Sport
O‘zbekiston JCh saralashini Qatar ustidan yirik g‘alaba bilan yakunladi
JCh yo‘llanmasini muddatidan oldin hal qilib bo‘lgan O‘zbekiston guruh jadvalida birinchi o‘ringa chiqib oldi.
JCh–2026 saralashi, A guruhi, 10-tur
10 iyun, seshanba, «Bunyodkor» stadioni
O‘zbekiston – Qatar 3:0
Gollar: Aziz Turg‘unboyev 28, Eldor Shomurodov 86, Igor Sergeyev 90+2
O‘zbekiston: Yusupov, Husanov, Alijonov (To‘xtaxo‘jayev 90), Mozgovoy, Hamrobekov (Bo‘riyev 82), Masharipov (Erkinov 82), Nasrullayev, Shomurodov (Igor Sergeyev 90), Turg‘unboyev (Iskanderov 62),Fayzullayev, Aliqulov.
Qatar: Salah Zakariyo, Abdulla Yusuf, Ahmad Suhayl, Homam al Amin (Ismoil Muhammad 76), Bassam, Abdulaziz Hatim (al Mannay 46), Ahmad al Ganehi (Edmilson 57), Amro Surag (Muntari 57), Assim, Mustafo Meshal, Akram Afif (Abdilrahmon Fahmi 67).
Ogohlantirishlar: Abdulaziz Hatim 33, Bassam 41, Afif 67, Muntari 67, Humuma 72.
Futbol bo‘yicha O‘zbekiston milliy jamoasi JCh-2026 saralash turnirining oxirgi turida Qatar ustidan yirik hisobda g‘alabaga erishdi. 10 iyun kuni Toshkentdagi «Bunyodkor» stadionida o‘tkazilgan uchrashuv 3:0 hisobida mezbonlar g‘alabasi bilan yakunlandi.
Birinchi bo‘limda Aziz Turg‘unboyev hisobni ochdi. U 28-daqiqada o‘ng qanotda ikki raqibdan o‘tib, jarima maydoniga yorib kirdi va to‘pni to‘sin ostidan darvoza to‘riga kiritib, supergol muallifiga aylandi.
O‘yin davomida mezbonlar to‘liq ustunlikka erishdi, birinchi bo‘limda ham, ikkinchi bo‘limda ham jamoa yetakchisi Eldor Shomurodovda hisobdagi farqni oshirish uchun yetarlicha imkoniyatlar bo‘ldi. Ammo faqat 86-daqiqaga kelib o‘z maqsadiga erishdi. Ikkinchi bo‘limda zaxiradan o‘yinga qo‘shilgan Jamshid Iskanderovning maydonning ikkinchi qismidan bergan uzatmasiga yetib borgan hujumchi bir harakat bilan to‘pni o‘ziga bo‘ysundirib, ikkinchi harakatda mehmonlar darvozasini ishg‘ol etdi.
90+1-daqiqada esa Shomurodovning o‘rniga maydonga tushirilgan Igor Sergeyev burchakdan oshirilgan to‘pni darvoza to‘riga yo‘lladi, bu uning to‘pga birinchi teginishi edi. E’tiborli jihati, unga ham Iskanderov assistentlik qildi.
Bu O‘zbekistonning JCh-2026 saralash o‘yinlaridagi ilk yirik hisobdagi g‘alabasi bo‘ldi, bungacha jamoa 9 turdan 5 tasida minimal hisoblarda g‘alaba qozongan, uch o‘yinda durang o‘ynagan, Qatarga qarshi safar o‘yinida oxirgi daqiqalarda o‘tkazib yuborilgan gol tufayli yutqazgandi (2:3).
Shu tariqa, Timur Kapadze jamoasi hisobidagi ochkolari sonini 21 taga yetkazdi va guruh jadvalida Eronni quvib o‘tib, birinchi o‘ringa ko‘tarilib oldi.
Eslatib o‘tamiz, 5 iyun kuni O‘zbekiston milliy jamoasi BAAga qarshi safar o‘yinida 0:0 hisobida durang o‘ynab, muddatidan oldin jahon chempionati yo‘llanmasini rasmiylashtirgandi.
Bu O‘zbekiston uchun ilk mundial bo‘ladi. Bungacha yetti urinish muvaffaqiyatsiz yakunlangan.
Shavkat Mirziyoyev shaxmatchilar bilan uchrashuvda Javohir Sindorov, Muhiddin Madaminov va Shamsiddin Vohidovning Olimpiadadagi o‘yinlarini alohida e’tirof etdi.
Prezident Javohir Sindorovga murojaat qilib, bir necha oy avval uning Nomzodlar turniridagi tarixiy g‘alabasi nishonlanganini esladi. Olimpiadada ham Javohir Sindorov sovuqqonlik va barqarorlik ko‘rsatib, kuchli raqiblar oldida ortga chekinmagani ta’kidlandi.
«Endi oldingda yana bir ulkan marra — jahon toji uchun bellashuv turibdi. Bugun ortingda nafaqat jamoadoshlaring va ustozlaring, balki qirq millionga yaqin O‘zbekiston xalqi turibdi. Biz senga ishonamiz!» — dedi davlat rahbari.
Yirik musobaqada ilk bor ishtirok etgan Muhiddin Madaminov hal qiluvchi kunda ukrainalik Roman Dextyarovni qora donalarda mag‘lub etdi.
Uning g‘alabasi jamoaga oltin medal uchun zarur ochkoni olib keldi. Prezident uning g‘ayrati va g‘alabalari muxlislar ko‘nglidan joy olganini ta’kidladi.
Shamsiddin Vohidov ham umumiy natijaga munosib hissa qo‘shdi. U amaldagi jahon chempioni Gukeshga qarshi qora donalarda tengma-teng kurashib, o‘z salohiyatini namoyon etdi.
Prezident oltin medal jamoaning har bir a’zosi mehnati va hissasi natijasi ekanini ta’kidladi.
«Bu oltin medalda jamoaning har bir a’zosining mashaqqatli mehnati va ulkan hissasi bor», — dedi Prezident.
Davlat rahbari shaxmatchilar haqida hali kitoblar yozilishi, filmlar yaratilishi va ularning o‘yin uslubi darsliklarga kirishiga ishonch bildirdi.
Yosh shaxmatchilarni tayyorlash imkoniyatlarini kengaytirish uchun Toshkent xalqaro shaxmat akademiyasining Samarqand, Xorazm va Farg‘onada uchta mintaqaviy filiali tashkil etiladi. Akademiyada oliy toifali murabbiylarni tayyorlash ham yo‘lga qo‘yiladi.
FIDE reytingida 1 ming 500 dan yuqori ball to‘plagan shaxmatchilarning xususiy klublarda o‘qish xarajatlarining yarmi davlat tomonidan qoplanadi. Bu yosh iste’dodlarning tayyorgarligini davom ettirishiga qo‘shimcha imkoniyat yaratadi.
Mamlakatimizda “O‘zbekiston Grand Chess” milliy brendi ostida xalqaro turnirlar muntazam o‘tkazib boriladi. Bu shaxmatchilarimizga kuchli raqiblar bilan o‘z yurtimizda bellashish imkonini beradi.
Prezidentimiz Yangi Toshkentda 500 kishilik o‘yin zali, yotoqxona va sport maydonchalariga ega zamonaviy shaxmat saroyini barpo etishni taklif qildi.
O‘zbekiston delegatsiyasi Yaponiyadagi Osiyo o‘yinlarining bugungi kunini oltin va kumush medallarni qo‘lga kiritish bilan boshladi.
Shahriyor Mahkamov baydarkachilar o‘rtasida 500 metr masofaga kechgan yakkalik poygalarida marrani birinchi bo‘lib zabt etib, Osiyo o‘yinlari chempioniga aylandi.
Terma jamoamizning yana bir a’zosi Arina Tanatmisheva esa kumush medalni qo‘lga kiritdi. U 500 metr masofaga kechgan yakkalik dasturida marraga ikkinchi bo‘lib yetib keldi.
Shuningdek, kanoeda eshkak eshish bo‘yicha O‘zbekiston jamoasi a’zolari Vladlen Denisov hamda Nilufar Zokirova juftligi kumush medalni qo‘lga kiritdi.
Hozirgacha o‘tkazilgan musobaqalardan so‘ng, O‘zbekiston delegatsiyasi turnir jadvalida 4-o‘ringa ko‘tarilib oldi. Jami 34 ta medal qo‘lga kiritildi: 8 ta — oltin, 17 ta — kumush, 9 ta — bronza.
Aichi-Nagoya-2026 musobaqalarida medallar jamg‘arish bo‘yicha Xitoy peshqadamlik qilmoqda, Yaponiya — ikkinchi, Janubiy Koreya — uchinchi o‘rinda.
O‘zbekiston U-23 terma jamoasining Osiyo o‘yinlari yarim finalidagi raqibi ma’lum bo‘ldi.
Chorak finalda Yaponiya terma jamoasi KXDRni 1:0 hisobida mag‘lub etib, yarim finalga yo‘l oldi.
Shu tariqa, O‘zbekiston U-23 terma jamoasi final yo‘llanmasi uchun musobaqa mezboni Yaponiyaga qarshi maydonga tushadi.
Uchrashuv 30-sentyabr kuni Toshkent vaqti bilan soat 15:30 da “Nagai” stadionida boshlanadi.
Samarqandda o‘tayotgan 46-Butunjahon shaxmat olimpiadasining 10-turi O‘zbekistonning birinchi jamoasi uchun muvaffaqiyatli yakunlandi.
Nodirbek Abdusattorov, Javohir Sindarov, Nodirbek Yoqubboyev va Muhiddin Madaminov ishtirok etgan O‘zbekiston-1 jamoasi Armanistonni mag‘lub etdi.
Abdusattorov, Sindarov va Madaminov o‘z raqiblaridan ustun keldi. Shu tariqa, O‘zbekiston-1 jamoasi 18 ochko bilan musobaqada yetakchilikni saqlab qoldi.
O‘zbekiston-2 jamoasi Hindistonga imkoniyatni boy berdi. O‘zbekiston-3 esa Isroilga qarshi keskin bahsda kichik hisobda mag‘lub bo‘ldi.
Xotin-qizlar o‘rtasidagi 10-turda O‘zbekiston-1 jamoasi Peru vakillarini yirik hisobda mag‘lub etdi.
27-sentyabr kuni Olimpiadaning so‘nggi — 11-tur bahslari o‘tkaziladi. Uning yakunlariga ko‘ra, g‘olib va sovrindor jamoalar aniqlanadi.
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot4 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat3 days ago
Toshkentda xalqaro moda akademiyasi tashkil etiladi
-
Iqtisodiyot18 hours ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat14 hours ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat13 hours ago
O‘zbekiston do‘konlarida 73 turdagi mahsulot sifatsiz deb topildi