Sport
Naoi Inoue va Murodjon Ahmadaliyev jangini ko‘rish uchun 5 sabab
Foto: Steve Marcus, Melina Pizano/Getty Images
Bugun, 14 sentabr kuni Yaponiyada katta professional boks oqshomi bo‘lib o‘tadi. Oqshomdagi asosiy jang eng yengil vazndagi mutlaq jahon chempionligi uchun o‘tkaziladi: yaponiyalik Naoya Inoue o‘z chempionlik kamarlarini Murodjon Ahmadaliyevdan himoya qiladi. Va bu jangni o‘tkazib yuborib bo‘lmaydi, hatto tunda Kanelo va Krouford o‘rtasidagi qarama-qarshilikni kuzatish uchun uxlagan bo‘lsangiz ham. Boks turniri allaqachon boshlangan, Inoue va Ahmadaliyev yaqin vaqtlar ichida ringga chiqadi.
Jang Zo‘rTV telekanalida jonli efirda namoyish etiladi.
Birinchi sabab — Inoue yana finish qiladimi?
Naoya Inoue zamonaviy boksdagi eng xavfli «muxach» hisoblanadi. Yaponiyalik qanday vazn toifasida ishtirok etmasin, doimo raqibini nokaut qilishni ko‘zlaydi. Profi boksda 30 jang, 30 g‘alaba, 27 finish – hatto og‘ir vaznli bokschilar ham havas qiladigan fenomenal statistika. Monstr laqabli yaponiyalik to‘rt yildan buyon hech bir raqibi bilan jangni muddatidan oldin yakunlamagan Kanelodan farqli ravishda olti yildan buyon nokautlar evaziga g‘alaba qilib kelmoqda, u Inoue to‘liq o‘tkazishga to‘g‘ri kelgan oxirgi jang 2019 yil Jahon boks superseriyasi finalida filippinlik Nonito Donerga qarshi jang bo‘lgandi. Shunday ekan, Naoya bu safar ham finish qilishga harakat qiladi, qolaversa, u o‘z uyida, muxlislar ko‘z o‘ngida ringga chiqadi.
Ikkinchi sabab — yaponiyalik katta vaznga ko‘tarilmoqchi
Inoue – Turki Al ash-Shayxning yulduzlaridan biridir, saudiyalik sport arbobi uning uchun katta rejalar tuzgan. Ko‘pchilik kichik divizionlarda kuchli va yulduzli raqiblar yo‘q deb hisoblaydi, bu esa yaponiyalikning obro‘siga ta’sir ko‘rsatadi. Turki esa yaponiyalikni yuqori vazn toifalariga olib chiqishni ko‘zlagan. Oldingi jangda ham kamarlarini muvaffaqiyatli himoya qilgan taqdirda Inoue katta ehtimol bilan, kamarlarini vakant qilib qoldiradi va yarim yengil vazn divizioniga yo‘l oladi, u yerda uni britaniyalik yengilmas chempion Nik Boll kutmoqda – va bu chinakamiga katta jang bo‘ladi. Shundan keyin uni Jyervonta Devis bilan ham to‘qnashtirish mumkin.
Uchinchi sabab — Inoue tajribali havaskorlar bilan jang qilmagan
Inouening olimpiya boksidagi karerasi o‘xshamagan: 2011 yilda u London Olimpiadasiga borishga harakat qilgan, ammo Ostonadagi saralash turniri finalida qozog‘istonlik Birjan Jakipovga yutqazgach, professional boksga o‘tib ketgan. Naoining karerasida havaskor boksdagi kabi bekgraundga ega raqiblar ham bo‘lgan: masalan, Stiven Fulton. Ammo u hali tajribali havaskor bokschi o‘tmishiga ega raqib bilan jang qilmagandi. Ahmadaliyevda esa bu borada ulkan tajriba va ajoyib natijalar bor: u 2016 yilgi Rio-de-Janeyro Olimpiya o‘yinlarida bronza, 2015 yil Dohada o‘tkazilgan jahon chempionatida hamda 2015 yil Bangkokda o‘tkazilgan Osiyo chempionatida kumush, 2017 yil Toshkentda o‘tkazilgan Osiyo chempionatida esa oltin medalni qo‘lga kiritgan. O‘z navbatida, professional boksda Inouening tajribasi ko‘proq, u o‘zbekistonlik raqibiga qaraganda ikki baravar ko‘proq jang o‘tkazgan (Ahmadaliyevda 15 jang).
To‘rtinchi sabab — Inouening himoyadagi muammolari intrigani oshiradi
Inoue o‘zining yorqin uslubi bilan tanilgan, ammo so‘nggi janglarda Inoueda himoya bilan bog‘liq muammolar kuzatilmoqda. U o‘tgan yil Luis Neriga qarshi jangda nokdaun holatiga tushib qolgandi, joriy yil mayida esa Ramon Kardenas ham uni yerga qulatdi. Bularning barchasi bo‘lajak jangga intriga qo‘shadi: Ahmadaliyev yaqindan zarba berishni biladi, u ham 14 g‘alabasidan 11 tasida raqiblarini nokautga uchratgan. Murodjon Yaponiyada Inoueni ochkolar bo‘yicha mag‘lub etish deyarli noreal vazifa ekanini tushunadi, shuning uchun u ham finish qilishga harakat qilishiga to‘g‘ri keladi. Bu esa, albatta, bellashuvni yanada yorqin va tomoshabop qiladi.
«O‘zimni butun faoliyatimdagi eng yaxshi formada his qilyapman.Men istalgan raqibni yo‘q qilishim mumkin, bunga ishonaman. Inoue ham bundan mustasno emas. Mening vazifam uni yengish, buning uchun qo‘limdan kelgan barcha ishni qilaman. Eng yuqori darajada raqobatlashish uchun menda hamma narsa bor.
Men dunyoga kim eng zo‘r ekanini isbotlayman. Inoue universal bokschi, barcha mahoratlarga ega, lekin bu ta’riflar menga ham taalluqli. Ring hech qachon yolg‘on gapirmaydi», – degan jang oldidan Ahmadaliyev The Ring nashriga bergan intervyusida.
G‘olib shu beshta kamarga ega chiqadi
Beshinchi sabab — Ahmadaliyevning yo‘qotadigan narsasi yo‘q, Inoueda — bor
Shubhasiz, Naoya bo‘lajak jangda favorit hisoblanadi. Yengilmas yaponiyalik shu yilning o‘zida mutlaq jahon chempioni unvonini uchinchi marta himoya qilmoqda, Naoya vazn toifalaridan qat’i nazar zamonaviy boksning asosiy yulduzlaridan biri hisoblanadi. Shu bilan birga, har safar uning zimmasida ulkan mas’uliyat borligini unutmaslik kerak. Agar Inoue mag‘lubiyatga uchrasa, nafaqat orzu qilingan «0» va barcha chempionlik kamarlaridan, balki mag‘lub etib bo‘lmaydigan yigit sifatida obro‘-e’tiboridan ham mahrum bo‘ladi. Shu bilan birga, boshqa vazn toifasiga o‘tish bo‘yicha keyingi rejalar ham barbod bo‘lishi mumkin. Ahmadaliyevda esa umuman yo‘qotadigan narsasi yo‘q. Inouedan mag‘lubiyatga uchragan taqdirda nima bo‘ladi? Hech narsa. U hamon o‘z vazn toifasida yetakchi bokschilardan biri bo‘lib qoladi, Naoya ketganidan keyin esa chempionlik kamarlari uchun kurashadi.
G‘alaba esa uning karerasiga favqulodda turtki beradi, Murodjon yetti uxlab tushiga kirmagan shon-shuhratga erishadi. Inoue bilan jang qilish uning uchun butun umrlik imkoniyat va hech narsa to‘sqinlik qilmaganda, undan foydalanish mumkin.
Shavkat Mirziyoyev shaxmatchilar bilan uchrashuvda Javohir Sindorov, Muhiddin Madaminov va Shamsiddin Vohidovning Olimpiadadagi o‘yinlarini alohida e’tirof etdi.
Prezident Javohir Sindorovga murojaat qilib, bir necha oy avval uning Nomzodlar turniridagi tarixiy g‘alabasi nishonlanganini esladi. Olimpiadada ham Javohir Sindorov sovuqqonlik va barqarorlik ko‘rsatib, kuchli raqiblar oldida ortga chekinmagani ta’kidlandi.
«Endi oldingda yana bir ulkan marra — jahon toji uchun bellashuv turibdi. Bugun ortingda nafaqat jamoadoshlaring va ustozlaring, balki qirq millionga yaqin O‘zbekiston xalqi turibdi. Biz senga ishonamiz!» — dedi davlat rahbari.
Yirik musobaqada ilk bor ishtirok etgan Muhiddin Madaminov hal qiluvchi kunda ukrainalik Roman Dextyarovni qora donalarda mag‘lub etdi.
Uning g‘alabasi jamoaga oltin medal uchun zarur ochkoni olib keldi. Prezident uning g‘ayrati va g‘alabalari muxlislar ko‘nglidan joy olganini ta’kidladi.
Shamsiddin Vohidov ham umumiy natijaga munosib hissa qo‘shdi. U amaldagi jahon chempioni Gukeshga qarshi qora donalarda tengma-teng kurashib, o‘z salohiyatini namoyon etdi.
Prezident oltin medal jamoaning har bir a’zosi mehnati va hissasi natijasi ekanini ta’kidladi.
«Bu oltin medalda jamoaning har bir a’zosining mashaqqatli mehnati va ulkan hissasi bor», — dedi Prezident.
Davlat rahbari shaxmatchilar haqida hali kitoblar yozilishi, filmlar yaratilishi va ularning o‘yin uslubi darsliklarga kirishiga ishonch bildirdi.
Yosh shaxmatchilarni tayyorlash imkoniyatlarini kengaytirish uchun Toshkent xalqaro shaxmat akademiyasining Samarqand, Xorazm va Farg‘onada uchta mintaqaviy filiali tashkil etiladi. Akademiyada oliy toifali murabbiylarni tayyorlash ham yo‘lga qo‘yiladi.
FIDE reytingida 1 ming 500 dan yuqori ball to‘plagan shaxmatchilarning xususiy klublarda o‘qish xarajatlarining yarmi davlat tomonidan qoplanadi. Bu yosh iste’dodlarning tayyorgarligini davom ettirishiga qo‘shimcha imkoniyat yaratadi.
Mamlakatimizda “O‘zbekiston Grand Chess” milliy brendi ostida xalqaro turnirlar muntazam o‘tkazib boriladi. Bu shaxmatchilarimizga kuchli raqiblar bilan o‘z yurtimizda bellashish imkonini beradi.
Prezidentimiz Yangi Toshkentda 500 kishilik o‘yin zali, yotoqxona va sport maydonchalariga ega zamonaviy shaxmat saroyini barpo etishni taklif qildi.
O‘zbekiston delegatsiyasi Yaponiyadagi Osiyo o‘yinlarining bugungi kunini oltin va kumush medallarni qo‘lga kiritish bilan boshladi.
Shahriyor Mahkamov baydarkachilar o‘rtasida 500 metr masofaga kechgan yakkalik poygalarida marrani birinchi bo‘lib zabt etib, Osiyo o‘yinlari chempioniga aylandi.
Terma jamoamizning yana bir a’zosi Arina Tanatmisheva esa kumush medalni qo‘lga kiritdi. U 500 metr masofaga kechgan yakkalik dasturida marraga ikkinchi bo‘lib yetib keldi.
Shuningdek, kanoeda eshkak eshish bo‘yicha O‘zbekiston jamoasi a’zolari Vladlen Denisov hamda Nilufar Zokirova juftligi kumush medalni qo‘lga kiritdi.
Hozirgacha o‘tkazilgan musobaqalardan so‘ng, O‘zbekiston delegatsiyasi turnir jadvalida 4-o‘ringa ko‘tarilib oldi. Jami 34 ta medal qo‘lga kiritildi: 8 ta — oltin, 17 ta — kumush, 9 ta — bronza.
Aichi-Nagoya-2026 musobaqalarida medallar jamg‘arish bo‘yicha Xitoy peshqadamlik qilmoqda, Yaponiya — ikkinchi, Janubiy Koreya — uchinchi o‘rinda.
O‘zbekiston U-23 terma jamoasining Osiyo o‘yinlari yarim finalidagi raqibi ma’lum bo‘ldi.
Chorak finalda Yaponiya terma jamoasi KXDRni 1:0 hisobida mag‘lub etib, yarim finalga yo‘l oldi.
Shu tariqa, O‘zbekiston U-23 terma jamoasi final yo‘llanmasi uchun musobaqa mezboni Yaponiyaga qarshi maydonga tushadi.
Uchrashuv 30-sentyabr kuni Toshkent vaqti bilan soat 15:30 da “Nagai” stadionida boshlanadi.
Samarqandda o‘tayotgan 46-Butunjahon shaxmat olimpiadasining 10-turi O‘zbekistonning birinchi jamoasi uchun muvaffaqiyatli yakunlandi.
Nodirbek Abdusattorov, Javohir Sindarov, Nodirbek Yoqubboyev va Muhiddin Madaminov ishtirok etgan O‘zbekiston-1 jamoasi Armanistonni mag‘lub etdi.
Abdusattorov, Sindarov va Madaminov o‘z raqiblaridan ustun keldi. Shu tariqa, O‘zbekiston-1 jamoasi 18 ochko bilan musobaqada yetakchilikni saqlab qoldi.
O‘zbekiston-2 jamoasi Hindistonga imkoniyatni boy berdi. O‘zbekiston-3 esa Isroilga qarshi keskin bahsda kichik hisobda mag‘lub bo‘ldi.
Xotin-qizlar o‘rtasidagi 10-turda O‘zbekiston-1 jamoasi Peru vakillarini yirik hisobda mag‘lub etdi.
27-sentyabr kuni Olimpiadaning so‘nggi — 11-tur bahslari o‘tkaziladi. Uning yakunlariga ko‘ra, g‘olib va sovrindor jamoalar aniqlanadi.
