik korxonalar tomonidan jami 4,1 trln so‘mlik kiyim-kechak ishlab chiqarildi. Bu haqda Milliy statistika qo‘mitasi ma’lum qildi.
Qayd etilishicha, hududlar kesimida eng yuqori ko‘rsatkich Andijon viloyatiga to‘g‘ri keldi. Ushbu hududda 1,8 trln so‘mlik mahsulot ishlab chiqarilib, respublikada mutlaq yetakchiga aylandi.
Shuningdek, Toshkent viloyatida 524,6 mlrd so‘m, Namangan viloyatida 438,6 mlrd so‘mlik kiyim ishlab chiqarilgan. Bu hududlar ham yuqori ko‘rsatkichlar bilan ajralib turibdi.
Farg‘ona viloyatida 371,4 mlrd so‘mlik, Toshkent shahrida esa 310,3 mlrd so‘mlik kiyim ishlab chiqarilgan.
So‘nggi o‘rinlarda esa Surxondaryo viloyati 10,4 mlrd so‘m va Jizzax viloyati 19,3 mlrd so‘mlik ko‘rsatkich bilan qayd etilgan.
Boshqa hududlar orasida Samarqand viloyati 158 mlrd so‘m, Buxoro viloyati 117,4 mlrd so‘m, Qashqadaryo viloyati 89 mlrd so‘mlik mahsulot ishlab chiqargan.
“Soliq va tadbirkorlik sohasidagi ayrim qonun hujjatlariga o‘zgartish va qo‘shimchalar kiritish to‘g‘risida”gi qonunga muvofiq, mazkur sohada muhim o‘zgartishlar amalga oshirildi.
Xususan, Jinoyat kodeksining 179-moddasiga o‘zgartirish kiritilib, soxta tadbirkorlik uchun jarima, muayyan huquqlardan mahrum qilish va ozodlikdan mahrum qilish kabi sanksiyalar nazarda tutilmoqda.
Endilikda tadbirkorlik faoliyatini amalga oshirish maqsadini ko‘zlamasdan ssudalar, kreditlar olish, foydani (daromadni) soliqlardan ozod qilish (soliqlarni kamaytirish) yoki boshqacha mulkiy manfaat ko‘rish maqsadida tadbirkorlik sub’yektini tashkil etish BHMning 100 baravaridan 200 baravarigacha miqdorda jarima yoki 3 yilgacha axloq tuzatish ishlari yoxud muayyan huquqdan mahrum qilib, 1 yildan 3 yilgacha ozodlikni cheklash yoki 1 yildan 3 yilgacha ozodlikdan mahrum qilish bilan jazolanishi belgilanmoqda.
Shuningdek, 184-modda (soliqlarni to‘lashdan bo‘yin tovlash) – jinoyat tarkibi aniqlashtirilib, jarima, majburiy to‘lovlarni undirish va ozodlikdan mahrum qilish choralari qayta belgilandi, ilk huquqbuzarlikda zarar to‘liq qoplansa, javobgarlikdan ozod etish tartibi saqlab qolindi, jinoyat ishlarida jamoat himoyachisi ishtiroki ta’minlandi.
Qonun rasman e’lon qilingan kundan e’tiboran 3 oy o‘tgach kuchga kiradi.
O‘zbekiston aholisining katta qismi qaysi sohalarda ishlaydi?
Source link
2026-yilning yanvar-fevral oylarida O‘zbekistonning tashqi savdo aylanmasida import hajmi 8,1 milliard AQSh dollarini tashkil etdi. Bu haqda Milliy statistika qo‘mitasi ma’lum qildi.
Qayd etilishicha, bu ko‘rsatkich o‘tgan yilning mos davriga nisbatan 29,8 foizga o‘sgan. Ushbu davrda mamlakat 135 dan ortiq davlatdan tovar va xizmatlar import qilgan.
Import tarkibida eng katta ulushni Xitoy egalladi. Ushbu davlatdan 2,8 milliard dollarlik mahsulot olib kirilgan.
Rossiya ikkinchi o‘rinda bo‘lib, import hajmi 1,4 milliard dollarni tashkil etgan. Qozog‘iston esa 677 million dollarlik ko‘rsatkich bilan uchinchi o‘rindan joy olgan.
Koreya Respublikasi 306,1 million dollar, Turkiya 259,8 million dollar, Germaniya 182,6 million dollarlik import bilan keyingi o‘rinlarni egallagan.
Shuningdek, Hindistondan 179,3 million dollarlik, Belarusdan 144,3 million dollarlik tovarlar import qilingan.
Turkmaniston 121,5 million dollar, AQSh esa 98,6 million dollarlik ko‘rsatkich bilan kuchli o‘nlikka kirgan.
Humo kartalari bo‘yicha SMS-xabarnomalar narxi oshirilmaydi
Shavkat Mirziyoyev bugun Farg‘onaga boradi
«zakladka» ortidagi hayot haqida hikoya
-
Siyosat5 days agoPrezident Mirziyoyev mintaqaviy sammitda yashil savdo yoʻlaklari va yagona iqlim investitsiya strategiyasini taklif qildi
-
Jamiyat5 days ago
Giyohvand moddalar aylanmasini nazorat qilishning milliy tizimi takomillashtiriladi
-
Jamiyat5 days agoShavkat Mirziyoyev Ostonaga yetib bordi
-
Iqtisodiyot4 days ago“QQSni oson qaytarib olish ta’minlanmasa, stavkani 6 foizga tushirishni taklif qilamiz” – Davron Vahobov
-
Iqtisodiyot4 days ago
Markaziy bank: 24-aprelda dollar pasayadi
-
Dunyodan3 days ago
Buyuk Britaniyada “chekmaydigan avlod” dunyoga keldi
-
Iqtisodiyot4 days agoQirg‘iziston ilk marta Yevropa Ittifoqining sanksiyalarni chetlab o‘tishga qarshi kurashish mexanizmiga tushdi
-
Dunyodan3 days ago
Eron oliy rahbari yuzi va oyog‘idan jiddiy jarohat oldi