Sport
O‘zbekiston ikki qo‘shnisi bilan futbol bo‘yicha Osiyo kubogi – 2031’ni qabul qilishga da’vogar
Osiyo futbol konfederatsiyasi (OFK) 2031 va 2035-yillarda o‘tkaziladigan Osiyo kubogi turnirlarini qabul qilish uchun nomzodlar ro‘yxatini e’lon qildi. Unda Qirg‘iziston, Tojikiston va O‘zbekiston tomonidan taqdim etilgan qo‘shma ariza ham o‘rin olgan. Bu haqda OFK rasmiy saytida ma’lum qilindi.
OFK prezidenti shayx Salmon bin Xalifa taklifiga ko‘ra, Osiyo kubogi-2031 va 2035 mezbonlik masalasi maxsus kongressda ko‘rib chiqiladi. Kongress sanasi hali aniqlanmagan.
Osiyo kubogi – 2031’ni o‘tkazish uchun Avstraliya, Hindiston, Indoneziya, Janubiy Koreya va Quvayt yakka holda da’vogarlik qilmoqda. Markaziy Osiyodan esa Qirg‘iziston, Tojikiston va O‘zbekiston qo‘shma ariza taqdim etgan. Birlashgan Arab Amirliklari esa o‘z nomzodini qaytarib olgan.
Osiyo kubogi-2035 uchun Avstraliya, Yaponiya, Janubiy Koreya va Quvayt ariza bergan. Markaziy Osiyo davlatlari bu safar «zaxira» variant sifatida qatnashishdan voz kechgan.
Ekspertlar fikricha, Markaziy Osiyo uchun Osiyo kubogi turnirini qabul qilish ham katta imkoniyat, ham katta mas’uliyat hisoblanadi. Qirg‘izistonlik sport jurnalisti Tengerbes Musayev infratuzilma va kadrlar masalasi hozircha asosiy to‘siq ekanini ta’kidlagan bo‘lsa, futbolning so‘nggi yillarda jadal rivojlanayotgani umid uyg‘otishini aytdi.
Tojikiston futbol federatsiyasi matbuot xizmati rahbari Faridun Saliyev esa, agar OFK xohish bildirsa, Markaziy Osiyo mamlakatlari turnirni yuqori saviyada o‘tkaza olishini qayd etdi. Uning so‘zlariga ko‘ra, Osiyo kubogi mintaqada futbol infratuzilmasini rivojlantirishga kuchli turtki beradi.
O‘zbekistonlik sport blogeri Yevdokim Raimov esa O‘zbekiston yirik xalqaro musobaqalarni qabul qilishga to‘liq tayyor ekanini ta’kidladi. U mamlakatda 20 yoshlilar o‘rtasida Osiyo kubogi va futzal bo‘yicha jahon chempionati muvaffaqiyatli o‘tkazilganini eslatdi.
Agar qo‘shma ariza qo‘llab-quvvatlansa, Osiyo kubogi – 2031 tarixda ilk bor Markaziy Osiyo mintaqasida o‘tkazilishi mumkin.
Ta’kidlanishicha, ushbu noaniq kelishuv Superliga loyihasi bilan bog‘liq huquqiy nizolarni hal etishga xizmat qiladi.
Madridning «Real» klubi UYeFA bilan Superliga loyihasi bo‘yicha kelishuvga erishganini e’lon qildi.
UYeFA, Yevropa klublari assotsiatsiyasi va «Real» qo‘shma bayonotida aytilishicha, tomonlar «Yevropa klublari futboli manfaatlari yo‘lida prinsipial kelishuvga erishdi, bu klublarning uzoq muddatli barqarorligiga e’tibor qaratgan holda sport xizmatlari tamoyiliga rioya qilish va yangi texnologiyalardan foydalanish orqali muxlislarga xizmat ko‘rsatish sifatini yaxshilashdan iborat».
«Ushbu prinsipial kelishuv bu tamoyillar amalga oshirilib, hayotga tatbiq etilgach, ularning Superliga bilan bog‘liq huquqiy nizolarini hal etishga ham xizmat qiladi», deyiladi bayonotda.
Bayonot Superliga loyihasi uzil-kesil tugatildimi yoki yo‘qmi degan savolga aniqlik kiritish imkonini bermaydi.
Yevropaning top-klublar ishtirokida Superliga tashkil etish tarixi 2021 yil bahoriga borib taqaladi. Loyiha tanqidlarga sabab bo‘ldi, chunki bunday turnir nafaqat Yevropaning eng nufuzli klublar o‘rtasidagi Chempionlar Ligasi turnirining mavjudligiga, balki milliy chempionatlarga ham tahdid solar edi. Superligadagi ishtiroki uchun har bir klubga taxminan 1 milliard yevro bonus va’da qilindi. Ammo siyosatchilar, FIFA, UEFA va muxlislar bosimi ostida bir necha kun ichida 12 ta jamoaning aksariyati Superligani tark etdi. Qolgan klublar keyinchalik A22 Spors Management kompaniyasini tashkil etdi va UYeFA bilan sudlashuvni boshladi.
Yaqin vaqtgacha loyihada faqat «Barselona» va «Real» qolgan edi. Kataloniyaliklar 7 fevral kuni loyihani tark etishini e’lon qildi.
2024 yil dekabr oyida tashkilotchilar Superliga nomini Unify League deb o‘zgartirdi va unda Rossiya klublari ham ishtirok etishi mumkinligini e’lon qildi. Turnir 2025 yilda boshlanishi kerak edi, ammo bu amalga oshmadi.
2025 yil oktabr oyida Madrid sudi UYeFAni «erkin raqobat qoidalarini buzgan» va «ustunlik mavqeini suiiste’mol qilgan» deb topdi. Shundan so‘ng, «Real» yo‘qotilgan foyda va obro‘ga yetkazilgan zarar uchun Yevropa federatsiyasidan 4,5 mlrd yevro undirish niyatida ekanini aytgandi.
Italiyalik short-trekchi Arianna Fontana qishki Olimpiya o‘yinlarining oltitasida medallarni qo‘lga kiritgan tarixdagi ilk ayol sportchiga aylandi.
U ushbu natijani Milan va Kortina-d’Ampetssodagi qishki Olimpiadada Italiya terma jamoasi tarkibida aralash estafetada oltin medal sohibiga aylanib qayd etdi.
Fontana o‘zining ilk Olimpiya medali (estafetada bronza)ni 2006-yilda Turinda qo‘lga kiritgan edi, o‘shanda u 16 yoshga ham to‘lmagandi. Keyingi Olimpiadalarda u o‘z jamg‘armasini muntazam boyitib bordi: Vankuver-2010da 500 metrga yugurishda bronza, Sochi-2014da 500 metrda kumush va ikkita bronza, Pxyonchxan-2018da 500 metrda oltin, estafetada kumush va 1000 metrda bronza qo‘shildi. Pekin-2022 Olimpiadasida u yana 500 metrlik masofada oltin yutdi va ikkita kumush medalni ham qo‘lga kiritdi.
Hozir Arianna Fontana 35 yoshda. Uning Olimpiya medallari soni jami 12 taga yetdi (3 ta oltin, 4 ta kumush va 5 ta bronza). Bulardan tashqari, uning hisobida jahon chempionatlarining 17 ta va Yevropa birinchiliklarining 45 ta medali bor.
O‘zbekiston milliy terma jamoasi himoyachisi Husniddin Aliqulov Italiya poytaxti Rim shahridagi “Villa Stuart” klinikasida taniqli jarrohlardan biri — Piyer Paolo Mariani tomonidan operatsiya qilindi.
Aliqulov ayni paytda o‘zini yaxshi his qilmoqda va tez orada reabilitatsiya jarayonini boshlaydi, deya xabar berdi O‘FA.
Avvalroq Husniddin Aliqulov jiddiy jarohat olgani va JCh-2026 o‘yinlarini o‘tkazib yuborishi ma’lum qilingandi.
Hujumchi Krishtianu Ronaldu «An Nasr» mashg‘ulotlariga qaytdi va Saudiya Arabistoni chempionatida «Al Fotih»ga qarshi navbatdagi o‘yinda ishtirok etishi mumkin.
A Bola nashri xabariga ko‘ra, portugaliyalik futbolchi va klub xodimlarining maosh bo‘yicha qarzlari to‘langan.
Eslatib o‘tamiz, mashhur futbolchi jamoasining so‘nggi ikki o‘yinida maydonga tushmagan edi. U Saudiya jamg‘armasi (PIF)ning faoliyatidan norozilik bildirgan edi. Ronalduga ko‘ra, fond «An Nasr»ga yetarlicha sarmoya kiritmay, raqibi «Al Hilol»ga ustunlik bermoqda.
«An Nasr» 20 ta o‘yindan so‘ng 49 ochko to‘plab, chempionat jadvalida ikkinchi o‘rinda turibdi va «Al Hilol»dan bir ochko ortda qolmoqda.
Avvalroq Ronalduning boykotidan Saudiya Proligasi 2,4 mlrd dollar zarar ko‘rgani xabar qilingandi.
Daily Mail yozishicha, Vetnam poytaxti Xanoyda dunyodagi eng katta stadion qurilishi boshlandi — unga 135 000 tomoshabin sig‘adi.
Loyiha qiymati 38 milliard AQSh dollari atrofida. Stadion qurilishi 2028-yilda yakunlanishi rejalashtirilgan.
Stadionni loyihalashda qadimgi Vetnam madaniyati ramzi, jamoaviy ruh, kuch-qudrat va uzoq umr ko‘rishni ifodalovchi bronza baraban (Dong Son)dan ilhom olingan.
«Bronza baraban» sig‘imi bo‘yicha Shimoliy Koreyaning «Birinchi may» (114 000 tomoshabin) hamda Marokashdagi 2030-yilgi jahon chempionati uchun qurilgan «Hasan II» (115 000) stadionlaridan o‘tib ketadi.
Tahlilchi iPhone 18 narxlari qancha bo‘lishi mumkinligini aytdi
Zelenskiy urush yaqin bir necha oy ichida tugashi mumkinligini aytdi.
Texnikum o‘qituvchilari 200 foizgacha ustama olishi mumkin
-
Dunyodan4 days agoInternetda xitoyliklar bilan bog’liq 8,7 milliard yozuv tarqaldi
-
Sport4 days agoHumoyun Sultonov Nigeriyada Devis kubogida g‘alaba qozondi
-
Dunyodan2 days agoDubayda rossiyalik generalga suiqasd uyushtirgan shaxs hibsga olindi
-
Jamiyat3 days agoNyu Yorkda 11 yoshli o‘zbekistonlik maktab avtobusi urib yuborishi oqibatida halok bo‘ldi
-
Jamiyat3 days agoAjabtovur psixologiya: yaxshiga rostdan ham kun yo‘qmi?
-
Iqtisodiyot3 days agoDavlat xaridlarida elektron-skoring tizimi joriy etiladi
-
Dunyodan3 days agoExit-poll natijalariga ko’ra, kim g’alaba qozonganini bilamiz.
-
Iqtisodiyot2 days agoUsta dehqonlarga 75 mln so‘mgacha subsidiya beriladi