Sport
«Nasaf» klubi matbuot xizmati xodimi raqiblarni haqoratladi. U ishdan bo‘shatilgan
«Dinamo» va «Nasaf» o‘rtasidagi o‘yindan keyin Qarshi klubi rasmiysi Sarvar Bobonazarov ijtimoiy tarmoqda o‘yin natijasi va penalti haqqoniy bo‘lmagani haqida ehtirosli va haqoratli postlar yozib qoldirdi. U shu asnoda «Andijon» muxlislarini ham yomon so‘z bilan eslagan. Samarqand va Andijon klublari «Nasaf»dan tushuntirish so‘radi.
6 iyul kuni Superliga 15-turi doirasida Samarqandda mezbon «Dinamo» va Qarshining «Nasaf» klubi o‘rtasidagi o‘yindan (2:2) keyin mojaroli holat yuzaga keldi. Qashqadaryo klubi matbuot xizmati xodimi Sarvar Bobonazarov X ijtimoiy tarmog‘ida samarqandlik va andijonlik muxlislarni qo‘pol so‘zlar bilan haqorat qildi.
O‘yinning 1-bo‘limiga qo‘shib berilgan daqiqalarida «Dinamo» penaltidan gol urib, 2:1 hisobida oldinga chiqib olgandi. Ikkinchi bo‘lim oxirida «Nasaf» ham gol urib, hisobni tenglashtirdi.
O‘yindan keyin Sarvar Bobonazarov (O‘ktamzoda) X ijtimoiy tarmog‘ida o‘yin natijasi va penalti haqqoniy bo‘lmagani haqida ehtirosli va haqoratli postlarni yozdi.
U o‘yinda VAR texnologiyasidan foydalanilmaganida mezbonlar klubini ayblagan.
Shuningdek, oldinroq «Dinamo»ga qarshi o‘yindan keyin hakamlikdan norozi bo‘lgan «Andijon» klubi muxlislarini yomon so‘z bilan eslagan.
7 iyul kuni «Dinamo» PFK Sarvar Bobonazarovning ijtimoiy tarmoqlar orqali raqib jamoa va butun viloyat sha’niga bildirgan haqoratli fikrlari bo‘yicha «Nasaf» PFKdan rasmiy tushuntirish so‘radi.
«Superliga 15-turi doirasidagi «Dinamo» va «Nasaf» (2:2) o‘rtasidagi uchrashuvdan keyin Qarshi klubi matbuot xizmati vakili Sarvar O‘ktamzoda (Bobonazarov) «X» (tvitter) ijtimoiy tarmog‘idagi sahifasida (3672 obunachiga ega) Samarqanddagi o‘yinda VAR texnikasi Jizzaxdan yetib kelmagani sababli mezbon klub sifatida Samarqand jamoasini haqoratlagan. Ayniqsa, uning samarqandliklarni tahqirlovchi haqorati turli ijtimoiy tarmoqlar, guruhlarda keskin muhokamaga sabab bo‘lmoqda.
«Nasaf» PFK matbuot xizmati vakili, Qarshidagi «Markaziy» stadioni suxandoni sanalmish Sarvar O‘ktamzoda (Bobonazarov) tomonidan muxlislar o‘rtasida adovatni qo‘zg‘ovchi, keskinlikka sabab bo‘layotgan bildirilgan fikrlar bo‘yicha «Dinamo» PFK «Nasaf» klubidan rasmiy tushuntirish so‘raydi. Klub bu borada qat’iy chora ko‘rishni talab qiladi.
Shuningdek, «Nasaf» matbuot xizmati vakili Sarvar O‘ktamzoda bo‘yicha tegishli idoralarga murojaat qilish bo‘yicha ish olib borilayotganini ma’lum qiladi. Bunday hatti-harakatlar klublar o‘rtasidagi munosabat sovuqlashishi, muxlislar o‘rtasidagi yomon oqibatlarni keltirib chiqarishi mumkinligini unutmaslik shart», — deb yozadi samarqandliklar matbuot xizmati.
Ko‘p o‘tmay «Andijon» futbol klubi ham «Nasaf» PFK matbuot xizmati vakilining haqoratomuz so‘zlari yuzasidan bayonot berdi.
«Nasaf» futbol klubi matbuot xizmati xodimi Sarvar Bobonazarov o‘zining ijtimoiy tarmoqdagi sahifasi orqali «Andijon» klubi muxlislariga nisbatan asossiz ravishda bildirgan haqoratomuz so‘zlari sababli voqelikni keskinlantiruvchi holatning vujudga kelishiga olib kelmoqda.
Darhol «Andijon» klubi matbuot xizmati bu borada «Nasaf» klubi rasmiylari – Botir Qorayev hamda klub matbuot kotibi Sardor Nurov bilan bog‘landi hamda yuz bergan vaziyat yuzasidan izoh so‘radi.
O‘z navbatida «Nasaf» futbol klubi rasmiylari har doim «Andijon» klubi va uning muxlislariga hurmati cheksizligini, Sarvar Bobonazarov yozgan haqoratomuz so‘zlar yuzasidan klubda ichki yig‘ilish o‘tkazilishini va tegishli jazo qo‘llanilishini ma’lum qilishdi.
Afsuski, Sarvar Bobonazarovning «Andijon» muxlislari nomiga bu birinchi haqoratomuz so‘zlari emas. Klubning rasmiy vakili bo‘la turib bu kabi nojo‘ya so‘zlar bilan haqorat qilishi o‘z kasbi va professionallikka mutlaqo zid.
Yuqoridagi holatlardan kelib chiqib O‘zPFLdan mazkur vaziyat yuzasidan tegishli chora ko‘rishini so‘raymiz!» — deb yozadi «Andijon» matbuot xizmati.
«Nasaf» rasmiysi bo‘layotgan ishlardan so‘ng avvaliga X ijtimoiy tarmog‘idagi postlarini o‘chirib tashladi. Keyin esa akkauntini ham o‘chirdi.
«Nasaf» esa raqib jamoa va muxlislarini ijtimoiy tarmoqda haqorat qilgan matbuot xizmati xodimi Sarvar Bobonazarovni ishdan bo‘shatganini ma’lum qildi.
Klubi bergan bayonotga ko‘ra, Sarvar Bobonazarov o‘yinda ishtirok etmagan va mehnat ta’tilida bo‘lgan.
«Ayni vaqtda mehnat ta’tilida bo‘lgan matbuot xizmati xodimi Sarvar Bobonazarov mazkur uchrashuvda na bevosita, na bilvosita ishtirok etgan va xizmat vazifasini bajarmagan. Biroq u o‘zining X ijtimoiy tarmog‘idagi sahifasida kechagi uchrashuv yuzasidan «Andijon» hamda «Dinamo» jamoalari muxlislari sha’niga nisbatan nomaqbul ifodalarni ishlatgan», – deyiladi bayonotda.
Bu shaxsiy fikrlar «Nasaf» futbol klubi pozitsiyasini aks ettirmasligi va klub har qanday ko‘rinishdagi haqorat va kamsitishlarni qoralashi qayd etilgan. Klub «odob-axloq qoidalarini qo‘pol ravishda buzgani sababli» Sarvar Bobonazarov bilan tuzilgan mehnat shartnomasi bekor qilgan.
Sport
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
Niderlandiyaning Amsterdam shahrida akademik eshkak eshish bo‘yicha jahon chempionati bo‘lib o‘tmoqda. Unda O‘zbekiston terma jamoasi musobaqadagi tarixiy medalga sazovor bo‘ldi.
Yengil vaznli sportchilar o‘rtasidagi juftlik dasturida (LM2x) Shahzod Nurmatov va Sobir Safaraliyev dueti oltin medal sohibi bo‘ldi. Bu o‘zbekistonlik akademik eshkak eshuvchilarning kattalar o‘rtasidagi jahon chempionatida qo‘lga kiritgan birinchi oltin medalidir.
Musobaqada kumush medal Germaniya, bronza medali esa AQSh sportchilariga nasib etdi.
UEFA Chempionlar ligasi 2026/2027-yilgi mavsumi umumiy bosqichi to‘liq taqvimni e’lon qildi.
Bu bosqichda har bir jamoa 8 ta o‘yin o‘tkazadi: 4 tasi o‘z maydonida, 4 tasi safarda.
Joriy mavsumdan e’tiboran bir jamoa bir raqib bilan ketma-ket uch mavsum davomida o‘z maydonida o‘ynashiga yo‘l qo‘yilmaydi.
Umumiy bosqichning 1-turi uch kun — seshanba, chorshanba va payshanba (8-9-10-sentyabr) kunlariga taqsimlanadi. Qolgan turlar ikki kun davomida o‘tkaziladi. So‘nggi turda esa barcha uchrashuvlar bir vaqtda boshlanadi.
1-turni Abduqodir Husanov va «Manchester Siti» safarda «Portu»ga qarshi o‘tkazadi. Boshlanishi: bizning vaqt bilan 9 sentyabrga o‘tar kechasi soat 00:01 da.
Umarali Rahmonaliyev va «Sabah» esa Chempionlar ligasi umumiy bosqichidagi debyutida «Manchester Yunayted» maydonida sinovdan o‘tadi. Boshlanishi: bizning vaqt bilan 11-sentyabrga o‘tar kechasi soat 00:00 da.
Manba: UEFA
Xalqaro shaxmat federatsiyasi (FIDE) Prezident kengashi rossiyalik shaxmatchilarni Butunjahon shaxmat Olimpiadasida ishtirok etishiga ruxsat bermadi. Bu haqda Rossiya shaxmat federatsiyasi ijrochi direktori Aleksandr Tkachyov TASS agentligiga ma’lum qildi.
«Jahon shaxmat Olimpiadasida terma jamoalarimiz qatnashmaydi. Kengash ushbu qarorni FIDE prezidenti vazifasini bajaruvchi janob Vishvanatan Anandning tashabbusi bilan qabul qildi», — dedi Tkachyov.
Butunjahon shaxmat Olimpiadasi 16–27 sentyabr kunlari Samarqand shahrida bo‘lib o‘tadi.
2025 yilning dekabrida Xalqaro shaxmat federatsiyasi Bosh assambleyasi rossiyalik sportchilarga nisbatan cheklovlarni to‘liq va qisman bekor qilish uchun ovoz bergan edi. Rossiyalik shaxmatchilarning qaytishiga 61 delegat ovoz bergan, 51 delegat qarshi chiqqan.
Biroq 2026 yil yanvarda Buyuk Britaniya, Germaniya, Norvegiya, Estoniya va Ukraina shaxmat federatsiyalari FIDEning rossiyalik shaxmatchilarga nisbatan sanksiyalarni to‘liq bekor qilish haqidagi qaroriga e’tiroz bildirish niyatida ekani xabar qilindi. Shundan so‘ng, 2026 yil iyun oyida sanksiyalar qayta joriy etildi.
Avvalroq mazkur Olimpiadani Magnus Karlsen va yana bir qator shaxmat yulduzlari ham o‘tkazib yuborishi ma’lum bo‘lgandi.
Krishtianu Ronaldu joriy mavsum nihoyasida professional futboldagi faoliyatiga yakun yasashi mumkin. Bu haqda u Vogue jurnaliga intervyusida ma’lum qildi.
«Ehtimol, bu futboldagi so‘nggi yilim bo‘lishi mumkin, o‘zimdan ulkan meros qoldirishni istayman», — dedi Ronaldu.
Besh karra «Oltin to‘p» egasi ta’kidlashicha, bo‘sh vaqtini hordiq va sayohatlarga ajratmoqchi.
Krishtianu Ronaldu professional futbolga kirib kelganiga 25 yil bo‘ldi. Birinchi katta o‘yinini 2002-yil 14-avgustda Lissabonning «Sporting» klubi safida Milanning «Inter»iga qarshi o‘tkazgan.
Londonning «Arsenal» klubi o‘z tarixida 18-marta Angliya superkubogini qo‘lga kiritdi. Jamoa Kardiffda «Manchester Siti»ni 3:0 hisobida mag‘lub etdi.
O‘yinning 23-soniyasida Rikkardo Kalafiori hisobni ochdi. One Football nashrining ma’lumotlariga ko‘ra, bu 1968 yildan beri superkubok o‘yinining birinchi daqiqasida urilgan birinchi va kubok tarixidagi eng tezkor gol bo‘ldi.
London jamoasi safida yana Kay Xaverts (28) va Martin Edegor (48) gol urishdi.
O‘tgan mavsumda «Arsenal» Premer ligada g‘olib bo‘lgan bo‘lsa, manchesterliklar Angliya kubogini qo‘lga kiritdi.
«Shaharliklar» safida Abduqodir Husanov to‘liq harakat qildi.
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
EChL 2026/2027. Umumiy guruh bosqichi taqvimi e’lon qilindi
-
Siyosat5 days ago
«Milliy manfaatlarni himoya qilish dunyodan yopilish degani emas» — Sherzod Asadov
-
Iqtisodiyot4 days ago
Oziq-ovqat ishlab chiqarishda qaysi hududlar yetakchi?
-
Iqtisodiyot5 days agoPrezident ishtirokida umumiy qiymati 50 trln so‘mlik loyihalar ishga tushirildi
-
Siyosat1 day ago
Prezidentning Mustaqillik bayrami tabrigidan o‘rin olgan asosiy fikrlari
-
Sport14 hours ago
EChL 2026/2027. Umumiy guruh bosqichi taqvimi e’lon qilindi
-
Jamiyat3 hours ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Sport4 hours ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi