Jamiyat
Mirzaobodning sobiq hokimi jinoiy javobgarlikka tortilgan
Joriy yilning 17-oktyabrida JIB Xovos tumani sudida 2020-2023 yillarda Sirdaryo viloyati Mirzaobod tumanida hokim vazifasida ishlagan Jonibek Yariyevning jinoiy ishi kassatsiya tartibida ko‘rib chiqildi.
Sud tergovida ma’lum qilinishicha, J.Yariyev muqaddam jinoyat ishlari bo‘yicha Oqoltin tuman sudining 2024-yil 16-avgustdagi hukmiga ko‘ra, JKning 167-moddasi 3-qismi «a» bandi va 209-moddasi 2-qismi «a» bandi bilan 1 yil 6 oy mansabdorlik va moddiy javobgarlik lavozimlarida ishlash huquqidan mahrum qilinib, ish haqining yigirma foizini davlat daromadi hisobiga ushlab qolgan holda 2 yil 6 oy axloq tuzatish ishlari jazosi tayinlangan.
Jinoyat ishlari bo‘yicha Xovos tuman sudining 2025 yil 28 iyul kungi hukmiga ko‘ra esa J.Yariyevga JK 205-moddasi 2-qismi «a» bandi hamda 209-moddasi 2-qismi «a» bandi bilan uzil-kesil 2 yil davlat ishtirokidagi korxona, tashkilot, muassasalarda mansabdorlik va moddiy javobgarlik lavozimlarini egallash huquqidan mahrum qilish, ish haqining 20 foizini davlat daromadi hisobiga ushlab qolgan holda 2 yil 6 oy axloq tuzatish ishlari jazosi va BHMning 105 baravari miqdorida 28 mln 350 ming so‘m jarima jazosi tayinlangan.
Sudning hukmiga ko‘ra, sudlanuvchi tuman hokimi lavozimida ishlab kelib, mansab vakolatini suiiste’mol qilgan holda Prezidentning 2020 yil 1 maydagi «Sirdaryo viloyatida joylashgan «Sardoba suv ombori» to‘g‘onida yuzaga kelgan favqulodda hodisa oqibatlarini bartaraf etish bo‘yicha kechiktirib bo‘lmaydigan chora-tadbirlar to‘g‘risida»gi F-5569-sonli Farmoyishi hamda Hukumating 2020 yil 19 maydagi «Sirdaryo viloyatidagi Sardoba, Oqoltin va Mirzaobod tumanlarida aholi uy-joylarini qurish va ta’mirlash, ijtimoiy, ishlab chiqarish infratuzilmalari bilan ta’minlash chora-tadbirlari to‘g‘risida»gi 294-sonli qarori talablariga zid ravishda «Sardoba suv ombori» to‘g‘onidan suv toshishi natijasida jabr ko‘rgan oilalar uchun 2020 yil davomida qurilgan ko‘p qavatli uy-joylarni topshirishda qonunbuzarlikka yo‘l qo‘ygan va davlat va jamiyat manfaatlariga juda ko‘p miqdorda zarar yetkazgan.
Jumladan, suv toshqini ro‘y bergan vaqtda tumandagi «Navbahor» mahallasi Baxmal ko‘chasida yashagan Sh.Q.ga zarar ko‘rgan xonadoni uchun bolalar bog‘chasidan turar-joy ajratilgan bo‘lsa-da, unga asossiz ravishda, uy-joyga egalik qilish huquqini beruvchi davlat orderi va Xalq deputatlari Mirzaobod tuman Kengashining qarorisiz, Mirzaobod tumani hududidagi «Yangi O‘zbekiston» massivida hodisa oqibatida uy-joyi buzilgan yoki yashab bo‘lmaydigan holatga kelgan oilalar uchun 2020-2021 yillar davomida qurilgan qiymati 375,6 mln so‘mni tashkil qilgan xonadonlardan birini berib yuborgan.
Bundan tashqari, u jinoiy harakatlarini davom ettirib, Sardoba tumani «Yurtdosh» mahallasida yashagan N.A.ga, Mirzaobod tumani «Navbahor» mahallasida yashagan G.I.ga va Mirzaobod tumani «Haqiqat» mahallasida yashagan H.X.larga ham yuqoridagi kabi yangi qurilgan uylardan ajratib bergan.
Shu bilan birga, u xalq deputatlari Kengashining rahbari sifatida uy-joy taqsimlashda buzilgan yoki yashab bo‘lmaydigan holatga kelib qolgan uy-joyda ikki va undan ortiq oila yashaganligidan qat’iy nazar, har bir uy-joy kadastriga muvofiq bitta uy-joy berilishini nazarda tutuvchi tartibni qasddan buzib, ayrim oilalarga ikki-uchtadan yangi qurilgan uylardan ajratib bergan.
Qisqa qilib aytganda, sud hukmiga ko‘ra, J.Yariyev suv omboridagi texnogen ofat natijasida moddiy zarar ko‘rgan fuqarolarga ajratilgan uy-joylardan xalq deputatlari Mirzaobod tumani kengashi qarorlari asosida 13 nafar fuqaroga hamda Sardoba tumanidan 1 nafar fuqaroga asossiz berigan.
J.Yariyev va uning advokati kassatsiya shikoyatida, birinchi instansiya sudi tomonidan guvohlarning ko‘rsatuvlari inobatga olinmaganligi, uy-joylarni hodisa oqibatlarini bartaf etish bo‘yicha tuzilgan Respublika Ishchi guruhi va Majlis bayonlari hamda tuman halq deputatlari kengashlarining qarorlari asosida ajratish haqidagi orderlarga imzo qo‘yganligi, biroq birinchi instansiya sudi tomonidan ushbu holatlarga e’tibor qaratmaganligi haqida vajlarni keltirgan.
Kassatsiya tartibidagi sud sudlanuvchini 2020-2021 yillar davomida qurilgan har bir xonadoning qiymati 375,6 mln. so‘mdan bo‘lgan bir necha uylarni tarqatganlikdagi jinoiy harakatlarini to‘g‘ri kvalifikatsiya qilingan deb hisobladi.
Yuqorida bayon etilganlarga ko‘ra, kassatsiya instansiyasi sudlov hay’ati, keltirilgan shikoyatni qanoatlantirmasdan qoldirishni va sud hukmi o‘zgarishsiz qoldirishni lozim deb topgan.
Eslatib o‘tamiz, 2020-yilning 20-noyabrida xalq deputatlari Mirzaobod tumani kengashining navbatdan tashqari sessiyasi bo‘lib o‘tgan va unda Jonibek Yariyev tuman hokimi lavozimini egallagandi.
2023-yilning 31-oktyabridan esa tumanni Sarvar Sultonov boshqargan.
Prezidentning «Ish haqi, pensiyalar, stipendiyalar va nafaqalar miqdorini oshirish to‘g‘risida»gi farmoni qabul qilindi.
Hujjatga muvofiq, 2026-yil 1-iyuldan pensiyalar, nafaqalar hamda Ijtimoiy reyestrga kiritilgan oilalarga to‘lanadigan bolalar nafaqasi va moddiy yordam miqdori 7 foizga oshiriladi.
Shunga ko‘ra, yoshga doir eng kam pensiya oyiga 983 ming so‘m, nogironlik pensiyasining eng kam miqdori esa 1 million 83 ming so‘m etib belgilandi.
Ijtimoiy reyestrga kiritilgan oilalar uchun 3 yoshgacha bo‘lgan bir nafar farzandga har oylik nafaqa 386 ming so‘m, 3 yoshdan 18 yoshgacha bo‘lgan bir nafar farzand uchun 295 ming so‘mni tashkil etadi. Ikkinchi farzand uchun qo‘shimcha 177 ming so‘m, uchinchi va undan keyingi har bir farzand uchun esa qo‘shimcha 118 ming so‘m to‘lanadi.
Shuningdek, mazkur toifadagi oilalar uchun moddiy yordam miqdori oyiga 450 ming so‘m etib belgilandi.
Farmonga muvofiq, 2026-yil 1-sentyabrdan budjet tashkilotlari xodimlarining ish haqi hamda talabalar stipendiyalari ham 7 foizga oshiriladi.
Shu sanadan boshlab mehnatga haq to‘lashning eng kam miqdori oyiga 1 million 360 ming so‘m, bazaviy hisoblash miqdori esa 440 ming so‘m etib belgilanadi.
Bundan tashqari, 2026-yil 1-iyuldan pensiyani hisoblashning bazaviy miqdori oyiga 504 ming so‘mni tashkil etadi.
Turli mamlakatlar olimlari inson organizmini vaqtidan oldin qaritadigan asosiy sabablarni aniqlashdi.
Kambag‘allik, past daromad va sifatli ta’lim olish imkoniyatining yo‘qligi inson tanasidagi biologik qarishni tezlashtirishi isbotlandi. Eng yomoni, bu salbiy jarayon ko‘pincha bolalikdanoq boshlanadi.
Xulosa chiqarish uchun mutaxassislar dunyoning 23 ta davlatidan 66 mingdan ortiq odam ishtirok etgan 140 ta ilmiy tadqiqot natijalarini o‘rganib chiqishdi. Unda chaqaloqlardan to 86 yoshgacha bo‘lgan odamlar ishtirok etdi. Olimlar odamlarning qarish tezligini maxsus «epigenetik soatlar» (organizmning ichki holatini ko‘rsatuvchi tizim) yordamida tekshirishdi. Bu haqda «Nature Human Behavior» nashri ma’lum qildi.
Tadqiqot natijalariga ko‘ra agar biologik qarish sekinlashsa inson o‘z yoshiga nisbatan tetik, yosh va sog‘lom bo‘lib yuradi. Uning tashqi ko‘rinishi ham, ichki sog‘lig‘i ham xuddi pasportdagi yoshidek (yoki undan ham yoshroq) saqlanib qoladi.
Agar qarish jarayoni tezlashayotgan bo‘lsa odatda keksalikka xos bo‘lgan kasalliklar insonda vaqtidan ancha oldin paydo bo‘ladi.
Ma’lumotlarga ko‘ra, ta’minoti past va kambag‘al oilalarda o‘sayotgan bolalarning ichki organizmi (biologik yoshi) o‘ziga to‘q oilalardagi tengdoshlariga qaraganda ancha katta, ya’ni ertaroq qariyotgani ma’lum bo‘ldi. Xuddi shunday holat katta yoshli insonlar orasida ham kuzatilmoqda.
U Yaponiyaga qisqa muddatli viza bilan kirib, viza muddati tugaganidan keyin ham mamlakatda noqonuniy qolib ketganligi sababli hibsga olingan.
Yaponiya immigratsiya xizmati agentligi mamlakatda noqonuniy yashab kelgan O‘zbekiston fuqarosini deportatsiya qildi.
Deportatsiya qilingan shaxs Yaponiyaga qisqa muddatli viza bilan kirib, viza muddati tugaganidan keyin ham mamlakatda noqonuniy qolib ketganligi sababli rasmiylar tomonidan hibsga olingan.
Yaponiyaning O‘zbekistondagi elchixonasi ma’lum qilishicha, agar mamlakatda noqonuniy yashash yoki noqonuniy ishlash holatlari aniqlansa, politsiya tomonidan hibsga olish va ushlab turish, immigratsiya muassasalarida qamoqqa olish yoki deportatsiya qilish kabi choralar ko‘riladi.
Shuningdek, bildirilishicha, Yaponiyada qochqin maqomini olish uchun ariza berilsa, “uzoq muddat qolish mumkin” yoki “ishlash mumkin” degan noto‘g‘ri ma’lumot tarqalgan bo‘lib, shu kabi maqsadlar bilan qochqin maqomini olish uchun ariza berishga ruxsat etilmaydi.
Agar qochqin maqomi rad etilsa, immigratsiya muassasasiga joylashtirish yoki deportatsiya qilish kabi choralar qo‘llanilishi mumkin. Bundan tashqari, soxta ma’lumot berish yoki noqonuniy usullar bilan qochqin maqomini olish uchun murojaat qilish jiddiy huquqiy choralarni keltirib chiqarishi mumkin.
Jamiyat
Namanganda 381 ming dollarga 50 sotix yerni rasmiylashtirib berishni va’da qilganlar ushlandi
Ikki fuqaro 5 000 AQSh dollarini, kadastrlar palatasi Pop tumani bo‘limi sobiq boshlig‘i 1 500 AQSh dollari va 6 mln so‘mni olgan vaqtida qo‘lga olingan.
Bosh prokuratura huzuridagi Departamentning Pop tumani bo‘limi va boshqa huquqni muhofaza qiluvchi organ xodimlari hamkorligida tezkor tadbir o‘tkazildi.
Tezkor tadbirda fuqarolar U.A. va M.B. kadastrlar palatasida ishlovchi tanishlari orqali 381 000 AQSh dollari evaziga fermer xo‘jaligi balansidagi 50 sotix yer maydonining hujjatlarini fuqaro A.S.ning nomiga noturar joy sifatida rasmiylashtirib berishlarini aytib, shundan 5 000 AQSh dollarini olgan vaqtida qo‘lga olindi.
Shundan so‘ng tadbir davom ettirilib, kadastrlar palatasi Pop tumani bo‘limi sobiq boshlig‘i S.A. 1 500 AQSh dollari va 6 mln so‘mni olgan vaqtda ashyoviy dalillar bilan ushlandi.
Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.
Viloyat FVB xabariga ko‘ra, yorilish natijasida yong‘in sodir bo‘lmagan, hech kim tan jarohati olmagan.
27 iyun kuni soat 19:00 larda Farg‘ona shahridagi AGTKSh hududida avtobus tom qismiga o‘rnatilgan gaz ballonlariga gaz to‘ldirish vaqtida gaz ballonlaridan birida yorilish paydo bo‘lgan.
Viloyat FVBning xabariga ko‘ra, yorilish natijasida yong‘in sodir bo‘lmagan, tan jarohati olganlar yo‘q.
Voqea joyiga viloyat FVB boshlig‘i va huquqni muhofaza qilish organlari hamda tegishli xizmat vakillari chiqqan.
Yorilish sababi vakolatli tashkilotlar bilan hamkorlikda aniqlanmoqda.
O‘zbekiston jahon chempionatini tark etdi
O‘zbekistonda pensiya, nafaqa, ish haqi va stipendiyalar oshiriladi
«Bu musobaqa men uchun ham katta tajriba bo‘di» – Kannavaro
-
Sport5 days ago🔴 LIVE: AQSh-Eron muzokaralari va Starmer iste’fosi
-
Sport2 days agoYaponiya futbolining buyuk sabog‘i: mag‘lubiyatdan to‘g‘ri xulosa chiqarish
-
Jamiyat3 days ago«Andijon polkasi» tadbiriga ketayotgan o‘quvchilar YTHga uchradi
-
Dunyodan1 day agoQirgʻiziston va Oʻzbekiston chegarani delimitatsiya qilish doirasida hudud almashadilar
-
Jamiyat5 days agoBo‘stonliqda kanalga tushib ketgan ikkinchi bolaning jasadi ham topildi
-
Iqtisodiyot5 days ago1 iyuldan pensiya va nafaqalar, 1 sentabrdan oyliklar oshadi
-
Jamiyat2 days agoVatanparvar jurnalistlarni o‘zimga do‘st va maslakdosh deb bilaman
-
Sport4 days agoEldor Shomurodov muxlislardan uzr so‘radi