Iqtisodiyot
nima uchun kerak va kapitalni qanday taqsimlash lozim?
Way II kompaniyasi diversifikatsiya orqali daromadni muvozanatli qilish va moliyaviy yo‘qotishlarning oldini olish usullari haqida so‘z yuritdi.
Sarmoyada ham, hayotda bo‘lgani kabi, barcha tuxumlarni bitta savatga solish kerak emas. Bu — kapitalni boshqarishdagi eng ishonchli yondashuvlardan biri bo‘lgan diversifikatsiya tamoyilidir. Diversifikatsiya — bu kapitalni turli investitsiya yo‘nalishlari va vositalariga taqsimlash demakdir. U xatarlarni kamaytiradi, daromadni barqarorlashtiradi va moliyaviy barqarorlik sari yo‘l ochadi.
Diversifikatsiya xavfni qanday strategiyaga aylantiradi?
Aqlli diversifikatsiya — bu ishonchli investitsiya qilishning asosi. Investor faqat daromadli imkoniyatni emas, balki tavakkalni kamaytiruvchi variantni tanlashi kerak. Chunki hech kim aktivlar kelajakda qanday harakat qilishini oldindan ayta olmaydi. Bugun foyda keltirayotgan kompaniya, ertaga muammoga duch kelishi mumkin. Shu sababli barcha mablag‘ni bitta yo‘nalishga emas, balki turli soha va vositalarga bo‘lib kiritish maqsadga muvofiq. Shunda bir aktiv zarar ko‘rsa, boshqasi bu yo‘qotishni qoplay oladi.
Barqarorlik va daromad o‘rtasidagi muvozanat
Kimdir mo‘’tadil, barqaror daromad keltiradigan investitsiyalarni tanlaydi, boshqalar esa ko‘proq daromad olib kelishi mumkin bo‘lgan, lekin nisbatan tavakkal yo‘nalishlarga ham sarmoya qiladi. Muhimi — muvozanatni saqlab, faqat yuqori foyda ortidan quvib, boshqa imkoniyatlardan voz kechmaslik. Chunki uzoq muddatda foyda keltiradigan yondashuv — bu aqlli strategiyadir.
Bunda nafaqat sohalar, balki vositalarning o‘zi ham muhim: aksiyalar, korxonalardagi ulushlar, fondlar, obligatsiyalar va boshqalar. Portfel qay darajada xilma-xil bo‘lsa, bozordagi o‘zgarishlarga shunchalik chidamli bo‘ladi. Yana bir ustunlik — moslashuvchanlik. Agar pul kerak bo‘lsa, uni bir investitsiyadan boshqasiga o‘tkazish va yo‘qotishlarsiz foydalanish imkoniyati bo‘ladi.
Ishonchli investitsiya kompaniyalari — oqilona sarmoya uchun
Kapitalni to‘g‘ri taqsimlash uchun mutaxassis bo‘lish shart emas. Muhimi — tez foyda emas, balki mablag‘ xavfsizligi ustuvor ekanini tushunish. Barqaror va xavfsiz daromad olish, katta tavakkal evaziga barchasini yo‘qotishdan yaxshiroq.
Zamonaviy texnologiyalar sarmoyalarni real vaqtda kuzatish va tez qarorlar qabul qilishga yordam beradi. Shu borada, shaffof shartlari va haqiqiy daromad keltiradigan imkoniyatlari bilan ajralib turuvchi Way II kompaniyasini alohida ta’kidlash mumkin. Bu kompaniya yirik sanoat loyihasi — Akfa Aluminium Group’da sarmoya kiritish imkonini taklif etadi. Boshlang‘ich sarmoya miqdori atigi 14 300 000 so‘m, bu esa ko‘pchilik investorlar uchun ochiq eshikdir.
Kutilayotgan yillik daromad 10–15% atrofida. Bundan tashqari, Way II modeli valyuta xavfini kamaytiruvchi mexanizmga ega: mablag‘ so‘mda kiritilgach, u avtomatik tarzda dollarga bog‘lanadi. Mahsulotlar Islamic Finance Consulting Board tomonidan tasdiqlangan bo‘lib, islomiy moliya qoidalariga to‘liq mos — ya’ni harom yoki noqonuniy yo‘nalishlarga sarmoya qilinmaydi.
Telefon: (+998) 78−555−55−55
Manzil: Toshkent shahri, Yashnobod tumani, Maxtumquli ko‘chasi, 2/1-uy
Sayt: waygroup.uz
Instagram: @way_ll_group
Facebook: @Way ll Group
Telegram: @wayllgroup
Twitter: @way_ll_group
LinkedIn: @wayllgroup
YouTube: @Way_ll_Group
Tojikiston Respublikasi Prezidenti Emomali Rahmon O‘zbekiston Respublikasi Prezidenti Shavkat Mirziyoyev hamrohligida mamlakatimiz yengil sanoatining imkoniyatlari bilan tanishdi.
Davlat rahbarlari Buxoro viloyatidagi «Merganteks» paxta-to‘qimachilik klasteri tarkibidagi «Nigora» fabrikasiga tashrif buyurdilar.
Qiymati 35 million dollarlik loyiha doirasida tashkil etilgan fabrika paxta xomashyosini qayta ishlashdan tortib, tayyor mato va kiyim-kechak tayyorlashgacha bo‘lgan uzluksiz ishlab chiqarish zanjirini yo‘lga qo‘ygan.
«Shoyigul» savdo belgisi ostida ishlab chiqarilayotgan tikuv-trikotaj va tayyor kiyim mahsulotlari asosan Yevropa mamlakatlariga, xususan, Italiya, Avstriya, Buyuk Britaniya va Germaniyaga eksport qilinmoqda. Bu yerda 840 ta ish o‘rni yaratilgan.
Korxonada xalqaro standartlarga javob beruvchi zamonaviy yuqori texnologik uskunalar Xitoy, Germaniya va Belgiyadan olib kelingan. Ikkinchi bosqichda sintetik tolalar va undan tayyor mahsulotlar ishlab chiqarish yo‘lga qo‘yilishi rejalashtirilgan.
Oliy martabali mehmonlar korxonaning shou-rumini va tayyor mahsulotlar namoyishini ko‘zdan kechirdilar.
Yiliga 10 million dollarlik eksport qilayotgan fabrika mahsulotlarining sifati Tojikiston delegatsiyasi tomonidan yuqori baholandi.
Prezidentlar mamlakatlarimizning ilg‘or korxonalari o‘rtasidagi kooperatsiyani kengaytirish muhimligini ta’kidladilar.
Milliy statistika qo‘mitasi ma’lumotiga ko‘ra, 2025-yil yakunlariga bo‘yicha O‘zbekiston yalpi ichki mahsuloti hajmi joriy narxlarda 1 kvadrillion 849,7 trillion so‘mni tashkil etgan.
Qayd etilishicha, YaIMning real o‘sish sur’ati 1991-yilga nisbatan 478,1 foizni tashkil etgan. Bu esa iqtisodiyot hajmi qariyb 4,8 barobarga oshganini anglatadi.
Ma’lumotlarga ko‘ra, 1991-yilda YaIM 61,5 mlrd rublni tashkil etgan bo‘lsa, 1995-yilga kelib u 302,8 mlrd so‘mga yetgan. Keyingi yillarda ko‘rsatkich bosqichma-bosqich o‘sib borgan.
2000-yilda 3 256 mlrd so‘m, 2005-yilda 15 923 mlrd so‘m va 2010-yilda 88 102 mlrd so‘mlik ko‘rsatkich qayd etilgan.
So‘nggi yillarda o‘sish yanada tezlashgan. Xususan, 2020-yilda 705 077 mlrd so‘m bo‘lgan YaIM 2025-yilga kelib 1 849 650 mlrd so‘mga yetgan.
Raqobat qo‘mitasining hududiy organlari tomonidan o‘tkazilgan monitoring va murojaatlarni o‘rganish natijasida davlat xaridlari sohasida qator qonunbuzilish holatlari aniqlandi. Ularning umumiy qiymati qariyb 25 mlrd so‘mni tashkil etgan.
Tekshiruvlarda «Raqobat to‘g‘risida»gi Qonunning 29-moddasi talablariga rioya qilinmagani, ya’ni savdolarda raqobatni cheklovchi yoki cheklashga olib kelishi mumkin bo‘lgan harakatlar mavjudligi aniqlangan.
Jumladan, Andijon viloyatida avtomobil yo‘llari bosh boshqarmasiga tegishli 2 ta holatda 3,9 mlrd so‘mdan ortiq qonunbuzilishlar qayd etildi.
Navoiy viloyatida esa bir nechta tashkilotlarda yirik miqdordagi kamchiliklar aniqlandi. Jumladan, Navbahor, Konimex va Nurota tumanlari obodonlashtirish boshqarmalarida o‘nlab holatlar bo‘yicha milliardlab so‘mlik qonunbuzilishlar qayd etilgan.
Shuningdek, Qashqadaryo, Buxoro, Surxondaryo viloyatlari hamda Toshkent viloyati va poytaxtdagi ayrim tashkilotlarda ham davlat xaridlari jarayonida qonun talablari buzilgani ma’lum qilindi.
Qo‘mita ma’lumotiga ko‘ra, barcha holatlar yuzasidan maxsus komissiyalar tomonidan ishlar qo‘zg‘atilib, qonun doirasida tegishli qarorlar qabul qilingan.
Shu bilan birga, qonunbuzilishlarni bartaraf etish va kelgusida bunday holatlarga yo‘l qo‘ymaslik bo‘yicha buyurtmachi tashkilotlarga majburiy ko‘rsatmalar berilgan.
Markaziy bank 2026-yil 30-martdan valyutalarning yangi kursini belgiladi.
AQSh dollari 15,63 so‘mga oshib, 12 195,50 so‘m etib belgilandi.
Yevro kursi 30,71 so‘mga tushdi va 14 049,22 so‘m bo‘ldi. Funt-sterling 16 228,55 so‘m (-36,45).
Rossiya rubli 149,71 so‘m etib belgilandi (+1,19).
“Shaxsga doir ma’lumotlar to‘g‘risida”gi qonunga kiritilgan o‘zgarishlar bugundan e’tiboran kuchga kirdi. Endi shaxslarning biometrik va genetik ma’lumotlaridan tashqari, boshqa shaxsga doir ma’lumotlarni xorijda saqlash va ularga xorijda ishlov berish mumkin. Aynan qaysi davlatlar ekanini Vazirlar Mahkamasi belgilaydi.
O‘zbekiston prezidenti 26 mart kuni imzolagan qonun bilan, “Shaxsga doir ma’lumotlar to‘g‘risida”gi qonunga o‘zgartirish va qo‘shimchalar kiritildi.
Qonunning 271-moddasiga kiritilgan o‘zgartishlarga ko‘ra, shaxsga doir quyidagi ma’lumotlar O‘zbekiston hududida saqlanishi shart:
shaxslarning biometrik ma’lumotlari;
shaxslarning genetik ma’lumotlari;
O‘zbekiston hududida faoliyat olib borayotgan telekommunikatsiyalar operatorlaridagi ularning xizmatlaridan foydalanuvchi jismoniy shaxslarning ma’lumotlari.
Yuqorida ko‘rsatilmagan shaxsga doir ma’lumotlar quyidagi shartlardan biri bajarilganda, O‘zbekistondan tashqarida saqlanishi va ishlov berilishi mumkin:
chet davlatni shaxsga doir ma’lumotlarning bir xil himoya qilinishini ta’minlovchi davlat sifatida tan olish;
operator tomonidan vakolatli davlat organi tasdiqlaydigan talablarga javob beruvchi standart shartnomaviy shartlar yoki majburiy korporativ qoidalar qabul qilinishi va ularga rioya etilishi;
ro‘yxati vakolatli davlat organi tomonidan tasdiqlanadigan shaxsga doir ma’lumotlarni boshqarish va saqlash sohasidagi xalqaro standartlarga operator tomonidan rioya etilishi.
Shaxsga doir ma’lumotlar bir xil himoya qilinishini ta’minlovchi chet davlatlar ro‘yxati O‘zbekiston Respublikasi Vazirlar Mahkamasi tomonidan belgilanadi.
Bundan tashqari, “Shaxsga doir ma’lumotlar to‘g‘risida”gi qonun talablari endi nafaqat davlat sirlariga nisbatan, balki “mudofaa va milliy xavfsizlik masalalariga taalluqli ma’lumotlar”ga nisbatan ham tatbiq etilmaydi.
Qonun rasmiy e’lon qilingan kun – 2026 yil 27 martdan e’tiboran kuchga kirdi.
Eslatib o‘tamiz, “Shaxsga doir ma’lumotlar to‘g‘risida”gi qonunning 271-moddasi – katta shov-shuvlar markazida qolib kelayotgan edi. Bu modda qonunga 2021 yilda qo‘shilgan bo‘lib, unga asosan O‘zbekiston fuqarolarining shaxsiga doir ma’lumotlarini jismonan O‘zbekiston hududida joylashgan serverlarda saqlash talabi qo‘yib kelinayotgan edi.
Ayni shu talab 2021 yil 3 noyabr kuni O‘zbekistonda Telegram, YouTube, Instagram va Facebook kabi eng ommabop tarmoqlar bloklab qo‘yilgan, katta rezonansdan keyin blokirovka bir necha soat ichida bekor qilingan edi.
So‘nggi paytlarda bir qator yirik kompaniyalar O‘zbekiston rasmiylaridan bu moddaga o‘zgartirish kiritib, shaxsga doir axborotlarni bulutli texnologiyalarda saqlashga ruxsat berishni so‘rab kelayotgan edi. PayPal, Google Pay va Apple Pay kabi xalqaro to‘lov servislarining ham O‘zbekistonga kirib kelmayotganiga shu modda sababligi aytib kelinadi.
O‘zbekiston Lesoto bilan diplomatik munosabatlar o‘rnatdi
Eron Hormuz boʻgʻozida baʼzi davlatlar bilan koridor ochadi
Shavkat Mirziyoyev 100 mln dollarlik stadion qurilishini ko‘zdan kechirdi
-
Turk dunyosi4 days agoBuyuk Britaniya Tashqi ishlar vazirligi Gretsiya, Turkiya, Kipr va Dubayga sayohatlar haqidagi soʻnggi maʼlumotlarni eʼlon qildi
-
Dunyodan4 days ago
Prezident Tramp Eronga Hormuz boʻgʻozini ochish uchun 48 soat vaqt berdi
-
Jamiyat3 days ago
O‘zbekistonliklar qaysi mamlakatlarga eng ko‘p safar qilmoqda (top-10)
-
Jamiyat4 days agoO‘zbekistonda taksichilarni aldashning yangi firibgarlik usuli fosh etildi
-
Siyosat5 days agoO‘zbekiston va AQSh mehnat migratsiyasi bo‘yicha yangi kelishuvga erishdi
-
Dunyodan3 days ago
Eron tarixidagi eng katta banknotalar muomalaga chiqariladi
-
Mahalliy5 days ago
Aviaparvozning yagona qurboni” filmi taqdim etildi
-
Turk dunyosi3 days agoPrezident Trampning Eron urushini toʻxtatib qoʻyishida haqiqatda kim vositachilik qilgan? Misr, Pokiston va Turkiyaning sokin diplomatiyasi diqqat markazida