Iqtisodiyot
Mobiuz’ga 15 ta xalqaro va mahalliy kompaniya qiziqish bildirdi – Davaktiv
AQSh, Yevropa, Arab davlatlari, Yaqin Sharq, Kavkazorti, Sharqiy va Markaziy Osiyo mintaqalaridan 15 investor Mobiuz’ni sotib olishga qiziqish bildirgan. Ommaviy savdolar joriy yilning iyun oyida boshlangan – bunda kompaniyaning 100 foiz ulushi sotuvga qo‘yilgan va hukumat ushbu xususiylashtirish orqali 300 mln dollar jalb etishni maqsad qilgan.
Davlat aktivlarini boshqarish agentligi “Universal Mobile Systems” (Mobi.uz brendi) uyali aloqa operatorini xususiylashtirish jarayonlari borasida ma’lumot berdi.
Ommaviy savdo jarayoni joriy yilning iyun oyida boshlangan. Strategik va moliyaviy maslahatchilar sifatida jalb etilgan KPMG va Rothschild & Co ikki oy davomida 100 dan ortiq potensial investorlar bilan muzokaralar olib bordi.
Davlat aktivlarini boshqarish agentligi xabariga ko‘ra, belgilangan muddat — 2025 yil 1 avgust soat 18:00 (Toshkent vaqti)ga qadar AQSh, Yevropa, Arab davlatlari, Yaqin Sharq, Kavkazorti, Sharqiy va Markaziy Osiyo mintaqalaridan 15 ta kompaniyalardan (xorijiy va mahalliy) aktivni sotib olish bo‘yicha qiziqish bildirish to‘g‘risidagi arizalar konsultantlarga kelib tushgan.
Murojaatlar belgilangan mezonlarga muvofiqligi, jumladan, moliyaviy imkoniyatlarning yetarliligi, huquqiy to‘siqlar mavjud emasligi, jinoiy daromadlar va terrorizmni moliyalashtirishga qarshi qonunchilikka rioya qilish holati, Yevropa Ittifoqi, AQSh va xalqaro moliya institutlari sanksiyalari ro‘yxatlariga kiritilmaganligi, davlat kompaniyasi maqomiga ega emasligi tekshirilgan.
Talabgorlar tenderning keyingi bosqichi – majburiyatga ega bo‘lmagan takliflarni taqdim etishga o‘tkazishga tavsiya qilingan.
Ariza beruvchilar bilan axborotni oshkor etmaslik to‘g‘risidagi shartnoma imzolanadi, shundan so‘ng ular axborot memorandumi va aktiv haqidagi boshqa ma’lumotlarga kirish huquqiga ega bo‘ladi.
Konsultantlar tomonidan Majburiyatga ega bo‘lmagan takliflar 2025 yil 15 oktyabr soat 23:59 (Toshkent vaqti)ga qadar qabul qilinadi.
Mobiuz’ning xususiylashtirilishi haqida
Mobiuz – O‘zbekistondagi to‘rtinchi yirik mobil operator hisoblanadi. BMI (“Fitch Solutions” bo‘limi) ma’lumotiga ko‘ra, o‘tgan yil yakunida O‘zbekiston mobil bozorida 35,6 mln abonent bo‘lgan, Mobiuz bu bozorning 20,9 foiz ulushiga ega.
Mobiuz 2024 yilda 164 mln dollar sof daromad va 41 mln dollar EBITDA ko‘rsatkichini qayd etgan.
Kompaniyaning xususiylashtirilishi 2025 yil iyun oyida e’lon qilingandi, kompaniyaga Qatar, Saudiya Arabistoni, Ozarboyjon va Yevropa investorlari tomonidan dastlabki qiziqish bildirilgan.
Iyul oyida Bloomberg nashri O‘zbekiston hukumati Mobiuz’ni xususiylashtirish orqali 300 mln dollar jalb etishni maqsad qilgani haqida xabar berdi. Davaktiv bunga izoh bermadi, lekin o‘z kanalida maqolaning asosiy tezislarini e’lon qildi.
Kun.uz Davlat aktivlarini boshqarish agentligiga ushbu xususiylashtirish dasturi borasida ayrim savollarni yuborgandi. Ammo agentlik qariyb 1 oydan beri tahririyatning quyidagi savollariga javob bermadi:
• Agentlikning Bloomberg maqolasidan asosiy tezislarni e’lon qilishdan maqsadi nima edi?
• Mobiuz’ning narxi borasida Davaktivning mo‘ljali 300 mln dollarga teng yoki undan ko‘p ekaniga aniqlik kirita olasizmi?
• Potensial xaridorlar uchun 9 iyun kungi rasmiy e’londa sanab o‘tilgan talablardan boshqa strategik shartlar (modernizatsiya uchun investitsiya kiritish, xizmat sifati, ish o‘rinlarining saqlanishi kabi) ham bormi?
• Xususiylashtirishda Rothschild & Co agentligining ishtiroki nimalardan iborat?
• 2013 yilgi Ms bilan bog‘liq musodara va milliylashtirish holatlari xorijiy investorlar bilan kommunikatsiyada qanday tushuntirilmoqda?
O‘zbekistonda 2026-yil 24-aprel holatida 2,1 ming nafar tadbirkorga yuqori barqarorlik reytingi berilgan. Ulardan 335 ta sub’yekt eng yuqori AAA darajasini olgani ma’lum bo‘ldi.
Qayd etilishicha, barqarorlikni baholash tizimi joriy etilganidan beri yuqori reytingga ega tadbirkorlar soni 1,3 barobarga oshgan. Bu biznes muhitida muayyan ijobiy siljishlar kuzatilayotganini ko‘rsatadi.
Shu bilan birga, umumiy manzarada farqlar saqlanib qolmoqda. Xususan, 64,4 ming tadbirkor o‘rta barqarorlik toifasiga kiritilgan bo‘lsa, 226,2 mingta sub’yekt qoniqarli darajada baholangan. 294,7 mingta tadbirkor esa past reytingga ega deb topilgan.
Yuqori reytingga ega tadbirkorlarning eng katta qismi savdo sohasiga to‘g‘ri keladi. Bu yo‘nalishda 690 ta korxona yuqori barqarorlik ko‘rsatkichiga erishgan.
Undan keyin xizmat ko‘rsatish sohasi 654 ta korxona bilan ikkinchi o‘rinni egallagan. Sanoat sohasida 506 ta tadbirkor yuqori reyting olgani qayd etilgan. Qishloq xo‘jaligi va qurilish sohalarida esa bu ko‘rsatkich ancha past. Mos ravishda 106 ta va 59 ta korxona yuqori barqarorlik toifasiga kiritilgan. Bu sohalarda tizimli muammolar saqlanayotganini anglatadi.
Hududlar bo‘yicha tahlil qilinganda, eng yuqori ko‘rsatkich Toshkent shahriga to‘g‘ri keladi. Poytaxtda 709 ta tadbirkor yuqori reytingga ega. Toshkent viloyatida bu ko‘rsatkich 258 tani tashkil etgan. Samarqand viloyatida 180 ta, Farg‘ona viloyatida esa 152 ta tadbirkor yuqori barqarorlik darajasini qo‘lga kiritgan.
Humo kartalari bo‘yicha 13131 raqamidan kiruvchi SMS-xabar narxi 84,2 so‘m miqdorida saqlanib qolinadi. Avvalroq, 1 maydan boshlab narxlar 168,4 so‘mga oshirilishi haqida xabar berilgandi.
Foto: Sun’iy intellekt tomonidan yaratilgan surat
Octotelecom kontent-provayderi Humo kartalari bo‘yicha 13131 qisqa raqamidan yuboriladigan SMS-xabarnomalar narxi 1 maydan boshlab 168,4 so‘mga oshirilishi haqida xabar bergandi. Bu iste’molchilarning e’tirozlariga sabab bo‘ldi.
Shundan so‘ng Humo to‘lov tizimi operatori bo‘lgan Milliy banklararo protsessing markazi narx avvalgi darajada saqlanib qolinishini e’lon qildi.
Kompaniya foydalanuvchilar murojaatlari va xizmat ahamiyatini inobatga olib, Octotelecom’ga amaldagi tarifni saqlab qolish bo‘yicha rasmiy xat yuborgan. Qo‘shimcha tahlil natijasida uni o‘zgarishsiz qoldirish to‘g‘risida qaror qabul qilindi.
«Qo‘shimcha tahlillar va Octotelecom bilan konstruktiv muloqot yakunlariga ko‘ra, amaldagi tarifni saqlab qolish to‘g‘risida qaror qabul qilindi. 2026 yil 1 maydan boshlab 13131 raqamidan keluvchi bitta kiruvchi SMS-xabar narxi o‘zgarmaydi va 84,2 so‘mni tashkil etadi», deyiladi xabarda.
2026-yil yanvar–fevral oylarida O‘zbekistonda yirik korxonalar tomonidan jami 4,1 trln so‘mlik kiyim-kechak ishlab chiqarildi. Bu haqda Milliy statistika qo‘mitasi ma’lum qildi.
Qayd etilishicha, hududlar kesimida eng yuqori ko‘rsatkich Andijon viloyatiga to‘g‘ri keldi. Ushbu hududda 1,8 trln so‘mlik mahsulot ishlab chiqarilib, respublikada mutlaq yetakchiga aylandi.
Shuningdek, Toshkent viloyatida 524,6 mlrd so‘m, Namangan viloyatida 438,6 mlrd so‘mlik kiyim ishlab chiqarilgan. Bu hududlar ham yuqori ko‘rsatkichlar bilan ajralib turibdi.
Farg‘ona viloyatida 371,4 mlrd so‘mlik, Toshkent shahrida esa 310,3 mlrd so‘mlik kiyim ishlab chiqarilgan.
So‘nggi o‘rinlarda esa Surxondaryo viloyati 10,4 mlrd so‘m va Jizzax viloyati 19,3 mlrd so‘mlik ko‘rsatkich bilan qayd etilgan.
Boshqa hududlar orasida Samarqand viloyati 158 mlrd so‘m, Buxoro viloyati 117,4 mlrd so‘m, Qashqadaryo viloyati 89 mlrd so‘mlik mahsulot ishlab chiqargan.
“Soliq va tadbirkorlik sohasidagi ayrim qonun hujjatlariga o‘zgartish va qo‘shimchalar kiritish to‘g‘risida”gi qonunga muvofiq, mazkur sohada muhim o‘zgartishlar amalga oshirildi.
Xususan, Jinoyat kodeksining 179-moddasiga o‘zgartirish kiritilib, soxta tadbirkorlik uchun jarima, muayyan huquqlardan mahrum qilish va ozodlikdan mahrum qilish kabi sanksiyalar nazarda tutilmoqda.
Endilikda tadbirkorlik faoliyatini amalga oshirish maqsadini ko‘zlamasdan ssudalar, kreditlar olish, foydani (daromadni) soliqlardan ozod qilish (soliqlarni kamaytirish) yoki boshqacha mulkiy manfaat ko‘rish maqsadida tadbirkorlik sub’yektini tashkil etish BHMning 100 baravaridan 200 baravarigacha miqdorda jarima yoki 3 yilgacha axloq tuzatish ishlari yoxud muayyan huquqdan mahrum qilib, 1 yildan 3 yilgacha ozodlikni cheklash yoki 1 yildan 3 yilgacha ozodlikdan mahrum qilish bilan jazolanishi belgilanmoqda.
Shuningdek, 184-modda (soliqlarni to‘lashdan bo‘yin tovlash) – jinoyat tarkibi aniqlashtirilib, jarima, majburiy to‘lovlarni undirish va ozodlikdan mahrum qilish choralari qayta belgilandi, ilk huquqbuzarlikda zarar to‘liq qoplansa, javobgarlikdan ozod etish tartibi saqlab qolindi, jinoyat ishlarida jamoat himoyachisi ishtiroki ta’minlandi.
Qonun rasman e’lon qilingan kundan e’tiboran 3 oy o‘tgach kuchga kiradi.
O‘zbekiston aholisining katta qismi qaysi sohalarda ishlaydi?
Source link
Piskentdagi suv ta’minoti obektida 14 km quvur talon-toroj qilindi
Hukumat O‘zbekistonda havo ifloslanishiga qarshi kurashish uchun oyiga ikki marta avtomobilsiz kunlar o‘tkazishni buyurdi
Prezident Quvasoydagi keramogranit plita ishlab chiqaruvchi korxonada bo‘ldi
-
Siyosat5 days agoPrezident Mirziyoyev mintaqaviy sammitda yashil savdo yoʻlaklari va yagona iqlim investitsiya strategiyasini taklif qildi
-
Jamiyat5 days ago
Giyohvand moddalar aylanmasini nazorat qilishning milliy tizimi takomillashtiriladi
-
Iqtisodiyot4 days ago“QQSni oson qaytarib olish ta’minlanmasa, stavkani 6 foizga tushirishni taklif qilamiz” – Davron Vahobov
-
Dunyodan4 days ago
Buyuk Britaniyada “chekmaydigan avlod” dunyoga keldi
-
Iqtisodiyot4 days ago
Markaziy bank: 24-aprelda dollar pasayadi
-
Dunyodan4 days ago
Eron oliy rahbari yuzi va oyog‘idan jiddiy jarohat oldi
-
Iqtisodiyot4 days agoQirg‘iziston ilk marta Yevropa Ittifoqining sanksiyalarni chetlab o‘tishga qarshi kurashish mexanizmiga tushdi
-
Siyosat3 days agoYevropa Ittifoqi Rossiya mudofaa sanoatiga xomashyo yetkazib bergan ikki O‘zbekiston shirkatiga sanksiyalar kiritdi