Sport
O‘zbekiston terma jamoasini JCh–2026 ga kuzatish marosimi qanday o‘tdi?
Coca-Cola kompaniyasi O‘zbekiston futbol assotsiatsiyasi bilan hamkorlikda O‘zbekiston milliy terma jamoasini 2026 yilgi futbol bo‘yicha Jahon chempionatiga tantanali kuzatish marosimini o‘tkazdi. Tadbir butun mamlakatdan o‘n minglab muxlislar, media vakillari, hamkorlar va futbol ishqibozlarini bir joyga jamladi.
Marosimda O‘zbekiston Respublikasi prezidenti Shavkat Miromonovich Mirziyoyev ishtirok etib, tadbirni rasman ochib berdi. Davlat rahbari milliy terma jamoani futbol bo‘yicha Jahon chempionatidagi ishtiroki oldidan shaxsan qo‘llab-quvvatlashini bildirar ekan, bu tarixiy yutuqning butun mamlakat uchun alohida ahamiyatga ega ekanini ta’kidladi.
“Kelinglar, bugun hammamiz yaxshi niyat qilaylik. Jahon chempionatida futbolchilarimizni Yaratganning o‘zi qo‘llasin! Har bir o‘yinda xalqimizning duosi madadkor bo‘lsin!
Yashasin o‘zbek futboli! Yashasin Yangi O‘zbekiston yoshlari! Yashasin bunyodkor O‘zbekiston xalqi!” – deya nutqini yakunladi Shavkat Mirziyoyev.
Marosim arafasida milliy terma jamoa o‘yinchilari va murabbiylar shtabi O‘zbekiston Respublikasi prezidenti Shavkat Miromonovich Mirziyoyev bilan uchrashdi. Bu bo‘lajak turnir oldidan jamoa uchun muhim va ruhlantiruvchi voqea bo‘ldi.
Oqshomning asosiy voqeasi O‘zbekiston milliy terma jamoasining “Bunyodkor” stadionidagi o‘rtoqlik uchrashuvi bo‘ldi. Stadion o‘rindiqlari jamoani bayroqlar, hayqiriqlar va qarsaklar bilan qo‘llab-quvvatlagan muxlislar bilan to‘lib-toshdi. Bu ko‘plab mehmonlar uchun terma jamoani 2026 yilgi futbol bo‘yicha Jahon chempionatidagi tarixiy ishtiroki oldidan aynan shu tarkibda ko‘rish uchun ajoyib imkoniyatga aylandi.
“The Coca-Cola Company uchun bugun, ana shunday tarixiy bir pallada O‘zbekiston terma jamoasi yonida turish katta sharafdir. Coca-Cola — o‘zi ishlab chiqariladigan mamlakat qalbi bilan yashaydigan jahon brendidir. Biz muhim bir voqea — O‘zbekiston milliy terma jamosini futbol bo‘yicha 2026 yilgi Jahon chempionatiga kuzatish marosimining bir qismi bo‘lganimizdan chin dildan faxrlanamiz.
O‘zbekistonning har bir g‘alabasi nafaqat millat zafari, balki butun dunyodagi Coca-Cola tizimi uchun ham iftixor manbaidir. Bugun biz shunchaki hamkor emas, balki jamoamizni butun qalbimiz bilan qo‘llab-quvvatlaydigan muxlislarmiz. Futbolchilarimizga chin yurakdan kuch-quvvat, o‘ziga ishonch va jahon arenasida ulkan muvaffaqiyatlar tilaymiz. Faxr bilan olg‘a — Olg‘a, O‘zbekiston!” deya ta’kidladi Coca-Cola kompaniyasining O‘zbekistondagi bosh direktori Kazumasa Mukaye.
Tadbirning asosiy qismi boshlanishidan avval mehmonlarni stadion hududida interaktiv va mavzuli fotozonalar, tanlovlar hamda ko‘ngilochar mashg‘ulotlar kutib turardi. Coca-Cola tizimining O‘zbekistondagi ko‘p yillik va ishonchli hamkori, shuningdek, O‘zbekiston futbol assotsiatsiyasining hamkori bo‘lgan Korzinka kompaniyasi tadbir mehmonlari uchun maxsus hududlar tashkil etdi. Bu yerda mehmonlar Coca-Cola mahsulotlarini hamda milliy terma jamoaning “Oq bo‘rilar” ramzini ifodalovchi “Bek maskot”larni xarid qilish imkoniga ega bo‘ldi.
“Coca-Cola” kompaniyasi ko‘magida mamlakatning barcha hududlarida milliy terma jamoani qo‘llab-quvvatlashga qaratilgan “Collecting Voices” nomli keng ko‘lamli flesh-mob loyihasi yo‘lga qo‘yildi. Marosim vaqtida stadion ekranlarida butun mamlakat muxlislarining ovozlarini jamlagan va milliy birlik ramziga aylangan maxsus rolik namoyish etildi.
Dastur yakunida o‘zbek estradasi yulduzi Sevara Nazarxon “Olg‘a O‘zbekiston!” sadosi ostida stadion maydoniga chiqdi va bu kechaning eng hayajonli daqiqalaridan biriga aylandi.
Mazkur marosim nafaqat muhim sport tadbiri, balki O‘zbekiston terma jamoasini qo‘llab-quvvatlash yo‘lida muxlislarni birlashtirgan chinakam milliy iftixor bayrami bo‘ldi. Mamlakatimizning FIFA 2026 Jahon chempionatiga tarixiy yo‘llanmani qo‘lga kiritishi milliy futbolimiz va butun mamlakat bo‘ylab millionlab o‘yin ishqibozlari uchun muhim bir marra bo‘ldi.
“Coca-Cola” kompaniyasi va O‘zbekiston futbol assotsiatsiyasi ushbu esda qolarli kechaning bir qismiga aylangan barcha mehmonlar va muxlislarga minnatdorchilik bildiradi hamda milliy terma jamoamizga bo‘lajak mundialda muvaffaqiyatli ishtirok etishini tilab qoladi.
Reklama huquqi asosida
The Athletic nashri Yevropada bu yilgi mavsumning eng yaxshi futbolchilarini aniqladi.
«Bavariya» hujumchisi Harri Keyn «Yil futbolchisi» deya e’tirof etildi. «Barselona» vingeri Lamin Yamal esa «Eng yaxshi yosh futbolchi» bo‘ldi.
Mavsumning ramziy jamoasiga quyidagi futbolchilar kiritildi.
Darvozabon: David Rayya («Arsenal»);
Himoyachilar: Nunu Mendesh («PSJ»), Gabriel Magalyaes («Arsenal»), Markinios («PSJ»), Ashraf Hakimi («PSJ»);
Yarimhimoyachilar: Joau Nevesh («PSJ»), Vitinya («PSJ»), Federiko Valverde («Real»);
Hujumchilar: Lamin Yamal («Barselona»), Harri Keyn («Bavariya»), Maykl Olise («Bavariya»).
Bloomberg nashrining xabar berishicha, «Inter Mayami» va Argentina terma jamoasi hujumchisi Lionel Messining sof boyligi 1 milliard dollardan oshdi.
2007-yildan beri futbolchi maosh va bonuslar bo‘yicha 700 million dollardan ortiq daromad olgan. Bloomberg tahlili shuni ko‘rsatadiki, soliqlar, bozor ko‘rsatkichlari, investitsiyalar va homiyliklardan olingan daromadlarni hisobga olgan holda, uning sof boyligi 1 milliard dollardan oshdi. Messi dunyoning eng boy sportchilaridan biriga aylandi va 2023-yilda Saudiya Arabistonining «Al-Nassr» klubiga qo‘shilganidan keyin milliarder bo‘lgan birinchi futbolchi bo‘lgan Krishtianu Ronalduga qo‘shildi.
Uning Qo‘shma Shtatlarga ko‘chib o‘tishi bu ko‘rsatkichga hissa qo‘shdi. «Inter Mayami»dan tushgan to‘lovlar, televizion daromadining ma’lum foizi, shuningdek, ko‘chmas mulk investitsiyalari va Argentina restoran tarmog‘idagi ulushidan tushgan daromad Messining sof boyligida muhim rol o‘ynadi.
«Inter Mayami»ning moliyaviy ahvoli barqaror ravishda yaxshilanmoqda. Sportico ma’lumotlariga ko‘ra, klubning qiymati bir yil ichida 20% dan ko‘proqqa o‘sib, taxminan 1,45 milliard dollarni tashkil etdi. «Inter Mayami» hozirda Qo‘shma Shtatlardagi eng qimmat futbol jamoasi bo‘lib, dunyoda 16-o‘rinni egallaydi, Angliyaning «Nyukasl Yunayted» kabi klublaridan oldinda turadi.
Sport
«Chiroyli va ishonchli o‘yin bilan barchamizni xursand qilishingizga ishonamiz» — Shavkat Mirziyoyev futbolchilarni JChga kuzatish marosimida qatnashdi (foto)
Prezident Shavkat Mirziyoyev futbol bo‘yicha O‘zbekiston milliy terma jamoasini 2026 yilgi jahon chempionatiga kuzatish marosimida ishtirok etdi.
Marosim avvalida O‘zbekiston milliy terma jamoasi a’zolari maydonda saf tortdi.
Davlatimiz rahbari stadionda to‘plangan yurtdoshlarimiz, futbol muxlislari, milliy terma jamoa a’zolari, murabbiylar shtabi va sport jamoatchiligi vakillarini katta futbol bayrami bilan tabrikladi.
Bugungi kun o‘zbek futboli uchun yana bir tarixiy sana ekani, milliy terma jamoamiz AQSh, Meksika va Kanada maydonlarida o‘tadigan jahon chempionatiga katta ishonch va ezgu tilaklar bilan kuzatilayotgani ta’kidlandi.
Davlatimiz rahbari futbolchilarimiz mamlakatimizga unutilmas quvonchli kunlarni taqdim etganini ta’kidlab, ularga, ularni tarbiyalab voyaga yetkazgan ota-onalariga, ustoz va murabbiylariga, terma jamoamizning barcha a’zolariga butun xalqimiz nomidan chuqur minnatdorlik bildirdi.
Marosimda futbol muxlislarining milliy jamoaga bo‘lgan mehri va sadoqati alohida e’tirof etildi. Prezident g‘alaba onlarida ham, qiyin damlarda ham futbolchilar bilan birga bo‘lib, ularni doimo qo‘llab-quvvatlab kelayotgan yurtdoshlarimizga rahmat aytdi.
Fan-klublar faoliyati ham alohida qayd etildi. Ta’kidlanganidek, ular terma jamoa o‘yinlarini nafaqat tribunadan kuzatmoqda, balki har bir bahsda o‘zbekona, betakror uslubi bilan “o‘n ikkinchi o‘yinchi” vazifasini munosib bajarib kelmoqda. Davlatimiz rahbari ular jahon chempionatida ham minglab yurtdoshlarimiz va xorijdagi vatandoshlarimiz bilan birga futbolchilarimizni qo‘llab-quvvatlashiga ishonch bildirdi.
Prezidentimiz mamlakatimizda futbol allaqachon har bir oilaning do‘stiga aylanganini ta’kidladi. Sportchilarimiz erishayotgan yutuqlardan ruhlangan farzandlarimiz orasidan ham kelajakda yangi chempionlar yetishib chiqishiga ishonch bildirildi.
So‘nggi yillarda Yangi O‘zbekistonda sportga qaratilayotgan e’tibor, har bir hududda bunyod etilayotgan yirik sport inshootlari, joylarda tashkil etilayotgan professional futbol akademiyalari va yaqinda ish boshlagan Milliy futbol markazi yoshlarimizning yangi yutuqlarga erishishi uchun mustahkam zamin bo‘layotgani qayd etildi.
Shuningdek, o‘tgan yili poytaxtimizda 100 gektardan ziyod maydonda 5 ta yirik sport majmuasini o‘z ichiga olgan Olimpiya shaharchasi qurib bitkazilgani, Yangi Toshkentda FIFA standartlariga to‘liq javob beradigan 55 ming o‘rinli muhtasham stadion qad rostlayotgani ta’kidlandi. Bu kabi zamonaviy inshootlar yurtimizda nufuzli xalqaro musobaqalarni o‘tkazishga, sportchilarimizni yanada ulkan g‘alabalar sari yetaklashga xizmat qiladi.
Davlatimiz rahbari milliy terma jamoa a’zolariga murojaat qilib, xalqimiz ularga oq fotiha berib, katta mundialga kuzatayotganini ta’kidladi. Oldinda Portugaliya, Kolumbiya va Kongo terma jamoalari bilan muhim o‘yinlar kutib turgani, futbolchilarimiz katta kuch-g‘ayrat va ishonch bilan maydonga chiqishi zarurligi qayd etildi.
«Shuni bilingki, biz doim sizlar bilanmiz. Haqiqiy o‘zbekona jasorat, matonat va irodangiz bilan chiroyli va ishonchli o‘yin ko‘rsatib, barchamizni xursand qilasiz deb ishonamiz, – dedi Prezident.
Nutq yakunida O‘zbekiston Respublikasining Davlat madhiyasi yangradi.
Prezident Shavkat Mirziyoyev O‘zbekiston milliy terma jamoasi a’zolari bilan esdalik suratiga tushdi.
Konsert dasturi namoyish etildi. Tadbir yakunida milliy terma jamoaning nazorat uchrashuvi bo‘lib o‘tdi.
38 yoshli argentinalik futbolchining boyligi 1 milliard dollardan oshdi.
Foto: Scott McIntyre/Bloomberg via Getty Images
Lionel Messi rasman milliarderlar klubiga qo‘shildi. Bloomberg Billionaires Index ma’lumotlariga ko‘ra, 38 yoshli argentinalikning boyligi 1 milliard dollardan oshdi. Shu tariqa, Messi Krishtianu Ronaldudan keyin tarixdagi ikkinchi milliarder futbolchiga aylandi.
«Barselona», «PSJ» va «Inter Mayami» klublaridagi faoliyati davomida argentinalik futbolchi faqat maosh va bonuslar ko‘rinishida 700 million dollardan ortiq daromad olgan. Shuningdek, Adidas bilan uzoq muddatli shartnoma, «Inter Mayami» klubidagi ulush, Apple, Pepsi va boshqa global brendlar bilan shartnomalar daromadining 1 milliarddan oshishini ta’minladi.
Shuni ta’kidlash kerakki, Messi Saudiya Arabistonidan juda foydali takliflarga murojaat qilmasdan bu marraga erishdi. 2023 yilda u MLS va «Inter Mayami»ni tanlagan edi.
Avvalroq, Krishtianu Ronaldu «An-Nasr» bilan tuzilgan shartnoma tufayli birinchi milliarder futbolchiga aylandi. Shuningdek, Devid Bekhem ham milliarder hisoblanadi, ammo u futbolchilik faoliyatini yakunlaganidan so‘ng shu marraga yetdi.
Angliya milliy jamoasining jahon chempionati uchun qaydnomasiga yulduz o‘yinchilar kiritilmadi: Harri Maguayr, Trent Aleksandr-Arnold, Koul Palmer va Fil Foden. Sport matbuoti yakuniy qaydnomani «shok» deb baholamoqda.
Angliya milliy jamoasi ijtimoiy tarmoqda 2026 yilgi jahon chempionati uchun yakuniy tarkibini e’lon qildi.
Bosh murabbiy Tomas Tuxel bir nechta yulduz futbolchilarni, masalan, himoyachilar Harri Maguayr («Manchester Yunayted») va Trent Aleksandr-Arnoldni («Real Madrid»), «Chelsi» yarimhimoyachisi Koul Palmerni va «Manchester Siti» qanot himoyachisi Fil Fodenni tarkibga kiritmadi.
Yakuniy tarkib Angliyada katta norozilik uyg‘otdi. Ingliz ommaviy axborot vositalarida tarkibni «shok» deb atamoqda va murabbiy o‘z qarori bilan hayratda qoldirayotganini ta’kidlamoqda.
Tuxel tanqidga munosabat bildirib, o‘z tanloviga ishonishini ta’kidladi. Uning so‘zlariga ko‘ra, «iste’dodli emas, balki eng yaxshi» tarkibni yig‘gan.
Shunisi e’tiborga loyiqki, dekabr oyida Tuxel FIFA tomonidan 2025 yilning eng yaxshi futbolchisi uchun ovoz berishda Koul Palmerni Harri Keyndan so‘ng ikkinchi o‘ringa qo‘ygan edi.
33 yoshli Maguayr ijtimoiy tarmoqda Tuxelning o‘zini milliy jamoaga chaqirmaslik qaroridan hayratda qolganini va tushkunlikda ekanini yozdi. U 2017 yildan buyon Angliya milliy jamoasining asosiy o‘yinchilaridan biri bo‘lib, 2018 va 2022 yilgi jahon chempionatlarida, shuningdek, bosh murabbiy Garet Sautgeyt qo‘l ostida Yevro-2024 chempionatida ishtirok etgan. U mart oyida Urugvay va Yaponiya bilan o‘rtoqlik o‘yinlariga chaqirilgan edi.
1986 yilgi jahon chempionatidan beri birinchi marta Angliya milliy jamoasi tarkibida «Liverpul» klubining biror futbolchisi bo‘lmaydi, deb yozdi Opta. Milliy jamoada 16 ta klub vakillari to‘plangan, faqat 1962 yilgi Jahon chempionatida bundan ko‘p bo‘lgan (17).
Angliya milliy jamoasining to‘liq tarkibi quyidagicha:
darvozabonlar — Din Henderson («Kristal Pelas»), Jordan Pikford («Everton»), Jyeyms Trafford («Manchester Siti»);
himoyachilar — Den Bern («Nyukasl Yunayted»), Mark Gexi («Manchester Siti»), Ris Jyeyms («Chelsi»), Ezri Konsa («Aston Villa»), Valentino Livramento («Nyukasl Yunayted»), Niko O’Rayli («Manchester Siti»), Jarell Kuansa («Bayyer»), Jyed Spens («Tottenhem Hotspur»), Jon Stounz («Manchester Siti»);
yarimhimoyachilar — Elliot Anderson («Nottingem Forest»), Jud Bellingem («Real Madrid»), Eberechi Eze («Arsenal»), Jordan Henderson («Brentford»), Kobbi Maynu («Manchester Yunayted»), Deklan Rays («Arsenal»), Morgan Rojyers («Aston Villa»);
hujumchilar — Entoni Gordon («Nyukasl Yunayted»), Harri Keyn («Bavariya»), Noni Madueke («Arsenal»), Markus Reshford («Barselona»), Bukayo Saka («Arsenal»), Ayvan Toni («Al-Ahliy»), Olli Uotkins («Aston Villa»).
Jahon chempionati 11 iyundan 19 iyulgacha AQSh, Kanada va Meksikada bo‘lib o‘tadi. Angliyaliklar L guruhida Xorvatiya, Gana va Panama bilan o‘ynaydi.
Pokiston elchisi O‘zbekistondagi diplomatik missiyasini yakunladi
Prezident Putin Xitoyga keldi
O‘zbekistonda noolimpiya sport turlari uchun alohida konfederatsiya tashkil etilishi mumkin
-
Siyosat2 days agoBirlashgan Millatlar Tashkiloti Bosh Assambleyasi Markaziy Osiyodagi chegaralarni tinch yoʻl bilan tartibga solish boʻyicha rezolyutsiyani qabul qildi
-
Siyosat5 days agoOʻzbekiston urbanizatsiya darajasini 2040-yilga borib 65 foizga yetkazishni maqsad qilgan – Prezident Mirziyoyev
-
Jamiyat4 days ago
Bugun O‘zbekistonda kuchli shamol va yomg‘ir kuzatiladi
-
Iqtisodiyot4 days agoQirg‘izistonda sanksiyalar tahdidi tufayli 50 ta korxona tugatildi
-
Iqtisodiyot5 days agoChorva mollari va asalarilar QQSning nol stavkasi qo‘llanadigan ro‘yxatga kiritildi
-
Siyosat5 days ago
Shavkat Mirziyoyev Butunjahon urbanizatsiya forumining ochilishida ishtirok etdi
-
Iqtisodiyot4 days ago“Yaxshi foyda bo‘lmasa, tashlab ketadiganlardan emasmiz” – Germaniya elchisi
-
Iqtisodiyot4 days agoGo‘sht bahosi: tumanlar kesimida narxlar qanday?