Jamiyat
Noshirlik faoliyatiga oid qonun o‘zgaryapti, kitoblarga senzura joriy etiladimi? – mutaxassislar bilan suhbat
Jamoatchilikka ochiqlanmay, to‘g‘ridan to‘g‘ri parlamentga kiritilgan qonun loyihasida nashriyotlar uchun bosh muharrirning huquqiy maqomi, vazifa va majburiyatlari belgilanayotgani aytilmoqda. Kun.uz’ga intervyu bergan soha egalariga ko‘ra, hujjat bilan kitoblarga ma’naviy-ma’rifiy, estetik talablar qo‘yilmagan. “Amaldagi qonunga ko‘ra, kitoblarga senzura mumkin emas. Muhokamada qatnashganlar aytishdiki, bu punkt bo‘yicha hech qanaqa o‘zgarish yo‘q”, – deydi suhbatda qatnashgan mutaxassislardan biri.
{Yii::t(}
O’tkazib yuborish 6s
O’tkazib yuborish
“Noshirlik faoliyati to‘g‘risida”gi qonunga o‘zgartirish kiritish bo‘yicha qonun loyihasi Oliy Majlisning Qonunchilik palatasidan Senatga yuborildi. Hujjat 3 o‘qishda 7 hamda 15 iyul sanalarida ko‘rib chiqilgan. Bu bilan nashriyotlarda bosh muharrirning huquqiy maqomi, qolaversa, vazifa, majburiyatlari belgilanishi kutilmoqda.
Loyiha jamoatchilikka e’lon qilinmagan. Quyi palataning rasmiy sahifalarida berilgan ma’lumotlarga ko‘ra, hujjat huquqiy, ma’naviy-ma’rifiy va estetik talablarga mos kelmaydigan adabiyotlar chop etilishining oldini olishga, qolaversa, kitoblarda tarixiy, ilmiy va ommaviy ma’lumotlar aniq bo‘lishiga qaratilgan (ayni vaqt xabar tahrirlanib, o‘zgartirilgan).
Loyiha jamoatchilikning keng muhokamalariga sabab bo‘ldi. Ayrim faollar bu bilan nashriyotlarga senzura joriy etilishidan xavotirda. Kun.uz mavzu atrofidagi savollarga javob olish, qolaversa, hozirda sohadagi vaziyatni tahlil qilish uchun bir nechta nashriyot egalari bilan suhbat uyushtirdi.
Unda O‘zbekiston nashriyoti bosh muharriri Muhiddin Omon, O‘zbekiston noshirlar va kitobsavdo milliy assotsiatsiyasi kengashi raisi Erkin Abdurahmonov hamda “Asaxiy books” loyihasi asoschisi Firuz Allayev ishtirok etdi. Quyida intervyudan qisqa sharh keltiriladi.
Hujjat bilan nima nazarda tutilyapti?
Dastlab Muhiddin Omon qonun loyihasida nimalar nazarda tutilayotganini tushuntirarkan, uning senzuraga daxli yo‘qligini aytdi.
“O‘sha kiritilayotgan o‘zgartirishlar asosan nashriyot faoliyatida bosh muharrirning huquqiy maqomini, uning bo‘lishi muqarrarligini, vazifalarini – umuman nashriyot faoliyatiga amaldagi tartib-qoidalarga mas’ul bo‘lgan shaxsni belgilash bilan bog‘liq. Tasavvur qiling, har qanday nashriyot muayyan yo‘nalishdagi kitoblarni chop etishga ixtisoslashgan bo‘ladi. Aytaylik, unga butunlay o‘ziga ixtisoslashmagan bir yo‘nalishdagi kitoblar [uchun] ham murojaat kelib tushadi.
Shunda ular tekshiruvdan o‘tkazish uchun o‘sha soha bo‘yicha mutaxassis bo‘lgan mas’ul muharrirlarni yollashi mumkin. Masalan, bizda mutaxassis yo‘q, aytaylik, tibbiyot bo‘yicha yoki bo‘lmasa, yana bir kibernetika sohasi bo‘yicha, matematikaning chuqur bir ilmiy tadqiqotlar yo‘nalishida mutaxassisimiz yo‘q.
Shu ma’noda bosh muharrir o‘sha kitobni mukammal har tomonlama ham ilmiy, ham bugungi talab nuqtayi nazaridan javob beradigan talqinlari, ham o‘quvchilarga tushunarli bo‘ladigan ilmiy ommabop nashr nuqtayi nazaridan qayta ishlashga jalb qilishi mumkin. Bu bosh muharrirning vazifasi”, – dedi u.
Muhiddin Omonga ko‘ra, bugungi kunda 600 ga yaqin nashriyotdan qariyb 50 foizida bosh muharrir yo‘qligi sabab ko‘plab kitoblar xato, kamchiliklar bilan chiqyapti, bu esa nashriyotlar faoliyatiga salbiy ta’sir qilmoqda.
“Necha yillik faoliyatim davomida bir narsani aniq bilaman, o‘sha bosh muharrir butun nashriyotning faoliyati konsepsiyasini ishlab chiqadi. Uning qaysi yo‘nalishda, kimlar bilan ishlashini [belgilaydi], marketologlar bilan bozor ehtiyojlarini o‘rganadi — bularning hammasi nashriyotning yuragi, miyasi deylik, bosh muharrir bilan hal qilinadi. Shu ma’noda qonunga kiritilayotgan, bosh muharrir oldiga qo‘yilayotgan vazifalarning hammasi haqqoniy va bugungi kun talabidan kelib chiqayotgan voqea, hodisa, talab”, – dedi Omon.
Ma’naviy, ma’rifiy va estetik talablar qo‘yilishining o‘zi noto‘g‘ri
Qonun loyihasi ishlab chiqilishida ishtirok etgan mutaxassis Erkin Abdurahmonov bu tashabbus bilan nashriyot bosh muharrirlari uchun minimal talab sifatida 3 yillik ish staji qo‘yilayotganini, buni 5 yil qilish borasida takliflar kiritilayotganini ma’lum qildi.
“Mana shu bosh muharrirlarga besh yillik staj belgilash degan talabni Oliy Majlis deputatlariga taklif qilib kiryapmiz. Negaki, sohaning ixtisoslashuvi, sohaning rivojlanishi bugungi kunda shu talabni olib kirishga majbur qilyapti. Shaxsan men shu sohani o‘rganib chiqib [ko‘rdimki], bugun yangi yosh noshirlarimiz, tajribasi yo‘q, malakasi yo‘q insonlarni kirib kelishida ma’lum bir salbiy voqeliklar vujudga keldi. Xatolarning ko‘payishi, kitoblardagi juda ko‘p, mana hozir kitoblar hatto yig‘ib olindi bir necha barobar, o‘sha jamiyatga xavf soladigan darajadagi kitoblar nashr etila boshlandi.
Buning negizida shu sohada faoliyat yuritayotgan xodimlarning tajribasizligi [turibdi]. Ular buni ataylab qilmasligi mumkin, o‘sha tajriba yo‘qligi tufayli ko‘p xatolik yuzaga keldi va sohaning kerak bo‘lsa, o‘sha saviyasining tushishiga, kitobxonlarning haqli e’tirozlariga juda ko‘p duch keldik”, – dedi u.
Shuningdek, Abdurahmonov hujjatda kitoblar uchun ma’naviy-ma’rifiy, estetik talablar aks etmagani, u deputat tomonidan yangragan shunchaki fikr ekanini va bu chiqish xato bo‘lganini bildirdi.
“Shuni tushunishimiz kerak. Ertaga, masalan, o‘sha kitobda chiqqan saviyasi past yoki o‘sha jamiyatda bir e’tirozga sabab bo‘lgan kitoblar nashr etilsa, bosh muharrirga mas’uliyat yuklanyapti. Asosiy maqsad shu. Demak, mas’uliyatni olgan bosh muharrir o‘sha xatolarga yo‘l qo‘ymaydi.
[Ma’naviy, ma’rifiy va estetik talablar] qo‘yilishining o‘zi noto‘g‘ri. Bu o‘sha deputatimizning gapirgan gaplaridagi maqsadlarini hozir bunday talqin qilishyapti deb baholadim. Mana shunaqa vaziyatlardan biz o‘rganishimiz kerak, jamiyat ham, o‘sha deputatlarimiz ham. Bu – juda yaxshi vaziyat”, – dedi suhbatdosh.
Qonunga ko‘ra kitoblarga senzura mumkin emas
Feruz Allayev ham nashriyotlar uchun bosh muharrir qo‘yilishiga oid talab to‘g‘ri ekanini, lekin qonundagi ba’zi punktlar yuzasidan xavotiri borligini ta’kidladi.
“Hozirgi amaldagi “Noshirlik faoliyati to‘g‘risida”gi qonunga ko‘ra, kitoblarga senzura mumkin emas va [qonun loyihasi] muhokamasida qatnashganlar aytishdiki, bu punkt bo‘yicha hech qanaqa o‘zgarish yo‘q. [O‘zi] kitoblar senzura qilinishi mumkinmi degan joyda, ha. Bu xohlagan kontentga O‘zbekistonda qo‘yilgan talabga binoan, konstitutsiyaviy rejimga qarshi, millatlararo nizo uyg‘otadigan standart bor, lekin bu bo‘yicha qarorni sud berishi kerak.
Ya’ni chaqirib, “sen mana bunday qilding” deydigan alohida bir javobgar organ yo‘q. Odatda bu bo‘yicha ariza kiritiladi, ish ochiladi, tergov jarayoni bo‘ladi va oxirgi xulosani sud beradi. Agar shunaqa tizim qoladigan bo‘lsa, men unda hech qanaqa muammo ko‘rmayapman.
Ikkinchidan, bosh muharrirga tavsiyalar beriladigan bo‘lsa, deylik, hozir ilmiy qanaqadir kitobni tarjima qilganda kimningdir tavsiyasini olish tavsiya etiladi degan joyi bo‘lsa, okey, muammo yo‘q. Bosh muharrir kimningdir tavsiyasini oldi, xulosasini oldi, chiqardi. Lekin ertaga qanaqadir alohida odamning tavsiyasi rasmiylashtirilmagan holatda chaqirib, bosh muharrirni jazolaydigan bo‘lsa, “sen soha bo‘yicha tavsiya olmagansan” degan majburiyat yuklanadigan bo‘lsa, bu ertaga qaysidir kitoblarda muammo yaratishi mumkin. Shuning uchun ham hozircha yetib kelgan ma’lumotlar bo‘yicha qonun chiqsa yana aniqroq bilamiz”, – deydi tadbirkor.
Allayev bugungi kunda kitoblar ommaviy fikr shakllantiradigan axborot manbayi bo‘lmay qolganini, shu sabab sohaga senzura qo‘yish bilan O‘zbekistonda axborot nazoratini qo‘lga olib bo‘lmasligini, buni qonun ishlab chiquvchilar tushunishi kerakligini aytdi.
Suhbat davomida muhokama markazida bo‘lib turgan qonun loyihasiga oid yana bir qancha nuqtalar, qolaversa, hozirgi kunda nashriyotlar faoliyati, undagi kadrlar masalasi, tarjima kitoblarni chiqarishda taqiqlarga ham to‘xtalib o‘tildi. Intervyuning to‘liq shaklini yuqoridagi video orqali tomosha qilishingiz mumkin.
Dilshoda Shomirzayeva suhbatlashdi.
Reklama qo‘ng‘iroqlari va xabarnomalariga oid huquqlar himoyasi kuchaytiriladi.
«Aholiga ko‘rsatilayotgan davlat xizmatlarini takomillashtirish hamda fuqarolar uchun qo‘shimcha qulayliklar yaratish chora-tadbirlari to‘g‘risida»gi Prezident qarori (PQ-265-son, 15.07.2026-y.) qabul qilindi.
Qarorga ko‘ra, voyaga yetmagan shaxslar o‘z huquqlarini mustaqil ravishda amalga oshirish yuzasidan sudlarga murojaat qilishda davlat bojidan ozod qilinishi belgilandi.
2026-yil 1-oktyabrdan jismoniy shaxsning familiyasi, ismi va otasining ismi, tug‘ilgan sanasi kabi birlamchi ma’lumotlari o‘zgarganda o‘zida ushbu ma’lumotlarni aks ettiruvchi davlat organlariga tegishli axborot tizimlaridagi ma’lumotlarga avtomatik tarzda idoralararo elektron hamkorlik yo‘li bilan o‘zgartirishlar kiritish amaliyoti yo‘lga qo‘yiladi.
2026-yil 1-noyabrdan boshlab:
– mobil aloqa vositalari orqali SMS-xabarnomalar yo‘li bilan tovar (ish, xizmat)larni taklif (reklama) qiluvchi har qanday yuridik va jismoniy shaxslar faqat shaxsning yozma yoki elektron roziligini olgandan so‘ng ushbu harakatlarni (reklamani) amalga oshiradi;
– mobil aloqa vositalariga reklama qo‘ng‘iroqlari va SMS-xabarnomalarni jo‘natish xizmatini ko‘rsatuvchi yuridik shaxslar o‘zlarining axborot tizimlarini Shaxsga doir ma’lumotlar bazalarining davlat reyestrida ro‘yxatdan o‘tkazgandan keyin tegishli xizmatlarni ko‘rsatishiga yo‘l qo‘yiladi;
– reklama qo‘ng‘iroqlari va xabarnomalarini telekommunikatsiya tarmoqlari (mobil aloqa) orqali soat 18.00 dan 09.00 gacha tarqatish taqiqlanadi;
– mobil aloqa operatorlariga o‘zlari tomonidan tarqatiladigan reklama qo‘ng‘iroqlari va xabarnomalarini abonent so‘roviga ko‘ra to‘liq yoki qisman bloklash majburiyati yuklatiladi;
– mazkur belgilangan talablarga rioya etmaslik reklama hamda shaxsga doir ma’lumotlar to‘g‘risidagi qonunchilikni buzish hisoblanadi va tegishli choralar ko‘rish uchun asos bo‘ladi.
Kino, teatr, muzey va konsertlarga muntazam tashrif buyurish fiziologik qarishning sekinlashishi bilan bog‘liq bo‘lishi mumkin.
Bu ikki mingga yaqin keksa odamlarning ma’lumotlarini tahlil qilgan yapon olimlari tomonidan chiqarilgan xulosadir. Tadqiqot natijalari Epidemiologiya va Jamiyat Salomatligi jurnalida (JECH) chop etildi.
Tadqiqotchilar qarish bo‘yicha uzoq muddatli tadqiqotda ishtirok etgan 50 yoshdan oshgan 1899 nafar ingliz fuqarosining ma’lumotlarini o‘rganib chiqdilar.
Ishtirokchilar kinoteatrlar, muzeylar, san’at galereyalari, teatrlar, konsertlar va operalarga qanchalik tez-tez tashrif buyurganliklarini xabar qilishdi. Keyin bu ma’lumot ularning fiziologik yoshi bilan taqqoslandi – bu qon bosimi, o‘pka funksiyasi, gemoglobin va xolesterin darajasi, tana massasi indeksi, ushlash kuchi va yurish tezligi kabi o‘nta parametr asosida tananing haqiqiy sog‘lig‘ini aks ettiruvchi ko‘rsatkich.
Ma’lum bo‘lishicha, madaniy tadbirlarga kamida bir necha oyda bir marta tashrif buyurgan odamlarning o‘rtacha fiziologik yoshi 66,9 yoshni tashkil etgan. Deyarli faqat madaniy hayotda ishtirok etganlar orasida bu ko‘rsatkich 69,9 yoshga yetdi – bu taxminan uch yillik farq.
Daromad, bandlik, surunkali kasalliklar va boshqa omillarni hisobga olgan holda ham, madaniy faoliyat shkalasidagi har bir qo‘shimcha birlik fiziologik yoshni taxminan 31 kunga qisqartirish bilan bog‘liq edi.
Mualliflarning fikriga ko‘ra, bu ta’sir madaniy dam olish ijtimoiy muloqotni rivojlantirishi, aqliy farovonlikni yaxshilashi va sog‘lom turmush tarzini rag‘batlantirishi bilan izohlanishi mumkin.
Olimlar madaniy faoliyatning fiziologik qarishga ta’siri muntazam jismoniy faollikning ta’siriga o‘xshashligini va qo‘shimcha tadqiqotlarga loyiqligini ta’kidlamoqdalar.
«Aholiga ko‘rsatilayotgan davlat xizmatlarini takomillashtirish hamda fuqarolar uchun qo‘shimcha qulayliklar yaratish chora-tadbirlari to‘g‘risida»gi prezident qarori qabul qilindi.
Foto: Ronstik / Shutterstock
«Aholiga ko‘rsatilayotgan davlat xizmatlarini takomillashtirish hamda fuqarolar uchun qo‘shimcha qulayliklar yaratish chora-tadbirlari to‘g‘risida»gi prezident qarori qabul qilindi.
Qarorga ko‘ra, 2026 yil 1 noyabrdan boshlab:
mobil aloqa vositalari orqali SMS-xabarnoma shaklida tovar va xizmatlarni taklif (reklama) qiluvchi har qanday yuridik va jismoniy shaxs faqat shaxsning yozma yoki elektron roziligini olgandan so‘ng ushbu harakatlarni (reklamani) amalga oshiradi;
mobil aloqa vositalariga reklama qo‘ng‘iroqlari va SMS-xabarnomalarni jo‘natish xizmatini ko‘rsatuvchi yuridik shaxslar o‘z axborot tizimlarini Shaxsga doir ma’lumotlar bazalarining davlat reyestrida ro‘yxatdan o‘tkazgandan keyin tegishli xizmatlarni ko‘rsatishiga yo‘l qo‘yiladi;
reklama qo‘ng‘iroqlari va xabarnomalarini telekommunikatsiya tarmoqlari (mobil aloqa) orqali soat 18.00 dan 9.00 gacha tarqatish taqiqlanadi;
mobil aloqa operatorlariga reklama qo‘ng‘iroqlari va xabarnomalarini abonent so‘roviga ko‘ra to‘liq yoki qisman bloklash majburiyati yuklatiladi;
Ushbu talablarga rioya etmaslik reklama hamda shaxsga doir ma’lumotlar to‘g‘risidagi qonunchilikni buzish hisoblanadi va tegishli choralar ko‘rish uchun asos bo‘ladi.
Jamiyat | 20:07 / 15.07.2026
2671
2 daqiqa o‘qiladi
«Aholiga ko‘rsatilayotgan davlat xizmatlarini takomillashtirish hamda fuqarolar uchun qo‘shimcha qulayliklar yaratish chora-tadbirlari to‘g‘risida»gi prezident qarori qabul qilindi.
Foto: Dreamstime
Qarorga ko‘ra, 2026 yil 1 oktyabrdan Yagona interaktiv davlat xizmatlari portalida (Yagona portal) quyidagi xizmatlar joriy etiladi:
Jismoniy va yuridik shaxslarga o‘ziga mulk huquqi asosida tegishli bo‘lgan ko‘chmas mulk obektlari va avtomototransportlarni garovga yoki ipotekaga qo‘yishga, shuningdek, ularni begonalashtirishga taqiq qo‘yish yoki uni bekor qilish;
Fuqarolarning o‘z nomiga rasmiylashtirilgan va foydalanilayotgan telefon raqamlari va bank kartalari to‘g‘risida ma’lumot olish va ushbu jarayonni boshqarishning quyidagi imkoniyatlarini yaratish:
telefon raqamini muayyan muddatga nofaol holatga o‘tkazish (faollashtirish) va o‘zi foydalanmayotgan telefon raqamlariga xizmat ko‘rsatishni to‘xtatish haqida ariza kiritish;
telefon raqami ulangan pulli xizmatlar haqida ma’lumot olish;
bank kartalarini bloklash (yopish) haqida emitentga arizalar yuborish;
fuqaroning nomiga yangi notarial harakat rasmiylashtirilganda avtomatik tarzda uni Yagona portal orqali xabardor qilish va ular hisobini yuritish.
Prezident Shavkat Mirziyoyev 2030 yilgacha 1,5 ming nafar yuqori salohiyatli mutaxassisdan iborat milliy rahbar kadrlar zaxirasini shakllantirishni topshirdi. Istiqbolli boshqaruvchilar sun’iy intellekt va raqamli texnologiyalar asosida saralanib, maxsus dasturlar orqali tayyorlanadi.
Foto: Prezident matbuot xizmati
Prezident Shavkat Mirziyoyev 15 iyul kuni iqtidorli boshqaruvchilar, liderlar va yangi avlod rahbarlarini aniqlash va tanlash hamda «El-yurt umidi» jamg‘armasi orqali iste’dodli yoshlarni qo‘llab-quvvatlash chora-tadbirlari yuzasidan taqdimot bilan tanishdi.
Taqdimotda sun’iy intellekt yordamida tarmoqlar va hududlarning drayver sohalari tahlil qilinib, 50 dan ortiq zamonaviy kasb bo‘yicha boshqaruv kadrlariga ehtiyoj mavjudligi aniqlangani qayd etildi. Ayniqsa, energetika va «yashil» texnologiyalar, qurilish va urbanizatsiya, qishloq va suv xo‘jaligi, raqamlashtirish hamda xizmat ko‘rsatish yo‘nalishlarida malakali mutaxassislarga talab yuqori.
Davlat rahbari tayyor kadrlar bazasi bo‘lmasa, boshqaruv tizimida uzilishlar yuz berishi, ish samaradorligi va qarorlar sifati pasayishini ta’kidladi.
Kadrlarni baholashda eskicha «obektivka» usulidan voz kechib, nomzodning bilimi, kasbiy tajribasi, psixologik xususiyatlari, strategik fikrlashi va liderlik qobiliyatini qamrab oladigan portfolio tizimiga o‘tish zarurligi ko‘rsatib o‘tildi.
Yangi tartibga ko‘ra, istiqbolli boshqaruvchilar raqamli texnologiyalar asosida 100 ballik mezon bo‘yicha baholanadi. Katta ma’lumotlar va biznes-tahlil vositalari orqali yuqori salohiyatli kadrlar aniqlanib, ular uchun sun’iy intellekt yordamida individual kasbiy rivojlanish rejalari ishlab chiqiladi. Mazkur tizimni dastlab qishloq xo‘jaligi, oliy ta’lim va qurilish sohalarida sinovdan o‘tkazish taklif etildi.
Har ikki yilda 500 nafar istiqbolli boshqaruvchini saralab olish, shu tariqa 2030 yilga qadar 1,5 ming nafar yuqori salohiyatli mutaxassisdan iborat yangi avlod rahbar kadrlar zaxirasini yaratish rejalashtirilgan.
Taqdimotda rahbarlik lavozimlari uchun zaxirani shaffof shakllantirishga qaratilgan «TOP-100» ochiq tanlovini o‘tkazish mexanizmi ham bayon qilindi. Tanlov agrar soha, sog‘liqni saqlash, tadbirkorlik, sud-huquq, ta’lim, axborot texnologiyalari va sun’iy intellekt yo‘nalishlarini qamrab oladi.
Nomzodlar test, kompleks kasbiy baholash va suhbat bosqichlaridan o‘tadi. G‘oliblar maxsus o‘quv kurslarida tayyorlanib, milliy kadrlar zaxirasiga kiritiladi, ularning kasbiy o‘sishi va rahbarlik lavozimlariga tayinlanishi bo‘yicha manzilli choralar ko‘riladi.
Milliy kadrlar zaxirasini shakllantirishda xorijdagi vatandoshlar, shuningdek, dunyoning eng nufuzli 100 ta universitetini tamomlagan va ularda tahsil olayotgan yoshlar salohiyatidan samarali foydalanish muhimligi ta’kidlandi.
Bu borada 2026 yil 1 oktyabrdan career.edu.uz platformasida «Xorijdagi talabalar» modulini ishga tushirish rejalashtirilgan. U orqali chet elda ta’lim olayotgan yoshlar davlat idoralari va xususiy korxonalarga biriktiriladi, ularning amaliyot o‘tashi, ish beruvchilar bilan muloqoti hamda kelgusida ishga jalb qilinishi ta’minlanadi.
Yig‘ilishda «El-yurt umidi» jamg‘armasi faoliyatini takomillashtirish masalalariga ham e’tibor qaratildi. O‘tgan yili jamg‘arma transformatsiya qilingani natijasida dunyoning eng nufuzli 100 ta oliygohi talabasi bo‘lgan stipendiatlar ulushi 30 foizdan 80 foizga yetdi. Keyingi yilda yangi tartib asosida o‘tkazilgan uchta tanlovda 447 nafar iqtidorli yosh stipendiya sohibi bo‘ldi.
Shu bilan birga, jamg‘arma dasturlarini hudud va tarmoqlarning aniq ehtiyojlariga bog‘lash zarurligi ko‘rsatib o‘tildi. Iqtidorli yoshlarni xorijiy universitetlarda manzilli tayyorlash, o‘qish xarajatlarini yirik korxonalar bilan birgalikda moliyalashtirish, nufuzli xorijiy oliygohlar bilan qo‘shma dasturlarni yo‘lga qo‘yish bo‘yicha takliflar bildirildi.
Shuningdek, bitiruvchilarning ilmiy tadqiqotlari, startaplari va islohotlarga qaratilgan tashabbuslarini kichik grantlar orqali qo‘llab-quvvatlash, yuqori bo‘g‘in rahbarlari uchun Singapur, Malayziya, Buyuk Britaniya va Yaponiya tajribasi asosida liderlik dasturlarini tashkil etish rejalari ko‘rib chiqildi.
Prezident kadrlarni saralashda ochiqlik va xolislikni ta’minlash, iqtidorli mutaxassislarni tizimli ravishda qo‘llab-quvvatlash hamda ularning salohiyatidan mamlakat taraqqiyoti yo‘lida samarali foydalanish bo‘yicha mutasaddilarga topshiriqlar berdi.
Reklama qo‘ng‘iroqlari va xabarnomalariga oid huquqlar himoyasi kuchaytiriladi
teatr, kino va konsertlarga borish umrni uzaytirishi mumkin
Volkswagen yana 50 ming ish joyini qisqartirishi mumkin
-
Sport5 days agoIspaniya Belgiyani yengib, yarimfinalga chiqdi
-
Jamiyat4 days agoBektemir tumanida «zakladchik»lar qo‘lga olindi
-
Sport4 days agoAngliya-Norvegiya bahsi boshlanish vaqti kechiktirilishi mumkin
-
Sport4 days agoInfantino yana JCh ishtirokchilari sonini oshirish g‘oyasi haqida gapirdi
-
Jamiyat5 days agoDori narxini sun’iy oshirgan yuzlab dorixonalar aniqlandi
-
Jamiyat5 days agoJanubiy Koreya va AQShga noqonuniy migratsiya tashkil etmoqchi bo‘lganlar ushlandi
-
Iqtisodiyot5 days ago
17 mlrd so‘mdan ortiq davlat xaridlaridagi qonunbuzilishlar aniqlandi
-
Dunyodan4 days ago
Frantsiyada ko’pchilik qo’rqqan narsa yuz berdi.