Jamiyat
O‘zbek olimi Xitoy universitetining faxriy professori bo‘ldi
O‘zbekiston Respublikasi Fanlar Akademiyasi akademigi, professor Qahramon Davranovga Xitoy Xalq Respublikasining Shandun qishloq xo‘jaligi va muhandisligi universitetining faxriy professori unvoni berildi.
Q.Davranov mikrobiologiya va biotexnologiya fanlarining rivojlanishiga katta hissa qo‘shgan, uning 350 dan ortiq ilmiy maqolalari chop etilgan. Ulardan 150 dan ortig‘i xorijiy mamlakatlarning nufuzli, yuqori impakt faktorga ega bo‘lgan ilmiy jurnallarida nashr qilingan. Ilmiy kashfiyotlari uchun 35 dan ortiq mualliflik guvohnomalari va patentlar olgan, ulardan bittasi Rossiya Federatsiyasining xalqaro patenti (№2835165), yana bittasi Yevroosiyo patenti (№021467) bo‘lib, tuproq unumdorligini oshirish va o‘simliklarni kasalliklardan himoya qilishga qaratilgan. Uning maqolalaridan 950 dan ortiq horijlik olimlar o‘z maqolalarida foydalanganlar.
K.Davranov shu paytgacha 12 nafar fan doktorlariga (5 nafari mikrobiologiya va virusologiya, 4 nafari biotexnologiya, 1 nafari o‘simliklar fiziologiyasi va biokimyosi, 1 nafari biokimyo hamda 1 nafari texnika fanlari) va 21 nafar fan nomzodlariga (ulardan 8 nafari biotexnologiya, 7 nafari mikrobiologiya va 5 nafari biokimyo hamda 1 nafara o‘simliklar fiziologiyasi va biokimyosi) ilmiy rahbarlik qilgan.
K.Davranov – mikroorganizmlar asosida yangi biotexnologiyalar yaratishning ilmiy asoslarini ishlab chiqish va amaliyotga tatbiq etish bo‘yicha o‘z maktabini yaratgan yirik olim.
K.Davranov dunyodagi bir qator nufuzli ilmiy-tadqiqot institutlari bilan hamkorlik qilib kelmoqda. Xususan, Kanada Milliy akademiyasining Biotexnologiya instituti, Xayfadagi TEXNION instituti (Isroil), AQShdagi Bioximiya instituti (Filadelfiya shtati), Rossiya Fanlar akademiyasining Mikrobiologiya instituti, Rossiya Fanlar akademiyasining Biotexnologiya federal markazi, Mikroorganizmlar biokimiyosi va fiziologiyasi instituti, Rossiya medbiosanoati, Oziq-ovqat biotexnologiyasi instituti, Belarus Fanlar akademiyasining Mikrobiologiya instituti, Ukraina Fanlar akademiyasi Mikrobiologiya va virusologiya instituti hamda «Enzim» ilmiy ishlab chiqarish birlashmasi; Gruziya Respublikasi Fanlar akademiyasining O‘simliklar fiziologiyasi va biokimyosi instituti, Lomonosov nomidagi Moskva Davlat universiteti, Chexiya Fanlar akademiyasining Biologiya va organik kimyo instituti, Pragadagi Mikrobiologiya instituti, O‘zbekiston Respublikasi Fanlar Akademiyasining O‘simlik moddalari kimyosi instituti, Bioorganik kimyo instituti, “Genomika va bioinformatika” markazi bilan ilmiy hamkorlik olib bormoqda.
Ilmiy va ilmiy tashkilotchilik ishlar bilan bir qatorda K.Davranov katta pedagogik faoliyat ham olib bormoqda. U, dastlab, o‘rindoshlik asosida Toshkent davlat agrar universitetida professor (1987-2000), “Biotexnologiya” kafedrasining mudiri (2000-2003), 2008 yildan hozirgacha Mirzo Uluzbek nomidagi Milliy universtitetning Biologiya fakulteti, “Mikrobiologiya va biotexnologiya” kafedrasi professori lavozimida faoliyat ko‘rsatib kelmoqda.
U eng zamonaviy fanlardan bo‘lgan “Sanoat mikrobiologiyasi”, “Nanobiotexnologiya” , “Mikroorganizmlar biotexnologiyasi”, “Biologik faol va dorivor moddalar biotexnologiyasi” va boshqa sohalarning fundamental ustasi, tashkilotchi, keng miqyosli fikr yurituvchi, mehnatsevar pedagog olim.
Akademik K.Davranovning “Mikroblar dunyosi” (2002, 2023 yilda 2-nashri), “Biotexnologiya: ilmiy, amaliy va uslubiy asoslari” (2008), “Bacillus thuringiensis bakteriyasining qishloq xo‘jaligidagi ahamiyati” (2017), “Teoreticheskiye i prakticheskiye osnovi viщyelachivaniya blagorodnix metallov” (2021), “Ekologiya mikroorganizmov” (2022),”Ekologicheskaya biotexnologiya”(2019) nomli monografiyalari hamda O‘zbekiston Respublikasi Oliy va o‘rta maxsus ta’lim Vazirligi buyurtmalari asosida tayyorlangan “Oziq-ovqat va ozuqa mahsulotlari biotexnologiyasi” (2017), “Mikrobiologiya va biotexnologiya asoslari” (2013), “Biologik faol va dorivor moddalar biotexnologiyasi” (2018), “Sanoat mikrobiologiyasi” (2013), “Umumiy va texnik mikrobiologiya” (2005), “Nanobiotexnologiya asoslari” (2021), Pedagogicheskiye texnologii v prepodavanii kletochnoy i gennoy injenerii (2021), “Biotexnologiya asoslari” (2017), “Kletochnaya i gennaya injeneriya” (2022), “Biotexnologiya” (2022), Virusologiya (2023), Mikrobiologiya (2023), Nanobiotexnologiya (2025) nomli darslik va o‘quv qo‘llanmalari nashr etilgan.
Buxoro viloyati hokimiga birinchi o‘rinbosar tayinlandi.
Jamshid Sharopov Buxoro viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari – viloyat iqtisodiyot va moliya boshqarmasi boshlig‘i lavozimiga tayinlandi.
Jamshid Sharopov 1984-yil 27-yanvarda G‘ijduvon tumanida tug‘ilgan. 2005-yilda Buxoro davlat universiteti, 2009 yilda Toshkent davlat iqtisodiyot universitetini tamomlagan. Ma’lumoti bo‘yicha mutaxassisligi-iqtisodchi.
Mehnat faoliyatini 2002-yilda AT “Paxta Bank”ning Buxoro viloyati boshqarmasi bank jarayonlari bo‘limi iqtisodiy bo‘linmasi mutaxassisi sifatida boshlab, ATB “Agrobank” Buxoro viloyati boshqarmasi boshlig‘i (2014-2020), O‘zbekiston Respublikasi Markaziy banki Buxoro viloyati bosh boshqarmasi boshlig‘i (2020-2021), Shofirkon tumani hokimi (2021-2023), ATB “Agrobank” agrosanoat majmuasi korxonalarini moliyalashtirish departamenti direktori o‘rinbosari (2023-2026) lavozimlarida faoliyat yuritgan.
Ayni paytga qadar u ATB “Agrobank” muammoli kreditlar bilan ishlash departamenti direktori vazifasida ishlab kelayotgan edi.
«O‘zbekiston Respublikasi mustaqilligining o‘ttiz besh yilligi munosabati bilan chet el fuqarolari va xorijda istiqomat qilayotgan vatandoshlarimizni mukofotlash to‘g‘risida»gi Prezident farmoni e’lon qilindi.
Mukofotlanganlar ro‘yxati:
“Do‘stlik” ordeni bilan
Ivan Sao – “BYD Auto” kompaniyasining Yevropa sotuv bo‘limi bosh direktori o‘rinbosari
Klod Imoven – Fransiyaning “MEDEF International” harakatining O‘zbekiston-Fransiya ishbilarmonlar kengashi raisi
Masayoshi Fujimoto – “Sojitz” kompaniyasi direktori
Sabine Maxl – BMTning O‘zbekistondagi doimiy koordinatori
Turaman Sinan – Shayxontohur tumanidagi “Outdoor Factory Toshkent” mas’uliyati cheklangan jamiyati kuzatuv kengashi raisi, Toshkent shahri
II darajali “Salomatlik” ordeni bilan
Qahorova Nilufar Hamroyevna – AQShning Garvard universiteti huzuridagi Boston bolalar shifoxonasi loyiha menejeri
Yuldasheva Nodira Muxamedovna – Kanadaning Toronto shahridagi Kanadadagi o‘zbekistonliklar uyushmasi asoschisi, “Sog‘lom yo‘l” tibbiy va diagnostik markazi rahbari
“Shuhrat” medali bilan
Abdullayeva Shahlo Abdirashidovna – Koreya Respublikasining Kvangju shahridagi Migrant ayollar huquqlarini himoya qilish va ta’lim berish markazi rahbari.
Podpolkovnik Baxtiyor Inoqov Surxondaryo viloyati ichki ishlar boshqarmasi boshlig‘i etib tayinlandi. U bunga qadar Ichki ishlar vazirligi Akademiyasi magistratura bosqichida tahsil olgan.
Tayinlov Xalq deputatlari Surxondaryo viloyati Kengashining jamoat xavfsizligi va kriminogen vaziyatga bag‘ishlangan navbatdan tashqari sessiyasida ma’lum qilindi.
Sessiyada viloyatdagi jinoyatchilik holati ham tahlil qilindi. Joriy yilning hisobot davrida hududdagi 723 ta mahallaning 528 tasida (73 foiz) bironta ham jinoyat sodir etilmagan. Ichki ishlar xodimlarining tashabbusi bilan aniqlanadigan jinoyatlar soni 40 foizga yaxshilangan.
Shu bilan birga, 28 ta mahalla «qizil» toifada qolayotgani qayd etildi.
Yangi IIB boshlig‘iga jinoyatchilikka qarshi kurashish samaradorligini oshirish, har bir mahallada xavfsizlikni ta’minlash, aholi bilan yaqin muloqotni yo‘lga qo‘yish va fuqarolarning ichki ishlar organlariga ishonchini mustahkamlash vazifalari yuklatildi.
Yangi o‘quv yili arafasida O‘zbekiston hududidagi umumta’lim maktablari, dehqon bozorlari va savdo majmualarida mavsumiy «Maktab bozorlari» tashkil etilmoqda.
Raqobat qo‘mitasi mavsumiy savdo jarayonlarida iste’molchilarning huquq va manfaatlarini himoya qilish, raqobat muhitini ta’minlash hamda aholini sifatli va hamyonbop mahsulotlar bilan ta’minlash muhimligini ta’kidladi.
Qo‘mita ota-onalar va o‘quvchilarga xarid vaqtida mahsulotning sifati, ishlab chiqaruvchisi, narxi va boshqa muhim ma’lumotlarga e’tibor qaratishni tavsiya qildi.
Tadbirkorlarga esa «Maktab bozorlari»da sotilayotgan mahsulotlar sifati va narxlarining asosliligini ta’minlash, iste’molchilarga zarur axborotlarni taqdim etish hamda ularning huquqlariga rioya qilish majburiyati eslatildi.
Raqobat qo‘mitasi maktab bozorlarida faoliyat yuritayotgan tadbirkorlarni darsliklar, maktab formalari, o‘quv-yozuv qurollari va boshqa anjomlar narxlarini asossiz oshirmaslikka hamda qonunchilik talablariga qat’iy amal qilishga chaqirdi.
Fuqarolar «Maktab bozorlari»da narxlarni asossiz oshirish holatlariga duch kelsa, Raqobat qo‘mitasining 1159 ishonch telefoni orqali murojaat qilishi mumkin.
Qo‘mita tomonidan maktab bozorlarida narxlar barqarorligini ta’minlash maqsadida monitoring ishlari olib borilishi ma’lum qilindi.
Prezidentning 2026-yil 14-avgustdagi PQ–294-son qarori bilan 2027-yil 1-yanvardan muddatli to‘lov xizmati operatorlari faoliyati tartibga solinadi.
Ma’lum qilinishicha, muddatli to‘lov xizmatini ko‘rsatuvchi yuridik shaxslar operator hisoblanadi. Ular iste’molchiga tovar yoki xizmatni muddatli to‘lov asosida olish imkoniyatini vositachi sifatida taqdim etadi.
Qarorning 3-bandi «d» kichik bandiga ko‘ra, ko‘chmas mulk operator ko‘rsatadigan muddatli to‘lov xizmatining obyekti bo‘la olmaydi. Shu sababli vositachi operator orqali uy-joyni «rassrochka»ga olish imkoniyati nazarda tutilmagan.
Biroq bu qoida uy-joyni bo‘lib-bo‘lib to‘lash asosida sotishni umumiy tarzda taqiqlamaydi.
Qarorning 3-bandi «a» kichik bandida sotuvchi tomonidan iste’molchiga tovarni to‘g‘ridan-to‘g‘ri sotish holatlari muddatli to‘lov xizmati tushunchasidan mustasno qilingan.
Shunga ko‘ra, quruvchi o‘zining qurgan uy-joyini xaridorga bevosita bo‘lib-bo‘lib to‘lash sharti bilan sotishi mumkin. Ya’ni yangi tartib quruvchi va xaridor o‘rtasidagi to‘g‘ridan-to‘g‘ri savdoni taqiqlamayapti.
Demak, ijtimoiy tarmoqlarda tarqalayotgan «endi uyni rassrochkaga olib bo‘lmaydi» degan talqin to‘liq to‘g‘ri emas. Cheklov aynan muddatli to‘lov operatorlari orqali ko‘chmas mulkni moliyalashtirishga taalluqli.
Yangi tartibga ko‘ra, muddatli to‘lov operatorlari maxsus reyestrga kiritiladi va ularning faoliyati Markaziy bank nazorati ostida bo‘ladi. Shuningdek, operatorlar bilan tuziladigan shartnomalar, ustama va komissiyalarga nisbatan aniq talablar belgilanadi.
Shunday qilib, 2027-yildan operator orqali uy-joyni «rassrochka»ga olish cheklanadi, ammo quruvchining xaridorga uyni bevosita bo‘lib-bo‘lib to‘lash sharti bilan sotishi saqlanib qoladi.
Rossiyalik shaxmatchilar O‘zbekistonda o‘tkaziladigan Olimpiadada qatnashmaydi
Ўзбекистон ва Озарбайжон раҳбарлари Бухоронинг машҳур обидаларини зиёрат қилдилар (фото)
Shavkat Mirziyoyev AQSh kongressmenlari delegatsiyasini qabul qildi
-
Iqtisodiyot5 days ago
O‘zbekiston qaysi davlatlarga ko‘proq eksport qilmoqda?
-
Siyosat22 hours ago
Илҳом Алиев Тошкентда тантанали кутиб олинди
-
Mahalliy3 days ago
O‘zbekistonda 10-sinf o‘quvchilari o‘qishini texnikumga ko‘chirishi mumkin bo‘ladi
-
Iqtisodiyot4 days ago
Yangi boshlayotgan tadbirkorlar 5 mlrd so‘mgacha kreditni onlayn rasmiylashtirishi mumkin
-
Jamiyat3 days ago
O‘zbekistonda endi uylarni «rassrochka»ga olib bo‘lmaydimi?
-
Siyosat4 days ago
Ilhom Aliyev davlat tashrifi bilan O‘zbekistonga keladi
-
Mahalliy4 days ago
O‘zbekistonda xorijiy oliygohlar soni 10 yilda 4,3 barobar oshdi
-
Iqtisodiyot2 days ago
O‘zbekistonda kiyim ishlab chiqarish bo‘yicha qaysi hududlar yetakchi?