Siyosat
O’zbekiston uy-joy sotishda “yashirin” kommunal qarzdorlikni maqsad qilib qo’ygan
Raqobatni qo‘llab-quvvatlash va iste’molchilar huquqlarini himoya qilish komissiyasi ko‘chmas mulk oldi-sotdi shartnomasidagi to‘lanmagan kommunal qarzlarni yangi mulkdorga o‘tkazish to‘g‘risidagi bandni olib tashlashni taklif qilib, bu amaliyot qonunchilikni buzadi va iste’molchilar huquqlarini buzadi, deb hisoblaydi.
Regulyator o‘z bayonotida notarial shartnomalardan xaridorlardan ko‘chmas mulk bilan bog‘liq qarzlarni o‘z zimmasiga olishni talab qiluvchi bandni olib tashlashni taklif qilganini aytdi.
Tekshiruv shuni ko’rsatdiki, qayta sotiladigan uylarni xaridorlar avvalgi egasi tomonidan qoldirilgan to’lanmagan kommunal to’lovlar uchun javobgar bo’lishi mumkin. Komissiya bunga asosan davlat idoralari oʻrtasidagi maʼlumotlar bazalarini yangilashdagi kechikishlar, hisob-kitoblarda yoʻl qoʻyilgan xatolar yoki qonunchilikka toʻgʻri kelmaydigan shartnoma shartlari sabab boʻlganini aytdi.
Samarqand viloyatida qayd etilgan holatlardan birida xaridorning sotib olish vaqtida notarial tizimda to‘lanmagan qarzi bo‘lmagani, keyinchalik viloyat suv xo‘jaligi boshqarmasi tomonidan avvalgi egasidan meros bo‘lib qolgan 13 million so‘m qarzdorlik borligi haqida ma’lum qilingan.
Komissiya mas’uliyatning bunday o’tkazilishi iste’molchilar huquqlarini cheklovchi shartnoma shartlarini bekor qiluvchi “Iste’molchilar huquqlarini himoya qilish to’g’risida”gi qonunning 21-moddasiga zid ekanligini aytdi.
Amaldagi tartib-qoidalarga ko’ra, ko’chmas mulk bilan bog’liq bitim tasdiqlanmaguncha kommunal qarzlarning majburiy auditi o’tkazilishi kerak va sotish faqat qonunbuzarliklar aniqlanmagan taqdirdagina davom etishi mumkin. Sizning kommunal xizmat ko’rsatuvchi provayderingiz hisob-kitob ma’lumotlaringiz to’g’ri va dolzarb bo’lishini ta’minlash uchun javobgardir.
Davlat suv xo‘jaligi korxonasi Samarqand voqeasini o‘rganib chiqib, sobiq xodim tomonidan ma’lumotlarni kiritishda xatolikka yo‘l qo‘yganligini aniqladi va 13 million so‘m qarzni bekor qildi.
Komissiya xaridordan meros qarzini to’lashni talab qiluvchi bandni amalga oshirib bo’lmaydi va shartnomadan olib tashlanishi kerakligini aytdi. Ko‘rib chiqish uchun Adliya vazirligiga taklif kiritildi.
Bugun, 25-sentyabr kuni O‘zbekiston Prezidenti Shavkat Mirziyoyev Xitoy Xalqaro madaniy kommunikatsiya markazi raisi Long Yuysyan va Gonkongning «JDB Group» kompaniyasi asoschisi Chan Xuntoni qabul qildi. Bu haqda Prezident matbuot xizmati xabar berdi.
Qayd etilishicha, O‘zbekiston bilan Xitoy o‘rtasidagi barcha sharoitlarda har tomonlama strategik sheriklik munosabatlarini yanada chuqurlashtirish va madaniy-gumanitar aloqalarni mustahkamlash masalalari ko‘rib chiqildi.
Markaz O‘zbekistonning Xitoy bilan ko‘p qirrali hamkorligini mustahkamlashga katta hissa qo‘shib kelayotgani qayd etildi. Birgalikda infratuzilmani rivojlantirish, investitsiyalar va «yashil» sanoat sohalarida qator loyihalar amalga oshirildi.
«JDB Group» kompaniyasining O‘zbekistondagi faoliyatining ustuvor yo‘nalishlari sifatida zamonaviy shahar, transport va sanoat infratuzilmasini rivojlantirish hamda geologiya sohasi belgilandi.
Uchrashuv yakunida mazkur kompaniya ishtirokida amalga oshirilayotgan va yangi loyihalarni jadallashtirish yuzasidan kelishuvga erishildi.
Siyosat
Saida Mirziyoyeva Diyene Keyta bilan demografik barqarorlik va inson kapitali bo‘yicha hamkorlikni muhokama qildi
O‘zbekiston Respublikasi Prezidenti Administratsiyasi rahbari Saida Mirziyoyeva BMT Bosh kotibi o‘rinbosari, BMT Aholishunoslik jamg‘armasi (UNFPA) ijrochi direktori Diyene Keyta bilan uchrashdi.
Muloqotda demografik barqarorlik, inson kapitali va aholi farovonligini ta’minlash bo‘yicha hamkorlikni yanada rivojlantirish masalalari muhokama qilindi.
Saida Mirziyoyeva O‘zbekistonning asosiy kapitali yosh avlod ekanini ta’kidladi. U demografik salohiyatni kelgusida dividend manbaiga aylantirish uchun inson, ayniqsa, ayollar va bolalarning salomatligi, ta’limi hamda xavfsizligiga investitsiya kiritish zarurligini bildirdi.
Saida Mirziyoyeva o‘zining Telegram kanalida demografik prognozlash tizimini yo‘lga qo‘yilayotganini ma’lum qildi. Shuningdek, «Demografik dividend — 2050» strategiyasini ishlab chiqish rejalashtirilayotganini aytdi.
Tomonlar demografik barqarorlikni faqat aholi soni bilan bog‘liq masala sifatida emas, balki ta’lim, sog‘liqni saqlash, bandlik, ijtimoiy himoya va oilalarni qo‘llab-quvvatlashni qamrab oladigan uzoq muddatli taraqqiyot masalasi sifatida ko‘rish zarurligini ta’kidladi.
Shuningdek, demografik ma’lumotlar va tahliliy prognozlar asosida qarorlar qabul qilish hamda inson kapitali va ijtimoiy xizmatlarga investitsiyalarni kuchaytirish bo‘yicha xalqaro hamkorlikni rivojlantirish masalalari muhokama qilindi.
Muloqotda aholining farovonligini oshirish va demografik jarayonlarni samarali boshqarishda ma’lumotlar hamda prognozlarning ahamiyatiga e’tibor qaratildi.
Prezident administratsiyasi rahbari Saida Mirziyoyeva Nyu-Yorkda «BlackRock» rahbariyati bilan uchrashdi.
Unda kompaniya prezidenti Robert Kapito, vitse-rais Tomas Donilon, «Global Infrastructure Partners» raisi va bosh ijrochi direktori Adebayo Ogunlesi, Moliyaviy va strategik investorlar guruhi global rahbari hamda kompaniyaning Yaqin Sharq mintaqasi bo‘yicha rahbari Charlz Hatami qatnashdi.
Muloqot davomida 2027-yilda Toshkent xalqaro moliya markazi faoliyatini yo‘lga qo‘yish masalasini muhokama qilindi. «BlackRock» ushbu Markaz konsepsiyasi va tuzilmasini ishlab chiqishda ko‘maklashmoqda.
AQSh ishbilarmon doiralari vakillari ishtirokidagi qo‘shma davra suhbatida O‘zbekiston hamda mintaqamizning yaqin o‘n yilliklarga mo‘ljallangan rivojlanish istiqbollari yuzasidan fikr almashildi.
O‘zbekiston yirik, samarali, sifatli sarmoyalar uchun yangi imkoniyatlar maydoniga aylanmoqda, dedi Saida Mirziyoyeva.
Mudofaa vaziriga ikki o‘rinbosar tayinlandi. Bu haqda vazirlik matbuot xizmati xabar berdi.
Jumladan, Prezidentning tegishli qaroriga muvofiq, polkovnik Zoidov Qahramonjon Obidjonovich O‘zbekiston mudofaa vazirining qurollanish va qurollantirish bo‘yicha o‘rinbosari lavozimiga tayinlandi.
Adliya polkovnigi Muratov Jahongir Dilshatovich vazirning komplayens va korrupsiyaga qarshi ichki nazorat bo‘yicha o‘rinbosari lavozimiga tayinlandi.
Prezident Shavkat Mirziyoyev Andijon viloyatiga tashrif buyuradi.
Ikki kunlik safar dasturidan hududning sanoat va investitsiya salohiyati, energetika, qishloq xo‘jaligi, transport, turizm va boshqa sohalardagi loyihalar bilan tanishish o‘rin olgan. Davlatimiz rahbari mahallalardagi bunyodkorlik ishlarini ham ko‘zdan kechiradi. Qator yangi quvvatlarni ishga tushirish va istiqbolli loyihalar qurilishini boshlash ko‘zda tutilgan.
Shuningdek, Andijon viloyatini yanada rivojlantirishning ustuvor yo‘nalishlari muhokamasiga bag‘ishlangan yig‘ilish bo‘lib o‘tadi.
