Sport
O‘zbekiston so‘nggi daqiqalarda gol o‘tkazib, Niderlandiyaga mag‘lub bo‘ldi
O‘zbekiston milliy jamoasi xalqaro o‘rtoqlik uchrashuvida Niderlandiyaga qarshi maydonga tushib, 1:2 hisobida mag‘lub bo‘ldi.
32-daqiqada hakam mezbonlar foydasiga penalti belgiladi va Kodi Gakpo imkoniyatdan unumli foydalanib, hisobni ochdi.
87-daqiqada esa Gus Til qizil kartochka olib, maydonni tark etdi va niderlandiyaliklar o‘yinning so‘nggi daqiqalarini bir kishi kam bo‘lib o‘tkazishga majbur bo‘ldi.
Son jihatdan ustunlikka ega bo‘lgan O‘zbekiston bosimni kuchaytirdi va buning natijasida 90+2-daqiqada Igor Sergeyev hisobni tenglashtirdi.
O‘yinga qo‘shib berilgan so‘nggi daqiqalarda Niderlandiya yana bir penalti ishlab oldi. To‘p oldiga kelgan Kodi Gakpo ikkinchi bor aniq zarba berib, Niderlandiyaga g‘alaba keltirdi.
Bundan oldin Fabio Kannavaro shogirdlari Kanada milliy jamoasiga qarshi o‘rtoqlik o‘yini o‘tkazib, 2:0 hisobida mag‘lub bo‘lgan edi.
Niderlandiya – O‘zbekiston 2:1
Gollar: Gakpo 32 (pen.), 90+8 (pen.) – Sergeyev 90+2.
Chetlatish: Til 87 (Niderlandiya).