Jamiyat
Militsiya bilan qo‘rqitish… tarbiyadagi xato
Tushlikka shirinlik pishirdim. Tepa qavatdagi qo‘shnimga ham ilindim. Ochiq chehra bilan qarshilagan kelinchak, salom-aliq qilib, «Ovora bo‘libsiz-da, opa, rahmat, uyga kiring», – deya qo‘limdan likopchani oldi. Kelinchak ichkariga kirib ketdi. Shunda uyning yo‘lak devoriga suyanib, qo‘rquv aralash ko‘zlarini katta-katta ochganicha, menga tikilib turgan ikki bolakayga ko‘zim tushdi. Ularning kattasi 4-5 yoshlarda chamamda, men tomonga ikki qadam tashladi-da: «Bizni urushgani, baqirgani kelmadingizmi? Militsiyaga berib yubormaysiz-a, u meni qamab qo‘ymaydi-ya, meni jazolamaydi-ya?», – deya savol berdi. Kutilmagan bu so‘roqqa qanday javob qilishimni bilmadim. Keyin: «Bolam, nega seni militsiyaga bervoraman. Ular bolalarni olib ketmaydi, balki yomonlardan asraydi, aybi yo‘qni jazolamaydi», – deb tursam, ortga qaytgan onasi: «Opa, bunga e’tibor bermang», – deya biroz xijolat tortgan bo‘ldi. Shunda «Bolalarni militsiya bilan qo‘rqitasizlarmi?» – deya so‘radim. «Yo‘g‘-a, opa, o‘sha kuni uyimizga ovsinimning bolalari mehmonga kelgandi. Hovlida katta bo‘lishgan, bizda domchilik, keyin bola bolaga qo‘shilsa to‘polon qiladi-da. Ularning to‘polonini eshitib, yon qo‘shnimiz chiqib: «To‘polon qilsalaring, militsiyaga bervoraman, jazolaydi», – deb bolalarni qo‘rqitgandi. Shundan beri kattam eshik tiq etsa, militsiya keldimikin, deb qotib qoladi», – dedi… (Ijtimoiy tarmoqdan oqqa ko‘chirildi.)
Bilasizmi, yuqoridagi holat bolaligimizda sho‘xligimiz haddan oshganda, kattalarning bizni «Huv, ana, militsiya, kelyapti», – deya tartibga chaqirib, qo‘rqitishni eslatib yubordi. O‘shanda «militsiya»dan rosa qo‘rqardik. Aslida ichki ishlar organlari xodimlari shunchalar qo‘rqinchli odammi? Yoshimiz ulg‘ayib, ularning ham xuddi o‘zimiz singari inson ekanligini, ular davlat xizmatchisi sifatida bizga faqat yaxshilik uchun xizmat qilishni tushunib yetdik. Biroq, afsuski, bolalarni «militsiya» bilan qo‘rqitish hamon «urf»da.
Bugun ijtimoiy tarmoqlarning ijobiy, salbiy tomonlari haqida ko‘p va xo‘p so‘z yuritiladi. Biroq ularda tarkatilayotgan yangiliklar, kundalik turmushdagi ayrim holatlar odamlarni mulohazaga, mushohadaga undayotgani ham rost. Kimlargadir ko‘zgu tutib, jamiyatimizdagi ayrim illatlarni yo‘qotishga xizmat qilayotganini ham tan olishimiz kerak. Yuqoridagi holat ham aslida shu ma’noda yozilgan. Chunki murg‘ak bolajonning sho‘xligi bir olam. Uni qanchalar to‘g‘ri jilovlash esa ota-onasining, yaqinlarining gardanida. Shunday ekan, bunga «militsiya»ning nima dahli bor. Xalqimizda «Bir bolaga yetti qo‘shni ota-ona» degan maqol bor. Ushbu maqol ham bolalarning to‘polonidan bezgan qo‘shnining «militsiyaga bervoraman», degan qo‘rqitishini yoqlamaydi.
Shu o‘rinda haqli savol tug‘iladi. Bolalarning sho‘xligini nimanidir, kimnidir sabab qilib bostirish, aniqroq qilib aytganda, qo‘rqitib tarbiyalash noto‘g‘ri hisoblanmaydimi? Undan ko‘ra bolaning ichki olami, qiziqishlariga ahamiyat qaratib, uni o‘zi yoqtirgan mashg‘ulotlarga, sport turlariga berish orqali ichki g‘ayratini to‘g‘ri yo‘naltirish, hayotga qarashlari shakllantirish ma’qul emasmi? Ularni nega darrov «militsiyaga berib yuboramiz», – deya to‘xtatish kerak?
Bolalar tabiatan qo‘rqoq va ishonuvchan bo‘ladi. Ichki ishlar organlari xodimlariga nisbatan noto‘g‘ri qarash bilan ulg‘aygan bolalar keyinchalik ularga qanday munosabatda bo‘lishini hech o‘ylab ko‘rganmisiz? Keyin ular bolalarning tasavvurida jazolovchi bo‘lib gavdalanmaydi, deya olasizmi? Zero, bolalikda olingan bilim, tarbiya bamisoli toshga o‘yilgan naqsh. Bu yosh avlodning huquq-tartibot, huquqiy me’yorlar, qonunlar borasidagi tushunchalarini yemirmaydimi? Mavzuning o‘ylantiradigan jihati shunda.
Bugun zamon o‘zgardi. Ta’lim-tarbiyaning o‘ziga xos yangi usullari o‘sib kelayotgan avlodning jahonning intellektul salohiyatli yoshlari qatoriga qo‘shilishiga xizmat qilmoqda. Shunday ekan, bolalarni «Militsiyaga bervoraman», deya qo‘rqitib tarbiya qilish «usuli» ham har jihatdan eskirdi. Bu tarbiyada noto‘g‘ri yechim. Siz bolalaringizning bo‘yidan baland sho‘xligini kulol loydan ko‘za yasaganidek mohirona sayqallangki, ularning fikrati toza bo‘lib ulg‘aysin. Ichki ishlar organlari xodimlarini jazolovchi emas, jamiyatda tinchlik-osoyishtalikni, qonun ustuvorligini ta’minlovchi davlat xizmatchisi sifatida tanisin. Shunda ularning orasidan shaxti-shijoati baland ichki ishlar organlari xodimlari ham yetishib chiqadi.
Gulnoza Turg‘unboyeva
U Yaponiyaga qisqa muddatli viza bilan kirib, viza muddati tugaganidan keyin ham mamlakatda noqonuniy qolib ketganligi sababli hibsga olingan.
Yaponiya immigratsiya xizmati agentligi mamlakatda noqonuniy yashab kelgan O‘zbekiston fuqarosini deportatsiya qildi.
Deportatsiya qilingan shaxs Yaponiyaga qisqa muddatli viza bilan kirib, viza muddati tugaganidan keyin ham mamlakatda noqonuniy qolib ketganligi sababli rasmiylar tomonidan hibsga olingan.
Yaponiyaning O‘zbekistondagi elchixonasi ma’lum qilishicha, agar mamlakatda noqonuniy yashash yoki noqonuniy ishlash holatlari aniqlansa, politsiya tomonidan hibsga olish va ushlab turish, immigratsiya muassasalarida qamoqqa olish yoki deportatsiya qilish kabi choralar ko‘riladi.
Shuningdek, bildirilishicha, Yaponiyada qochqin maqomini olish uchun ariza berilsa, “uzoq muddat qolish mumkin” yoki “ishlash mumkin” degan noto‘g‘ri ma’lumot tarqalgan bo‘lib, shu kabi maqsadlar bilan qochqin maqomini olish uchun ariza berishga ruxsat etilmaydi.
Agar qochqin maqomi rad etilsa, immigratsiya muassasasiga joylashtirish yoki deportatsiya qilish kabi choralar qo‘llanilishi mumkin. Bundan tashqari, soxta ma’lumot berish yoki noqonuniy usullar bilan qochqin maqomini olish uchun murojaat qilish jiddiy huquqiy choralarni keltirib chiqarishi mumkin.
Jamiyat
Namanganda 381 ming dollarga 50 sotix yerni rasmiylashtirib berishni va’da qilganlar ushlandi
Ikki fuqaro 5 000 AQSh dollarini, kadastrlar palatasi Pop tumani bo‘limi sobiq boshlig‘i 1 500 AQSh dollari va 6 mln so‘mni olgan vaqtida qo‘lga olingan.
Bosh prokuratura huzuridagi Departamentning Pop tumani bo‘limi va boshqa huquqni muhofaza qiluvchi organ xodimlari hamkorligida tezkor tadbir o‘tkazildi.
Tezkor tadbirda fuqarolar U.A. va M.B. kadastrlar palatasida ishlovchi tanishlari orqali 381 000 AQSh dollari evaziga fermer xo‘jaligi balansidagi 50 sotix yer maydonining hujjatlarini fuqaro A.S.ning nomiga noturar joy sifatida rasmiylashtirib berishlarini aytib, shundan 5 000 AQSh dollarini olgan vaqtida qo‘lga olindi.
Shundan so‘ng tadbir davom ettirilib, kadastrlar palatasi Pop tumani bo‘limi sobiq boshlig‘i S.A. 1 500 AQSh dollari va 6 mln so‘mni olgan vaqtda ashyoviy dalillar bilan ushlandi.
Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.
Viloyat FVB xabariga ko‘ra, yorilish natijasida yong‘in sodir bo‘lmagan, hech kim tan jarohati olmagan.
27 iyun kuni soat 19:00 larda Farg‘ona shahridagi AGTKSh hududida avtobus tom qismiga o‘rnatilgan gaz ballonlariga gaz to‘ldirish vaqtida gaz ballonlaridan birida yorilish paydo bo‘lgan.
Viloyat FVBning xabariga ko‘ra, yorilish natijasida yong‘in sodir bo‘lmagan, tan jarohati olganlar yo‘q.
Voqea joyiga viloyat FVB boshlig‘i va huquqni muhofaza qilish organlari hamda tegishli xizmat vakillari chiqqan.
Yorilish sababi vakolatli tashkilotlar bilan hamkorlikda aniqlanmoqda.
Jamiyat
“Hokimiyatdan kelgan topshiriqni deb, bolamga kuyib o‘tiribman” – o‘lim bilan tugagan “Andijon polkasi” tafsilotlari
23 iyun kuni “Andijon polkasi” Ginnesning rekordlar kitobiga kiritildi: viloyat markaziy stadionida 20 ming odam bir vaqtda raqsga tushdi.
Raqsga tushganlar orasida Asaka tumanidagi 14-maktabning 8-sinf o‘quvchisi, 15 yoshli Farrux Ne’matov ham bor edi.
U o‘sha kuni tadbirdan qaytishda o‘zi o‘qiydigan maktab direktori boshqaruvidagi Damas’da avtohalokatga uchrab, shifoxonada vafot etdi.
Tafsilotlar – Kun.uz muxbiri reportajida.
Surishtiruvdan ma’lum bo‘lishicha, “Andijon polkasi”ni Ginnes rekordlar kitobiga kirishi uchun stadionda katta tadbir uyushtirilgan va bunga maktab o‘quvchilari jalb qilingan. 23 iyun kuni boshqa maktablar qatori Asaka tumanidagi 14-maktabning o‘quvchilari ham tadbirda qatnashgan. O‘sha kuni YTH oqibatida vafot etgan 8-sinf o‘quvchisi Ne’matov Farrux ham maxsus avtobuslarda stadionga borgan. Tadbir tugagach u 5 nafar sinfdoshlari bilan maktab direktorining “Damas” avtomashinasiga o‘tirib uyga qaytayotgan bo‘lgan.
YTH sodir bo‘lgan chorraha
Maktab o‘quvchilari mingan mashina asosiy yo‘ldan kelib chapga qayrilmoqchi bo‘lgan paytda qarama qarshi tomondan kelayotgan “ZIL” yuk mashinasi “Damas”ning orqasiga kelib urilgan. Oqibatda “Damas” ag‘darilib ketgan.
“Sog‘lom o‘g‘limni o‘ldirib berishdi”…
“Bir kun avval o‘g‘limning sinf rahbari telefon qilib ertaga “Andijon polkasi” tadbiriga Farruxni jo‘nating iltimos deb qayta-qayta tayinladi. Xo‘p dedim. 15 yoshga kirib pul topadigan bo‘lib qolgandi o‘g‘lim. Chiroyli qilib kiyintirib maktabiga jo‘natdik. Chorsilarni beliga tugib xursand bo‘lib do‘sti bilan uydan chiqib ketdi.
marhum Farrux Ne’matov
Bir payt qo‘shnim yugurib kirdi. Durdonaxon, bolalarimiz “avariyaga” uchrabdi, qolgan bolalar yaxshi ekan, bitta sizning bolangizni boshi yorilibdi, tikishyapti ekan dedi. Viloyat shifoxonasiga qarab ketdik. Farruxbek besh-olti soatda chiqdi operatsiyadan. Amaliyot juda uzoq cho‘zildi.
O‘qituvchilarning o‘zi qon berdi o‘g‘limga. Ichki a’zolari majaqlanib ketgan ekan. O‘ziga kelmadi o‘sha kuni kechasi bilan ham. Ertasi kuni 24 iyunda joni uzildi-da bolamni. Farruxbek o‘g‘lim katta farzandim edi. Uydan soppa-sog‘ chiqib ketgan edi.
Aslida tadbirni tashkillagan tashkilotlar, hokimiyat o‘quvchilarni maxsus avtobusda olib borib, olib kelib qo‘yishlari kerak edi. O‘zboshimchalik bilan avtobusga chiqmay “Damas”ga chiqqan deb, endi aybni o‘g‘limga ag‘darib qo‘yishyapti. Aybdorlar qonun oldida javob bersin. Guldek o‘g‘limdan ayrildim”, deydi marhum Farrux Ne’matovning onasi Durdona Qosimova.
Durdona Qosimova, marhumning onasi
Avtobus ketib qolgach, direktorning “Damas”iga chiqishgan ekan…
“Jiyanim do‘stlari bilan tadbirga avtobusda borgan. Tadbirdan keyin bolalar ust-boshlarini almashtirib chiqqunicha, avtobus ketib qolgan ekan. Ko‘chada qolgan bolalar bizni olib ketinglar deb, domlasiga telefon qilgan. Shundan keyin maktab direktori o‘zining “Damas” mashinasida bolalarni olib ketayotgan bo‘lgan. Chorrahaga yetganlarida baxtsiz hodisa sodir bo‘lganda.
Jiyanim Muhammadrizo Qambarovning holati og‘ir edi, endi hozir “operatsiyadan” keyin ancha o‘ziga kelib qoldi. “Damas”da 2011 yilda tug‘ilgan 6 nafar sinfdosh do‘stlar bo‘lgan”, deydi YTH oqibatida shifoxonaga tushib qolgan Muhammadrizo Qambarovning tog‘asi Oybek Ibragimov.
Oybek Ibragimov
2 o‘quvchi shifoxonada, qolganiga ruxsat berdik…
“23 iyun kuni Andijon-Asaka avtomobil yo‘lida yo‘l-transport hodisasi sodir bo‘lgan. Respublika shoshilinch tibbiy yordam ilmiy markazi Andijon filialiga olti nafar jabrlangan o‘quvchi olib kelindi. Olti nafardan biri o‘ta og‘ir holatda kelgan. Ertasi kuni o‘sha og‘ir bemor vafot etgan. Qolgan besh nafar bemor turli jarohatlar bilan davolangan. Ulardan uch nafariga holati yaxshilanganidan keyin uyiga ruxsat berildi. Hozirda ikki nafari shifoxonada davolanyapti” – Respublika shoshilinch tibbiy yordam ilmiy markazi Andijon filiali direktori o‘rinbosari Abdumutalib Akbaraliyev.
Abdumutalib Akbaraliyev
Kun.uz muxbiri bo‘lib o‘tgan voqea bo‘yicha tegishli idoralardan izoh olmoqchi bo‘ldi. Ammo biror bir tashkilot xodimi holatga munosabat bildirishni istamadi.
Ayni paytda YTH yuzasidan Asaka tumani IIB tomonidan surishtiruv ishlari olib borilyapti.
Ma’lumot o‘rnida, 24 iyun kuni Andijon viloyati markazidagi stadionda «Andijon polkasi» raqsiga tushish orqali rekord o‘rnatildi.
Toshkent davlat o‘zbek tili va adabiyoti universiteti hamda Toshkent davlat iqtisodiyot universiteti eng yuqori – 101–200 o‘rinlar bandida qayd etildi.
Times Higher Education (THE) xalqaro reyting agentligi tomonidan “THE Sustainability Impact Ratings -2026” (avvalgi THE Impact Ratings) natijalari e’lon qilindi.
2026 yilgi reytingga O‘zbekistonning 50 ta oliy ta’lim tashkiloti kiritildi va ularning 24 tasi dunyoning top-1000 talik oliy ta’lim tashkilotlari qatoridan o‘rin oldi.
Ular orasidan Toshkent davlat o‘zbek tili va adabiyoti universiteti hamda Toshkent davlat iqtisodiyot universiteti eng yuqori — 101–200 o‘rinlar bandida qayd etildi.
O‘zbekiston Milliy universiteti va «TIQXMMI» Milliy tadqiqot universiteti – 201-300-o‘rinlar bandiga kiritilgan bo‘lsa, Buxoro davlat universiteti, Samarqand davlat tibbiyot universiteti hamda Termiz iqtisodiyot va servis universiteti 301-400-o‘rinlar bandidan joy oldi.
Foto: gov.uz
Shuningdek, top-1000 talikka Farg‘ona davlat texnika universiteti, O‘zbekiston Milliy pedagogika universiteti, Toshkent davlat texnika universiteti, Toshkent davlat yuridik universiteti, Toshkent axborot texnologiyalari universiteti, Termiz davlat universiteti, Toshkentdagi Vestminster xalqaro universiteti (401-600-o‘rinlar), International School of Finance Technology and Science, Navoiy davlat universiteti, Navoiy davlat konchilik va texnologiyalar universiteti, Samarqand davlat universiteti, Toshkent davlat tibbiyot universiteti, Toshkent davlat transport universiteti, Jahon iqtisodiyoti va diplomatiya universiteti (601-800-o‘rinlar), Farg‘ona davlat universiteti, Huquqni muhofaza qilish akademiyasi va Toshkent farmatsevtika instituti (801-1000-o‘rinlar) kiritildi.
2021 yilda THE Impact Ratings reytingida O‘zbekistonning 12 ta, 2022 yilda 30 ta, 2023 yilda 47 ta, 2024 yilda 53 ta, 2025 yilda 59 ta oliy ta’lim tashkiloti o‘rin egallagan edi.
iPhone 18 “Pro” funksiyalarini hamyonbop narxda taqdim etadi!
“Strategik jihatdan biz yutib bo‘ldik” – O‘zbekistonning AQShdagi elchisi
O‘zbekistonning 24 universiteti xalqaro reytingga kirdi
-
Sport5 days ago🔴 LIVE: AQSh-Eron muzokaralari va Starmer iste’fosi
-
Sport2 days agoYaponiya futbolining buyuk sabog‘i: mag‘lubiyatdan to‘g‘ri xulosa chiqarish
-
Jamiyat3 days ago«Andijon polkasi» tadbiriga ketayotgan o‘quvchilar YTHga uchradi
-
Jamiyat5 days agoBo‘stonliqda kanalga tushib ketgan ikkinchi bolaning jasadi ham topildi
-
Iqtisodiyot5 days ago1 iyuldan pensiya va nafaqalar, 1 sentabrdan oyliklar oshadi
-
Jamiyat1 day agoVatanparvar jurnalistlarni o‘zimga do‘st va maslakdosh deb bilaman
-
Sport4 days agoEldor Shomurodov muxlislardan uzr so‘radi
-
Siyosat5 days agoPrezident Mirziyoyev Qatar amiriga gaz zavodi portlashi munosabati bilan hamdardlik bildirdi