Iqtisodiyot
OPeK+ neft qazib olishning barqaror darajasini saqlab qoladi
Reuters agentligi insayderi so‘zlariga ko‘ra, neft eksport qiluvchi sakkiz davlat, shu jumladan RF ham, neft qazib olish hajmini barqaror darajada saqlab qolishga kelishib oldi. OPeK+ 2026 yilning birinchi choragida bu hajmlarni oshirish bo‘yicha pauzani saqlab qoladi.
OPeK+ tarkibiga kiruvchi neft eksport qiluvchi sakkiz davlat (Rossiya, Saudiya Arabistoni, Iroq, BAA, Kuvayt, Qozog‘iston, Jazoir va Umon) neft qazib olishning “asosan” barqaror darajasini saqlab qolishga kelishib oldi, deya Reuters agentligiga yakshanba, 4 yanvar kuni neft alyansidagi manba shu davlatlar vakillarining o‘sha kun kechroq vaqtga rejalashtirilgan uchrashuvi oldidan ma’lum qildi. Qayd etilishicha, OPeK+ neft qazib olishni oshirish bo‘yicha pauzani 2026 yil birinchi choragi oxirigacha saqlab qoladi.
OPeK+ — Neft eksport qiluvchi mamlakatlar tashkiloti (OPeK) va uning ittifoqchilari birlashmasining yangi uchrashuv chaqirishiga sabab neft narxlarining pastligi bo‘ldi: ular o‘tgan yilda 18 foizdan ko‘proqqa tushib ketgan. Reuters ta’kidlashicha, bu 2020 yildan beri eng kuchli pasayish bo‘lib, taklif hajmi ortib borishi (ortiqcha taklif) haqidagi xavotirlar bilan izohlanadi.
Uch oy oldin aynan shu davlatlar 2025 yil noyabridan boshlab neft qazib olishni kuniga 137 000 barrelga oshirishga kelishib olgani OPeK saytida 5 oktyabr kuni mazkur davlatlar vakillarining videokonferensiya formatidagi uchrashuvidan keyin e’lon qilingan qo‘shma bayonotidan kelib chiqqan edi. Davlatlar vakillari 2024 yil yanvaridan buyon yuzaga kelgan har qanday ortiqcha ishlab chiqarish hajmini to‘liq qoplash (kompensatsiya qilish) niyatini ham tasdiqlagan.
OPeK+ neft qazib olishni oshirish rejalari haqida Reuters agentligi manbalarga tayanib 3 oktyabr kuni xabar bergan edi. Unda tashkilotdagi asosiy mamlakat — Saudiya Arabistoni qazib olish hajmini sezilarli oshirishga erishishga urinayotgani, Rossiya esa bu qadamni ancha kamroq miqyosda amalga oshirishni taklif qilayotgani qayd etilgan.
Agentlik manbalariga ko‘ra, Moskva neft narxlariga bosim tushib ketishining oldini olish uchun, shuningdek sanksiyalar sabab ishlab chiqarishni oshirish qiyin bo‘lishi mumkinligi tufayli, qazib olishni kuniga 137 000 barrelga oshirishni taklif qilgan. Biroq Saudiya Arabistoni neft qazib olishni bir necha barobar ko‘proq — mos ravishda 274, 411 yoki 548 ming barrelgacha oshirishni istagan, chunki bu mamlakat tezda qazib olishni ko‘paytirish imkoniyatiga ega va bozordagi ulushini oshirishni xohlaydi, deb yozgan edi Reuters.
OPeK+ tarkibidagi sakkiz davlat aprel oyidan qazib olishni oshira boshladi: avval boshida uncha katta bo‘lmagan miqdorda — kuniga 138 ming barrelga. Keyin may, iyun va iyul oylarida — kuniga 411 ming barrelga, avgustda — kuniga 548 ming barrelga, sentabrda — kuniga 547 ming barrelga.
Reuters izohlashicha, tashkilot bozordagi ulushini oshirishni ko‘zlamoqda, shuningdek neft narxlari tushishini istagan AQSh prezidenti Donald Tramp tomonidan kelayotgan bosimga ham javob berishga intilyapti.
Prezident Shavkat Mirziyoyev G‘uzor tumanida «Qashqadaryo Jingu» korxonasi tomonidan Shinjon usulida paxta yetishtirilayotgan dalada bo‘ldi.
Davlatimiz rahbariga chigit ekish, g‘o‘zani sug‘orish va parvarishlashda qo‘llanayotgan texnologiyalar haqida ma’lumot berildi. Bu yerda 2,2 ming gektar maydonga chigit plyonka ostiga qo‘sh qatorlab ekilgan, tomchilatib sug‘orish to‘liq joriy qilingan.
Plyonka tuproqdagi namlik va haroratni saqlab, chigitning erta hamda bir tekis unib chiqishiga yordam beradi. Suv va o‘g‘it esa tomchilatib sug‘orish tizimi orqali bevosita g‘o‘za ildiziga yetkaziladi. Natijada suv sarfi 30-40 foizga, o‘g‘it sarfi qariyb 30 foizga kamayadi. Hosil an’anaviy maydonlarga nisbatan 10-15 kun oldin pishib yetiladi.
Prezidentimiz paxtazorda yetishtirilgan hosil va agrotexnik tadbirlarni tashkil etish jarayoni bilan tanishdi. An’anaviy usulda gektaridan 30-35 sentner paxta olinsa, Shinjon texnologiyasida bu ko‘rsatkich 60-70 sentnergacha yetishi mumkin. Korxona dalalarida hosildorlik gektariga 55 sentnerni, yalpi hosil esa 12,3 ming tonnani tashkil etmoqda.
Dala ishlarida agrodronlardan ham foydalanilmoqda. Bu ayrim agrotexnik tadbirlarni tezroq bajarish, yonilg‘i sarfini kamaytirish imkonini bermoqda.
Xitoy sarmoyasi ishtirokida tashkil etilgan «Qashqadaryo Jingu» agroklasteri Koson, Nishon, G‘uzor, Ko‘kdala va Mirishkor tumanlarida jami 18,3 ming gektar maydonda faoliyat yuritadi. Ushbu yerlarning katta qismi ilgari foydalanilmagan cho‘l va qarovsiz maydonlar bo‘lgan. Loyihaga 128 million dollar investitsiya kiritilib, 50 ta ish o‘rni yaratilgan. Eksport hajmi esa 8,5 million dollarni tashkil etadi.
Shu yerda davlatimiz rahbariga viloyat qishloq xo‘jaligida amalga oshirilayotgan ishlar haqida ham axborot berildi.
O‘zbekiston Prezidenti Shavkat Mirziyoyev «Wabtec» kompaniyasi direktorlar kengashi raisi va bosh ijrochi direktori Rafael Santanani qabul qildi. Bu haqda Prezident matbuot xizmati xabar berdi.
Uchrashuvda mamlakatda temir yo‘l infratuzilmasi va tranzit salohiyati rivojlanayotganini hisobga olib, lokomotivlar parkini yangilash va kengaytirish masalalari ko‘rib chiqildi.
AQSh moliya institutlari ishtirokida lokomotivlarni uzoq muddatli servis xizmati bilan birga yetkazib berish imkoniyatlari muhokama qilindi.
Shuningdek, O‘zbekistonda texnik xizmat ko‘rsatishni yo‘lga qo‘yish, butlovchi qismlar ishlab chiqarish va mutaxassislar tayyorlash masalalari ko‘rib chiqildi.
Tog‘-kon korxonalari karer texnikasiga xizmat ko‘rsatuvchi servis markazini tashkil etish hamda dizel-generator qurilmalari bo‘yicha hamkorlik qilishga ham e’tibor qaratildi.
«Wabtec» lokomotivlar, temir yo‘l texnikasi, raqamli va servis yechimlarini ishlab chiqarish bo‘yicha jahondagi yetakchi kompaniyalardan biri hisoblanadi. Kompaniya Markaziy Osiyo mamlakatlarida ham loyihalarni amalga oshirmoqda.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Iqtisodiyot3 days ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat3 days ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Iqtisodiyot1 day ago
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
-
Jamiyat3 days ago
O‘zbekiston do‘konlarida 73 turdagi mahsulot sifatsiz deb topildi