Siyosat
O‘zbekiston va OTB 2030 yilgacha bo‘lgan 12,5 milliard dollarlik yangi hamkorlik dasturini imzoladi
O‘zbekiston va Osiyo taraqqiyot banki (OTB) umumiy qiymati 12,5 milliard dollar bo‘lgan yangi strategik hamkorlik dasturini ishga tushirdi va uning muddati 2030 yilgacha mo‘ljallangan.Bu kelishuv Prezident Shavkat Mirziyoyev va Osiyo taraqqiyot banki prezidenti Masato Kanda boshchiligidagi delegatsiyaning Samarqand shahrida bo‘lib o‘tgan uchrashuvida rasmiylashtirildi.
Foto: Prezident matbuot xizmati
Prezident matbuot xizmati xabariga koʻra, tomonlar har tomonlama va oʻzaro manfaatli hamkorlikni kengaytirishning amaliy jihatlarini muhokama qildilar. O‘zining so‘nggi 30 yil davomidagi sa’y-harakatlari natijasida OTB O‘zbekistonning asosiy strategik hamkoriga aylandi, joriy loyiha portfeli qariyb 16 milliard dollarni tashkil etadi. Ushbu bitim bilan O‘zbekiston bankning mintaqadagi eng yirik hamkoriga aylanadi.
Bugungi kunga qadar birgalikdagi saʼy-harakatlar temir yoʻl va avtomobil tarmoqlari, energetika va ijtimoiy infratuzilmani modernizatsiya qilish, suv va oqova suv tizimlarini yangilashga qaratilgan. Bundan tashqari, ushbu hamkorlik qishloq xo’jaligi va xususiy sektordagi taraqqiyotni qo’llab-quvvatladi. Yangi imzolangan 2025-2030 yillarga mo‘ljallangan dastur ushbu poydevorga asoslanib, umumiy qiymati 12,5 milliard dollarlik loyihalarga alohida e’tibor qaratishga qaratilgan.
Muzokaralar davomida tomonlar ipoteka bozorini qo‘llab-quvvatlash, xususiy sektorni rivojlantirish, xotin-qizlar va yoshlar o‘rtasida tadbirkorlikni rag‘batlantirish kabi bir qancha muhim yo‘nalishlarda hamkorlik qilish bo‘yicha kelishuvga erishdi. Dasturda, shuningdek, qashshoqlikni kamaytirish, inklyuziv ta’limni isloh qilish, inson kapitalini rivojlantirish va raqamli innovatsiyalarni joriy etish ustuvor vazifa sifatida belgilangan. Bundan tashqari, mahalliy sanoatni rag’batlantirish uchun maxsus iqtisodiy zona infratuzilmasini modernizatsiya qilishga yo’naltiriladi.
Markaziy Osiyo boʻylab yirik mintaqaviy infratuzilma loyihalarini ilgari surish masalalariga ham alohida eʼtibor qaratildi. Ikkala yetakchi ham ushbu sa’y-harakatlar uchun resurslarni safarbar qilishda OTBning yetakchi rolini ta’kidladilar. Oliy darajadagi uchrashuvdan so‘ng O‘zbekiston tomoni vakili sifatida Bosh vazir o‘rinbosari Jamshid Xo‘jaev OTB prezidenti Masato Kanda bilan hamkorlik to‘g‘risidagi hujjatlarni almashish bo‘yicha rasmiy marosim o‘tkazdi.
Bugun, 25-sentyabr kuni O‘zbekiston Prezidenti Shavkat Mirziyoyev Xitoy Xalqaro madaniy kommunikatsiya markazi raisi Long Yuysyan va Gonkongning «JDB Group» kompaniyasi asoschisi Chan Xuntoni qabul qildi. Bu haqda Prezident matbuot xizmati xabar berdi.
Qayd etilishicha, O‘zbekiston bilan Xitoy o‘rtasidagi barcha sharoitlarda har tomonlama strategik sheriklik munosabatlarini yanada chuqurlashtirish va madaniy-gumanitar aloqalarni mustahkamlash masalalari ko‘rib chiqildi.
Markaz O‘zbekistonning Xitoy bilan ko‘p qirrali hamkorligini mustahkamlashga katta hissa qo‘shib kelayotgani qayd etildi. Birgalikda infratuzilmani rivojlantirish, investitsiyalar va «yashil» sanoat sohalarida qator loyihalar amalga oshirildi.
«JDB Group» kompaniyasining O‘zbekistondagi faoliyatining ustuvor yo‘nalishlari sifatida zamonaviy shahar, transport va sanoat infratuzilmasini rivojlantirish hamda geologiya sohasi belgilandi.
Uchrashuv yakunida mazkur kompaniya ishtirokida amalga oshirilayotgan va yangi loyihalarni jadallashtirish yuzasidan kelishuvga erishildi.
Siyosat
Saida Mirziyoyeva Diyene Keyta bilan demografik barqarorlik va inson kapitali bo‘yicha hamkorlikni muhokama qildi
O‘zbekiston Respublikasi Prezidenti Administratsiyasi rahbari Saida Mirziyoyeva BMT Bosh kotibi o‘rinbosari, BMT Aholishunoslik jamg‘armasi (UNFPA) ijrochi direktori Diyene Keyta bilan uchrashdi.
Muloqotda demografik barqarorlik, inson kapitali va aholi farovonligini ta’minlash bo‘yicha hamkorlikni yanada rivojlantirish masalalari muhokama qilindi.
Saida Mirziyoyeva O‘zbekistonning asosiy kapitali yosh avlod ekanini ta’kidladi. U demografik salohiyatni kelgusida dividend manbaiga aylantirish uchun inson, ayniqsa, ayollar va bolalarning salomatligi, ta’limi hamda xavfsizligiga investitsiya kiritish zarurligini bildirdi.
Saida Mirziyoyeva o‘zining Telegram kanalida demografik prognozlash tizimini yo‘lga qo‘yilayotganini ma’lum qildi. Shuningdek, «Demografik dividend — 2050» strategiyasini ishlab chiqish rejalashtirilayotganini aytdi.
Tomonlar demografik barqarorlikni faqat aholi soni bilan bog‘liq masala sifatida emas, balki ta’lim, sog‘liqni saqlash, bandlik, ijtimoiy himoya va oilalarni qo‘llab-quvvatlashni qamrab oladigan uzoq muddatli taraqqiyot masalasi sifatida ko‘rish zarurligini ta’kidladi.
Shuningdek, demografik ma’lumotlar va tahliliy prognozlar asosida qarorlar qabul qilish hamda inson kapitali va ijtimoiy xizmatlarga investitsiyalarni kuchaytirish bo‘yicha xalqaro hamkorlikni rivojlantirish masalalari muhokama qilindi.
Muloqotda aholining farovonligini oshirish va demografik jarayonlarni samarali boshqarishda ma’lumotlar hamda prognozlarning ahamiyatiga e’tibor qaratildi.
Prezident administratsiyasi rahbari Saida Mirziyoyeva Nyu-Yorkda «BlackRock» rahbariyati bilan uchrashdi.
Unda kompaniya prezidenti Robert Kapito, vitse-rais Tomas Donilon, «Global Infrastructure Partners» raisi va bosh ijrochi direktori Adebayo Ogunlesi, Moliyaviy va strategik investorlar guruhi global rahbari hamda kompaniyaning Yaqin Sharq mintaqasi bo‘yicha rahbari Charlz Hatami qatnashdi.
Muloqot davomida 2027-yilda Toshkent xalqaro moliya markazi faoliyatini yo‘lga qo‘yish masalasini muhokama qilindi. «BlackRock» ushbu Markaz konsepsiyasi va tuzilmasini ishlab chiqishda ko‘maklashmoqda.
AQSh ishbilarmon doiralari vakillari ishtirokidagi qo‘shma davra suhbatida O‘zbekiston hamda mintaqamizning yaqin o‘n yilliklarga mo‘ljallangan rivojlanish istiqbollari yuzasidan fikr almashildi.
O‘zbekiston yirik, samarali, sifatli sarmoyalar uchun yangi imkoniyatlar maydoniga aylanmoqda, dedi Saida Mirziyoyeva.
Mudofaa vaziriga ikki o‘rinbosar tayinlandi. Bu haqda vazirlik matbuot xizmati xabar berdi.
Jumladan, Prezidentning tegishli qaroriga muvofiq, polkovnik Zoidov Qahramonjon Obidjonovich O‘zbekiston mudofaa vazirining qurollanish va qurollantirish bo‘yicha o‘rinbosari lavozimiga tayinlandi.
Adliya polkovnigi Muratov Jahongir Dilshatovich vazirning komplayens va korrupsiyaga qarshi ichki nazorat bo‘yicha o‘rinbosari lavozimiga tayinlandi.
Prezident Shavkat Mirziyoyev Andijon viloyatiga tashrif buyuradi.
Ikki kunlik safar dasturidan hududning sanoat va investitsiya salohiyati, energetika, qishloq xo‘jaligi, transport, turizm va boshqa sohalardagi loyihalar bilan tanishish o‘rin olgan. Davlatimiz rahbari mahallalardagi bunyodkorlik ishlarini ham ko‘zdan kechiradi. Qator yangi quvvatlarni ishga tushirish va istiqbolli loyihalar qurilishini boshlash ko‘zda tutilgan.
Shuningdek, Andijon viloyatini yanada rivojlantirishning ustuvor yo‘nalishlari muhokamasiga bag‘ishlangan yig‘ilish bo‘lib o‘tadi.
