Jamiyat
Omnikanalli platformalar – mijoz bilan muloqotning yaqin kelajagi
O‘zbekistonda raqamli transformatsiya jarayonlari shiddat bilan kechmoqda. Elektron tijoratning o‘sish sur’ati, davlat xizmatlarining raqamlashuvi va internet foydalanuvchilar sonining ortishi biznes uchun ulkan imkoniyatlar bilan birga yangi chaqiriqlarni ham keltirmoqda. Mijozlar tez, qulay va tushunarli muloqotni kutayotgan bir paytda, kompaniyalar ularning ehtiyojlariga mos ravishda mijozlar bilan munosabatni qayta ko‘rib chiqishiga to‘g‘ri kelyapti.
Yaqin yillarda O‘zbekistonda elektron tijorat bozori yanada kattalashadi. Rasmiy ma’lumotlarga ko‘ra, 2027 yilga borib faqat mahalliy marketpleyslar orqali amalga oshiriladigan savdo hajmi 1 mlrd dollardan oshib ketadi. Bu raqamlar shundan dalolat beradiki, raqamli muhitda faoliyat yurituvchi har bir biznes uchun mijoz bilan muloqot strategiyasi asosiy raqobat quroliga aylanmoqda.
Shu bilan birga, mijozlarning muloqotga bo‘lgan munosabati ham o‘zgarmoqda. Ular SMS yoki telefon qo‘ng‘irog‘i orqali emas, Telegram, WhatsApp, Instagram kabi messenjerlar orqali savol berishni, ma’lumot olishni yoki buyurtma qilishni afzal ko‘rishmoqda.
Tarmoqlarga bo‘linib ketgan xizmatlar — ishonchsizlik sababi
Hozirgi kunda ko‘plab kompaniyalar bir nechta alohida xizmatlar — masalan, alohida SMS platformasi, koll-markaz, ijtimoiy tarmoqlar uchun SMM menejer kabi xizmatlardan foydalanadi. Ammo ushbu usullar tezkor, yaxlit va samarali muloqot uchun noqulaylik keltirib chiqaradi: mijoz so‘roviga kech javob berish, ikki marta bir xil xabar yuborish, murojaat tarixini yo‘qotish kabi holatlar ko‘p uchraydi.
Aynan shunday muammolarni hal etish uchun dunyoda omnikanal platformalar yaratildi.
Omnikanal platforma nima va nima uchun muhim?
Omnikanal platforma – bu barcha aloqa kanallarini (SMS, elektron pochta, messenjerlar, qo‘ng‘iroqlar va boshqalar) yagona tizimda birlashtiruvchi texnologik yechimdir. Bunday platforma orqali kompaniyalar:
· mijozning avvalgi murojaatlarini ko‘radi,
· qaysi kanal orqali muloqot qulay ekanini aniqlaydi,
· avtomatlashtirilgan javoblar orqali tezkorlikka erishadi,
· ortiqcha takroriy xabarlarni yubormaydi.
Ya’ni biznes – mijoz bilan real vaqtda, kontekst asosida, uzluksiz muloqot qurish imkoniyatiga ega bo‘ladi.
Infobip: mijoz bilan muloqotni avtomatlashtiruvchi global yechim
Dunyo bo‘ylab millionlab foydalanuvchilarga yetib borishni ta’minlovchi global platforma — Infobip, O‘zbekiston bozorida ham o‘z faoliyatini kengaytira boshladi. Kompaniya omnikanal yechimlarni taklif etib, biznes uchun mijoz bilan muloqotning har bir bosqichini optimallashtiradi:
· SMS, WhatsApp, Telegram, email, push-xabarlar va boshqa kanallar orqali xabarlarni yuborish
· Barcha kanallar uchun yagona interfeysda mijozlar bilan aloqa qilish
· Chat-botlar orqali tez javob berish va 24/7 muloqotni ta’minlash
· Mijoz ma’lumotlarini to‘plash, segmentlash va saqlash
· Ijtimoiy tarmoqlarda mijoz so‘rovlarini avtomatik qayta ishlash
· Xavfsiz identifikatsiya va autentifikatsiya yechimlari
Bu orqali info-markaz, chakana savdo, bank yoki tibbiy xizmat sohasidagi biznes o‘z mijozlariga qulay, ishonchli va shaxsiy yechim taklif qila oladi.
Tayyor yechim – natijalar ham aniq
Infobip tomonidan Lotin Amerikasidagi “Unilever” brendi uchun amalga oshirilgan omnikanal kampaniyasi bunga yaqqol misoldir. Kompaniya WhatsApp orqali interaktiv chat-bot ishga tushirdi, mijozlarga chegirmalar va foydali maslahatlar taklif qildi. Bir hafta ichida 12 000 dan ortiq mijoz 290 000 xabar yubordi va sotuvlar 14 barobarga oshdi.
Bunday tajriba O‘zbekiston bozori uchun ham o‘ta dolzarb. Axir bu yerda messenjerlar foydalanuvchilari soni keskin ortib bormoqda va mijozlar nafaqat mahsulot, balki qulay xizmatni ham talab qilmoqda.
Infobip kompaniyasining Yevrosiyo bo‘yicha bosh direktori Ruslana Reznikova quyidagilarni ta’kidlaydi:
“O‘zbekiston — Markaziy Osiyodagi eng istiqbolli raqamli bozorlardan biri. Bizning texnologiyalarimiz mamlakatda xizmat ko‘rsatish sifatini sezilarli darajada yaxshilaydi va mijoz bilan muloqotni butunlay yangi bosqichga olib chiqadi”.
Aynan shu sabab Infobip — bugun dunyo bo‘ylab milliardlab qurilmalarga bog‘langan, 9700+ aloqa operatoriga ulangan yetakchi kommunikatsiya platformasi sifatida O‘zbekistondagi bizneslar uchun strategik hamkorga aylanishi mumkin.
Biznesdagi muvaffaqiyat — mijoz bilan to‘g‘ri muloqotdan boshlanadi
Raqamlashish shiddatida faqat mahsulot yoki xizmat sifati emas, balki mijozga qanday yetib borish ham muhim ahamiyatga ega. Omnikanal yondashuv biznes uchun nafaqat mijoz bilan aloqani yaxshilash, balki ishonchni mustahkamlash, brendingni kuchaytirish va raqobatda yutib chiqish imkoniyatini beradi. O‘zbekistondagi kompaniyalar uchun esa bugun — aynan shunday platformalarni joriy etish va raqamli transformatsiyani jadallashtirish vaqti keldi.
Sayt: https://www.infobip.com/
Reklama huquqi asosida
Namanganlik Alixon ota 86 yoshida huquqiy hujjatga ega bo‘ldi. Bu haqda Namangan viloyati adliya boshqarmasi xabar berdi.
To‘raqo‘rg‘on tumanida inson huquqlarini ta’minlashga qaratilgan yana bir masala ijobiy hal etildi. 1937-yilda tug‘ilgan fuqaro Alixon ota Zaripovning tug‘ilganlik dalolatnoma yozuvi mavjud emasligi sababli u uzoq yillar davomida tegishli hujjatsiz yashab kelgan.
Mazkur holat fuqaroga bir qator ijtimoiy va huquqiy xizmatlardan to‘liq foydalanishda qiyinchiliklar tug‘dirib kelgan. Muammo tegishli tartibda o‘rganilib, Fuqarolik ishlari bo‘yicha Chust tumanlararo sudiga murojaat qilindi.
Sud tomonidan ish atroflicha ko‘rib chiqilib, fuqaroning tug‘ilganlik holatini tasdiqlovchi dalillar asosida tug‘ilganlik qayta tiklash to‘g‘risida qaror qabul qilindi.
Mazkur qarorga asosan Alixon ota Zaripovning tug‘ilishi belgilangan tartibda qayta tiklanib, unga tug‘ilganlik haqida guvohnoma rasmiylashtirib berildi.
Ushbu amaliy yordam natijasida fuqaroning huquqiy maqomi tiklanib, endilikda u davlat xizmatlaridan to‘laqonli foydalanish imkoniyatiga ega bo‘ldi.
Majburiy ijro byurosining Toshkent shahar Olmazor tuman bo‘limi ish yurituviga sud va boshqa organlar qarorlariga asosan qarzdor «S.-M» MChJdan davlat foydasiga jami 6,24 mlrd so‘m davlat boji va soliq qarzdorligini undirish to‘g‘risidagi ijro hujjati kelib tushgan hamda ijro ishi qo‘zg‘atilgan.
Ijro harakatlari davomida qarzdor tomonidan yuqoridagi qarzdorlik bartaraf etilmaganligi sababli majburiy ijro harakatlariga kirishilib, qarzdorga tegishli barcha mol-mulklarga taqiq o‘rnatilgan hamda belgilangan tartibda qidiruv e’lon qilingan.
Majburiy ijro harakatlari davomida qarzdorga tegishli «LI XIANG L9» rusumli avtotransport vositasi xatlanib, jarima maydoniga joylashtirilgan.
Hozirda mazkur xatlangan avtotransport vositasi baholanib, auksion orqali qarzdorlik hisobidan sotish choralari ko‘rilmoqda.
Qarzdor tomonidan ushbu jarayon davomida qarzdorlik to‘liq qoplangan taqdirda, avtotransport vositasi mulk egasiga qaytariladi.
«Toshkent-AERO» IBK Kontrabandaga qarshi kurashish shu’basi xodimlari tomonidan Davlat xavfsizlik xizmati va Ichki ishlar idoralari vakillari bilan hamkorlikda poytaxtimizda sifati kafolatlanmagan tibbiy buyumlarning noqonuniy realizatsiyasiga qarshi navbatdagi tezkor tadbir o‘tkazildi.
Tezkor tadbirda oldindan shubha ostiga olingan shaxsning Yangihayot tumanidagi xonadoni belgilangan tartibda va xolislar ishtirokida ko‘zdan kechirilganida, bu yerda 38 nomdagi 3613 turli tibbiy buyumlar noqonuniy ravishda saqlanayotgani fosh bo‘ldi.
Ushbu holatda olib qo‘yilgan tibbiy buyumlar murakkab jarrohlik amaliyotlarida qo‘llaniladigan stent, kateter va yana boshqa turdagi buyumlar inson hayoti uchun juda muhim va shu bilan bir qator yuqori xavf guruhiga kiruvchi buyumlar hisoblanadi.
Masalan, sifati kafolatlanmagan stentning qon tomiri ichida to‘g‘ri ishlamasligi xastalikni kuchaytirishi, bemor organizmiga mos kelmasligi, allergik reaksiyalar, tromb hosil bo‘lishi yoki hatto infarktga olib kelishi mumkin.
Qolaversa, maxsus sharoitlarda tashilishi va saqlanishi talab etiladigan tibbiy buyumlarning oddiy xonadonda saqlanishini hech narsa bilan oqlab bo‘lmaydi.
Dastlabki hisob-kitoblarga ko‘ra mazkur holatda olib qo‘yilgan tibbiy buyumlarning jami qiymati 1 mlrd 100 mln so‘mdan oshmoqda.
Holat yuzasidan bojxona tekshiruvlari davom ettirilmoqda.
Eslatib o‘tamiz, bojxona organlari tomonidan joriy yilning o‘tgan davrida aniqlangan 484 ta holatda qiymati 18 mlrd. so‘mlik dori vositalari va tibbiy buyumlarning bojxona chegaralari orqali noqonuniy ravishda olib o‘tilishi va ichki hududdagi yashirin aylanmasigan chek qo‘yilgan.
2026-yilning yanvar oyida O‘zbekistonga 14 ta xorijiy davlatdan qiymati 3,8 mln AQSh dollariga teng bo‘lgan 2 570 tonna choy import qilingan.
Milliy statistika qo‘mitasi ma’lumotlariga ko‘ra, ushbu mahsulotning mamlakatga import hajmi 2025-yilning mos davriga nisbatan 421 tonnaga kamaygan.
2026-yilning ilk oyida O‘zbekistonga eng ko‘p choy yetkazib bergan davlatlar:
Xitoy – 2 122 tonna;
Qozog‘iston – 123 tonna;
Eron – 113,4 tonna;
Keniya – 97,6 tonna;
Indoneziya – 41,8 tonna;
Boshqa davlatlar – 72,3 tonna.
Shvetsiya poytaxti Stokgolm shahri markazidagi «Zayd ibn Sulton al-Nahayyon» masjid-majmuasida O‘zbekiston delegatsiyasi va Shvetsiya diniy peshvolari o‘rtasida samimiy muloqot bo‘lib o‘tdi.
Uchrashuvda O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Yangi O‘zbekistondagi diniy islohotlar haqida so‘zlab berdi. Ayniqsa, yurtimiz masjidlarida mo‘min-musulmonlar uchun qilingan sharoitlar, turli hududlarda Qur’on kurslari faoliyat ko‘rsatayotgani, mintaqada yagona bo‘lgan Fatvo markazi xizmat ko‘rsatishi, imomlar va qorilarning xorij safarlari shvetsiyalik soha vakillarida katta qiziqish uyg‘otdi.
Muftiy hazratlari o‘z so‘zi davomida Ramazon hayiti arafasida Davlatimiz rahbari tomonidan Islom sivilizatsiyasi markazi va Imom Buxoriy masjid-majmuasi xalqimizga tuhfa etilganini aytish barobarida mezbon davlat vakillarini mazkur muhtasham majmualar bilan yaqindan tanishish uchun O‘zbekistonga taklif etdilar.
Muloqot davomida masjid bosh imomi Mahmud Xalfiy O‘zbekistonning tarixi buyukligi, bu diyordan yetishib chiqqan mutafakkirlar dunyo rivojiga ulkan hissa qo‘shgani, xususan, Imom Buxoriy, Imom Termiziy, Imom Moturidiy kabi ulamolar diniy ilmlar rivojiga hissa qo‘shgan bo‘lsa, Beruniy, Ibn Sino, Mirzo Ulug‘bek singari olimlar dunyo ilm-fani rivojiga katta ta’sir ko‘rsatgani, bugun ham bu diyor taraqqiy etayotganini e’tirof etdi.
Shvetsiya Tashqi ishlar vazirligi maxsus vakili Kristian Kamil o‘z so‘zida O‘zbekiston va Shvetsiya davlatlarining o‘xshash jihatlari ko‘pligini ta’kidlab, ikki davlat delegatsiyalarining o‘zaro muloqoti davomida katta natijalarga erishilayotganini ta’kidladi.
Muloqot samimiy va ko‘tarinki ruhda o‘tdi.
Islomiy moliyaviy xizmatlar uchun soliqlar qanday hisoblanadi?
Namanganlik otaxonga 86 yoshida tug‘ilganlik guvohnomasi berildi
Soliqdan qarzdor fuqaroning qimmatbaho avtomashinasi xatlandi
-
Dunyodan4 days ago
Prezident Tramp Eronga Hormuz boʻgʻozini ochish uchun 48 soat vaqt berdi
-
Turk dunyosi5 days agoBuyuk Britaniya Tashqi ishlar vazirligi Gretsiya, Turkiya, Kipr va Dubayga sayohatlar haqidagi soʻnggi maʼlumotlarni eʼlon qildi
-
Jamiyat3 days ago
O‘zbekistonliklar qaysi mamlakatlarga eng ko‘p safar qilmoqda (top-10)
-
Jamiyat5 days agoO‘zbekistonda taksichilarni aldashning yangi firibgarlik usuli fosh etildi
-
Turk dunyosi4 days agoPrezident Trampning Eron urushini toʻxtatib qoʻyishida haqiqatda kim vositachilik qilgan? Misr, Pokiston va Turkiyaning sokin diplomatiyasi diqqat markazida
-
Dunyodan3 days ago
Maskat va Toshkent oʻrtasida toʻgʻridan-toʻgʻri reyslar yoʻlga qoʻyiladi.
-
Dunyodan4 days ago
Eron tarixidagi eng katta banknotalar muomalaga chiqariladi
-
Iqtisodiyot3 days agoO‘zbekistonda kichik AES qurilishi Rossiya kompaniyalarini 24,7 mlrd dollargacha buyurtmalar bilan ta’minlaydi – Lixachyov