Jamiyat
O‘zbekiston avtosanoati rivojlanishining yangi yo‘nalishi
“Kelajak dvigatellari”: gibridlar va yangi avlod sanoatiga bo‘lgan e’tibor.
Kia, Chery, Haval va Hyundai Truck & Bus avtomobil brendlarining rasmiy distribyutori bo‘lgan ADM Global kompaniyalar guruhi O‘zbekiston hukumati bilan CKD texnologiyalaridan foydalangan holda gibrid avtomobillar ishlab chiqarishga keng ko‘lamli o‘tishning boshlang‘ich nuqtasi bo‘ladigan investitsiya shartnomasini imzolashga tayyorlanmoqda.
Kompaniya strategiyasining asosiy elementi klassik ichki yonuv dvigateli versiyasida ham, gibrid modifikatsiyasida ham bir xil modelni ishlab chiqarish imkonini beruvchi universal platforma bo‘ladi.
ADM Global: miqyosi va tuzilishi
Bugungi kunda guruh tarkibiga 4500 dan ortiq xodimlar mehnat qiladigan 35 ta kompaniyalar kiradi.
Xususan, ADM Global kompaniyalar guruhiga O‘zbekistondagi birinchi xususiy multibrendli avtomobil zavodi — ADM Jizzakh kiradi. Korxona zamonaviy CKD va SKD ishlab chiqarish quvvatlariga ega.
Bundan tashqari, ADM Global keng dilerlik tarmog‘iga (bugungi kunda 85 ta markaz) va butun mamlakat bo‘ylab mintaqaviy bo‘linmalariga ega.
2025 yil yakuniga ko‘ra, kompaniya tovar aylanmasini 1,024 milliard AQSh dollariga prognoz qilmoqda, shu bilan birga mamlakat avtomobil bozorida barqaror ravishda ikkinchi o‘rinni egallab kelmoqda.
ADM Globalning asosiy ko‘rsatkichlari:
● O‘zbekistonda avtomobil sotuvi hajmi bo‘yicha 2-o‘rinni egallaydi.
● Eng yirik xususiy soliq to‘lovchilar TOP-10 taligiga kiradi.
● So‘nggi 5 yil ichida avtosektorni investitsiyaviy rivojlantirish bo‘yicha yetakchi hisoblanadi.
● 2014 yildan beri bozorda; 2021 yildan buyon 40 dan ortiq yangi modellar ishga tushirilgan.
● Sotuv prognozi: 2025 yilda 45 ming dona, 2030 yilgacha 145 ming dona.
Strategik e’tibor: gibridlar, texnologiyalar, kadrlar
ADM Global ADM Jizzakh zavodida CKD ishlab chiqarishni rivojlantirish, quvvatlarni modernizatsiya qilish va kadrlar salohiyatini faol shakllantirishga e’tibor qaratmoqda.
2030 yilga borib xodimlar sonini 10 ming nafar kishiga, mahalliylashtirish darajasini 50 foizga yetkazish, shuningdek, zamonaviy texnologiyalarni ishlab chiqish va adaptatsiya qilish uchun o‘z R&D markazini tashkil etish rejalashtirilgan.
Gibrid yo‘nalish ADM Global strategiyasining muhim qismiga aylanib ulgurdi. 2025 yilda O‘zbekistonda birinchi Chery gibrid avtomobili — Arrizo 8 Hybrid ishlab chiqarish yo‘lga qo‘yildi, shundan so‘ng boshqa NEV modellari bosqichma-bosqich ishlab chiqariladi.
Investitsiyalar hajmi 190 million AQSh dollariga baholanmoqda, loyiha quvvati esa 2027 yilga kelib yangi energiya manbalaridan foydalangan holda yiliga 50 mingtagacha avtomobil ishlab chiqarish imkonini beradi.
Daniyar Davletiyarov, ADM Global bosh direktori:
“Biz gibrid va elektr avtomobillar ishlab chiqarishni rivojlantirish bo‘yicha hukumat bilan investitsiya shartnomasining kelishish bosqichini yakunlamoqdamiz. ADM Global ishlab chiqarishga investitsiya kiritish, yangi ish o‘rinlarini yaratish, infratuzilmani modernizatsiya qilish va modellar qatorini kengaytirish bo‘yicha aniq majburiyatlarni o‘z zimmasiga oladi. Hujjat allaqachon Investitsiyalar vazirligi bilan kelishilgan va Iqtisodiyot vazirligida yakunliy tasdiqlash bosqichlaridan o‘tmoqda. Biz yaqin vaqt ichida jarayonni yakunlab, shartnomani rasman imzolashni kutmoqdamiz.”
Hamkorlik va texnologik rivojlanish
2026 yildan boshlab ADM Global ADM Jizzakh zavodida barcha modellarni CKD texnologiyasi bo‘yicha yig‘ishni kengaytirish, yagona platformada gibrid versiyalarni ishga tushirish, shuningdek, Janubiy Koreya va Xitoydagi hamkorlar bilan hamkorlikni chuqurlashtirishni rejalashtirmoqda.
Shu bilan birga, kompaniya butlovchi qismlar ishlab chiqarishni rivojlantirmoqda va eksportni oshirmoqda.
2030 yilga borib tovar ayirboshlash hajmi 10,7 milliard AQSh dollariga, budjetga to‘lovlar hajmi 1,06 milliard AQSh dollariga, eksport hajmi esa 220 million AQSh dollariga yetishi kutilmoqda.
Soha uchun ahamiyati
Investitsiya shartnomasini imzolash va gibrid avtomobillarni ishlab chiqarishga o‘tish nafaќat ADM Global rivojlanishining yangi bosqichi, balki butun O‘zbekiston avtosanoati uchun muhim qadamdir.
Loyiha quyidagilarga imkoniyat beradi:
● ishlab chiqarishni lokalizatsiyalashni jadallashtirish va mamlakatda yangi qo‘shilgan qiymat zanjirlarini yaratish;
● minglab malakali ish o‘rinlarini yaratish va turdosh tarmoqlarni rivojlantirishni rag‘batlantirish;
● O‘zbekistonni NEV sanoatining global jarayonlariga integratsiya qilish orqali avtomobil ishlab chiqarishning texnologik darajasini oshirish;
● uglerod izini kamaytirish va ekologik jihatdan mas’uliyatli transport tizimini shakllantirishga hissa qo‘shish;
● barqaror va innovatsion o‘sishga tayyorligini namoyish etgan holda mamlakatning investitsiyaviy imijini mustahkamlash.
ADM Global O‘zbekiston an’anaviy avtomobil yig‘ish formatidan kelajak avtomobillarini ishlab chiqarishda to‘laqonli ishtirok etishga ishonch bilan qadam qo‘yayotgan yangi sanoat davrining drayveriga aylanmoqda.
Reklama huquqi asosida
U Yaponiyaga qisqa muddatli viza bilan kirib, viza muddati tugaganidan keyin ham mamlakatda noqonuniy qolib ketganligi sababli hibsga olingan.
Yaponiya immigratsiya xizmati agentligi mamlakatda noqonuniy yashab kelgan O‘zbekiston fuqarosini deportatsiya qildi.
Deportatsiya qilingan shaxs Yaponiyaga qisqa muddatli viza bilan kirib, viza muddati tugaganidan keyin ham mamlakatda noqonuniy qolib ketganligi sababli rasmiylar tomonidan hibsga olingan.
Yaponiyaning O‘zbekistondagi elchixonasi ma’lum qilishicha, agar mamlakatda noqonuniy yashash yoki noqonuniy ishlash holatlari aniqlansa, politsiya tomonidan hibsga olish va ushlab turish, immigratsiya muassasalarida qamoqqa olish yoki deportatsiya qilish kabi choralar ko‘riladi.
Shuningdek, bildirilishicha, Yaponiyada qochqin maqomini olish uchun ariza berilsa, “uzoq muddat qolish mumkin” yoki “ishlash mumkin” degan noto‘g‘ri ma’lumot tarqalgan bo‘lib, shu kabi maqsadlar bilan qochqin maqomini olish uchun ariza berishga ruxsat etilmaydi.
Agar qochqin maqomi rad etilsa, immigratsiya muassasasiga joylashtirish yoki deportatsiya qilish kabi choralar qo‘llanilishi mumkin. Bundan tashqari, soxta ma’lumot berish yoki noqonuniy usullar bilan qochqin maqomini olish uchun murojaat qilish jiddiy huquqiy choralarni keltirib chiqarishi mumkin.
Jamiyat
Namanganda 381 ming dollarga 50 sotix yerni rasmiylashtirib berishni va’da qilganlar ushlandi
Ikki fuqaro 5 000 AQSh dollarini, kadastrlar palatasi Pop tumani bo‘limi sobiq boshlig‘i 1 500 AQSh dollari va 6 mln so‘mni olgan vaqtida qo‘lga olingan.
Bosh prokuratura huzuridagi Departamentning Pop tumani bo‘limi va boshqa huquqni muhofaza qiluvchi organ xodimlari hamkorligida tezkor tadbir o‘tkazildi.
Tezkor tadbirda fuqarolar U.A. va M.B. kadastrlar palatasida ishlovchi tanishlari orqali 381 000 AQSh dollari evaziga fermer xo‘jaligi balansidagi 50 sotix yer maydonining hujjatlarini fuqaro A.S.ning nomiga noturar joy sifatida rasmiylashtirib berishlarini aytib, shundan 5 000 AQSh dollarini olgan vaqtida qo‘lga olindi.
Shundan so‘ng tadbir davom ettirilib, kadastrlar palatasi Pop tumani bo‘limi sobiq boshlig‘i S.A. 1 500 AQSh dollari va 6 mln so‘mni olgan vaqtda ashyoviy dalillar bilan ushlandi.
Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.
Viloyat FVB xabariga ko‘ra, yorilish natijasida yong‘in sodir bo‘lmagan, hech kim tan jarohati olmagan.
27 iyun kuni soat 19:00 larda Farg‘ona shahridagi AGTKSh hududida avtobus tom qismiga o‘rnatilgan gaz ballonlariga gaz to‘ldirish vaqtida gaz ballonlaridan birida yorilish paydo bo‘lgan.
Viloyat FVBning xabariga ko‘ra, yorilish natijasida yong‘in sodir bo‘lmagan, tan jarohati olganlar yo‘q.
Voqea joyiga viloyat FVB boshlig‘i va huquqni muhofaza qilish organlari hamda tegishli xizmat vakillari chiqqan.
Yorilish sababi vakolatli tashkilotlar bilan hamkorlikda aniqlanmoqda.
Jamiyat
“Hokimiyatdan kelgan topshiriqni deb, bolamga kuyib o‘tiribman” – o‘lim bilan tugagan “Andijon polkasi” tafsilotlari
23 iyun kuni “Andijon polkasi” Ginnesning rekordlar kitobiga kiritildi: viloyat markaziy stadionida 20 ming odam bir vaqtda raqsga tushdi.
Raqsga tushganlar orasida Asaka tumanidagi 14-maktabning 8-sinf o‘quvchisi, 15 yoshli Farrux Ne’matov ham bor edi.
U o‘sha kuni tadbirdan qaytishda o‘zi o‘qiydigan maktab direktori boshqaruvidagi Damas’da avtohalokatga uchrab, shifoxonada vafot etdi.
Tafsilotlar – Kun.uz muxbiri reportajida.
Surishtiruvdan ma’lum bo‘lishicha, “Andijon polkasi”ni Ginnes rekordlar kitobiga kirishi uchun stadionda katta tadbir uyushtirilgan va bunga maktab o‘quvchilari jalb qilingan. 23 iyun kuni boshqa maktablar qatori Asaka tumanidagi 14-maktabning o‘quvchilari ham tadbirda qatnashgan. O‘sha kuni YTH oqibatida vafot etgan 8-sinf o‘quvchisi Ne’matov Farrux ham maxsus avtobuslarda stadionga borgan. Tadbir tugagach u 5 nafar sinfdoshlari bilan maktab direktorining “Damas” avtomashinasiga o‘tirib uyga qaytayotgan bo‘lgan.
YTH sodir bo‘lgan chorraha
Maktab o‘quvchilari mingan mashina asosiy yo‘ldan kelib chapga qayrilmoqchi bo‘lgan paytda qarama qarshi tomondan kelayotgan “ZIL” yuk mashinasi “Damas”ning orqasiga kelib urilgan. Oqibatda “Damas” ag‘darilib ketgan.
“Sog‘lom o‘g‘limni o‘ldirib berishdi”…
“Bir kun avval o‘g‘limning sinf rahbari telefon qilib ertaga “Andijon polkasi” tadbiriga Farruxni jo‘nating iltimos deb qayta-qayta tayinladi. Xo‘p dedim. 15 yoshga kirib pul topadigan bo‘lib qolgandi o‘g‘lim. Chiroyli qilib kiyintirib maktabiga jo‘natdik. Chorsilarni beliga tugib xursand bo‘lib do‘sti bilan uydan chiqib ketdi.
marhum Farrux Ne’matov
Bir payt qo‘shnim yugurib kirdi. Durdonaxon, bolalarimiz “avariyaga” uchrabdi, qolgan bolalar yaxshi ekan, bitta sizning bolangizni boshi yorilibdi, tikishyapti ekan dedi. Viloyat shifoxonasiga qarab ketdik. Farruxbek besh-olti soatda chiqdi operatsiyadan. Amaliyot juda uzoq cho‘zildi.
O‘qituvchilarning o‘zi qon berdi o‘g‘limga. Ichki a’zolari majaqlanib ketgan ekan. O‘ziga kelmadi o‘sha kuni kechasi bilan ham. Ertasi kuni 24 iyunda joni uzildi-da bolamni. Farruxbek o‘g‘lim katta farzandim edi. Uydan soppa-sog‘ chiqib ketgan edi.
Aslida tadbirni tashkillagan tashkilotlar, hokimiyat o‘quvchilarni maxsus avtobusda olib borib, olib kelib qo‘yishlari kerak edi. O‘zboshimchalik bilan avtobusga chiqmay “Damas”ga chiqqan deb, endi aybni o‘g‘limga ag‘darib qo‘yishyapti. Aybdorlar qonun oldida javob bersin. Guldek o‘g‘limdan ayrildim”, deydi marhum Farrux Ne’matovning onasi Durdona Qosimova.
Durdona Qosimova, marhumning onasi
Avtobus ketib qolgach, direktorning “Damas”iga chiqishgan ekan…
“Jiyanim do‘stlari bilan tadbirga avtobusda borgan. Tadbirdan keyin bolalar ust-boshlarini almashtirib chiqqunicha, avtobus ketib qolgan ekan. Ko‘chada qolgan bolalar bizni olib ketinglar deb, domlasiga telefon qilgan. Shundan keyin maktab direktori o‘zining “Damas” mashinasida bolalarni olib ketayotgan bo‘lgan. Chorrahaga yetganlarida baxtsiz hodisa sodir bo‘lganda.
Jiyanim Muhammadrizo Qambarovning holati og‘ir edi, endi hozir “operatsiyadan” keyin ancha o‘ziga kelib qoldi. “Damas”da 2011 yilda tug‘ilgan 6 nafar sinfdosh do‘stlar bo‘lgan”, deydi YTH oqibatida shifoxonaga tushib qolgan Muhammadrizo Qambarovning tog‘asi Oybek Ibragimov.
Oybek Ibragimov
2 o‘quvchi shifoxonada, qolganiga ruxsat berdik…
“23 iyun kuni Andijon-Asaka avtomobil yo‘lida yo‘l-transport hodisasi sodir bo‘lgan. Respublika shoshilinch tibbiy yordam ilmiy markazi Andijon filialiga olti nafar jabrlangan o‘quvchi olib kelindi. Olti nafardan biri o‘ta og‘ir holatda kelgan. Ertasi kuni o‘sha og‘ir bemor vafot etgan. Qolgan besh nafar bemor turli jarohatlar bilan davolangan. Ulardan uch nafariga holati yaxshilanganidan keyin uyiga ruxsat berildi. Hozirda ikki nafari shifoxonada davolanyapti” – Respublika shoshilinch tibbiy yordam ilmiy markazi Andijon filiali direktori o‘rinbosari Abdumutalib Akbaraliyev.
Abdumutalib Akbaraliyev
Kun.uz muxbiri bo‘lib o‘tgan voqea bo‘yicha tegishli idoralardan izoh olmoqchi bo‘ldi. Ammo biror bir tashkilot xodimi holatga munosabat bildirishni istamadi.
Ayni paytda YTH yuzasidan Asaka tumani IIB tomonidan surishtiruv ishlari olib borilyapti.
Ma’lumot o‘rnida, 24 iyun kuni Andijon viloyati markazidagi stadionda «Andijon polkasi» raqsiga tushish orqali rekord o‘rnatildi.
Toshkent davlat o‘zbek tili va adabiyoti universiteti hamda Toshkent davlat iqtisodiyot universiteti eng yuqori – 101–200 o‘rinlar bandida qayd etildi.
Times Higher Education (THE) xalqaro reyting agentligi tomonidan “THE Sustainability Impact Ratings -2026” (avvalgi THE Impact Ratings) natijalari e’lon qilindi.
2026 yilgi reytingga O‘zbekistonning 50 ta oliy ta’lim tashkiloti kiritildi va ularning 24 tasi dunyoning top-1000 talik oliy ta’lim tashkilotlari qatoridan o‘rin oldi.
Ular orasidan Toshkent davlat o‘zbek tili va adabiyoti universiteti hamda Toshkent davlat iqtisodiyot universiteti eng yuqori — 101–200 o‘rinlar bandida qayd etildi.
O‘zbekiston Milliy universiteti va «TIQXMMI» Milliy tadqiqot universiteti – 201-300-o‘rinlar bandiga kiritilgan bo‘lsa, Buxoro davlat universiteti, Samarqand davlat tibbiyot universiteti hamda Termiz iqtisodiyot va servis universiteti 301-400-o‘rinlar bandidan joy oldi.
Foto: gov.uz
Shuningdek, top-1000 talikka Farg‘ona davlat texnika universiteti, O‘zbekiston Milliy pedagogika universiteti, Toshkent davlat texnika universiteti, Toshkent davlat yuridik universiteti, Toshkent axborot texnologiyalari universiteti, Termiz davlat universiteti, Toshkentdagi Vestminster xalqaro universiteti (401-600-o‘rinlar), International School of Finance Technology and Science, Navoiy davlat universiteti, Navoiy davlat konchilik va texnologiyalar universiteti, Samarqand davlat universiteti, Toshkent davlat tibbiyot universiteti, Toshkent davlat transport universiteti, Jahon iqtisodiyoti va diplomatiya universiteti (601-800-o‘rinlar), Farg‘ona davlat universiteti, Huquqni muhofaza qilish akademiyasi va Toshkent farmatsevtika instituti (801-1000-o‘rinlar) kiritildi.
2021 yilda THE Impact Ratings reytingida O‘zbekistonning 12 ta, 2022 yilda 30 ta, 2023 yilda 47 ta, 2024 yilda 53 ta, 2025 yilda 59 ta oliy ta’lim tashkiloti o‘rin egallagan edi.
iPhone 18 “Pro” funksiyalarini hamyonbop narxda taqdim etadi!
“Strategik jihatdan biz yutib bo‘ldik” – O‘zbekistonning AQShdagi elchisi
O‘zbekistonning 24 universiteti xalqaro reytingga kirdi
-
Sport5 days ago🔴 LIVE: AQSh-Eron muzokaralari va Starmer iste’fosi
-
Jamiyat3 days ago«Andijon polkasi» tadbiriga ketayotgan o‘quvchilar YTHga uchradi
-
Sport2 days agoYaponiya futbolining buyuk sabog‘i: mag‘lubiyatdan to‘g‘ri xulosa chiqarish
-
Jamiyat5 days agoBo‘stonliqda kanalga tushib ketgan ikkinchi bolaning jasadi ham topildi
-
Iqtisodiyot5 days ago1 iyuldan pensiya va nafaqalar, 1 sentabrdan oyliklar oshadi
-
Jamiyat2 days agoVatanparvar jurnalistlarni o‘zimga do‘st va maslakdosh deb bilaman
-
Sport4 days agoEldor Shomurodov muxlislardan uzr so‘radi
-
Siyosat5 days agoPrezident Mirziyoyev Qatar amiriga gaz zavodi portlashi munosabati bilan hamdardlik bildirdi