Iqtisodiyot
O‘zbekistonda aholi daromadlarining o‘sishi tezlashdi. Bu pul o‘tkazmalari oshishi bilan bog‘liq
2025 yilning 9 oyi yakunlariga ko‘ra O‘zbekistonda aholi umumiy daromadlarining real o‘sishi 8,4 foizni, jon boshiga daromadlarning real o‘sishi esa 6,3 foizni tashkil etdi. Shu bilan birga eng boy va eng kambag‘al hududlar o‘rtasidagi farq 3,5 baravargacha kengaydi. Aholining umumiy daromadlarida xorijdan pul o‘tkazmalarining ulushi 21,5 foiz bo‘ldi. Iqtisodchi Mirkomil Xolboyevga ko‘ra, pul o‘tkazmalaridagi o‘sishsiz 8 ta viloyatda real daromadlar qisqargan bo‘lardi.
2025 yilning 9 oyi yakunlariga ko‘ra O‘zbekiston aholisining umumiy daromadlari 825,3 trillion so‘mga yetdi. Bu haqda Milliy statistika qo‘mitasi hisobotida keltirib o‘tilgan.
Hisobot davrida aholi daromadlarining nominal ko‘rinishdagi o‘sishi 18,4 foizni, real o‘sish sur’ati esa 8,4 foizni tashkil etgan. O‘tgan yilning mos davrida bu ko‘rsatkich mos ravishda 17,9 va 7,7 foiz bo‘lgandi.
Aholi jon boshiga umumiy daromadlar esa nominal qiymatda 16,1 foizga (2024 yilning III choragida – 15,5 foiz), real ko‘rinishda 6,3 foizga (5,5 foiz) ko‘paydi. Natijada 2025 yilning dastlabki 9 oyida aholi jon boshiga o‘rtacha daromad 21,8 mln so‘mga (17,4 mln so‘m) yetgan.
Hududlar kesimida daromadlarning eng yuqori ko‘rsatkichi Toshkent shahri (52 mln 29 ming so‘m), Navoiy (32 mln 52 ming so‘m), Buxoro (25 mln 972 ming so‘m), Xorazm (22 mln 817 ming so‘m) va Toshkent (21 mln 940 ming so‘m) viloyatlarida qayd etilgan. Poytaxt va 4 ta viloyatda aholi jon boshiga umumiy daromadlar respublikadagi umumiy ko‘rsatkichdan baland bo‘lgan.
Bu boradagi eng quyi ko‘rsatkichlar Qoraqalpog‘iston Respublikasi (14 mln 843 ming so‘m), Namangan (15 mln 832 ming so‘m) va Surxondaryo (16 mln 483 ming so‘m) viloyatlarida qayd etilgan. Poytaxt va Qoraqalpog‘istondagi daromadlar farqi 3,32 barobardan 3,51 barobarga yetgan.
Aholi jon boshiga daromadlarning eng yuqori real o‘sishi Farg‘ona viloyati (13,4 foiz), Toshkent shahri (10,3 foiz) va Qashqadaryo viloyatida (6,6 foiz) kuzatilgan. Aksincha Andijon (1,1 foiz), Qoraqalpog‘iston Respublikasi (2,2 foiz) va Toshkent viloyatida (3,3 foiz) aholining real daromadlari juda kam miqdorda o‘sgan.
Aholining umumiy daromadlari tarkibi
Hisobot davrida aholi umumiy daromadlarining katta qismi mustaqil ravishda band bo‘lishdan olingan daromadlarni o‘z ichiga olgan mehnat faoliyatidan olingan – 33,8 foiz. Shuningdek, transfertlardan olingan daromadlar (30,2 foiz), yo‘llanma ishchilarning daromadlari (26,1 foiz) ham salmoqli ulushni egallaydi.
Transfertlardan olingan daromadlarning ulushi Farg‘ona, Andijon, Xorazm, Samarqand viloyatlarida aholi umumiy daromadlariga nisbatan 38 foizdan yuqori ko‘rsatkichni tashkil etgan bo‘lsa, Navoiy viloyatida mazkur daromad turining ulushi eng past – 13,9 foiz bo‘lgan.
Xususan, aholining umumiy daromadlarida (boshqa joriy transfertlarni hisobga olgan holda) xorijdan pul o‘tkazmalarining ulushi 21,5 foizgacha oshgan.
Pul o‘tkazmalariga eng katta bog‘liqlik Farg‘ona, Xorazm, Andijon viloyatlarida kuzatilgan.
Pul o‘tkazmalaridagi o‘sishsiz 8 ta viloyatda real daromadlar qisqargan bo‘lardi
Iqtisodchi Mirkomil Xolboyev tahlillariga ko‘ra, pul o‘tkazmalari umumiy daromadlar o‘sishida judayam muhim omil bo‘lib qolyapti.
“Respublikadagi o‘rtacha o‘sishning qariyb teng yarmi (8,0 foiz band) pul o‘tkazmalaridagi yuqori o‘sish hisobiga shakllangan. 8 ta viloyatda esa daromadlar o‘sishining yarmidan ko‘proq qismi pul o‘tkazmalari hisobiga yuzaga kelgan. Bu borada eng yuqori ko‘rsatkich, Xorazm (78,7 foiz) hamda Samarqand (77,7 foiz) viloyatlarida hisoblanadi.
Agar pul o‘tkazmalarida o‘sish kuzatilmaganda, respublika jon boshiga umumiy daromadlar real ko‘rsatkichlarda o‘smagan, shuningdek, 8 ta viloyatda jon boshiga daromadlar real ko‘rsatkichda qisqarishi kuzatilardi. Bunda pul o‘tkazmalaridagi o‘sishsiz jon boshiga daromadlarning eng yuqori qisqarishi Samarqandda (-5 foiz) yuz bersa, Xorazm (-4,6 foiz), Surxondaryo (-4,3 foiz) hamda Andijonda (-3,1) real daromadlarning qisqarishi 3 foizdan yuqori bo‘lar edi.
Pul o‘tkazmalarisiz daromadning yuqori o‘sishi Toshkent shahrida kuzatilib, real ko‘rsatkichlarda 7,1 foizni tashkil etgan. Bu holat xizmatlar sohasida yuqori o‘sish bilan izohlanishi mumkin. Shuningdek, Farg‘ona viloyati umumiy daromadida pul o‘tkazmalarining ulushi eng yuqori hudud (umumiy daromadlarning 33,7 foizi) bo‘lishiga qaramasdan, pul o‘tkazmalaridagi o‘sishsiz jon boshiga daromadlar qisqarmagan.
Yana bir jihat, pul o‘tkazmalari daromad va iste’molni oshirishini hisobga olsak, agar pul o‘tkazmalari haqiqatan ham o‘smaganda daromadlarning qisqarishi grafikdagidan yirikroq shakllangan bo‘lar edi. Ya’ni ko‘plab viloyatlarda pul o‘tkazmalari daromadlar o‘sishini belgilovchi asosiy faktor bo‘lib, ahamiyati so‘nggi yillarda oshib bormoqda”, deya yozdi iqtisodchi.
O‘zbekiston Prezidenti Shavkat Mirziyoyev «Wabtec» kompaniyasi direktorlar kengashi raisi va bosh ijrochi direktori Rafael Santanani qabul qildi. Bu haqda Prezident matbuot xizmati xabar berdi.
Uchrashuvda mamlakatda temir yo‘l infratuzilmasi va tranzit salohiyati rivojlanayotganini hisobga olib, lokomotivlar parkini yangilash va kengaytirish masalalari ko‘rib chiqildi.
AQSh moliya institutlari ishtirokida lokomotivlarni uzoq muddatli servis xizmati bilan birga yetkazib berish imkoniyatlari muhokama qilindi.
Shuningdek, O‘zbekistonda texnik xizmat ko‘rsatishni yo‘lga qo‘yish, butlovchi qismlar ishlab chiqarish va mutaxassislar tayyorlash masalalari ko‘rib chiqildi.
Tog‘-kon korxonalari karer texnikasiga xizmat ko‘rsatuvchi servis markazini tashkil etish hamda dizel-generator qurilmalari bo‘yicha hamkorlik qilishga ham e’tibor qaratildi.
«Wabtec» lokomotivlar, temir yo‘l texnikasi, raqamli va servis yechimlarini ishlab chiqarish bo‘yicha jahondagi yetakchi kompaniyalardan biri hisoblanadi. Kompaniya Markaziy Osiyo mamlakatlarida ham loyihalarni amalga oshirmoqda.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Milliy statistika qo‘mitasi ma’lumotlariga ko‘ra, 2026-yil yanvar–iyul oylarida O‘zbekistonga 46 davlatdan qariyb 28,5 ming tonna shokolad mahsulotlari olib kirilgan.
Import qilingan mahsulotlarning umumiy qiymati 123,7 mln AQSh dollarini tashkil etgan. Bu o‘tgan yilning mos davriga nisbatan 1,6 ming tonnaga yoki 6 foizga ko‘p.
Import hajmi bo‘yicha Rossiya keskin ustunlik qilgan. Yilning dastlabki yetti oyida Rossiyadan O‘zbekistonga 19,5 ming tonna shokolad mahsulotlari yetkazib berilgan.
Rossiyadan kelgan shokolad mahsulotlari umumiy importning qariyb 70 foizini tashkil etgan. Keyingi o‘rinda Ukraina bo‘lib, undan 2,2 ming tonna mahsulot import qilingan.
Qozog‘istondan 914 tonna, Belarusdan 805,2 tonna shokolad mahsulotlari olib kirilgan. Litvadan import 746,2 tonnani tashkil etgan.
Turkmaniston 715,2 tonna, Turkiya esa 569,5 tonna ko‘rsatkich bilan keyingi o‘rinlarda qayd etilgan. Qolgan davlatlar hisobiga 3 ming tonna mahsulot to‘g‘ri kelgan.
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot5 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat4 days ago
Toshkentda xalqaro moda akademiyasi tashkil etiladi
-
Iqtisodiyot2 days ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat1 day ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat1 day ago
O‘zbekiston do‘konlarida 73 turdagi mahsulot sifatsiz deb topildi