Sport
O‘zbekiston Eronni mag‘lub etib, CAFA-2025 kubogini qo‘lga kiritdi
O‘zbekiston milliy jamoasi qariyb butun o‘yin davomida raqibdan bir futbolchi ko‘p bo‘lib o‘ynadi, ammo g‘alaba golini so‘nggi daqiqada urdi. Keskin kurashlarga boy o‘yinda muxlislar qizil karta va amalga oshirilmagan penaltini ham ko‘rdi. O‘zbekiston Eronga qarshi g‘alabasiz o‘yinlardan iborat 13 yillik noxush an’anani buzdi.
Toshkentda CAFA Nations Cup-2025 turniri yakunlandi. 8 sentabr kuni finalda O‘zbekiston va Eron milliy jamoalari to‘qnash keldi.
O‘yin Eron milliy jamoasi uchun muvvafaqiyatsiz boshlandi. 5-daqiqadayoq himoyachi Oriyo Yusufiy raqibi Abbos Fayzullayevga qarshi qo‘pol o‘ynagani tufayli qizil kartaga loyiq ko‘rilib, maydondan chetlatildi.
Biroq, deyarli butun o‘yin davomida bir futbolchi ko‘p bo‘lib o‘ynagan mezbonlar bu imkoniyatdan foydalanishda muammolarga duch keldi. Eron tartibli himoyalanib, xavfli qarshi hujumlarni uyushtirib turdi. O‘zbekiston milliy jamoasi hujumlari ham ba’zida xavfli bo‘ldi, ammo yakuniy zarbalarga aniqlik yetmadi.
Asosiy vaqt golsiz yakunlangach, qo‘shimcha taymlar belgilandi. Uning 15-daqiqasida Eldor Shomurodov penaltini aniq amalga oshirolmadi. Uning kuchli zarbasi darvoza to‘sini ustidan o‘tib ketdi.
O‘yin penaltilar seriyasiga yaqinlashayotgan bir paytda O‘zbekiston g‘alaba golini urishga erishdi. 120-daqiqada qanotdan jarima maydoniga yetkazilgan to‘pni Hojiakbar Alijonov boshi bilan raqib darvozasiga yo‘lladi.
Eron so‘nggi soniyalarda hisobni tenglashtirishi mumkin edi. Ammo Mahdiy Torimiy qulay vaziyatdan foydalana olmadi.
Shu tariqa, O‘zbekiston ikkinchi CAFA Nations Cup-2025 turniri g‘olibi bo‘ldi. Birinchi turnir 2023 yilda o‘tkazilgan va O‘zbekiston finalda aynan Eronga 0:1 hisobida yutqazgan edi.
Uchinchi o‘rin uchun bahs Tojikistonning Hisor shahrida Hindiston va O‘mon o‘rtasida o‘tkazildi. O‘yinning asosiy va qo‘shimcha vaqtlari 1:1 hisobida yakunlandi. Penaltilar seriyada Hindiston g‘olib chiqdi – 3:2.
Ta’kidlash joiz, O‘zbekiston uchun Eron «tish o‘tmas» raqiblardan biri hisoblanadi. Bungacha milliy jamoalar 16 marta bir-biriga to‘qnash kelgan va Eron 10 marta g‘alaba qozonib, 5 o‘yin durang bilan yakunlangan. O‘zbekistonning yagona g‘alabasi 2012 yilda, Tehronda 1:0 hisobida qo‘lga kiritilgan edi.
Shavkat Mirziyoyev shaxmatchilar bilan uchrashuvda Javohir Sindorov, Muhiddin Madaminov va Shamsiddin Vohidovning Olimpiadadagi o‘yinlarini alohida e’tirof etdi.
Prezident Javohir Sindorovga murojaat qilib, bir necha oy avval uning Nomzodlar turniridagi tarixiy g‘alabasi nishonlanganini esladi. Olimpiadada ham Javohir Sindorov sovuqqonlik va barqarorlik ko‘rsatib, kuchli raqiblar oldida ortga chekinmagani ta’kidlandi.
«Endi oldingda yana bir ulkan marra — jahon toji uchun bellashuv turibdi. Bugun ortingda nafaqat jamoadoshlaring va ustozlaring, balki qirq millionga yaqin O‘zbekiston xalqi turibdi. Biz senga ishonamiz!» — dedi davlat rahbari.
Yirik musobaqada ilk bor ishtirok etgan Muhiddin Madaminov hal qiluvchi kunda ukrainalik Roman Dextyarovni qora donalarda mag‘lub etdi.
Uning g‘alabasi jamoaga oltin medal uchun zarur ochkoni olib keldi. Prezident uning g‘ayrati va g‘alabalari muxlislar ko‘nglidan joy olganini ta’kidladi.
Shamsiddin Vohidov ham umumiy natijaga munosib hissa qo‘shdi. U amaldagi jahon chempioni Gukeshga qarshi qora donalarda tengma-teng kurashib, o‘z salohiyatini namoyon etdi.
Prezident oltin medal jamoaning har bir a’zosi mehnati va hissasi natijasi ekanini ta’kidladi.
«Bu oltin medalda jamoaning har bir a’zosining mashaqqatli mehnati va ulkan hissasi bor», — dedi Prezident.
Davlat rahbari shaxmatchilar haqida hali kitoblar yozilishi, filmlar yaratilishi va ularning o‘yin uslubi darsliklarga kirishiga ishonch bildirdi.
Yosh shaxmatchilarni tayyorlash imkoniyatlarini kengaytirish uchun Toshkent xalqaro shaxmat akademiyasining Samarqand, Xorazm va Farg‘onada uchta mintaqaviy filiali tashkil etiladi. Akademiyada oliy toifali murabbiylarni tayyorlash ham yo‘lga qo‘yiladi.
FIDE reytingida 1 ming 500 dan yuqori ball to‘plagan shaxmatchilarning xususiy klublarda o‘qish xarajatlarining yarmi davlat tomonidan qoplanadi. Bu yosh iste’dodlarning tayyorgarligini davom ettirishiga qo‘shimcha imkoniyat yaratadi.
Mamlakatimizda “O‘zbekiston Grand Chess” milliy brendi ostida xalqaro turnirlar muntazam o‘tkazib boriladi. Bu shaxmatchilarimizga kuchli raqiblar bilan o‘z yurtimizda bellashish imkonini beradi.
Prezidentimiz Yangi Toshkentda 500 kishilik o‘yin zali, yotoqxona va sport maydonchalariga ega zamonaviy shaxmat saroyini barpo etishni taklif qildi.
O‘zbekiston delegatsiyasi Yaponiyadagi Osiyo o‘yinlarining bugungi kunini oltin va kumush medallarni qo‘lga kiritish bilan boshladi.
Shahriyor Mahkamov baydarkachilar o‘rtasida 500 metr masofaga kechgan yakkalik poygalarida marrani birinchi bo‘lib zabt etib, Osiyo o‘yinlari chempioniga aylandi.
Terma jamoamizning yana bir a’zosi Arina Tanatmisheva esa kumush medalni qo‘lga kiritdi. U 500 metr masofaga kechgan yakkalik dasturida marraga ikkinchi bo‘lib yetib keldi.
Shuningdek, kanoeda eshkak eshish bo‘yicha O‘zbekiston jamoasi a’zolari Vladlen Denisov hamda Nilufar Zokirova juftligi kumush medalni qo‘lga kiritdi.
Hozirgacha o‘tkazilgan musobaqalardan so‘ng, O‘zbekiston delegatsiyasi turnir jadvalida 4-o‘ringa ko‘tarilib oldi. Jami 34 ta medal qo‘lga kiritildi: 8 ta — oltin, 17 ta — kumush, 9 ta — bronza.
Aichi-Nagoya-2026 musobaqalarida medallar jamg‘arish bo‘yicha Xitoy peshqadamlik qilmoqda, Yaponiya — ikkinchi, Janubiy Koreya — uchinchi o‘rinda.
O‘zbekiston U-23 terma jamoasining Osiyo o‘yinlari yarim finalidagi raqibi ma’lum bo‘ldi.
Chorak finalda Yaponiya terma jamoasi KXDRni 1:0 hisobida mag‘lub etib, yarim finalga yo‘l oldi.
Shu tariqa, O‘zbekiston U-23 terma jamoasi final yo‘llanmasi uchun musobaqa mezboni Yaponiyaga qarshi maydonga tushadi.
Uchrashuv 30-sentyabr kuni Toshkent vaqti bilan soat 15:30 da “Nagai” stadionida boshlanadi.
Samarqandda o‘tayotgan 46-Butunjahon shaxmat olimpiadasining 10-turi O‘zbekistonning birinchi jamoasi uchun muvaffaqiyatli yakunlandi.
Nodirbek Abdusattorov, Javohir Sindarov, Nodirbek Yoqubboyev va Muhiddin Madaminov ishtirok etgan O‘zbekiston-1 jamoasi Armanistonni mag‘lub etdi.
Abdusattorov, Sindarov va Madaminov o‘z raqiblaridan ustun keldi. Shu tariqa, O‘zbekiston-1 jamoasi 18 ochko bilan musobaqada yetakchilikni saqlab qoldi.
O‘zbekiston-2 jamoasi Hindistonga imkoniyatni boy berdi. O‘zbekiston-3 esa Isroilga qarshi keskin bahsda kichik hisobda mag‘lub bo‘ldi.
Xotin-qizlar o‘rtasidagi 10-turda O‘zbekiston-1 jamoasi Peru vakillarini yirik hisobda mag‘lub etdi.
27-sentyabr kuni Olimpiadaning so‘nggi — 11-tur bahslari o‘tkaziladi. Uning yakunlariga ko‘ra, g‘olib va sovrindor jamoalar aniqlanadi.
