Siyosat
Mirziyoyev O‘zbekistonning YeOII bilan ko‘ptomonlama hamkorligi qanday rivojlanayotgani haqida to‘xtaldi
Prezident Shavkat Mirziyoyev bugun, 27-iyun kuni Minsk shahrida bo‘lib o‘tgan Yevroosiyo iqtisodiy kengashining yig‘ilishida ishtirok etib, nutq so‘zladi.
O‘zbekiston yetakchisi nutq avvalida samimiy qabul Belarus prezidenti Aleksandr Lukashenkoga minnatdorlik bildirdi.
Shuningdek, jahon iqtisodiyotida vujudga kelayotgan murakkab vaziyatga baho berib, proteksionizm va sanksiyalar siyosatining kuchayishi, savdo-logistika zanjirlarining buzilishi va xorijiy sheriklarning investitsiyaviy faolligi qisqarib borishi oqibatlarining salbiy ta’siri O‘zbekistonda ham his qilinayotganini ta’kidladi.
«Bizning tabiiy va an’anaviy sheriklarimiz bo‘lgan Yevroosiyo iqtisodiy ittifoqi mamlakatlari bilan o‘zaro manfaatli hamkorlikni yanada kengaytirish va chuqurlashtirish tashqi iqtisodiy siyosatimizning ustuvor yo‘nalishlaridan biri ekanini ta’kidlab o‘tmoqchiman.
Fursatdan foydalanib, joriy yil boshidan buyon O‘zbekistonda bo‘lib o‘tgan «Innoprom. Markaziy Osiyo» xalqaro sanoat ko‘rgazmasi va to‘rtinchi Toshkent investitsiya forumini qo‘llab-quvvatlagani va ularning ishida delegatsiyalaringiz faol ishtirok etgani uchun barcha hamkasblarimga minnatdorlik izhor etaman.
Ushbu tadbirlar yakunida muhim kelishuvlarga erishildi, kooperatsiya bo‘yicha yangi yo‘nalishlar va istiqbolli loyihalar belgilandi. Biz mamlakatlarimizning yanada ko‘proq yetakchi kompaniyalari va moliyaviy guruhlarini jalb etgan holda, ushbu hamkorlik maydonchalarini kengaytirishni rejalashtirmoqdamiz», – dedi Mirziyoyev.
O‘zbekiston yetakchisi yig‘ilganlarga mamlakatning Yevroosiyo iqtisodiy ittifoqi bilan ko‘ptomonlama hamkorligi qanday rivojlanayotgani haqida ham qisqacha ma’lumot berib o‘tdi.
«Kuzatuvchi davlat maqomidagi to‘rt yillik hamkorlik davrida O‘zbekistonning Yevroosiyo iqtisodiy ittifoqi mamlakatlari bilan tashqi savdo aylanmasi 80 foizga o‘sdi va o‘tgan yil yakuni bo‘yicha 18 milliard dollarni tashkil etdi. Shuni mamnuniyat bilan ta’kidlamoqchimanki, savdo operatsiyalari nomenklaturasi, avvalambor, sanoat mahsulotlarini yetkazib berish hisobidan kengaymoqda. Qo‘shma korxonalar va loyihalar soni uch barobar o‘sdi.
Joriy yilning mart oyida Qo‘shma ishchi guruhining to‘rtinchi majlisi muvaffaqiyatli o‘tkazilib, uning yakunida texnik to‘siqlarni bosqichma-bosqich bartaraf etish, sanoat kooperatsiyasini chuqurlashtirish va ishbilarmonlik tashabbuslarini rag‘batlantirish bo‘yicha kelishilgan chora-tadbirlar ishlab chiqildi.
Biz 40 ta aniq chora-tadbirni qamrab olgan, uch yilga mo‘ljallangan yangi rejani amalga oshirishga kirishdik.
O‘zbekiston, shuningdek, Yevroosiyo iqtisodiy ittifoqining muhim tashabbuslarida, jumladan, «Yevroosiyo agro ekspress», elektron savdoni rivojlantirish, yuklarni tashishni raqamlashtirish va iqlim masalalari kabi loyiha va dasturlarda faol ishtirok etmoqda.
Aprel oyida barcha tartib-taomillarni yakuniga yetkazdik va Yevroosiyo taraqqiyot bankini ta’sis etish haqidagi bitimga qo‘shildik. Bank bilan hamkorlikda infratuzilmani modernizatsiya qilish, metallurgiya, to‘qimachilik, kimyo sohalari va boshqa strategik tarmoqlarda istiqbolli loyihalar portfeli ishlab chiqilmoqda», – dedi Shavkat Mirziyoyev.
Shuningdek, YeOII bilan sheriklikni yanada rivojlantirishning muhim yo‘nalishlari ko‘rsatib o‘tildi.
Unga kщra, o‘zaro savdo aylanmasini kengaytirish uchun qulay sharoitlarni shakllantirish muhim ahamiyat kasb etadi.
O‘zbekiston mamlakatlar o‘rtasidagi erkin savdo hududi faoliyatini ta’minlash bilan bog‘liq barcha kelishuvlarni to‘liq hajmda bajarmoqda.
Savdo operatsiyalari tartib-taomillarini soddalashtirish va texnik tartibga solish tizimlarini yaqinlashtirishga qaratilgan O‘zbekiston tomonining qator takliflari ekspertlar tomonidan o‘rganib chiqilishini tezlashtirish zarur.
«Biz, shuningdek, savdoni qo‘llab-quvvatlashda texnik tartibga solishning raqamli tizimlari va Ittifoqning raqamli transport yo‘laklari ekotizimi, Yevroosiyo qayta sug‘urtalash kompaniyasi kabi vosita va mexanizmlarga qo‘shilishdan manfaatdormiz. Bu bizning biznesimiz uchun sharoitni sezilarli darajada yengillashtiradi, mamlakatlarimizning tovar bozorlariga o‘zaro kirishida qulay imkoniyatlarni ta’minlaydi.
Zamonaviy axborot texnologiyalari va sun’iy intellekt jadal rivojlanib borayotganini hisobga olib, raqamlashtirish sohasida ko‘ptomonlama hamkorlik qilish istiqbolga ega, deb hisoblaymiz.
Elektron savdo, mahsulotlarning raqamli markirovkasi, yangi avlod logistika platformalarini yaratish, aniq tarmoqlarda sun’iy intellekt texnologiyalarini joriy etish bo‘yicha yo‘nalishlarni qamrab olgan alohida dastur qabul qilishni taklif etamiz.
Shuningdek, O‘zbekiston o‘tkazish punktlarining yagona integrallashgan axborot tizimida ishtirok etish imkoniga ega ekanini ham ta’kidlamoqchiman. Bu, eng avvalo, chegaralardan o‘tishni tezlashtirish, monitoring samaradorligi va barcha jarayonlar shaffofligini ta’minlash imkonini beradi.
Texnik jihatdan biz bunday loyihalarda faol ishtirok etishga tayyormiz.
Kooperatsiya aloqalarini rivojlantirishni rag‘batlantirish uchun kichik va o‘rta biznesni qo‘llab-quvvatlash bo‘yicha ishga tushirilgan dasturlar, jumladan, Yevroosiyo iqtisodiy ittifoqi Ishbilarmonlik kengashi bilan qo‘shma chora-tadbirlar doirasida amaliy hamkorlikni kengaytirishni taklif etamiz.
Sanoat sohasidagi loyihalarni moliyaviy qo‘llab-quvvatlash mexanizmi hamda sanoat kooperatsiyasi va texnologiyalar transferi bo‘yicha Yevroosiyo tarmog‘i platformasi imkoniyalaridan foydalanishdan manfaatdormiz.
Oziq-ovqat xavfsizligini ta’minlash sohasida qishloq xo‘jaligi mahsulotlari ishlab chiqaruvchilarning hamkorligi uchun imkoniyatlarni kengaytirishga qaratilgan chora-tadbirlarni ishlab chiqishda sa’y-harakatlarni birlashtirish muhimdir. Bu o‘rinda so‘z, avvalo, O‘zbekistonning Yevroosiyo iqtisodiy ittifoqi mamlakatlari bilan agrokooperatsiya dasturini qabul qilish haqidagi tashabbusimizni amalga oshirish haqida bormoqda. Ushbu dastur ilg‘or texnologiyalarni joriy etish, qishloq xo‘jaligi mahsulotlari harakatlanishi tartiblarini soddalashtirish, «yashil» yo‘laklarning samarali faoliyati va ularni kengaytirishni nazarda tutadi.
Yevroosiyo iqtisodiy ittifoqidagi hamkorlarimiz bilan birgalikda mehnat resurslari tartib-taomillarini soddalashtirish va safarbar etilishini oshirish bo‘yicha faol ish olib boryapmiz. Shu munosabat bilan mehnat bozorida talab katta bo‘lgan sohalarda professional standartlar va malaka talablarini yaqinlashtirish masalalari bo‘yicha ekspertlar maslahatlashuvlarini o‘tkazishni taklif etamiz.
Agar hamkasblarimiz qo‘llab-quvvatlashsa, biz Tashkilot doirasida joriy etilgan «Chegara bilmaydigan ish» integratsiyalashgan platformasiga ham qo‘shilamiz», – dedi O‘zbekiston yetakchisi.
Shavkat Mirziyoyev so‘zini yakunlar ekan, mamlakat Yevroosiyo iqtisodiy ittifoqi doirasida amaliy hamkorlikni kengaytirishga sodiq ekanligini yana bir bor tasdiqladi.
Shu bilan birga, O‘zbekistonning yuqorida ta’kidlab o‘tilgan ko‘ptomonlama dastur va loyihalarda ishtirok etishi iqtisodiy sheriklikni mustahkamlashga xizmat qilishini va bugungi sharoitda mamlakatlarning barqaror rivojlanishiga imkon berishini ta’kidlab o‘tdi.
3-mart kuni O‘zbekiston Respublikasi Prezidenti, Qurolli Kuchlar Oliy Bosh Qo‘mondoni Shavkat Mirziyoyev huzurida mamlakatimiz mudofaa qobiliyatini mustahkamlash masalalari yuzasidan yig‘ilish o‘tkazildi.
Yurtimiz mudofaa salohiyatini yanada mustahkamlash, harbiy xavfsizligini ta’minlash masalalari, shuningdek, joriy yil 13-yanvar kuni Xavfsizlik kengashining kengaytirilgan yig‘ilishida belgilangan ustuvor vazifalar ijrosining borishi ko‘rib chiqildi.
Dunyoda keskinlik va mojarolar o‘choqlari saqlanib qolayotgani, geosiyosiy raqobat kuchayib, yangi xatar va tahdidlar xavfi ortib borayotgani ta’kidlandi. Ayrim mintaqalardagi harbiy harakatlar jiddiy gumanitar va iqtisodiy oqibatlarga olib kelayotgan notinch xalqaro vaziyat sharoitida mamlakatimiz mudofaa qobiliyatini mustahkamlash hamda xavfsizligini ta’minlash alohida ahamiyat kasb etmoqda.
Mudofaa vaziri qo‘shinlarning jangovar shayligini oshirish, qism va bo‘linmalarni tezkor tayyorlash, ularni zamonaviy qurol-yarog‘ va texnikalar bilan ta’minlash, harbiy-ma’muriy sektorlar infratuzilmasini rivojlantirish bo‘yicha amalga oshirilayotgan ishlar to‘g‘risida axborot berdi.
Rivojlangan davlatlarning ilg‘or tajribasi va jangovar harakatlar tajribasini o‘rganish, harbiy boshqaruv va tayyorgarlik tizimiga zamonaviy yondashuvlarni joriy etishga alohida e’tibor qaratildi. Xususan, qo‘shinlar samaradorligini oshirish uchun yangi texnologiyalar, jumladan, uchuvchisiz tizimlar va raqamli boshqaruv yechimlarini keng qo‘llash zarurligi qayd etildi.
Shuningdek, harbiy-ma’muriy sektorlar, poligonlar, ta’lim muassasalari va moddiy-texnik ta’minot ob’yektlari infratuzilmasini zamon talablari asosida modernizatsiya qilish hamda rivojlantirish bo‘yicha aniq vazifalar belgilandi.
Harbiy kadrlar tayyorlash tizimini takomillashtirishni izchil davom ettirish, ilmiy tadqiqot ishlarini kuchaytirish, zamonaviy qurol-yarog‘ va texnologiyalarni o‘zlashtirishga qaratilgan dasturlarni kengaytirish bo‘yicha topshiriqlar berildi.
Yig‘ilish yakunida davlatimiz rahbari Qurolli Kuchlarni yanada rivojlantirish va mamlakatimiz mudofaa qobiliyatini mustahkamlash bo‘yicha tegishli vazifalarni belgilab berdi.
O‘zbekiston tashqi ishlar vaziri Baxtiyor Saidov Eron TIV rahbari Sayyid Abbos Arakchi bilan telefon orqali muloqot qildi.
Baxtiyor Saidov so‘nggi voqealar oqibatida tinch aholi orasida qurbonlar bo‘lgani munosabati bilan ta’ziya izhor etib, jabrlangan oilalarga hamdardligini bildirdi.
Xabarga ko‘ra, tomonlar mintaqadagi vaziyatni muhokama qilgan va har qanday keyingi keskinlashuv jiddiy gumanitar va xavfsizlik oqibatlariga olib kelishi mumkinligi qayd etilgan.
«Barcha kelishmovchilik va nizolar faqat tinch yo‘l bilan — muloqot va diplomatiya orqali hal etilishi lozimligi haqidagi qat’iy va izchil pozitsiyamizni yana bir bor tasdiqladik», — deb yozdi O‘zbekiston TIV rahbari.
Siyosat
Prezident Mirziyoyev raisligida O‘zbekiston mudofaa qobiliyatini mustahkamlash masalalariga bag‘ishlangan anjuman o‘tkazilmoqda
Prezident Shavkat Mirziyoyev raisligida 3-mart kuni Qurolli Kuchlar Oliy Bosh Qo‘mondoni raisligida Qurolli Kuchlarni rivojlantirish va modernizatsiya qilish masalalariga bag‘ishlangan oliy darajadagi yig‘ilish bo‘lib o‘tdi. Ushbu sessiya jangovar shaylikni oshirish va ilg‘or texnologiyalarni milliy xavfsizlik tizimiga integratsiyalash masalalariga qaratildi.
Prezident matbuot xizmati xabariga koʻra, yigʻilishda Xavfsizlik kengashining 13-yanvardagi qarori bilan belgilangan ustuvor yoʻnalishlar boʻyicha amalga oshirilgan ishlar muhokama qilindi.Muhokamada asosiy eʼtibor global beqarorlik sharoitida mamlakat mudofaa qobiliyatini mustahkamlash va milliy xavfsizlikni taʼminlashga qaratildi.
Uchrashuvda rasmiylar mintaqaviy harbiy mojarolar jiddiy gumanitar va iqtisodiy tanazzulga sabab boʻlayotgan xalqaro beqarorlik davrida milliy mudofaani mustahkamlash ustuvor vazifa boʻlib qolayotganini taʼkidladi.
Mudofaa vaziri bir qancha muhim yo‘nalishlar bo‘yicha keng qamrovli hisobot taqdim etdi, jumladan:
Har xil harbiy bo’linmalar bo’yicha jangovar tayyorgarlikning hozirgi holati. Bo’linmalar va bo’linmalarning tezkor tayyorgarligi. Harbiylarni zamonaviy qurol-yarog‘ va texnika bilan ta’minlash borasidagi yutuqlar. Harbiy ma’muriyat doirasida infratuzilmani rivojlantirish davom etmoqda.
Anjumanning asosiy mavzusi rivojlangan mamlakatlarning ilg’or yondashuvlarini qabul qilish zarurati bo’ldi. Prezident Mirziyoyev zamonaviy harbiy qo‘mondonlik tizimlari va o‘qitish metodologiyasini joriy etish muhimligini ta’kidladi.
Xususan, Prezident yangi texnologiyalarni keng tatbiq etish zarurligini ta’kidladi. Bu harbiy samaradorlik va tayyorgarlikni sezilarli darajada oshirish uchun uchuvchisiz uchish tizimlari (dronlar) va raqamli boshqaruv yechimlari integratsiyasini o’z ichiga oladi.
Davlatimiz rahbari harbiy infratuzilmani zamonaviy standartlarga moslashtirish bo‘yicha aniq maqsadlarni belgilab berdi. Bunga quyidagi yangilanishlar kiradi:
Harbiy ma’muriy bo’limlar va poligonlar. Mudofaaga ixtisoslashgan ta’lim muassasasi. Materiallar va texnologiya ta’minoti ob’ektlari.
Bundan tashqari, Prezident Mirziyoyev harbiy tayyorgarlik tizimini muntazam takomillashtirish bo‘yicha topshiriqlar berdi. U ilg’or qurollar va yangi texnologiyalarni olishga qaratilgan ilmiy tadqiqotlarni ko’paytirish va dasturlarni kengaytirishga chaqirdi.
Yig‘ilish yakunida Oliy Bosh qo‘mondon O‘zbekiston suverenitetini himoya qilish va xalqi xavfsizligini ta’minlash bo‘yicha harbiy sohani yanada rivojlantirish bo‘yicha yakuniy vazifalarni belgilab berdi.
Siyosat
SSS favqulodda xavfsizlik tekshiruvidan qochish uchun 30 ming dollar pora taklif qilgan tadbirkorni qo’lga oldi
Toshkentda yangi uy-joy qurilishida xavfsizlik qoidalarini chetlab o‘tish uchun Favqulodda vaziyatlar vazirligi (FVV) xodimlariga pora bermoqchi bo‘lgan tadbirkor qo‘lga olindi. Davlat xavfsizlik xizmati (DXX) xabariga ko‘ra, ushbu shaxs bir necha tuzilmaviy va xavfsizlik borasida bir qancha kamchiliklari bartaraf etilmagan 12 qavatli turar joy uyi uchun ruxsatnomani noqonuniy ravishda olishga uringan.
Foto: Milliy xavfsizlik agentligi
Toshkentda yangi uy-joy qurilishida xavfsizlik qoidalarini chetlab o‘tish uchun Favqulodda vaziyatlar vazirligi (FVV) xodimlariga pora bermoqchi bo‘lgan tadbirkor qo‘lga olindi. Davlat xavfsizlik xizmati (DXX) xabariga ko‘ra, ushbu shaxs bir necha tuzilmaviy va xavfsizlik borasida bir qancha kamchiliklari bartaraf etilmagan 12 qavatli turar joy uyi uchun ruxsatnomani noqonuniy ravishda olishga uringan.
Tergov maʼlumotlariga koʻra, mahalliy masʼuliyati cheklangan jamiyat (MChJ) rahbari Yakkasaroy tumanidagi koʻp qavatli uyni rasmiy egallashga yordam berishga uringan. Tadbirkor “Nazorat.MS.UZ” elektron portali orqali berilgan arizaning ijobiy natijasini taʼminlash maqsadida Toshkent shahar Favqulodda vaziyatlar boshqarmasi xodimiga 30 000 AQSh dollari miqdorida pora taklif qilgan.
Ishlab chiquvchi ruxsat so‘raganiga qaramay, 12 qavatli bino bir nechta majburiy standartlarga javob bermaydi. Tadbirkor ushbu texnik kamchiliklarni bartaraf etish o‘rniga, noqonuniy to‘lovlar orqali hokimiyat organlarining nazorat jarayoniga ta’sir o‘tkazishni ma’qul ko‘rdi.
Taklif haqidagi xabarlardan so‘ng huquq-tartibot idoralari nazorat operatsiyasini muvofiqlashtirdi. MChJ rahbari 30 000 AQSh dollarini favqulodda vaziyatlar xodimlariga topshirayotgan vaqtda jinoyat ustida ushlangan. Voqea joyida ashyoviy dalil sifatida naqd pul olindi.
Tadbirkorga nisbatan O‘zbekiston Jinoyat kodeksining 211-moddasi 3-qismi “a” bandi bilan ko‘p miqdorda pora olish yuzasidan jinoyat ishi qo‘zg‘atilgan. Sud jinoyatning og‘irligini va sifatsiz qurilish tufayli aholi xavfsizligiga xavf tug‘dirishini inobatga olib, ehtiyot chorasini qo‘lladi.
Hozirda qurilish loyihasiga boshqa shaxslar yoki qonunbuzarliklarga aloqadorligini aniqlash yuzasidan tergov harakatlari olib borilmoqda.
Siyosat
Markaziy bankning yangi qoidalariga asoslanib, foydalanuvchilar barcha kartadan kartaga o’tkazmalarning maqsadini e’lon qilishlari kerak
O‘zbekistondagi ko‘plab banklar va to‘lov muassasalarida shaxsdan shaxsga (P2P) pul o‘tkazmalari bo‘yicha yangi talablar joriy etildi, bu esa foydalanuvchilardan tranzaksiya maqsadini ko‘rsatishni talab qiladi. Ushbu yangilanish Oʻzbekiston Markaziy bankining xizmat funksiyalarini kuchaytirish va moliyaviy operatsiyalarni toʻgʻri qayta ishlanishini taʼminlashga qaratilgan tavsiyalariga amal qiladi.
Yangi tizim foydalanuvchilarga tranzaksiya yakunlanishidan oldin 16 toifadan iborat oldindan belgilangan ro‘yxatdan o‘z o‘tkazish maqsadini tanlashni taklif qiladi.
Tanlash uchun zarur bo’lgan 16 toifa:
Tovarlar va tranzaktsiyalar uchun to’lovlar Umumiy ovqatlanish va oziq-ovqat xarajatlari Qarz to’lovlari Moliyaviy yordam Oila a’zolari yoki qarindoshlariga pul o’tkazmalari Sovg’alar Yetkazib berish xarajatlari Ijara to’lovlari Kommunal to’lovlar Sayohat xarajatlari Ta’lim xarajatlari Tibbiyot xarajatlari Xayriya sovg’alari (begonalar) Ko’ngilochar harajatlar Investitsion transferlar
Markaziy bank matbuot xizmati Kun.uz’ga ma’lum qilishicha, ushbu yangilanishlar texnik xususiyatga ega bo‘lib, xizmatlar ko‘rsatishni yaxshilashga qaratilgan. Rasmiylarning ta’kidlashicha, ushbu parametrlarning kiritilishi to’lovlar yoki tranzaktsiyalar hajmiga yangi cheklovlar qo’ymaydi va pul o’tkazishning asosiy tartibi o’zgarishsiz qoladi.
“Foydalanuvchi tomonidan kiritilgan ma’lumotlar mobil ilovaning standart operatsion doirasida qayta ishlanadi va uchinchi shaxslarga berilmaydi”, — deyiladi markaziy bank xabarida.
Bundan tashqari, regulyator mobil ilova funksiyalarini yaxshilash bo‘yicha tavsiyalar bergan bo‘lsa-da, har bir bank va to‘lov tashkiloti o‘zining dasturiy ta’minot arxitekturasi va ichki jarayonlari asosida ushbu funksiyalarni qanday amalga oshirish bo‘yicha mustaqil bo‘lib qolishini aniq ta’kidladi.
Xavfsizlik va kelgusi qoidalar
Markaziy bank fuqarolarga pul o‘tkazmalarini tasdiqlashdan oldin oluvchi ma’lumotlarini sinchkovlik bilan tekshirishni, hech qachon tasdiqlash kodlarini uchinchi shaxslar bilan baham ko‘rmaslikni va moliyaviy qarorlarni ehtiyotkorlik bilan qabul qilishni maslahat berishda davom etmoqda.
Ushbu amalga oshirish ushbu sohadagi kengroq o’zgarishlardan oldin amalga oshiriladi, chunki P2P operatsiyalari bo’yicha yangi qoidalar 22 aprelda kuchga kirishi rejalashtirilgan. Hozirda talab qilinadigan tavsif funksiyasi faqat ba’zi mobil ilovalarga integratsiya qilingan, ammo kelajakda uni yanada ko’proq ilovalar bilan birlashtirishni kutamiz.
Ayollar va bolalarni tazyiq va zo‘ravonlikdan himoyalash yanada kuchaytiriladi
Ozarbayjon: Genotsid qurbonlari xotirasi abadiylashtiriladi
O‘zbekiston mudofaa qobiliyatini mustahkamlash masalalari muhokama qilindi
-
Dunyodan4 days ago
Prezident Tramp oʻzining eski “hiylasini” takrorladi
-
Siyosat5 days agoSaida Mirziyoyeva Toshkent transport tizimini modernizatsiya qilish boshlanganini maʼlum qildi
-
Jamiyat4 days ago10:10 “Hovlimizda doim bahor” – angrenlik qulupnaychi
-
Jamiyat4 days ago
55 metrli shokoladli poyezd Ginnesning rekordlar kitobiga kiritildi
-
Jamiyat4 days ago1200 dollarga “prava” olib berishni va’da qilgan shaxs ushlandi
-
Siyosat5 days ago2025-yilda O‘zbekistonga Hindiston sarmoyasi 135 foizga oshadi – Elchi
-
Iqtisodiyot2 days agoYanvarda tashqi savdo aylanmasi 1,3 mlrd dollarga oshdi
-
Siyosat5 days agoToshkentdan Termizga yangi tezyurar poyezd qatnaydi