Iqtisodiyot
MKBANK 2026-yilda mahallalarda 50 mingdan ortiq mikroloyihalarni moliyalashtiradi
Bugun, 29-dekabr kuni Mikrokreditbank tomonidan aholining bandligini ta’minlash yo‘nalishida 2025-yilda amalga oshirilgan ishlarga yakuniy nazar hamda 2026-yil uchun belgilangan ustuvor vazifalar yuzasidan matbuot anjumani hamda “Chig‘anoq” loyihasining taqdimoti o‘tkazildi.
Matbuot anjumanida bank Boshqaruv raisi o‘rinbosari S.Melibayev, mas’ul departament rahbarlari, OAV vakillari, jurnalist va blogerlar ishtirok etishdi.
Qayd etilishicha, Mikrokreditbank yurtimizda kichik biznes, xususiy va yakka tartibdagi tadbirkorlikni rivojlantirish, hunarmandchilik hamda kasanachilikni qo‘llab-quvvatlash yo‘li bilan yangi ish o‘rinlarini yaratish, ayniqsa, qishloq joylarda mikromoliyaviy xizmatlarni kengaytirish borasida o‘z faoliyatini olib bormoqda.
Xususan, 2025-yilda bankning 95 ta hududiy bo‘linmasiga biriktirilgan 1 062 ta mahallada faoliyat olib borish uchun 323 nafar Mahalla bankiriga ko‘malashish uchun, 1 062 nafar yordamchi agentlar shartnoma asosida ishlab kelmoqda.
Ajratilgan kreditlar bo‘yicha:
Bugungi kunga qadar 9,8 trln so‘m, shundan, kichik va o‘rta biznesga 7,6 trln so‘m va dasturlar doirasida 4 trln. so‘m kreditlar ajratildi. Shundan, PQ-312 sonli qaror doirasida 812,7 mlrd so‘m; “Biznesga birinchi qadam” 455,7 mlrd so‘m; Oilaviy tadbirkorlik dasturi 1,6 trln so‘m; “Mening mahallam” dasturi 1,1 trln so‘m.
Aholi bandligi ta’minlash borasida:
Joriy yilda 356 612 nafar aholi bandligi ta’minlandi. Shundan, 135 306 nafari doimiy ishga joylashtirildi va 221 306 nafari tadbirkorlikka jalb qilindi.
Bank tomonidan aholiga taklif etilayotgan mikroloyihalar bo‘yicha:
Joriy yilda 47 561 ta mikroloyihaga 899,3 mlrd. so‘m kredit ajratilishi natijasida 97 453 ta ish o‘rni yaratildi.
Shuningdek, kam daromadli 11 136 ta xonadonlarga 318 mlrd. so‘mlik loyiha paketlari yetkazilib, 16 704 nafar aholi bandligi ta’minlandi.
Bank mijozlari bilan o‘tkazilgan uchrashuvlar (Uychi tajribasi)
Joriy yilda bankning 44 014 nafar tadbirkorlari bilan 3 155 marotaba uchrashuvlarda ko‘tarilgan 13 351 ta murojaatlar hal qilinishi natijasida 15 156 ta ish o‘rni yaratildi.
“Bir kontur-bir mahsulot” tamoyilida namunali loyihalar
Aholiga (5 210 nafar) ijaraga berilgan 1 747 gektar yer maydonida “Bir kontur – bir mahsulot” tamoyili asosida 159 ta namunali loyihalarda 2,9 mlrd. so‘m imtiyozli kredit ajratilishi natijasida daromadbop va eksportbop mahsulotlar ekildi.
Natijada, 34 764 tonna mahsulot yetishtirildi, shundan 2 195 tonnasi eksport qilinib, umumiy hisobda 211,3 mlrd. so‘m daromad olindi.
“Kambag‘allikdan farovonlik sari” dasturi ijrosi
Bankning 181 ta hududiy bo‘linma rahbar va o‘rinbosarlari tomonidan 412 ta oilaning daromadi yaxshilanib, ijtimoiy reyestrdan chiqarildi. Bunda, 137 nafar aholi doimiy ishga joylashtirildi, 84 nafari tadbirkorlikka jalb etildli, 2 nafariga 229 mln. so‘m kredit ajratildi, 4 nafari kasb-hunarga o‘qitildi.
Shuningdek, matbuot anjumanida Mikrokreditbank 2026 yil uchun ham o‘zining oldiga ulkan maqsadlarni qo‘ygani haqida ma’lumot berib o‘tildi.
2026 yilda ham barcha manbalar hisobidan 11 trln. so‘mlik kreditlar ajratiladi. Masalan, kichik va o‘rta biznesga 7,3 trln. so‘m, shundan, dasturlar doirasida 4,3 tlrn. so‘m kredit ajratilib, 140 mingga yaqin loyiha amalga oshiriladi. Jumladan, mahallalarning ixtisoslashuvidan kelib chiqqan holda biriktirilgan 1 062 ta MFYdagi 50 mingdan ortiq mikroloyihalarga 2,7 trln. so‘m kredit mablag‘lari ajratiladi.
“Bir kontur-bir mahsulot” tamoyili asosida 159 ta konturdagi 5 207 ta dehqon xo‘jaliklariga ijaraga berilgan 1 747 gektar yer maydonida namunali loyihalar amalga oshiriladi.
Matbuot anjumani oxirida jurnalistlar o‘zlarini qiziqtirgan savollarga javob olish bilan birga bank tomonidan amalga oshirilayotgan ma’naviy loyihalar bilan ham tanishish imkoniga ega bo‘lishdi. Jumladan, bank tomonidan amalga oshirilayotgan “Chig‘anoq” innovatsion loyihasi alohida e’tirof etildi.
So‘nggi yillarda yurtimizda kitobxonlik madaniyatini rivojlantirish va bu yo‘nalishdagi tashabbuslarni qo‘llab-quvvatlashga alohida e’tibor qaratilmoqda. Ana shunday xayrli ishlar doirasida “Mikrokreditbank” ATB va “Ijod NAShR” nashriyoti hamkorligida “Chig‘anoq” loyihasi amalga oshirilmoqda.
Loyihaning ilk nashri – O‘zbekiston Yozuvchilar uyushmasi a’zosi, shoir va yozuvchi Faxriddin Hayitning “Osmon yerga yaqin” kitobi bo‘ldi. “Chig‘anoq”ning ikkinchi nashri ham o‘z kitobxonlarini uzoq kuttirmadi. Mansur Jumayevning “Hazrati ishq”, Fozil Farxodning “Avtoportet” kabi she’riy kitoblari ketma-ket nashrdan chiqa boshladi.
Bugun kitobning 5 ta soni bank moliyaviy ko‘magida nashrdan chiqqan bo‘lib, 4-kitob Nodirabegim Ibrohimovaning “Oysiz tunlar”, 5-kitob Bibi Robiya Saidovaning “Oqmaydigan tosh” kitoblaridir. 2026 yilda ham loyiha doirasida jami 10 nafar ijodkorning kitoblari nashrdan chiqarilishi rejalashtirilgan.
Yig‘ilishda Prezident Shavkat Mirziyoyev sanoat va xizmat ko‘rsatish sohalarida samaradorlikni oshirish masalasiga alohida to‘xtaldi.
Davlat rahbari ta’kidlashicha, dunyoda mahsulot raqobatdoshligini ta’minlash uchun ilg‘or boshqaruv usullari keng qo‘llanilmoqda. Jumladan, «Kayzen» va «Lean production» kabi yondashuvlar resurs tejamkorligi va mehnat unumdorligini oshirishga xizmat qilmoqda.
Ma’lum qilinishicha, mamlakatimizda 50 ga yaqin tadbirkor bu tajribani xorijda o‘rganib, o‘z korxonalarida joriy etishni boshlagan. Biroq bu ko‘lam hali yetarli emasligi qayd etildi.
Prezident ayrim sohalarda ilg‘or usullar ommalashmayotganini tanqid qildi. Xususan, to‘qimachilik, qurilish materiallari, elektrotexnika va mebel kabi drayver tarmoqlarda bu yo‘nalishda tashabbus yetishmayotgani ta’kidlandi.
«Lekin, bu kam. Tadbirkorga tushuntirib, «diagnostika» xarajatining bir qismi qoplab berilsa, unumdorlik dasturlarini yo‘lga qo‘yish uchun imtiyozli kredit ajratsa bo‘ladi-ku!», – dedi davlat rahbari.
Shu munosabat bilan Iqtisodiyot va moliya vazirligiga aniq topshiriq berildi. Unga ko‘ra, joriy yilda 100 ta korxonada samaradorlikni oshirish bo‘yicha ilg‘or dasturlar joriy etiladi.
Mazkur tashabbusni moliyalashtirish uchun 30 million dollar miqdorida grant mablag‘larini jalb qilish rejalashtirilgan.
Markaziy bank 2026-yil 27-apreldan valyutalarning yangi kursini belgiladi.
AQSh dollari 4,52 so‘mga oshib, 12 020,48 so‘m etib belgilandi.
Yevro kursi 3,13 so‘mga tushdi va 14 048,33 so‘m bo‘ldi. Funt-sterling 16 207,21 so‘m bo‘ldi (-15,54).
Rossiya rubli 158,77 so‘m etib belgilandi (-1,53).
Iqtisodiyot
Ilk bor 2,4 mlrd dollarlik davlat aktivlarining 30 foizi xalqaro bozorga chiqadi – Prezident
Bugun, 24-aprel kuni Prezident Shavkat Mirziyoyev raisligida o‘tkazilgan videoselektor yig‘ilishida iqtisodiy ko‘rsatkichlar va yangi tashabbuslar muhokama qilinmoqda.
Davlat rahbariga ko‘ra, may oyida 2 milliard 400 million dollarlik davlat aktivlarining 30 foizi ilk bor xalqaro fond bozorlariga chiqariladi.
«Bu Milliy investitsiya jamg‘armasini tashkil qilib, 13 ta strategik korxona boshqaruvini nufuzli «Franklin Templeton» kompaniyasiga berganimiz uchun bo‘lyapti», – dedi Prezident.
Yig‘ilishda birinchi chorak natijalari ham ma’lum qilindi. YaIM 8,7 foizga, sanoat 8 foizga, xizmatlar 16,1 foizga o‘sgan. Eksport hajmi 5,8 milliard dollarga, xorijiy investitsiyalar 13,7 milliard dollarga yetgan. Inflyasiya esa yillik hisobda ilk bor 7,1 foizgacha pasaygan.
Shu bilan birga, budjet daromadlari 35 foizga o‘sib, 103 trillion so‘mni tashkil etgan. Mahalliy budjetlarda qo‘shimcha 2,2 trillion so‘m shakllangan bo‘lib, uning 1,4 trillioni tuman va shaharlar ixtiyorida qolgan.
Prezident so‘zlariga ko‘ra, mamlakat iqtisodiyoti xalqaro darajada ham ijobiy baholanmoqda. Xususan, Xalqaro valyuta jamg‘armasi hisobotida O‘zbekiston yuqori iqtisodiy faollik orqali barqaror o‘sishni saqlab qolayotgani qayd etilgan.
Shuningdek, mamlakat ilk bor «Iqtisodiy erkinlik indeksi»da «iqtisodiyoti mo‘tadil erkin» davlatlar qatoriga kirdi. Prezident ayrim sohalarda samaradorlik pastligini tanqid qilib, «ayrimlar hali ham uyg‘onmagan»ini ta’kidladi.
2026 yilning yanvar-mart oylarida O‘zbekistonga qariyb 3,8 mlrd dollar pul o‘tkazmalari amalga oshirildi. Bu 2024 yilning mos davriga nisbatan 1 mlrd 283 mln dollarga yoki 52,2 foizga, 2025 yilning mos davriga nisbatan esa 433 mln dollarga yoki 13 foizga ko‘p. O‘z navbatida xalqaro pul o‘tkazmalari orqali O‘zbekistondan 604 mln dollar chiqib ketgan bo‘lib, bu o‘tgan yilning birinchi choragiga nisbatan 39 mln dollarga kam.
Foto: Patrick T. Fallon / Bloomberg
2026 yilning yanvar-mart oylarida O‘zbekistonga pul o‘tkazmalari hajmi 3,79 mlrd dollarga yetdi. Bu haqda Markaziy bank xabar berdi.
Xususan, o‘tkazmalar miqdori joriy yilning dastlabki 3 oyida quyidagicha bo‘lgan:
yanvar: 1,23 mlrd dollar;
fevral: 1,23 mlrd dollar;
mart: 1,33 mlrd dollar.
Joriy yilning yanvar-mart oylarida O‘zbekistonga amalga oshirilgan pul o‘tkazmalari miqdori 2024 yilning mos davriga nisbatan 1 mlrd 283 mln dollarga yoki 52,2 foizga, 2025 yilning mos davriga nisbatan esa 433 mln dollarga yoki 13 foizga ko‘p.
O‘z navbatida xalqaro pul o‘tkazmalari orqali O‘zbekistondan 604 mln dollar chiqib ketgan bo‘lib, bu o‘tgan yilning birinchi choragiga nisbatan 39 mln dollarga kam.
«Xorijiy valutaga bo‘lgan taklifning ortishi asosan eksport tushumlari, banklar tomonidan jalb qilingan tashqi qarzlar va xalqaro pul o‘tkazmalari hissasiga to‘g‘ri keldi. Ayniqsa, aholi tomonidan valuta sotuvining yuqori sur’atlarda o‘sishi bozorda qo‘shimcha taklif bo‘lib xizmat qildi», deyiladi Markaziy bank sharhida.
2017-2025 yillar oralig‘ida O‘zbekistonga amalga oshirilgan pul o‘tkazmalari dinamikasining o‘zgarishi:
2020-2025 yillar oralig‘ida mamlakatga yuborilgan o‘tkazmalar miqdori 3 barobarga, ularning yalpi ichki mahsulotdagi ulushi esa 8,6 foizdan 12,8 foizgacha ko‘paydi.
O‘zbekistonning paxta sellyulozasi ishlab chiqaruvchi ikkita kompaniyasi: Farg‘ona kimyo zavodi va Jizzaxdagi Raw Materials Cellulose korxonasi Yevropa Ittifoqining Rossiyaga qarshi 20-sanksiyalar paketiga kiritildi.
Foto: REUTERS/Yves Herman
Bu ikki korxona Rossiya harbiy sanoati uchun paxta sellyulozasi yetkazib berganlikda gumon qilingan.
Sanksiya izohida keltirilishicha, Farg‘ona Kimyo Zavodi – Perm va Qozondagi porox zavodlarini, Raw Materials Cellulose esa Tambovdagi porox zavodini xomashyo bilan ta’minlagan.
Bu korxonalarga Yevropa Ittifoqi sub’yektlari tomonidan mablag‘ va iqtisodiy resurslar ajratish taqiqlangan. YeI yurisdiksiyasida aktivlari bo‘lgan taqdirda, ular muzlatiladi.
Ushbu ikki korxona, shuningdek, “Mercury Renaissance” MChJga o‘tgan yili Ukraina ham sanksiya qo‘llagan edi.
Farg‘ona kimyo zavodi – 2012 yilda tashkil etilgan. Ta’sischisi – Mercury Renaissance. Bu korxonaga 2023 yilda Rustam Rahimjonovich Mo‘minov (60%) va Gluxov Mixail Aleksandrovich (40%) egalik qilgan, keyinroq Gluxovning ulushi Shahriyor Saxiyorovich Tojiyevga, Mo‘minovning ulushi esa Olga Yurevna Shagiyevaga o‘tgan.
Shahriyor Tojiyev 2022 yilda tugatilgan Qwerty Up’da ulushdor bo‘lgan. Olga Shagiyeva esa Aloqainvest, Breegs, Atrium Tashkent, Geo Profi Mombasa Finance, Aloqa Klimkontrol, Visata Group, Fortress Invest, Pod Klyuch, Professional Legion va boshqa firmalarda ham ulushlarga ega.
Raw Materials Cellulose – 2017 yilda Jizzax shahrida ro‘yxatga olingan. 2024 yil yanvar holatiga, korxona yagona ta’sischi Larisa Mixaylovna Utkina egaligida bo‘lgan. Keyinroq uning ulushi 76 foizgacha qisqarib, Larisa Rahimjonova Bikova 24 foizlik ulushdorga aylangan. Bugungi kunda ta’sischilar tarkibi quyidagicha: Larisa Rahimjonovna Bikova (25,1%), Bobur Lutfullayevich Qobulniyozov (24,97%), Azamjon Nurillayevich Valixonov (24,97%), Ma’murjon Mahmudjon o‘g‘li Alimov (24,96%).
Larisa Bikova – Aloqa Klimkontrol va Vinder Invest’da, Mahmudjon Alimov – Velcor va Voltria’da, Bobur Qobulniyozov – Business Standart, Complex Technical Centre Asia va Fiber Expo kompaniyalarida hissadorlar qatorida turadi.
Azamjon Valixonov esa Chirchiq transformator zavodi, “O‘zbekkimyomash” zavodi, Quytosh koni, Universal Rent Tashkent, Maxwell Service, Glory Project, Fiber Expo va boshqa korxonalarda ulushdor sifatida ko‘rsatilgan.
Samarqandda vasiy ayol qizaloqlarga zo‘ravonlik qildi
Superliga. «Paxtakor» va «Neftchi» ta’qibchilardan ilgariladi
Bolgariyadagi parlament saylovlarida sobiq prezident koalitsiyasi g‘alaba qozondi
-
Siyosat4 days agoSaida Mirziyoyeva xalqaro forumda Prezident murojaatini o‘qib eshittirdi
-
Siyosat5 days agoGiyohvand moddalar savdosini moliyaviy tomirlarni kesish orqali to’xtatish mumkin.
-
Siyosat5 days agoSamarqandda narkotiklarning transmilliy tahdidlariga qarshi kurash bo‘yicha xalqaro forum bo‘lib o‘tmoqda
-
Siyosat4 days agoHukumat mehnat muhojirlariga til oʻrgatish va malaka olish xarajatlari uchun kompensatsiya toʻlashi kerak
-
Siyosat3 days agoPrezident Mirziyoyev mintaqaviy sammitda yashil savdo yoʻlaklari va yagona iqlim investitsiya strategiyasini taklif qildi
-
Siyosat3 days agoPrezident Shavkat Mirziyoyev JSST bosh direktorini qabul qildi
-
Dunyodan5 days ago
Prezident Tramp Eron rahbariyati bilan uchrashishga tayyorligini ma’lum qildi
-
Iqtisodiyot2 days ago
Markaziy bank: 24-aprelda dollar pasayadi