Sport
nega Kapadze milliy jamoada qolishi kerak?
Azizlar, bugun futbol haqida gaplashamiz. Oxirgi vaqtlarda milliy jamoa murabbiyi mavzusi muhokama markazida. O‘FA negadir avvaliga germaniyalik Yoaxim Lyov bilan, keyin portugaliyalik Paulu Bentu bilan muzokara o‘tkazdi. Biri rad etdi, ikkinchisi taklifni o‘rganishga kelib, qaytib ketdi. Va shu o‘rinda o‘zbekistonlik futbol muxlislarida savol paydo bo‘ldi: nega axir? O‘zbekistonni tarixda birinchi marta mundialga olib chiqqan Kapadzening nimasi yoqmayapti sizga?
{Yii::t(}
O’tkazib yuborish 6s
O’tkazib yuborish
Kapadze qolishi kerak
Menimcha, Temur Kapadze kamida okean ortidagi Jahon chempionatining eng oxirgi o‘yinigacha O‘zbekiston milliy jamoasi bosh murabbiyi lavozimida qolishi shart. Uni hozirmi, musobaqadan oldinmi, mundialning birinchi turidan keyinmi ishdan ketkazish XATO bo‘ladi! Murabbiyni o‘zgartirishni muhokama qilishning o‘zi tushunarsiz qaror. Kapadze qiyin pallada O‘zbekistonni qabul qilib oldi. Uning qo‘l ostida jamoa biror marta yutqazmadi. Tehronda Erondan ochko oldi, Qatarga qarshi bahsda saralash bosqichidagi eng yorqin o‘yinini ko‘rsatdi. Ichki muhitda ham muammo bo‘lgani yo‘q, futbolchilar murabbiyni almashtiringlar, deb chiqqani yo‘q (chiqsa bilardik).
Odatda murabbiyni almashtirish yoki qoniqarsiz natijalar yoki muxlislar talabi bilan amalga oshiriladi. Lekin bizda natija ham, o‘yin ham joyida, muxlislar ham Kapadzedan mamnun. Unda o‘zbek futbolida tarix yaratgan murabbiyga ochiqchasiga hurmatsizlik qilib, u ishdan ketmagan bir paytda boshqa murabbiylar bilan muzokara o‘tkazib yurish nimaga kerak? Ishoning, Kapadze ishsiz qoladigan murabbiy emas, chempionatdagi bir nechta kuchli jamoalar Kopaning yo‘lini poylab o‘tiribdi, u ketishi bilan mo‘may pul va shartnoma taklif qilishadi. Xorijdan ham takliflar bo‘lishi aniq, axir hech qachon jahon chempionati ko‘rmagan jamoani orzusiga yetishtirgan murabbiylar ko‘p emas.
Chet elning «xo‘rozqandi»
Bentu va Lyov kabi murabbiylar bilan muzokara qilinganidan bir xulosaga kelish mumkin: futbol rahbariyatidagilar shunchaki O‘zbekiston milliy jamoasini xorijlik va mashhur murabbiy boshqarishini istamoqda. Tanlangan nomzodlarni qarang: biri «almisoqdan beri» ishsiz yurgan nemis, biri BAA murabbiyligida O‘zbekistonga qarshi hech nima qila olmagan portugal. Hatto tojik nashrlari ham O‘zbekiston biz Osiyo kubogidan chiqarib yuborgan BAAning murabbiyini olib kelyapti ekan, deb troll qilishdi.
Yoki yana bir sabab bo‘lishi mumkin: futbol rahbariyati jahon chempionatida muvaffaqiyatsiz natija bo‘lishidan qo‘rqib, go‘yoki kuchli murabbiy olib kelmoqchi. Axir kuchli murabbiy kelsa, mas’uliyat ham uning gardanida qoladi-da, shundaymi janoblar? Juda xorijlik murabbiy istayotgan bo‘lsangiz, marhamat – Karlo Anchelottini olib keling! Unga Kapadze ham xursand bo‘lib joy bo‘shatib beradi. Papa Karlo bilan gaplashgan futbolchi chindan jangchiga aylanadi, u uchun qo‘rqinchli raqib qolmaydi. Bu ishni qila oladigan boshqa murabbiy yo‘q jahon futbolida.
Janoblar, sportda adolat degan tushuncha bor. Sportni sport qilgan ham shu aslida. Kim maydonda eng ko‘p yugursa, o‘sha yutadi. G‘alaba ko‘p mehnat qilganga nasib etadi. Kapadze O‘zbekistonni jahon chempionatida boshqarishga eng munosib murabbiy.
Siz O‘zbekiston guruhda qolib ketishi muvaffaqiyatsizlik, fojia bo‘lishidan qo‘rqib xorijlik murabbiy izlayapsiz, lekin ishoning, biz guruhdagi barcha o‘yinni yirik hisobda yutqazsak ham bu fojia bo‘lmaydi. Chunki biz Kapadze bilan birinchi marta mundialga chiqdik, narvonning birinchi pallasiga oyoq qo‘ydik, shuning o‘zi natija. Avvali, O‘zbekiston mundialdan sharmanda bo‘lib qaytmasligi aniq, futbolimiz darajasi juda yaxshi. Xorijlik murabbiy yo‘q narsani bor qilolmaydi.
O‘monga qarshi o‘yindan keyin stadionga borgan muxlislar Kapadzening nomini aytib hayqirishdi, tarmoqda deyarli hamma uning qolishi tarafdori, shuning o‘zi sizga xulosa chiqarish uchun asos bo‘lishi kerak. Temur futbolchilik davrida ham, murabbiylik faoliyatida ham, maydonda-yu maydondan tashqarida eng hurmatga munosib futbolchilarimizdan biri, tirik afsonamiz. Unga o‘zi yaratgan tarixni chiroyli tugatish imkonini bering…
O‘tkir Jalolxonov tayyorladi.
Tasvirchi va montaj ustasi – Faxriddin Hotamov.
Londondagi «Uembli» stadionida Angliya Liga Kubogining final uchrashuvi bo‘lib o‘tdi. Bosh sovrin uchun bahsda «Manchester Siti» va «Arsenal» jamoalari o‘zaro to‘qnash kelishdi.
Uchrashuv «Manchester Siti» ning 2:0 hisobidagi g‘alabasi bilan yakunlandi. O‘yin taqdirini ikkinchi bo‘limda Niko O‘Rayli tomonidan kiritilgan ikkita gol (60 va 64-daqiqalar) hal qildi. Ushbu muvaffaqiyat evaziga «Manchester Siti» o‘z tarixida 9-marta Angliya Liga Kubogi sohibiga aylandi. Endilikda ular mazkur turnirda eng ko‘p zafar quchgan «Liverpul» (10 ta sovrin) rekordiga yaqinlashib oldi — ular orasidagi farq atigi bitta kubokni tashkil etmoqda.
O‘zbekiston milliy terma jamoasi himoyachisi Abduqodir Husanov «Manchester Siti» tarkibida maydonga tushib, to‘liq 90 daqiqa harakat qildi. U uchrashuvning 32-daqiqasida Viktor Dyokereshga ishlatilgan qo‘pollik uchun sariq kartochka oldi.
Ushbu g‘alaba orqali Husanov Angliya Liga Kubogini qo‘lga kiritgan ilk o‘zbekistonlik futbolchi sifatida tarixga kirdi. Bu sovrin himoyachi uchun Angliyadagi birinchi oltin medal hisoblanadi.
Kecha, 22 mart kuni Ispaniya La Ligasida bir qator markaziy uchrashuvlar bo‘lib o‘tdi. Turning eng asosiy bahsi Madrid derbisiga to‘g‘ri keldi. Unda “Real Madrid” prinsipial raqibi “Atletiko Madrid”ni 3:2 hisobida mag‘lub etdi. “Barselona” esa “Rayo Valekano” ustidan 1:0 hisobida g‘alaba qozondi.
Ispaniya chempionatining kechagi turi qiziqarli va kurashlarga boy o‘yinlarga boy bo‘ldi.
Turning markaziy uchrashuvida “Real Madrid” o‘z maydonida “Atletiko Madrid”ni qabul qildi. Shiddatli va murosasiz kechgan bahsda mezbonlar 3:2 hisobida g‘alaba qozondi. Uchrashuv davomida har ikki jamoa ham faol hujumlar tashkil etdi, ammo yakunlovchi daqiqalarda “Real” ustunroq harakat qildi.
Yana bir muhim o‘yinda “Barselona” o‘z maydonida “Rayo Valekano”ni 1:0 hisobida mag‘lub etdi. Kataloniya klubi qiyin kechgan bahsda muhim uch ochkoni qo‘lga kiritib, turnir jadvalidagi pozitsiyasini mustahkamlashga harakat qildi.
Shuningdek, qiziqarli o‘yinlardan birida “Alaves” mehmonda “Selta”ni 4:3 hisobida yengdi. Bu bahs turning eng dramatik to‘qnashuvlaridan biriga aylandi. “Atletik Bilbao” esa o‘z uyida “Betis”ni 2:1 hisobida mag‘lub etib, navbatdagi muhim g‘alabani rasmiylashtirdi.
22 mart kungi o‘yinlardan so‘ng La Liga jadvalida “Barselona” 73 ochko bilan peshqadam bo‘lib turibdi. “Real Madrid” 69 ochko bilan ikkinchi, “Vilyarreal” 58 ochko bilan uchinchi, “Atletiko Madrid” 57 ochko bilan to‘rtinchi o‘rinda bormoqda. Keyingi pog‘onalarda “Betis” 44 ochko, “Selta” 41 ochko bilan joylashgan. Shu tariqa, chempionlik uchun asosiy kurash hozircha “Barselona” va “Real Madrid” o‘rtasida kechmoqda, Yevropa kuboklari yo‘llanmalari uchun raqobat esa yanada keskinlashgan.
Rossiyalik hokkeychi liga tarixida Ueyn Gretskidan keyin bu marrani zabt etgan ikkinchi o‘yinchi bo‘ldi.
«Vashington Kepitalz»ning rossiyalik hujumchisi Aleksandr Ovechkin MHL muntazam chempionatining «Kolorado Evelansh»ga qarshi uchrashuvida gol urdi va pley-offlarni ham hisobga olgan holda liga tarixida 1000 ta gollik ko‘rsatkichga erishdi.
40 yoshli Ovechkin hisobida muntazam chempionatlarda 923 ta va pley-offda 77 ta gol bo‘ldi. U jami 1723 ta o‘yin o‘tkazgan (muntazam chempionatda 1562 ta va pley-offda 161 ta).
Bu borada MHL rekordchisi kanadalik Ueyn Gretski hisoblanadi — u 1694 ta (1487+207) o‘yinda 1016 ta (894+122) gol urgan.
Aleksandr Ovechkin muntazam chempionatlarda urilgan gollar soni bo‘yicha MHL rekordchisi bo‘lib, o‘tgan mavsumda Gretskining rekordini yangilagan edi.
«Kolorado»ga qarshi o‘yindan so‘ng «Vashington»da muntazam chempionatda yana 11 ta o‘yin qoladi. Hozir jamoa Sharqiy konferensiyada 12-o‘rinda bormoqda va pley-off hududidan tashqarida joylashgan.
“Manchester Siti” to‘qqizinchi bor Angliya Liga kubogi sohibi bo‘ldi. O’Rayli “Arsenal” darvozasiga to‘rt daqiqa ichida ikkita gol kiritib, dubl muallifiga aylandi.
Londondagi “Uembli” stadionida “Arsenal” va “Manchester Siti” jamoalari Angliya Liga kubogi final bahsi bo‘lib o‘tdi.
Uchrashuvning birinchi bo‘limida hisob ochilmadi.
O’Rayli 60-daqiqada “Manchester Siti”ni hisobda oldinga olib chiqqan bo‘lsa, 64-daqiqada “Arsenal” darvozasiga ikkinchi golini kiritdi.
“Shaharliklar”ning o‘zbekistonlik himoyachisi Abduqodir Husanov uchrashuvni asosiy tarkibda boshladi va to‘liq harakat qildi. U 32-daqiqada Yokeresga nisbatan ishlatgan qo‘polligi uchun sariq kartochka oldi.
“Arsenal”ni 2:0 hisobida mag‘lub etgan “Manchester Siti” to‘qqizinchi bor Angliya Liga kubogi sohibi bo‘ldi.
O‘zbekiston milliy terma jamoasi 22-martdan Toshkentda o‘quv-mashg‘ulot yig‘inlarini boshlaydi.
Fabio Kannavaro FIFA Series uchun jalb etilgan futbolchilar ro‘yxatini e’lon qildi.
Kengaytirilgan ro‘yxatdan o‘rin olgan futbolchilarimiz — Jaloliddin Masharipov, Husniddin Aliqulov, Abbosbek Fayzullayev, Dilshod Komilov, Ibrohimhalil Yo‘ldoshev, Abdulla Abdullayev, Alibek Davronov va Husayn Norchayev jarohati tufayli yig‘inni o‘tkazib yuborishi ma’lum bo‘ldi.
Eslatib o‘tamiz, milliy jamoa FIFA Series doirasida 27 mart kuni Gabon, 30 mart kuni esa Venesuyealaga qarshi maydonga tushadi. O‘yinlar «Bunyodkor» stadionida soat 19:00 da start oladi.
Angliya Liga Kubogini qo‘lga kiritgan ilk o‘zbek futbolchisi
British Petroleum O‘zbekiston energetika bozoriga qiziqish bildirmoqda
Madrid derbisida “Real” ustun keldi, “Barselona” minimal hisobda g‘alaba qozondi
-
Dunyodan4 days ago
Eron Hormuz boʻgʻozi orqali cheklangan oʻtishga ruxsat beradi
-
Jamiyat4 days ago
Tadbirkor boshpanasiz bo‘lgan 5 ta oilani uy-joy bilan ta’minladi
-
Siyosat4 days agoSoʻnggi savdo maʼlumotlariga koʻra, Oʻzbekiston temir yoʻllari importi eksportdan 2,5 barobar koʻp
-
Iqtisodiyot4 days agopayme Tez QR orqali to‘lovni 3% keshbek bilan ishga tushirmoqda
-
Dunyodan4 days ago
Istanbulda yetti yil avval sodir etilgan qotillik ishi fosh etildi. O’zbek ayoli vafot etdi
-
Iqtisodiyot5 days agoQashqadaryo viloyati ijtimoiy-iqtisodiy rivojlantiriladi
-
Dunyodan4 days ago
Isroil mintaqaviy tuzilmani qayta tiklamoqchi
-
Jamiyat3 days agoToshkentda bayram kunlari jamoat transporti uchun maxsus jadval joriy etildi