Sport
«Oltin to‘p»: Dembele haqli oldimi?
Usmon nihoyat shu mavsum yetuk futbolchiga aylanadi, Yamal esa o‘z mukofot(lar)ini olishga hali ulguradi.
Bu safargi «Oltin to‘p» topshirish marosimi mojarolarsiz va mukofotni kimdandir «o‘g‘irlashgani» haqidagi jiddiy e’tirozlarsiz kechdi. Shu bilan birga, marosimdan oldin asosiy da’vogarlar – Usmon Dembele, Lamin Yamal, Rafinya, Muhammad Saloh va Pedrining imkoniyatlari deyarli teng ko‘rilayotgandi. Yakunda ovoz beruvchilar «PSJ» hujumchisini ushbu mukofotga haqliroq deb topishdi. Lekin yuqoridagi besh futbolchidan istalgan biri mukofotga ega chiqishiga ko‘pchilik qarshi bo‘lmasdi.
Quyida mukofot uchun asosiy favoritlar o‘tgan mavsumni qanday o‘tkazishganini ko‘rib chiqamiz.
Usmon Dembele
U mavsumning eng muvaffaqiyatli jamoasi yetakchisi. U Luis Enrike boshqaruvidagi pressing-mashinasining nafaqat eng yorqin va sermahsul, balki to‘psiz ham juda katta mehnat qiladigan futbolchisi bo‘ldi.
Chempionlar ligasi finalidan keyinoq ispaniyalik mutaxassis o‘ziga qolganda birinchi navbatda pressingdagi harakatlari uchun shu zahoti Dembelega «Oltin to‘p»ni bergan bo‘lishini aytgandi.
Mukofot egasini aniqlashda inobatga olinadigan boshqa klassik jihatlar bo‘yicha ham Dembele ko‘rsatkichlari yaxshi edi – u kuchli beshlik ligalari futbolchilari orasida har 90 daqiqada o‘rtacha 1,25 ta gol+pas amalga oshirgan va bu borada ikkinchi ko‘rsatkichga ega. Birinchi o‘rinda 1,26 ko‘rsatkich bilan – Harri Keyn, ammo ingliz hujumchisi 13 golini penaltidan urgan, Usmonda esa 11 metrlik nuqtadan urilgan bittagina gol bor.
Gapning indallosini aytganda, «PSJ» hammadan ko‘proq g‘alabaga erishdi, Dembele esa «PSJ»dagi barcha futbolchilardan yorqinroq ko‘rindi.
Mukofot uchun kurashda unga to‘sqinlik qilishi mumkin bo‘lgan birgina omil bor edi: Dembele faqat o‘tgan yil dekabr oyi o‘rtalaridan kuchli o‘ynay boshladi. Ya’ni, butun mavsum barqaror emasdi, faqat Luis Enrikening qat’iy tarbiyaviy soatlari uning o‘zgarishiga turtki bo‘ldi. Ungacha esa futbolchi intizomsizligi uchun tarkibdan chiqarilgan va YeChLda «Arsenal»ga qarshi safar o‘yiniga olib ketilmagan, murabbiy bunday «jazolash» qarorini «butun mavsumdagi eng yaxshi yurishi» deb atagandi.
2025 yil boshidan esa barchasi ideal tarzda kecha boshladi – yangi pozitsiya, maksimal darajadagi ishtiyoq, ilhom bilan o‘ynash. O‘sha paytdayoq ko‘pchilik yangilangan Dembele mavsumning eng yaxshi futbolchisi bo‘lishiga shubha qilmayotgandi.
Lamin Yamal
U yangi avlodning eng yaxshi futbolchisi ekaniga shubha yo‘q. Ispaniya milliy jamoasi ustozi Luis de la Fuente uni «sehrli tayoqcha tekkizilgan futbolchi» deb atagan. U faqat simulyatorlarda ko‘rish mumkin bo‘lgan yengillik bilan futbol o‘ynaydi.
Muxlislar Yamalga aynan qiyin harakatlarni bu qadar osonlik bilan bajarishi uchun ham maftun bo‘lishmoqda. Agar mukofotlar g‘oliblarini muxlislar aniqlashganida, Lamin bu yil barcha sovrinlarni o‘ziniki qilgan bo‘lardi.
Shu bilan birga, unda ham birinchi o‘rinda bo‘la olmaslik uchun sabablar bor edi: uning statistikasi «Oltin to‘p»ga da’vogarlik qiladigan hujumchinikiga o‘xshamaydi. U maydon bo‘ylab harakatlari bilan o‘yinga katta ta’sir ko‘rsatadi, ammo mukofotni topshirishda gol va paslarga ham qaramaslikning iloji yo‘q.
Uning pozitsiyasida o‘ynovchi Ademola Lukman, Dezire Due, Bredli Barkolya, Maykl Olise, Rafinya, Muhammad Saloh, Usmon Dembele kabi futbolchilar har 90 daqiqaga to‘g‘ri keladigan gol yoki paslar soni bo‘yicha undan ancha yaxshiroq ko‘rsatkichga ega. Yamalda esa bu o‘rtacha 0,77 ta golli harakatga teng. Taqqoslash uchun, o‘tgan mavsumi o‘ta muvaffaqiyatsiz o‘tgan va «Oltin to‘p»ga da’vogar 30 futbolchi qatoriga ham kira olmagan Vinisiusning ko‘rsatkichi ham uniki bilan deyarli teng – 0,76). Albatta, u mukofotni qo‘lga kiritishi uchun raqamlari ham chiroyli bo‘lishi kerak edi.
Uning ko‘rsatkichlari yuqori emasligi sabablaridan biri u haddan tashqari chiroyli o‘ynashga intilishi bilan bog‘liq. Uning ko‘p qarorlari aqlli qaror emas. Aksar futbolchilar birinchi navbatda risk va foydani baholashadi – eng yaxshi qarorni qabul qilishga harakat qilishadi. Yamalga esa bu narsa begona. U doimo go‘zallikni tanlaydi: ba’zida bu eng yaxshi qaror bo‘lib chiqadi, ba’zida esa yo‘q.
Qisqacha aytganda, u o‘z qoidalari bo‘yicha o‘ynaydi, shu bilan birga, jamoaga ham foyda keltiradi. Lekin u hali yetarlicha yetuk va samarali futbolchi emas. Yana bir narsani e’tiborga olish kerakki, Yamal hali 18 yoshda va unda «Oltin to‘p» olish uchun hali bir necha marta imkoniyat bo‘ladi.
Rafinya va Lamin Yamal
Foto: EPA/TASS
Rafinya
O‘tgan mavsumda eng ko‘p gol urgan va eng ko‘p golli pas bergan ikki eng yaxshi futbolchidan biri Rafinya bo‘ldi, u gol+pas bo‘yicha 56 ochko to‘plagan, Muhammad Salohda 57 ta. Shu bilan birga, misrlik hujumchi 11 golini penaltidan urgan, Rafinyada – atigi 2 ta. Jamoaviy o‘yinda ham braziliyalik vingerda hech qanday muammo yo‘q. «Barsa»ning ko‘plab gollari Rafaning pressingdagi harakatlari natijasida urilgan.
Holbuki 2024 yil yozida Rafinyani klubdan ketishga undashayotgandi. Katta ehtimol bilan, Niko Uilyamsning transferi hal bo‘lganida, u chindan ham ketgan bo‘lardi. Yakunda esa u nafaqat jamoada qoldi, balki o‘ziga begona bo‘lgan pozitsiyada jamoaga kerakligini isbotlay oldi.
Yangilangan Rafinya – endi asosan o‘ng qanotda o‘ynovchi, asosiy ishlatadigan oyog‘i chap bo‘lgan driblingchi vinger emas, u endi oldingi chiziqda barcha pozitsiyalarni yopa oladigan yetakchi futbolchi. U yashirin hujumchi sifatida tushishi ham mumkin, o‘nlik pozitsiyasida yoki qanotlarda o‘ynashi mumkin. U nafaqat pozitsiyasini, balki o‘zini ham o‘zgartirdi. O‘tgan mavsumda u faoliyatida eng kam fint ishlatgan bo‘lishi mumkin, lekin unda endi boshqa, yangi instrumentlar paydo bo‘ldi – buning evaziga u yanada foydaliroq, yanada samaraliroq va yanada intellektualroq futbolchiga aylandi.
U eng yaxshi deb topilishi uchun esa ikki omil xalaqit berdi. Birinchisi – «Barselona» ichki chempionatda tengsiz bo‘lsa-da, Chempionlar ligasini yarimfinalda tark etdi. Ikkinchisi – bir jamoadan nomzodlar soni ko‘p bo‘lgani. Unga «Barsa»ning o‘zida Pedri va Yamal ham raqobat qildi – ular ham chinakamiga kuchli mavsum o‘tkazishgandi. Lekin u beshinchi o‘rindan yuqorirog‘iga loyiq edi.
Muhammad Saloh
Qiziqish yuqoriligi bo‘yicha Chempionlar ligasidan qolishmaydigan turnir hisoblangan APLda Saloh nafaqat hammadan ko‘proq gol urib, ko‘proq assist muallifi bo‘ldi, balki tarixiy ko‘lamdagi rekordlarni ham o‘rnatdi.
U gol+pas tizimida 47 ochko to‘plab, Alan Shirerning 1994/95 yillar, Endi Koulning 1993/94 yillar mavsumidagi natijalarini takrorladi, holbuki bu futbolchilarda bunday ko‘rsatkichga erishish uchun ko‘proq bo‘lgan, o‘sha yillarda bir jamoa bir mavsumda 42 ta o‘yin o‘tkazgan. 38 o‘yinlik davrda esa hech kim bu qadar yuqori natija qayd etolmagan. Salohgacha eng yaxshi ko‘rsatkichni 2002/03 yillar mavsumida Tiyerri Anri, 2022/23 yillar mavsumida Erling Holand qayd etgandi – ikkisida ham 44 tadan gol+pas.
«Liverpul» aynan uning sa’y-harakatlari evaziga «Siti»ning chempionlik seriyasiga barham berdi va «Arsenal»ni oldinga o‘tkazib yubormadi.
Lekin «Liverpul» Chempionlar ligasini juda erta tark etdi, Saloh esa hal qiluvchi o‘yinlarda «PSJ» himoyachisi Nunu Mendesh tomonidan to‘liq zararsizlantirildi. Qolaversa, misrlik hujumchi bahorda ichki chempionatda ham bo‘shashdi va uchtagina gol urdi. Ko‘pchilikning yodida esa mavsum yakunidagi muvaffaqiyatsizlik yodda qoldi va bu uning mukofot uchun imkoniyatlarini pasaytirib yubordi. Yakunda esa to‘rtinchi o‘rin.
Pedri
Pedri
Foto: Alex Caparros/Getty Images
Yakuniy ro‘yxatdagi o‘rni eng noto‘g‘ri bo‘lgan futbolchi sifatida Pedrini keltirish mumkin. Natijalar e’lon qilinganida aynan uning 11-pog‘onada joylashgani ko‘plab e’tirozlarga sabab bo‘ldi.
Holbuki «Barsa» o‘yini sifatiga Pedri kabi kuchli ta’sir ko‘rsata oladigan boshqa futbolchi yo‘q. U yomon o‘tkazgan o‘yinni topish qiyin. Uni maydondagi murabbiy desa ham bo‘ladi. U nafaqat hujumlarni rivojlantiruvchi muhim paslarni beradi, balki noqulay holatda turgan holda paslarni to‘g‘ri qabul qilib, to‘pni o‘ziga bo‘ysundirishda ham benazir.
One-versus-One statistik saytida «bo‘shliqni his qilish» parametri mavjud – bu bilan raqiblar qurshovida turgan holda paslarni qabul qilgan futbolchilar baholanadi. Bunday uzatmalarni qabul qilish uchun chiziqlar orasida to‘g‘ri ochilish talab etiladi. O‘tgan mavsumda atigi ikki futbolchi 1000 dan ortiq shunday pasni qabul qilgan – Florian Virs va Pedri.
O‘tgan mavsumda u driblingini ham yaxshiladi. «Barsa» futbolchilari orasida muvaffaqiyatli aldab o‘tishlar ko‘rsatkichi bo‘yicha ham u eng yaxshi, 66,3 foizlik ko‘rsatkichga ega – 86 urinishdan 57 tasida raqib aldab o‘tilgan.
Shunchasi yetmaganidek, u himoyada ham ko‘p ish qiladi. O‘tgan mavsumda «Barselona»da to‘pni raqibdan olib qo‘yish bo‘yicha eng yaxshilardan biri bo‘lgan. Raqibning zarbalari yoki paslari yo‘lini to‘sish bo‘yicha esa jamoada unga hech kim teng kela olmagan.
Qisqacha aytganda, Pedri tayanch zonasidagi rolini qo‘shimcha o‘nlik funksiyalari bilan birlashtiradi va har doim qayerda ko‘proq kerakligini ideal darajada his qiladi.
Umuman, Pedri o‘ziga bog‘liq hamma ishni qildi, ammo «Oltin to‘p» mezonlariga to‘g‘ri kelmadi.
Yil boshida «Bunyodkor», «Nasaf», «Buxoro» va boshqa bir qancha klublar davlat kompaniyalari homiyligidan ajralgan edi. Endi Superliga klublari markazlashgan tarzda moliyalashtirilishi mumkin.
2026 yilgi futbol mavsumidan boshlab, Superliga klublari markazlashtirilgan tarzda moliyalashtirilishi mumkin. Bu haqda Kun.uz manbasi ma’lumot berdi.
O‘zbekiston futbol assotsiatsiyasi (O‘FA), Milliy olimpiya qo‘mitasi (MOQ) va Sport vazirligi tomonidan professional futbol klublarining moliyalashtirilishini takomillashtirish borasida loyiha ishlab chiqilgan bo‘lib, unga ko‘ra 2026 yilda Superliga klublariga davlat tomonidan bir xil – 35 milliard so‘mdan yillik smetasi tasdiqlanishi belgilangan. Shuningdek, xususiy kompaniya va homiylarga professional futbol klublariga homiylik qilish bo‘yicha imtiyoz berilishi kutilmoqda. Hozircha ushbu tizim mexanizmi va qarorning qachon qabul qilinishi noma’lum.
Avvalroq, bir qator yirik davlat kompaniyalari futbol klublarini moliyalashtirishni to‘xtatgan edi. Masalan, «O‘zbekneftgaz» davlat kompaniyasi yil boshida «Bunyodkor», «Nasaf» va «Buxoro» klublariga homiylik qilishdan voz kechdi. Shuningdek, bir qator boshqa klublar ham davlat kompaniyalari homiyligidan ajraldi. Oqibatda, «Bunyodkor», «Dinamo» va «Surxon» kabi klublarda moliyaviy muammolar kuzatilayotgani haqida xabarlar tarqaldi.
Futbol klublarini markazlashgan tarzda moliyalashtirish mexanizmi dunyo futbolida bor gap. Masalan, Saudiya Arabistoni professional ligasida futbol klublarini boshqarish va moliyalashtirish qisman markazlashgan tarzda amalga oshiriladi. 2023 yilda sport islohotlari doirasida Davlat investitsiya jamg‘armasi (PIF) to‘rtta yetakchi klub – «Al-Nasr», «Al-Hilol», «Al-Ahliy» va «Al-Ittihod» nazorat ulushlarini (taxminan 75%) qo‘lga kiritdi. Parallel ravishda, liganing boshqa jamoalari yirik davlat va yarim davlat kompaniyalariga (masalan, neft-gaz, transport va sanoat) biriktirildi, bu esa ko‘pchilik klublar davlat bilan bog‘liq tuzilmalardan mablag‘ oladigan tizimni shakllantirdi.
Misrlik tirik afsona uchun klubdagi to‘qqiz mavsumi so‘nggisi bo‘lib qoladi.
Muhammad Saloh va «Liverpul» baribir ajraladi. 33 yoshli misrlik hujumchi 24 mart kuni kechqurun ijtimoiy tarmoqlardagi sahifalarida e’lon qilgan videosida 2025/26 yillar mavsumi yakunida klubni tark etishini e’lon qildi. Biroz o‘tib mersisaydliklar klubi matbuot xizmati ham bu ma’lumotni tasdiqladi.
«Bu ehtiros, tarix va ruhdir»
Misrlik futbolchi muxlislarga ta’sirli murojaat yo‘lladi.
«Afsuski, bu kun yetib keldi. Men mavsum yakunida «Liverpul»ni tark etaman. Men shundan boshlamoqchimanki, bu jamoa, shahar va odamlar hayotimning shunday qismiga aylanishini hech qachon tasavvur qilmagan edim. «Liverpul» – shunchaki futbol klubi emas. Bu kimgadir tushuntirib bo‘lmaydigan ehtiros, tarix va ruhdir», – degan Saloh xayrlashuv nutqi avvalida.
U jamoadoshlari va klub xodimlari to‘g‘risida ham gapirgan.
«Barchaga, ayniqsa, jamoadoshlarimga – sobiq va hozirgilarga, muxlislarga rahmat. Menga ko‘rsatgan yordamingiz uchun minnatdorchilik bildirishga so‘z yetmaydi. Faoliyatimning eng yaxshi davrida yonimda bo‘ldingiz va har doim men bilan yelkama-yelka turdingiz», – deya qo‘shimcha qilgan Saloh.
Ko‘p o‘tmay «Liverpul» ham bu borada rasmiy bayonot berdi: qizillar klubi matbuot xizmati forvard o‘z qarori haqida imkon qadar ertaroq e’lon qilishni xohlagani aytilgan relizni e’lon qildi.
Shu bilan birga, yaqin vaqtlar ichida futbolchi bilan xayrlashuv uchrashuvi o‘tkazilishi kutilmayapti.
«Bizni hali oldinda ko‘p o‘yinlar kutmoqda va Saloh bor e’tiborini «Liverpul» mavsumni maksimal natija bilan yakunlashiga qaratgan. Shuning uchun uning merosi va yutuqlarini to‘liq nishonlash vaqti keyinroq keladi», – deya qayd etiladi klub saytida.
Faoliyatini qayerda davom ettiradi?
Muhammad Saloh mersisaydliklar klubi bilan shartnomasini 2025 yil aprelida ikki yilga uzaytirgandi. Ammo misrlik futbolchi bu muddat oxirigacha klubda qolmasligi mavsum o‘rtasidayoq ma’lum bo‘lib ulgurgandi.
Dekabr oyi boshida hujumchi asosiy tarkibdagi o‘rnini boy berib qo‘ydi va ayrim o‘yinlarda zaxiradan ham maydonga tushirilmadi. APLning 15- turida «Lids»ga qarshi kechgan uchrashuvda (3:3) ham zaxira o‘rindig‘ida qolib ketganidan keyin u jurnalistlar qarshisiga chiqdi va o‘z holati haqida shov-shuvli bayonot berdi. Xususan, jamoa bosh murabbiyi Arne Slot bilan orasi buzilganini aytdi.
«Ko‘p marta aytganman: murabbiy bilan munosabatlarim juda yaxshi edi, ammo birdaniga o‘rtamizda hech narsa qolmadi. Aftidan, kimdir meni bu yerda ko‘rishni istamayapti. Yana bir bor aytaman: o‘rtamizda hech qanday munosabat yo‘q… U nimalarni his qilayotganimni biladi. Bu haqda biladi», – deya norozilik bildirgandi futbolchi.
Shundan keyin u Misr milliy jamoasi safida Afrika millatlar kubogiga jo‘nab ketdi, turnirdan qaytganidan keyin esa ko‘proq maydonga tusha boshladi: 2026 yilda u faqat bir marta 60 daqiqadan kamroq o‘ynadi – bu 15 mart kuni «Tottenhem»ga qarshi o‘yinda (1:1) ro‘y berdi.
Shunga qaramay, Saloh baribir klubini o‘zgartirishga qaror qilgan. Jurnalist Pol Joys qayd etishicha, tomonlar o‘zaro rozilik asosida shartnomani bekor qilishga kelishishgan. Bu orqali «Liverpul» unga tovon puli to‘lashdan qutuladi, forvard esa keyingi faoliyati uchun klubni mustaqil tanlash imkoniga ega bo‘ladi.
Futbolchining agenti Rami Abbosga ko‘ra, u hamon kelgusida qayerda o‘ynashini aniqlab olmagan. Afrikalik yulduzli futbolchiga muqaddam Saudiya Arabistonidan katta takliflar bo‘lgan, ammo endi Yaqin Sharqdagi voqealar tufayli bunday transfer amalga oshishi dargumon.
Barcha sovrinlarni qo‘lga kiritgan
Saloh «Liverpul»ga 2017 yil iyunida «Roma»dan kelib qo‘shilgandi. To‘qqiz yil mobaynida misrlik hujumchi Angliyadagi barcha sovrinlarni qo‘lga kiritdi: ikki bor Angliya chempioni bo‘ldi, mamlakat Kubogi va Superkubogini, shuningdek, Angliya ligasi kubogini qo‘lga kiritdi.
Xalqaro arenada Muhammad o‘ziga xos het-trikka erishdi: Chempionlar ligasida, UYeFA Superkubogida va klublar o‘rtasidagi jahon chempionatida g‘olib bo‘ldi.
Uning shaxsiy statistikasi ham ajoyib: Muhammad 435 o‘yinda 255 gol urgan va 122 assist amalga oshirgan, to‘rt bor APLning eng yaxshi to‘purari sifatida «Oltin butsa»ga ega chiqqan hamda liga tarixidagi eng yaxshi legioner to‘purarga aylangan. U yozgacha kolleksiyasini yana to‘ldirishi mumkin – jamoa YeChL va Angliya kubogidagi ishtirokini davom ettirmoqda.
Jismoniy tarbiya va sport sohasidagi munosabatlarni tartibga solishni nazarda tutuvchi «Jismoniy tarbiya va sport to‘g‘risida»gi O‘RQ–1123-sonli qonun qabul qilindi.
Qonunda sport vazirligi jismoniy tarbiya va sport sohasidagi vakolatli davlat organi etib belgilab qo‘yildi.
Qonunga ko‘ra, fuqarolar havaskorlik sporti, shuningdek professional sport bilan sportchi, trener, sport hakami sifatida shug‘ullanish huquqiga ega.
Sport klubi sport faoliyati bilan shug‘ullanish, sport turlarini rivojlantirish va ommalashtirish, shuningdek sportchilarni musobaqalarga tayyorlash maqsadida tashkil etiladi.
Sportchi pasporti yagona namunadagi hujjat bo‘lib, sportchining jismoniy tarbiya va sport tashkilotiga mansubligini hamda sport malakasini tasdiqlaydi.
Sport turi qoidalariga va sport musobaqasi to‘g‘risidagi nizomga (reglamentga) rioya etilishini ta’minlash uchun vakolat berilgan jismoniy shaxs sport hakamidir.
Davlat tomonidan sportchi hamda trenerlarga bir martalik va oylik to‘lov (stipendiya, nafaqa va boshqalar) shaklidagi qo‘llab-quvvatlash choralari taqdim etilishi mumkin.
«Yangi O‘zbekiston olimpiya cho‘qqilari» hamda «Prezident Olimpiadasi» musobaqalarining 2026 yilgi mavsumi rasman boshlandi. Toshkentdagi «Olimpiya va Paralimpiya shon-shuhrati muzeyi»da tashkil etilgan tadbirda mavsumga ramziy start berildi.
Ushbu musobaqalar yosh avlod o‘rtasida sog‘lom turmush tarzini targ‘ib qilish va Olimpiya zaxiralarini tayyorlash tizimini yanada takomillashtirishga xizmat qiladi. Mavsum doirasida respublikamizning barcha hududlarida minglab yosh sportchilar turli sport turlari bo‘yicha o‘z mahoratlarini namoyish etishlari kutilmoqda.
2026 yilgi mavsum yanada takomillashtirilgan uch bosqichli tizimda o‘tkaziladi: tuman va shahar hokimi Olimpiadasi, hududiy bosqich hamda «Prezident Olimpiadasi». Bugundan boshlab birinchi bosqich — tuman va shahar hokimi Olimpiadasi doirasida respublikamizning barcha hududlarida bellashuvlar boshlandi. Unda sport maktablari, umumta’lim muassasalari, xususiy sport klublari va murabbiylar tarbiyalagan yoshlar faol ishtirok etmoqda.
Londondagi «Uembli» stadionida Angliya Liga Kubogining final uchrashuvi bo‘lib o‘tdi. Bosh sovrin uchun bahsda «Manchester Siti» va «Arsenal» jamoalari o‘zaro to‘qnash kelishdi.
Uchrashuv «Manchester Siti» ning 2:0 hisobidagi g‘alabasi bilan yakunlandi. O‘yin taqdirini ikkinchi bo‘limda Niko O‘Rayli tomonidan kiritilgan ikkita gol (60 va 64-daqiqalar) hal qildi. Ushbu muvaffaqiyat evaziga «Manchester Siti» o‘z tarixida 9-marta Angliya Liga Kubogi sohibiga aylandi. Endilikda ular mazkur turnirda eng ko‘p zafar quchgan «Liverpul» (10 ta sovrin) rekordiga yaqinlashib oldi — ular orasidagi farq atigi bitta kubokni tashkil etmoqda.
O‘zbekiston milliy terma jamoasi himoyachisi Abduqodir Husanov «Manchester Siti» tarkibida maydonga tushib, to‘liq 90 daqiqa harakat qildi. U uchrashuvning 32-daqiqasida Viktor Dyokereshga ishlatilgan qo‘pollik uchun sariq kartochka oldi.
Ushbu g‘alaba orqali Husanov Angliya Liga Kubogini qo‘lga kiritgan ilk o‘zbekistonlik futbolchi sifatida tarixga kirdi. Bu sovrin himoyachi uchun Angliyadagi birinchi oltin medal hisoblanadi.
Birinchi guruh ishchilarining muvaffaqiyati AQShning O’zbekistonga bo’lajak ishchi kuchi taqsimotini belgilaydi – Musaev
Enterprise Uzbekistan uchun maxsus huquqiy rejim 2100 yilgacha amal qiladi
Superliga klublariga markazlashgan tarzda 35 milliard so‘mdan ajratilishi kutilmoqda
-
Siyosat2 days agoIslom bank ishi anʼanaviy foizlarga asoslangan modellardan nimasi bilan farq qiladi?
-
Siyosat5 days ago
O‘zbekiston va Turkmaniston yetakchilari bir-birlarini tabrikladilar
-
Jamiyat4 days agoImom Buxoriy masjid-majmuasida ilk hayit namozi o‘qildi (foto)
-
Jamiyat1 day agoO‘zbekistonda taksichilarni aldashning yangi firibgarlik usuli fosh etildi
-
Sport4 days ago
Masharipov va Fayzullayev jarohat sabab xalqaro turnirda qatnashmaydi
-
Jamiyat4 days ago
Shavkat Mirziyoyev O‘zbekiston xalqini hayit bilan tabrikladi
-
Siyosat5 days agoShavkat Mirziyoyev va Shahboz Sharif o‘rtasida telefon muloqoti bo‘lib o‘tdi
-
Iqtisodiyot4 days agoEron urush va iqtisodiy inqiroz fonida rekord qiymatdagi banknotni muomalaga chiqardi