Jamiyat
Nestlé bolalar ozuqasi qaytarilmoqda. Ota-onalarni xavotirga solgan savollar
O‘zbekistonda bolalar uchun mo‘ljallangan Nestlé ozuqasining ayrim partiyalari ixtiyoriy ravishda qaytarib olinmoqda. Nestlé NAN mahsulotlarini O‘zbekiston bo‘ylab yetkazib beruvchi “Balton Trading” kompaniyasi vakili Kun.uz’ga uning qaytarilish jarayoni haqida ma’lumot berdi.
{Yii::t(}
O’tkazib yuborish 6s
O’tkazib yuborish
So‘nggi kunlarda o‘zbek internet segmentida Nestlé kompaniyasining bolalar ozuqasi bilan bog‘liq xabari keng muhokama qilinmoqda. Gap chaqaloqlar iste’mol qiladigan mahsulot haqida ketgani uchun, tabiiyki, ko‘plab ota-onalarda savol va xavotirlar paydo bo‘ldi.
Nestlé kompaniyasi O‘zbekistonda bolalar ozuqasining ayrim cheklangan partiyalarini qaytarib olishini e’lon qildi. Bunga sabab mahsulot tarkibidagi araxidon kislotasi deb ataladigan ingrediyent bilan bog‘liq ehtimoliy xavf borligi. Ushbu modda tashqi ta’minotchi orqali keltiriladi va uning tarkibida juda oz miqdorda tsereulid deb ataluvchi toksin bo‘lishi mumkin.
Tsereulid nima o‘zi?
Tsereulid – ayrim bakteriyalar ishlab chiqaradigan toksin bo‘lib, u organizmga tushganda o‘tkir zaharlanish alomatlarini keltirib chiqarishi mumkin. Asosiy belgilari – ko‘ngil aynishi, qusish va qorin og‘rig‘i. Nestlé ma’lumotiga ko‘ra, real zaharlanish holatlari qayd etilmagan. Ya’ni hozirgacha bolalar sog‘lig‘iga zarar yetgani haqida rasmiy ma’lumot yo‘q. Kompaniya shunchaki “xavf bo‘lishi mumkin” degan ehtimolning o‘ziniyoq yetarli deb hisoblab, oldindan chora ko‘rmoqda.
Aytish kerakki, bu faqat O‘zbekistonda emas. Nestlé bu mahsulotlarni Yevropa bozori, Osiyoning ayrim davlatlari va Yaqin Sharq mamlakatlarida ham qaytarib olmoqda.
O‘zbekistonda qaysi mahsulotlarga tegishli?
Nestlé rasman e’lon qilgan, qaytarib olinayotgan mahsulotlar ro‘yxatida: NAN 1, NAN 2, NAN kislomolochniy, NAN Supreme hamda ALFARE Amino kabi mahsulotlarning aniq partiya raqamlari ko‘rsatilgan:
• NAN 1 OPTIPRO – 51490346AB, 51750346AA, 51900346AE, 51760346AA, 52180346AB, 52670346AE, 52680346AD, 51500346BA, 51910346BA partiyalari.
• NAN 2 OPTIPRO – 5172080622, 5206080621, 5298080624, 5205080661, 5206080661, 5289080661, 5290080661, 5204080611, 5205080611 partiyalari.
• NAN Kislomolochniy (0-12 oy) –51230017A1 partiyasi.
• NAN Supreme (0-12 oy) – 52790742C1 partiyasi.
• ALFARÉ Amino –51050017Y2, 51470017Y1, 52730017Y1 partiyalari.
Boshqa partiyalar va Nestlé’ning qolgan bolalar ozuqasi mahsulotlari bu qarorga kirmaydi.
Bolalarga xavf bormi?
Bolalar ozuqasi masalasida hatto eng kichik ehtimol ham jiddiy qabul qilinadi. Shuning uchun kompaniya regulyatorlarni xabardor qildi, mahsulotni ixtiyoriy qaytarmoqda va iste’molchilarga ochiq axborot bermoqda.
Hozir ota-onalarda: “Mendagi mahsulot qaytarib olinadigan partiyaga kiradimi yoki yo‘q?” degan savol kelib chiqyapti. Bunga javob: partiya raqami orqali.
Mahsulotning partiya raqami uning qutisida yoki bankasida bo‘ladi. U odatda qutilarning pastki qismida, yoki metall banka tagida, ba’zan yon tomonida mayda shrift bilan yozilgan bo‘ladi. Partiya raqami harf va raqamlardan iborat bo‘ladi. Masalan, 51490346AB yoki 52790742C1 kabi. Sizdagi raqamni Nestlé rasman e’lon qilgan ro‘yxat bilan solishtirish kerak. Agar raqam aynan shu ro‘yxatda bor bo‘lsa, mahsulot qaytarib olinadi.
Bordi-yu mahsulot ro‘yxatda qayd etilgan bo‘lsa, uni qanday qaytarish mumkin? Aynan Nestlé NAN mahsulotlarini O‘zbekiston bo‘ylab yetkazib beruvchi “Balton Trading” kompaniyasi vakilining Kun.uz’ga ma’lum qilishicha, iste’molchilar tovarni hech bir muammosiz qaytarib berishlari mumkin. Agar sizda qaytarib olinadigan partiya bo‘lsa, uni sotib olgan dorixona yoki do‘konga murojaat qiling. Sotuv nuqtasida mahsulot qabul qilinadi va pul qaytariladi yoki almashtirib beriladi. Mahsulot qadog‘ining buzilganligi ahamiyatga ega emas.
Agar do‘konda savollar tug‘ilsa, Nestlé’ning rasmiy distribyutori yoki iste’molchilar uchun mo‘ljallangan aloqa kanallari orqali murojaat qilish mumkin. Agar sizda xarid cheki saqlanmagan bo‘lsa ham, ko‘p hollarda mahsulot qabul qilinadi, chunki gap bolalar sog‘lig‘i haqida ketmoqda.
Buxoro viloyati hokimiga birinchi o‘rinbosar tayinlandi.
Jamshid Sharopov Buxoro viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari – viloyat iqtisodiyot va moliya boshqarmasi boshlig‘i lavozimiga tayinlandi.
Jamshid Sharopov 1984-yil 27-yanvarda G‘ijduvon tumanida tug‘ilgan. 2005-yilda Buxoro davlat universiteti, 2009 yilda Toshkent davlat iqtisodiyot universitetini tamomlagan. Ma’lumoti bo‘yicha mutaxassisligi-iqtisodchi.
Mehnat faoliyatini 2002-yilda AT “Paxta Bank”ning Buxoro viloyati boshqarmasi bank jarayonlari bo‘limi iqtisodiy bo‘linmasi mutaxassisi sifatida boshlab, ATB “Agrobank” Buxoro viloyati boshqarmasi boshlig‘i (2014-2020), O‘zbekiston Respublikasi Markaziy banki Buxoro viloyati bosh boshqarmasi boshlig‘i (2020-2021), Shofirkon tumani hokimi (2021-2023), ATB “Agrobank” agrosanoat majmuasi korxonalarini moliyalashtirish departamenti direktori o‘rinbosari (2023-2026) lavozimlarida faoliyat yuritgan.
Ayni paytga qadar u ATB “Agrobank” muammoli kreditlar bilan ishlash departamenti direktori vazifasida ishlab kelayotgan edi.
«O‘zbekiston Respublikasi mustaqilligining o‘ttiz besh yilligi munosabati bilan chet el fuqarolari va xorijda istiqomat qilayotgan vatandoshlarimizni mukofotlash to‘g‘risida»gi Prezident farmoni e’lon qilindi.
Mukofotlanganlar ro‘yxati:
“Do‘stlik” ordeni bilan
Ivan Sao – “BYD Auto” kompaniyasining Yevropa sotuv bo‘limi bosh direktori o‘rinbosari
Klod Imoven – Fransiyaning “MEDEF International” harakatining O‘zbekiston-Fransiya ishbilarmonlar kengashi raisi
Masayoshi Fujimoto – “Sojitz” kompaniyasi direktori
Sabine Maxl – BMTning O‘zbekistondagi doimiy koordinatori
Turaman Sinan – Shayxontohur tumanidagi “Outdoor Factory Toshkent” mas’uliyati cheklangan jamiyati kuzatuv kengashi raisi, Toshkent shahri
II darajali “Salomatlik” ordeni bilan
Qahorova Nilufar Hamroyevna – AQShning Garvard universiteti huzuridagi Boston bolalar shifoxonasi loyiha menejeri
Yuldasheva Nodira Muxamedovna – Kanadaning Toronto shahridagi Kanadadagi o‘zbekistonliklar uyushmasi asoschisi, “Sog‘lom yo‘l” tibbiy va diagnostik markazi rahbari
“Shuhrat” medali bilan
Abdullayeva Shahlo Abdirashidovna – Koreya Respublikasining Kvangju shahridagi Migrant ayollar huquqlarini himoya qilish va ta’lim berish markazi rahbari.
Podpolkovnik Baxtiyor Inoqov Surxondaryo viloyati ichki ishlar boshqarmasi boshlig‘i etib tayinlandi. U bunga qadar Ichki ishlar vazirligi Akademiyasi magistratura bosqichida tahsil olgan.
Tayinlov Xalq deputatlari Surxondaryo viloyati Kengashining jamoat xavfsizligi va kriminogen vaziyatga bag‘ishlangan navbatdan tashqari sessiyasida ma’lum qilindi.
Sessiyada viloyatdagi jinoyatchilik holati ham tahlil qilindi. Joriy yilning hisobot davrida hududdagi 723 ta mahallaning 528 tasida (73 foiz) bironta ham jinoyat sodir etilmagan. Ichki ishlar xodimlarining tashabbusi bilan aniqlanadigan jinoyatlar soni 40 foizga yaxshilangan.
Shu bilan birga, 28 ta mahalla «qizil» toifada qolayotgani qayd etildi.
Yangi IIB boshlig‘iga jinoyatchilikka qarshi kurashish samaradorligini oshirish, har bir mahallada xavfsizlikni ta’minlash, aholi bilan yaqin muloqotni yo‘lga qo‘yish va fuqarolarning ichki ishlar organlariga ishonchini mustahkamlash vazifalari yuklatildi.
Yangi o‘quv yili arafasida O‘zbekiston hududidagi umumta’lim maktablari, dehqon bozorlari va savdo majmualarida mavsumiy «Maktab bozorlari» tashkil etilmoqda.
Raqobat qo‘mitasi mavsumiy savdo jarayonlarida iste’molchilarning huquq va manfaatlarini himoya qilish, raqobat muhitini ta’minlash hamda aholini sifatli va hamyonbop mahsulotlar bilan ta’minlash muhimligini ta’kidladi.
Qo‘mita ota-onalar va o‘quvchilarga xarid vaqtida mahsulotning sifati, ishlab chiqaruvchisi, narxi va boshqa muhim ma’lumotlarga e’tibor qaratishni tavsiya qildi.
Tadbirkorlarga esa «Maktab bozorlari»da sotilayotgan mahsulotlar sifati va narxlarining asosliligini ta’minlash, iste’molchilarga zarur axborotlarni taqdim etish hamda ularning huquqlariga rioya qilish majburiyati eslatildi.
Raqobat qo‘mitasi maktab bozorlarida faoliyat yuritayotgan tadbirkorlarni darsliklar, maktab formalari, o‘quv-yozuv qurollari va boshqa anjomlar narxlarini asossiz oshirmaslikka hamda qonunchilik talablariga qat’iy amal qilishga chaqirdi.
Fuqarolar «Maktab bozorlari»da narxlarni asossiz oshirish holatlariga duch kelsa, Raqobat qo‘mitasining 1159 ishonch telefoni orqali murojaat qilishi mumkin.
Qo‘mita tomonidan maktab bozorlarida narxlar barqarorligini ta’minlash maqsadida monitoring ishlari olib borilishi ma’lum qilindi.
Prezidentning 2026-yil 14-avgustdagi PQ–294-son qarori bilan 2027-yil 1-yanvardan muddatli to‘lov xizmati operatorlari faoliyati tartibga solinadi.
Ma’lum qilinishicha, muddatli to‘lov xizmatini ko‘rsatuvchi yuridik shaxslar operator hisoblanadi. Ular iste’molchiga tovar yoki xizmatni muddatli to‘lov asosida olish imkoniyatini vositachi sifatida taqdim etadi.
Qarorning 3-bandi «d» kichik bandiga ko‘ra, ko‘chmas mulk operator ko‘rsatadigan muddatli to‘lov xizmatining obyekti bo‘la olmaydi. Shu sababli vositachi operator orqali uy-joyni «rassrochka»ga olish imkoniyati nazarda tutilmagan.
Biroq bu qoida uy-joyni bo‘lib-bo‘lib to‘lash asosida sotishni umumiy tarzda taqiqlamaydi.
Qarorning 3-bandi «a» kichik bandida sotuvchi tomonidan iste’molchiga tovarni to‘g‘ridan-to‘g‘ri sotish holatlari muddatli to‘lov xizmati tushunchasidan mustasno qilingan.
Shunga ko‘ra, quruvchi o‘zining qurgan uy-joyini xaridorga bevosita bo‘lib-bo‘lib to‘lash sharti bilan sotishi mumkin. Ya’ni yangi tartib quruvchi va xaridor o‘rtasidagi to‘g‘ridan-to‘g‘ri savdoni taqiqlamayapti.
Demak, ijtimoiy tarmoqlarda tarqalayotgan «endi uyni rassrochkaga olib bo‘lmaydi» degan talqin to‘liq to‘g‘ri emas. Cheklov aynan muddatli to‘lov operatorlari orqali ko‘chmas mulkni moliyalashtirishga taalluqli.
Yangi tartibga ko‘ra, muddatli to‘lov operatorlari maxsus reyestrga kiritiladi va ularning faoliyati Markaziy bank nazorati ostida bo‘ladi. Shuningdek, operatorlar bilan tuziladigan shartnomalar, ustama va komissiyalarga nisbatan aniq talablar belgilanadi.
Shunday qilib, 2027-yildan operator orqali uy-joyni «rassrochka»ga olish cheklanadi, ammo quruvchining xaridorga uyni bevosita bo‘lib-bo‘lib to‘lash sharti bilan sotishi saqlanib qoladi.
Prezident ishtirokida umumiy qiymati 50 trln so‘mlik loyihalar ishga tushirildi
«Milliy manfaatlarni himoya qilish dunyodan yopilish degani emas» — Sherzod Asadov
O‘zbekiston kartoshkani asosan qaysi davlatlardan sotib oldi?
-
Siyosat2 days ago
Илҳом Алиев Тошкентда тантанали кутиб олинди
-
Iqtisodiyot3 days ago
O‘zbekistonda kiyim ishlab chiqarish bo‘yicha qaysi hududlar yetakchi?
-
Siyosat3 days ago
To‘qayev prezidentlikka qayta nomzod qo‘yishi haqidagi savolga javob berdi
-
Mahalliy4 days ago
O‘zbekistonda 10-sinf o‘quvchilari o‘qishini texnikumga ko‘chirishi mumkin bo‘ladi
-
Jamiyat4 days ago
O‘zbekistonda endi uylarni «rassrochka»ga olib bo‘lmaydimi?
-
Siyosat3 days ago
Shavkat Mirziyoyev «Haydar Aliyev» ordeni bilan taqdirlandi
-
Siyosat2 days ago
Ўзбекистон ва Озарбайжон раҳбарлари Бухоронинг машҳур обидаларини зиёрат қилдилар (фото)
-
Iqtisodiyot5 days agoO‘zbekistonda xorijiy investitsiyali korxonalar soni 21 mingga yaqinlashdi