Jamiyat
Mobiuz Qoraqalpog‘iston Respublikasi va Xorazm viloyatidagi tarmoqlarini keng ko‘lamli modernizatsiya qilishni boshladi
Mobiuz mobil aloqa operatori O‘zbekistonning g‘arbiy hududlarida o‘zining texnik infratuzilmasini modernizatsiya qilish bo‘yicha investitsiya loyihasini amalga oshirmoqda.
Loyiha tarmoq qamrovini kengaytirish, ulanishni o‘rnatish vaqtini qisqartirish, ma’lumotlarni uzatish tezligini oshirish, tarmoqlarda kechikishlarni kamaytirishga xizmat qiladi. Asosiy maqsad – Qoraqalpog‘iston va Xorazmdagi shaharlar, tuman markazlari va qishloqlarda yangi texnologik yechimlarni joriy etish va u yerda yuqori tezlikdagi mobil internetni ta’minlash.
Mobiuz mutaxassislari yuqori o‘tkazuvchanlik va ishonchlilik bilan ajralib turadigan zamonaviy uskunalarni o‘rnatishni boshladilar.
Loyiha 2025 yilning mart oyidan sentyabr oyigacha davom etadi. Ishlar, shu jumladan, mavjud tayanch stansiyalarida, abonentlarga xizmat ko‘rsatuvchi ishchi tarmoqda olib boriladi. Shu munosabat bilan uskunalarni almashtirish bosqichma-bosqich amalga oshiriladi hamda vaqt, muddat va bosqichlar bo‘yicha qat’iy tartibga solinadi.
Shunga qaramay, ba’zi davrlarda ma’lum hududlarda amalga oshirilayotgan ishlar aloqa sifatiga qisqa muddatga ta’sir ko‘rsatishi mumkin. Mobiuz yuzaga kelishi mumkin bo‘lgan noqulayliklarni kamaytirish va jarayonning shaffofligini ta’minlash maqsadida SMS-xabarnomalar orqali abonentlarni o‘z hududida ish olib borilayotgani haqida o‘z vaqtida xabardor qilib boradi. Shuningdek, ishlar haqidagi barcha ma’lumotlar kompaniya veb-saytining “Profilaktika ishlari” bo‘limida (https://company.mobi.uz/uz/maintenance/) joylashtiriladi.
Qoraqalpog‘iston va Xorazmda tarmoqni keng ko‘lamli modernizatsiya qilish davrida Mobiuz maxsus manzilli sodiqlik dasturini ishga tushirdi.
Zamonaviy texnologiyalarni joriy etish va xizmat ko‘rsatishning yuqori darajasini saqlab qolishga intilib, Mobiuz kompaniyaning barcha tashabbuslari asosida yotgan qadriyatlarga amal qilishda davom etmoqda.
Mobiuz uchun nafaqat aloqani ta’minlash, balki qayerda bo‘lishidan qat’i nazar, har bir abonent uchun imkoniyatlar yaratish ham muhimdir. Kompaniya raqamli infratuzilmani rivojlantirishga bor kuch va tajribasini sarflamoqda. Zero sifatli aloqa – bu yangi g‘oyalar, muvaffaqiyatli ta’lim va zamonaviy dunyoda to‘laqonli hayot demakdir. Mobiuz uyali aloqasi insonlarni birlashtiradi va birgalikda oldinga intilishga yordam beradi.
Qoraqalpog‘iston va Xorazm viloyatida tarmoqni keng ko‘lamda modernizatsiya qilinishi millionlab fuqarolar uchun aloqani yaxshilaydi, raqamli xizmatlar va innovatsion yechimlarni yanada rivojlantirish uchun ishonchli asos yaratadi.
Jamiyat
O‘zbekistonlik haydovchilar uchun Yaponiyada oyiga kamida 2 ming dollar maosh taklif etilmoqda
Proud & Partners kompaniyasi prezidenti Ryuji Suzukining bildirishicha, loyiha doirasida avval yuk avtomobili haydovchilarini tayyorlash boshlangan. O‘zbekiston fuqarolari uchun oyiga kamida 2 ming dollar maosh taklif qilish shart qilib belgilangan. Keyinchalik tayyorlanadigan kadrlar sonini 5 ming nafargacha yetkazish maqsad qilinmoqda.
Yaponiyaning yirik Proud & Partners kompaniyasi prezidenti Ryuji Suzuki “Dunyo” AAga bergan ma’lumotida kompaniya xorijdan ishchi kuchini Yaponiya iqtisodiyotiga qonuniy va tizimli tarzda jalb qilish bilan shug‘ullanishini aytdi. Uning so‘zlariga ko‘ra, bugungacha qariyb 5 ming nafar xorijiy fuqarolarni Yaponiya mehnat bozoriga olib kirishga muvaffaq bo‘lingan.
Suzuki Yaponiyada demografik inqiroz natijasida logistika va qurilish kabi asosiy tarmoqlarda ishchi kuchi yetishmasligi kuchayib borayotganini ta’kidladi. Shu bois kompaniya tayyor ishchi kuchini “tayyor holda” jalb qilish o‘rniga, mutaxassislarni o‘z davlatlarida til va kasbga tayyorlash markazlari orqali o‘qitish, malakasini oshirish va aniq ish o‘rinlari bilan ta’minlash tamoyili asosida ish olib borayotganini bildirdi.
Ma’lum qilinishicha, loyihaning dastlabki bosqichi yuk avtomobili haydovchilarini tayyorlashga qaratilgan. Kompaniya O‘zbekiston fuqarolari uchun oyiga kamida 2 ming AQSh dollari va undan yuqori maosh taklif etishni asosiy shart sifatida belgilagan.
Shu bilan birga, faoliyat yo‘nalishlarini bosqichma-bosqich kengaytirish rejalashtirilmoqda. Xususan, Qoraqalpog‘iston davlat universiteti bilan hamkorlikda umumiy ovqatlanish sohasi uchun mutaxassislar tayyorlash dasturi yo‘lga qo‘yilgan bo‘lib, birinchi bosqichda yuz nafarga yaqin kadr tayyorlash ko‘zda tutilgan. Qurilish sohasi uchun kadrlar tayyorlash bo‘yicha esa O‘zbekiston Migratsiya agentligi bilan hamkorlikda rejalar ishlab chiqilayotgani aytildi.
Suzukining qayd etishicha, loyihani avvaliga taxminan 100 nafar ishtirokchi bilan boshlash rejalashtirilgan bo‘lsa-da, O‘zbekistondagi amaliy tizim va kadrlar salohiyati bilan tanishuvdan so‘ng hamkorlik imkoniyatlari ancha keng ekaniga ishonch hosil qilingan. Natijada, yapon kompaniyalariga aniq takliflar kiritish imkoniyati paydo bo‘lgan va hozirda 500 nafar kadrni tayyorlash ishlari amaliy bosqichga o‘tgan. Kelgusida esa tashabbusni 5 ming nafargacha kengaytirish maqsad qilinmoqda.
Kompaniya rahbarining aytishicha, Proud & Partners faoliyati faqat kadrlarni tayyorlash va ish beruvchilar bilan bog‘lash bilan cheklanmaydi. O‘zbekistondan tayyorlangan mutaxassislarni qabul qilgan yapon kompaniyalariga ushbu kadrlar ishtirokida O‘zbekistonda yangi biznes yo‘nalishlarini yo‘lga qo‘yish jarayonida ham ko‘maklashish rejalashtirilgan.
Suzuki ushbu tashabbus orqali ikki davlat uchun manfaatli barqaror biznes hamkorlik zanjirini shakllantirish, shuningdek, O‘zbekiston va Yaponiya o‘rtasidagi do‘stlik va iqtisodiy aloqalarni mustahkamlashni asosiy maqsad sifatida qayd etdi.
Taniqli jurnalist, mehnat faxriysi Abdusamad Yo‘ldoshev 86 yoshida vafot etdi.
Abdusamad Yo‘ldoshev 1940 yili Zangiota tumani, Xonobod qishlog‘ida tug‘ilgan. Ko‘p yillar O‘zbekiston radiosi, «Xalq so‘zi», «Toshkent haqiqati» gazetalarida turli vazifalarda – muxbir, bo‘lim boshlig‘i, bosh muharrirning birinchi o‘rinbosari vazifalarida mehnat qilgan.
Abdusamad Yo‘ldoshev «O‘zbekiston Respublikasida xizmat ko‘rsatgan jurnalist» faxriy unvoni bilan taqdirlangan.
«Xabar.uz» jamoasi marhumning oila a’zolari va yaqinlariga chuqur hamdardlik bildiradi. Yaratgan marhumning so‘nggi manzilini keng va yorug‘ qilsin.
Qamchiq dovonida kuzatilgan noqulay ob-havo sabab yo‘lda qiyinchilikka duch kelgan haydovchi va yo‘lovchilarga FVV qutqaruvchilari amaliy yordam ko‘rsatdi. Muzlama hosil bo‘lishining oldini olish uchun qum-tuz aralashmasi sepildi.
Favqulodda vaziyatlar vazirligi (FVV) qutqaruvchilari Qamchiq dovonida ob-havoning keskin yomonlashuvi natijasida qiyin ahvolga tushib qolgan haydovchi va yo‘lovchilarga amaliy yordam ko‘rsatdi.
Ma’lum qilinishicha, FVV hamda tegishli xizmatlar xodimlari hamkorligida yo‘lda muzlamalar hosil bo‘lishining oldini olish maqsadida qum-tuz aralashmasini sepish ishlari olib borilgan. Bu choralar harakat xavfsizligini ta’minlash va transport oqimining barqarorligini saqlashga qaratilgan.
Ayni paytda Qamchiq dovonida holat barqaror, havo bulutli ekani bildirildi. FVV haydovchilardan yo‘l qoidalariga rioya qilish, tezlikni ob-havo sharoitiga moslashtirish va ehtiyotkorlikni kuchaytirishni so‘radi.
O‘zbekiston “Adolat” SDP Siyosiy Kengashi raisi, Oliy Majlis Qonunchilik palatasidagi “Adolat” SDP fraksiyasi rahbari Robaxon Mahmudovaning o‘g‘li Rustam Mahmudov vafot etdi.
Eslatib o‘tamiz, Robaxon Mahmudova 2023-yilgi prezidentlik saylovida «Adolat» partiyasidan nomzod sifatida ishtirok etgan. Ovoz berish natijalariga ko‘ra, u 4,43 foiz ovoz yig‘ib, amaldagi prezident Shavkat Mirziyoyevdan keyin ikkinchi o‘rinni egallagandi.
“Xabar.uz” jamoasi marhumning yaqinlariga ta’ziya izhor etadi.
Beg‘araz qon donorligini rivojlantirish bo‘yicha yangi tizim joriy etiladi. Unda har oy milliy donorlik aksiyasi, mehnat jamoalari va ta’lim muassasalarida donorlik tadbirlari, shuningdek harbiylar ishtirokida donorlik kunlari tashkil etish nazarda tutilgan.
Prezident qaroriga ko‘ra, 2026 yil 1 yanvardan beg‘araz qon donorligi harakatini rivojlantirish maqsadida qator tashkiliy choralar yo‘lga qo‘yiladi.
Xususan, har oy “Birga hayotni saqlaymiz” milliy donorlik aksiyasi o‘tkaziladi. Aksiya doirasida har oyning 1-haftasi mobaynida — qon bilan ishlash xizmati tashkilotlarida, har oyning 3-haftasi mobaynida — ta’lim, davolash va boshqa tashkilotlarda qon donorligi tashkil etiladi.
Shuningdek, O‘zbekiston Qurolli kuchlari tizimiga kiruvchi vazirlik va idoralar hamda huquqni muhofaza qiluvchi organlar harbiy xizmatchilari va xodimlari o‘rtasida yilda bir marotaba donorlik kunlari o‘tkazish belgilangan.
Mehnat jamoalarida donorlik kunlarini tashkil etish yo‘lga qo‘yilishi, umumiy o‘rta, o‘rta maxsus, kasbiy va oliy ta’lim tashkilotlarida esa donorlik bo‘yicha ma’naviy-ma’rifiy tadbirlar va uchrashuvlar o‘tkazilishi nazarda tutilgan.
Bundan tashqari, tug‘uruqda tibbiy yordam ko‘rsatuvchi har bir muassasada qon va uning tarkibiy qismlari shoshilinch zaxirasi tashkil etilishi hamda bu zaxira qon mahsulotlari, jumladan plazma va eritrotsitar massa bilan ta’minlanishi belgilandi.
Xitoy, Rossiya va Qozog‘iston yetakchi sheriklar
O‘zbekistonlik haydovchilar uchun Yaponiyada oyiga kamida 2 ming dollar maosh taklif etilmoqda
Rossiya, AQSh va Ukraina vakillari Abu-Dabidagi muzokaralar stoliga kelishdi
-
Dunyodan2 days agoPrezident Tramp Grenlandiya vaziriga: “Biz amerikalik boʻlishni xohlamaymiz” dedi va dunyo yetakchilari bilan uchrashishni rejalashtirmoqda
-
Turk dunyosi5 days agoTurkiya Suriyada oʻt ochishni toʻxtatishni olqishlaydi, birlik va hududiy yaxlitlikni qoʻllab-quvvatlaydi
-
Siyosat4 days agoPrezident Mirziyoyev “Davlat tili” haqidagi qonunni oʻzgartirish uchun parlamentga qaytarib yubordi
-
Iqtisodiyot3 days agoAyrim xomashyo import boji “nol” stavkada 2027 yilgacha uzaytirildi
-
Dunyodan4 days agoPrezident Tramp Tinchlik kengashiga aʼzolik uchun pul toʻlamoqchi.
-
Iqtisodiyot5 days agoMasdar kompaniyasi Qashqadaryoda quyosh stansiyasi va energiya saqlash tizimi quradi
-
Jamiyat3 days agoToshkent shahri hokimiga yangi o‘rinbosar tayinlandi
-
Mahalliy5 days agoSanoat korxonalarini poytaxtdan tashqariga ko‘chirish boshlandi