Sport
Messi golsiz boshladi, «PSJ» «Atletiko»ni ham yakson etdi, «Bavariya» 10 ta gol urdi
Amerika maydonlarida klublar o‘rtasidagi jahon chempionatining guruh o‘yinlari start oldi. Chempionlar ligasi g‘olibi klublar o‘rtasidagi jahon chempionatini yorqin g‘alaba bilan boshladi. Enrike mukammal jamoa qurganini isbotlamoqda.
Klublar o‘rtasidagi jahon chempionati.
1-tur. A guruhi
«Al Ahli» — «Inter Mayami» 0:0
Aniq ijro etilmagan penalti: Trezege 44
Ogohlantirishlar: Attiya 90+2 — Aviles 25, Redondo 31, Buskets 86, Suares 90+2.
Klublar o‘rtasidagi jahon chempionati start oldi. Ochilish o‘yinida turnirda MLSning amaldagi g‘olibi sifatida qatnashayotgan «Inter Mayami» va Afrika Chempionlar ligasi g‘olibi, Misrning «Al-Ahli» klublari uchrashdi.
Lekin mayamiliklar Messi, Suares va Buskets kabi yulduzlari bilan ham golsiz durang qayd etdi. Jamoa turnirni mag‘lubiyat bilan boshlashi ham mumkin edi, ammo birinchi bo‘lim oxirida «Al-Ahli»ning ko‘p yillik yetakchisi Trezege penaltidan foydalana olmadi, uning markazga yo‘llagan zarbasini darvozabon Ustari to‘sib qoldi.
Ikkinchi bo‘limda raqib futbolchilari toliqib qolganidan foydalanib «Inter Mayami» bosimni kuchaytirdi, 57-daqiqada Messi jamoasining o‘yindagi darvoza sohasiga to‘g‘ri borgan ilk zarbasi muallifi bo‘ldi. 65-daqiqada ham u jarimadan xavfli zarba yo‘lladi, to‘p darvoza ustuni yonidan o‘tib ketdi.
85-daqiqada Messi chap qanotdan qulay pozitsiyada turgan Fafaga to‘p oshirdi, hujumchi to‘pni gazonga cho‘pchitib zarba berdi, ammo misrliklar posboni al-Shenaviy to‘sin ostidan kirib ketayotgan to‘pga ulgurdi. Ushbu darvozabon 90+5-daqiqada ham qahramonlik ko‘rsatib, Messining aylantirib yo‘llagan zarbasini to‘qqizlikdan olib chiqdi. Messining sa’y-harakatlariga qaramay, o‘yin ikki darvozabonning qahramonliklari tufayli 0:0 hisobida yakunlandi.
Ikkinchi turda «Al-Ahli» «Palmeyras» bilan o‘ynaydi, «Inter Mayami»ni «Portu»ga qarshi murakkab uchrashuv kutmoqda. Birinchi turning ikkinchi o‘yinida ham Braziliya va Portugaliya jamoalari o‘zaro durang o‘ynagan va guruhda birinchi turdan keyin barcha jamoalar bir xil ko‘rsatkich qayd etib turibdi.
KJCh. 1-tur. B guruhi
Pamadena.«Rouz Boul» stadioni
«PSJ» – «Atletiko» 4:0
Gollar: Ruis (19), Vitinya (45+1), Mayulu (87), Li Kan In (90+6, penalti)
«PSJ» – Donnarumma, Hakimi, Markinos, Pacho, Mendesh (Ernandes, 79), Vitinya, Nevesh, Ruis (Li Kan In, 72), Due (Mbayye, 80), Kvaratsxeliya (Zair-Emeri, 72), Ramush (Mayulu, 66).
«Atletiko» – Oblak, Lorente, Le Norman, Langle, Galan (Mandava, 62), Simeone (Korrea, 62), de Paul (Gallaher, 62), Barrios (Syorlot, 70), Lino (Koke, 46), Alvares, Grizmann.
Ogohlantirishlar: Langle (20), Le Norman (25), Ruis (28), Simeone (29), Koke (48), Markinos (61), Korrea (63), Mandava (64).
Chetlatish: Langle (78).
«PSJ» g‘alaba qozonishda davom etmoqda. Ikki hafta oldin YeChL finalida «Inter»ni yirik hisobda (5:0) tor-mor etgan Luis Enrike shogirdlari klublar o‘rtasidagi jahon chempionatining 1-turida ham yorqin g‘alabaga erishdi. Parijliklar guruhdagi asosiy raqibi – «Atletiko»ni osonlik bilan mag‘lub etdi (guruhning qolgan a’zolari «Botafogo» va «Sietl Saunders» ham muammo tug‘dirishi qiyin).
Luis Enrike Chempionlar ligasi finalida o‘ynagan boshlang‘ich tarkibni takrorlamadi. Unda bunga imkon ham yo‘q edi, Dembele jarohatini davolamoqda. Usmon katta ehtimol bilan bel sohasidagi jarohati tufayli guruhning qolgan o‘yinlarida ham qatnasha olmaydi. Boshlang‘ich tarkibdagi yagona o‘zgarish markaziy hujumchi – Ramush ilk daqiqalardan tushirilishi bo‘ldi.
Pasadenadagi stadionga futbolchilar alohida-alohida chiqib kelishdi – ularning har biri boksdagi kabi alohida tanishtirildi. Yevropa futboli muxlislari bunga ko‘nikishmagan. Futbolchilarning o‘zi uchun esa mahalliy vaqt bilan soat 12:00 da maydonga chiqish begona. Bu vaqtda Parijda ham, Madridda ham allaqachon kun botib bo‘lgandi. Qolaversa, Los-Anjyelesda bu vaqtda harorat 33 darajaga chiqqan – qizdirayotgan quyosh ostida yuqori sur’atdagi o‘yin ko‘rsatish qiyin edi. Shunga qaramay, jamoalar chin dildan ter to‘kishdi.
Ilk xavfli vaziyatni «Atletiko» yuzaga keltirdi, Alvaresning jarima zarbasidan keyin to‘p to‘sin ostidan darvozaga kirishiga bir baxya qoldi. Keyin esa o‘yin kutilgan ssenariy bo‘yicha keta boshladi. «PSJ» maydonning ko‘p qismida ustunlik qildi, o‘yinning 80 foiz vaqtida to‘pga egalik qildi va to‘p yo‘qotilishi bilan darhol qaytarib oldi. Diyego Simeone jamoasi esa qarshi hujumlarga tayandi, ammo hisob parijliklar foydasiga 1:0 hisobida bo‘lib turganida uyushtirilgan shunday qarshi hujum kichik Simeone Mendeshdan qochib ketishi va jarima maydoni yaqinida yiqitilishi bilan yakunlandi. Diyego «PSJ» himoyachisini fol uchun chetlatishni talab qildi, ammo YeChL finalida ham ishlagan Ishtvan Kovach bu vaziyatda hech qanday qoidabuzarlik ko‘rmadi. O‘yin aut tashlash bilan davom ettirildi.
Dastlabki 45 daqiqalikda futbolchilarning raqib jarima maydoni ichida to‘pga teginishi bo‘yicha statistika Luis Enrike jamoasining to‘liq ustunligini qayd etdi – 14:0! Lekin «PSJ» futbolchilarining darvoza sohasiga to‘g‘ri borgan zarbasini chorak soat kutishga to‘g‘ri keldi. Ammo shundan ikki daqiqa o‘tib parijliklar hisobda oldinga chiqib olishdi. YeChL g‘oliblarining hujum chizig‘i vakillari o‘yin davomida pozitsiyalarni almashtirish orqali raqib himoyachilarini chalg‘itib tashladi, bu gol urilgan epizodda ham ish berdi. Nevesh raqibdan to‘pni olib qo‘yib, Due va Kvaratsxeliya ishtirokidagi ajoyib kombinatsiyani boshlab berdi, hujumni gurjistonlik vingerning uzatmasini golga aylantirgan Ruis yakunlab berdi. «PSJ» o‘z odatiga ko‘ra raqibni tayanch zonasini bo‘sh qoldirishga majbur etdi – ispaniyalik futbolchi esa yerlatib aniq zarba yo‘lladi.
«Atletiko» faqat tanaffus arafasida darvoza tomon to‘g‘ri borgan birinchi zarbasini yo‘lladi – Grizmanning zarbasidan keyin Donnarumma o‘zini ko‘rsatishi talab etildi. Madridliklar hisobni tenglashtirish o‘rniga darhol ikkinchi golni ham o‘tkazib yuborishdi. «PSJ» yana bir bor hujumga o‘tish fazasida o‘z darajasini namoyish etdi. Birinchi bo‘limga qo‘shib berilgan daqiqalarda uyushtirilgan javob hujumida Kvaratsxeliya ikkinchi golli pasini amalga oshirdi. Bu safar u Vitinyaga assistentlik qildi. Bu safar ham «Atletiko» markazda katta bo‘shliq qoldirdi, portugaliyalik yarimhimoyachi jarima maydoniga osonlik bilan kirib, qaytarib bo‘lmas zarba yo‘lladi.
Simeone tanaffusda Lino o‘rniga Kokeni tushirdi va shogirdlaridan pressingda faol bo‘lishni talab qildi. «Atletiko» ikkinchi bo‘lim boshida bu talabni bajardi, «PSJ» maydonning o‘z jarima maydoni joylashgan qismida ham bosim ostida qoldi. Epizodlardan birida Donnarumma jarima maydoni ichida fint ishlatishiga to‘g‘ri keldi va to‘pni o‘zida saqlab qolib, qarshi hujum boshlab berdi. Bu hujumni Kvaratsxeliya yakunladi. Xvicha ikki assistga gol qo‘shib qo‘yishi ham mumkin edi, ammo uning zarbasidan keyin to‘p to‘singa bordi.
«PSJ» ustunlik qilishda davom etdi va g‘alabani osonlik bilan saqlab qoladigandek ko‘rinayotgandi. Ammo kutilmganda «Atletiko» darvozani ishg‘ol etdi. Bu epizod Due jarima maydoni yaqinida to‘p yo‘qotishi bilan boshlandi, keyin argentinaliklar bog‘lami ish berdi – Simeone Alvaresni to‘p bilan ta’minladi, forvard esa to‘pni olis burchakka aniq yo‘naltirdi. Ammo Argentinadan kelgan muxlislarning quvonchi uzoqqa cho‘zilmadi. Videohakamlar Kovachni monitor qarshisiga chaqirdi. Videotakrorda Due Koke bilan kontakt tufayli yiqilgani oydinlashdi.
«Atletiko» o‘yinga intriga qaytarish uchun to‘liq kuch bilan oldinga tashlandi, ammo 78-daqiqadagi voqea o‘yin taqdirini hal qildi. Langle hakam bilan bahslashgani uchun ikkinchi sariq kartochkani olib maydonni tark etdi. «Atletiko» bir kishi kam bo‘lib qolganida ham hisobni qisqartirish uchun yaxshi vaziyatga ega bo‘ldi, ammo Syorlot besh metr masofadan gol urolmadi. «PSJ» esa darhol jazoladi – Mayulu jarima maydonida o‘ziga kelib qolgan to‘pni darvozaga to‘g‘ri yo‘naltirdi.
Luis Enrike jamoasi yana bir katta jamoani yirik hisobda tor-mor etdi. «PSJ»ning so‘nggi hujumida Le Norman to‘p yo‘lini qo‘li bilan to‘sdi – Kovach VAR ishorasidan keyin penalti belgiladi. Li Kan In 11 metrdan aniq zarba berdi.
KJCh. 1-tur. S guruhi
15 iyun. Tsinsinatti. «TQL Stedium»
«Bavariya» (Germaniya) — «Oklend Siti» (Yangi Zelandiya) 10:0
Gollar: Koman (6, 22), Boe (18), Olise (20, 45+3), Myuller (45, 89), Musiala (68, 73 penalti, 84).
«Bavariya» — Noyyer, Buy, Ta, Stanishich (Aznu, 82), Gerreyru (Upamekano, 61), Kimmix, Pavlovich, Olise (Karl, 46), Myuller, Koman (Gnabri, 46), Keyn (Musiala, 61).
«Bavariya» yarimhavaskor bo‘lgan «Oklend Siti»ga qarshi asosiy tarkibni tushirdi va natija ham shunga yarasha bo‘ldi. Ayrim a’zolari asosiy ishidan ruxsat bo‘lmagani uchun aralash tarkibda kelgan oklendliklar esa ilk daqiqalardanoq to‘liq tarkib bilan jarima maydoni atrofida joylashdi. Favorit dastlabki to‘rt daqiqa davomida to‘pni olib yurdi va qat’iy hujum uyushtirdi. Koman ikki bor boshda zarba yo‘lladi. Birinchi urinishni darvozabon Treysi qaytardi, ikkinchisida ilojsiz qoldi: Kimmix to‘pni burchakdan oshirib berdi, hech kim qo‘riqlamagan Ta to‘pni darvozabon hududiga tashlab berdi, Kingsli osonlik bilan hisobni ochdi.
Myunxenliklar bosim o‘tkazib, vaziyatlar yaratishda davom etdi va Boe, Olise, Koman va Myuller o‘z vaziyatlaridan foydalandi – 6:0. Jamoalar tanaffusga bundan ham yirikroq hisobda yo‘l olishi mumkin edi, ammo darvozabon shu kuni imkon qadar yaxshi harakat qildi.
Ikkinchi bo‘limda maydonga Gnabri va 17 yoshli Karl tushirildi. Treysi qutqarishda davom etdi va Gnabrining xavfli zarbasini qaytardi.
«Bavariya» futbolchilari vaziyatlarni ko‘kka sovurishda davom etishdi, ammo ikkinchi bo‘limda Keynning o‘rniga tushgan Musialaning o‘zi uchta gol urdi. O‘yin oxirida esa Myuller dubl rasmiylashtirib, hisobni 10:0 ko‘rinishiga keltirdi.
«Arsenal» so‘nggi daqiqalarda muhim g‘alabaga erishdi, qatorasiga ikkinchi o‘yinda durang o‘ynagan «Siti» endi 9 ochkoga ortda qolmoqda. «Chelsi» yana yutqazdi, «Real»da yirik g‘alaba.
«Arsenal» – «Everton» 2:0
Gollar: Yokeresh, 89 (1:0). Douman, 90+7 (2:0)
«Arsenal»: Rayya, Saliba, Gabriel Magalyayns, Kalafiori (Inkapiye, 74), Timber (Moskera, 38), Subimendi (Douman, 74), Rays, Eze, Madueke (Martinelli, 61), Saka, Havers (Yokeresh, 61)
«Everton»: Pikford, Kin, O`Brayyen, Mikolenko, Garner, Gana Guyye (Jorj, 90+5), Iroegbunam (Rel, 86), Dyusberi-Holl, Ndiay, Makneyl (Armstrong, 86), Betu (Barri, 69)
«Arsenal» o‘z maydonida kechgan o‘yinda to‘pga egalik qildi, ammo dastlabki 20 daqiqa ichida qarshi hujumlardan ikki bor gol o‘tkazib yuborishi mumkin edi. Birinchi holatda Rayyaning xatosidan keyin Maknilning zarbasidan keyin darvozaga kirib ketayotgan to‘pni yotgan holatda oyog‘ini ko‘tarib qolish orqali to‘xtatib qoldi.
Maknilning uzoq masofadan yo‘llagan zarbasi ustundan qaytdi, qaytgan to‘pga birinchi bo‘lib yetib kelgan Ndiay esa vaziyatdan foydalana olmadi. Keyinroq Maknilning bir necha metr masofadan yo‘llagan zarbasini darvozabon qaytardi.
«Kanonirlar» esa tinimsiz hujum uyushtirganiga qaramay (birinchi bo‘limning o‘zida 13 zarba berildi), hisobni ocha olmadi. Birinchi bo‘limdagi eng yodda qolgan vaziyat Havers jarima maydoni ichida yiqilishi bo‘ldi. Bu epizodda Kin avvaliga raqib hujumchisining oyog‘ini bosib oldi, keyin esa qo‘llari bilan turtib yiqitdi, ammo bosh hakam va VAR xonasidagilar kontakt penalti uchun yetarli emas deb topdi.
Ikkinchi bo‘limda esa mezbonlar uzoq masofadan zarba berishga e’tibor qarata boshladi, xususan, Ezening aylantirib yo‘llagan zarbasiga Pikford yetib bora olmadi, ammo to‘p darvoza ustuni yonidan o‘tib ketdi. Keyin esa Arteta katta tavakkalchilikka qo‘l urdi va tayanch yarimhimoyachisi Martin Subimendi o‘rniga o‘ng qanot vingeri Doumanni maydonga tashladi. Aynan shu o‘zgarish o‘yinni hal qildi. Avvaliga ushbu yosh yarimhimoyachining o‘ng qanotdan uzatmasidan keyin Pikford to‘pga chiqishda xatoga yo‘l qo‘ydi, Inkapiye esa to‘pni bo‘sh darvoza qarshisiga yetib kelgan Yokereshning oyoqlari ostiga tashlab berdi.
So‘nggi daqiqalarda mehmonlar hisobni tenglashtirish umidida to‘liq tarkib bilan oldinga tashlandi, Douman esa burchak zarbasidan keyin uyushtirilgan qarshi hujumda bo‘sh darvozani ishg‘ol etib, APL tarixiga kirdi. Maks 16 yosh-u 73 kunligida liga tarixida gol urgan eng yosh futbolchiga aylandi. Bu orqali u Jyeyms Von tomonidan 2005 yilda o‘rnatilgan rekordni (16 yosh-u 270 kun) yangiladi.
Shu tariqada, bu mavsumda zaxiradan tushgan futbolchilari 11 bor gol urgan Mikel Arteta jamoasi qiyinchilik bilan bo‘lsa-da muhim g‘alabaga erishdi.
«Chelsi» – «Nyukasl Yunayted» 0:1
Gol: Gordon, 18 (0:1)
«Chelsi»: Sanches, Chaloba, Fofana (Xato, 82), Kukurelya, Gyusto (Delap, 46), Jyeyms, Kaysedo (Lavia, 61), Fernandes, Garnacho, Palmer, Joao Pedro
«Nyukasl Yunayted»: Ramsdeyl, Botman, Tiau, Holl, Livramento, Uillok (Byorn, 77), Remsi, Voltemade (Joelinton, 67), Barns, Myorfi (Elanga, 78), Gordon
Ogohlantirishlar: Fofana, 23. Kaysedo, 25 – Ramsdeyl, 84. Holl, 89
«Chelsi» «qarg‘alar»ga qarshi Londonda o‘tgan oldingi 12 o‘yindan 11 tasida g‘alaba qozongandi va shanba oqshomidagi o‘yinni ushbu seriyani davom ettirish maqsadida hujumkorlik bilan boshladi. Ammo mezbonlar o‘z imkoniyatlaridan foydalana olishmadi. 18-daqiqada Palmer qulay vaziyatni yo‘qqa chiqarganidan keyin «Nyukasl» muvaffaqiyatli qarshi hujum uyushtirdi va Uillok Gordonni bo‘sh darvoza qarshisiga chiqarib yubordi.
Tanaffusdan keyin Entoni dublga erishishi mumkin edi, ammo darvozaga qaytgan Sanches jamoasini qutqardi. U Liam Rosenior jamoasini o‘yinda qoldirdi, ammo jamoa mag‘lubiyatdan qutulib qolishni uddalay olmadi. «Chelsi» yana ochko yo‘qotib, raqobatchilarga imkon berdi: bugun «MYu» va «Aston Villa» o‘yinida g‘olib bo‘lgan jamoa ilgarilab ketadi, «Liverpul» esa «Chelsi»ni quvib o‘tib, beshinchi o‘ringa ko‘tarilishi mumkin.
«Vest Hem» – «Manchester Siti» 1:1
Gollar: Bernardu Silva, 31 (0:1). Mavropanos, 35 (1:1)
«Vest Hem»: Hermansen, Mavropanos, Disasi, Todibo, Fernandesh, Souchek, Diuf, Van-Bissaka, Pablo (Magassa, 64), Bouen (Kante, 90+6), Kastelyanos (Traore, 75)
«Manchester Siti»: Donnarumma, Geyi, Husanov, Ayt Nuri (Sherki, 60), Mateus Nunes, Rodri, Bernardu Silva (Reynders, 75), O`Rayli, Semenyo (Foden, 75), Marmush (Doku, 60), Holand
Ogohlantirishlar: Magassa, 76. Fernandesh, 89 – Marmush, 11. Bernardu Silva, 37
Birinchi bo‘lim o‘rtalaridan o‘tganida Bernardu Silvaning Holandga uzatmasi to‘g‘ridan to‘g‘ri zarbaga aylanib, hisob ochilganida ko‘pchilik bu o‘yin taqdiri hal bo‘lgani haqida o‘ylay boshlagandi. Ammo «Siti» bu mavsumda ishonchli o‘ynay olmayapti. Biroz o‘tib «Vest Hem» muvozanatni tikladi. Burchak zarbasidan keyin Donnarumma to‘pga chiqishda xatoga yo‘l qo‘ydi va «Arsenal»ning sobiq futbolchisi Mavropanos muvozanatni tikladi.
Bu mezbonlar uchun o‘yindagi ilk zarba edi va bu zarba chempionlik poygasida ishtirok etayotgan jamoaning oyog‘idan chalib qolish uchun yetarli bo‘ldi. Qolgan vaqt davomida «shaharliklar»ning hech qaysisi mezbonlar himoya devorida o‘tmadi, to‘p darvoza sohasiga yetib borganida esa darvozabon Hermansen ishonchli harakat qildi. Endilikda shu kuni o‘yinni diskvalifikatsiya tufayli tribunada o‘tirib kuzatishga majbur bo‘lgan Gvardiola jamoasi «Arsenal»dan 9 ochkoga ortda qolmoqda. «Siti»da bitta zaxira o‘yini borligiga qaramay, deyarli hech kim endi jamoa bu farqni yo‘qqa chiqara olishiga ishonmayapti.
Ispaniya: Molinaning zambarak zarbasi va tinim bilmas Valverde
«Atletiko» – «Xetafe» 1:0
Gol: Molina, 8 (1:0)
«Atletiko»: Musso, Ximenes, Langle, Pubil (Alvares, 66), Koke, Almada (Simeone, 66), Vargas (Liorente, 73), Gonsales, Molina, Baena (Grizmann, 73), Syorlot (Lukman, 66)
«Xetafe»: Soriya, Abkar, Duarte (Riko, 83), Romero, Iglesias, Kiko Femeniya (Birmanchevich, 46), Dakonam, Arambarri (Martin, 74), Milya (Munos, 90+2), Satriano, Vaskes (Liso, 74)
Ogohlantirishlar: Syorlot, 55. Vargas, 68. Molina, 90 –Romero, 60. Liso, 77. Satriano, 90
Chetlatish: Abkar, 55
Yaqinda «Real»ni mag‘lub eta olgan «Xetafe» «Atletiko»ga ham jiddiy muammolar tug‘dirdi. Shu kuni Oblak o‘rniga darvozaga turgan Musso olti seyv ijro etishiga to‘g‘ri keldi. Ammo mezbonlarning qariyb ikki yildan buyon gol urmayotgan himoyachisi Molina o‘yin startidayoq o‘yin taqdirini hal qildi. Argentinalik futbolchining jarima maydoni tashqarisidan yo‘llagan kuchli zarbasidan keyin to‘p olis «to‘qqizlik»ka borib tushdi.
Mehmonlar esa ancha osonroq vaziyatlardan gol ura olmadi. «Matraschilar»ni goh Musso qutqardi, goh «Xetafe» futbolchilari to‘g‘ri zarba bera olmadi. Ikkinchi bo‘lim boshlarida Abkar qizil kartochka olib maydonni tark etganidan keyin esa amalda o‘yin taqdiri hal bo‘ldi. Diyego Simeone jamoasi uchinchi o‘rinni yanada mustahkamladi.
«Real» – «Elche» 4:1
Gollar: Ryudiger, 39 (1:0). Valverde, 44 (2:0). Hausen, 66 (3:0). Manuel Anxel, 85 – avtogol (3:1). Arda Guler, 89 (4:1)
«Real»: Kurtua, Ryudiger (D. Aguado, 61), Hausen, F. Garsiya, Karvahal, Tshuameni (Arda Guler, 58), Pitarch (Palasios, 64), Kamavinga, Valverde (G. Garsiya, 58), Vinisius Junior (Yanez, 58), Dias (Manuel Anxel, 63)
«Elche»: Dituro, Petro (M. Aguado, 64), Affengryuber (Bigas, 74), Chust, Valera, Sangare (Pedrosa, 23), Redondo (Mir, 64), Febas, Sepeda (Xosan, 64), Andre Silva, Neto (Diangana, 74)
Ogohlantirishlar: Kamavinga, 55 – Valera, 62. Affengryuber, 66. Mir, 88
Hafta o‘rtasida YeChL o‘yinida katta kuch sarflagan «Real» futbolchilari ancha vaqtgacha autsayder darvozasi tomon yo‘l topa olmadi. Ammo yarimhimoyaga qaytganidan keyin yayrab o‘ynayotgan Valverdeda bu o‘yinga ham yetarli kuch qolgandi. «Selta» darvozasiga g‘alaba goli, «Siti»ga qarshi o‘yinda het-trik, shanba kuni esa uning seriyasi darvom etdi. Avvaliga Fedening zarbasidan keyin darvozabon to‘pni amallab qaytardi, qaytgan to‘pga esa Ryudiger birinchi bo‘lib yetib keldi va hisob ochildi. Bir necha daqiqa o‘tib esa barchasini Valverdening o‘zi bajardi. U jarima maydoniga yaqinlashib kelib, bir harakat bilan himoyachini yo‘lidan oldi va to‘pni to‘sin ortidan darvoza to‘riga kiritdi.
Alvaro Arbeloa 58-daqiqadayoq Vinisius Junior, Valverde va Tshuameni kabi yetakchi futolchilarini, biroz o‘tib Ryudigerni ham zaxiraga oldi, ular keyingi hafta o‘rtasida «Siti»ga qarshi javob o‘yinida kerak bo‘ladi. Ularning o‘rniga o‘yinni davom ettirgan futbolchilar ham ikkita gol urishdi. Avvaliga 18 yoshli Yanesning uzatmasidan keyin Hausen hisobdagi farqni oshirdi. O‘yin oxirlarida esa Guler maydonning ikkinchi qismidan turib fantastik gol muallifiga aylandi. U zarba bergan nuqtadan darvoza chizig‘igacha bo‘lgan masofa 68 metr chiqadi.
Yirik g‘alabadan keyin madridliklar turnir jadvalida yana «Barselona»ga bir ochkolik masofada yaqinlashib oldi, lekin kataloniyaliklar yakshanba kuni «Sevilya»ga qarshi o‘yin natijasiga ko‘ra yana to‘rt ochkolik farqni tiklashi mumkin.
Bugun, Turkiya Superligasining 26-turi doirasida peshqadam «Galatasaroy» o‘z maydonida «Bashakshehir»ni qabul qiladi.
Uchrashuv Toshkent vaqti bilan soat 22:00 da Istanbuldagi «RAMS Park» stadionida boshlanadi.
«Galatasaroy» 25 o‘yindan so‘ng 61 ochko bilan jadvalda 1-o‘rinda bormoqda. «Bashakshehir» esa 42 ochko bilan 5-pog‘onani egallab turibdi va yevrokuboklar uchun kurashmoqda.
«Istanbul Bashakshehir» bugungi o‘yin uchun asosiy tarkibni e’lon qildi. Eldor Shomurodov — asosiyda, Abbosbek Fayzullayev qaydnomaga ham kiritilmagan.
2026-yilgi Osiyo Kubogi chorak finalida O‘zbekiston ayollar terma jamoasi Janubiy Koreya ayollar terma jamoasidan mag‘lubiyatga uchradi. 6:0 hisobida g‘alaba qozongan koreyslar yarim final yo‘llanmasini qo‘lga kiritdi.
Shunga qaramasdan, milliy jamoamiz Jahon chempionati yo‘llanmasi uchun kurashni davom ettiradi. Bo‘lg‘usi raqib Yaponiya – Filippin uchrashuvida aniqlanadi — ushbu uchrashuvda yengilgan jamoa ustidan g‘alaba qozonsa, O‘zbekiston terma jamoasi 2027-yilda Braziliyada o‘tkaziladigan ayollar o‘rtasidagi JChga yo‘llanma oladi.
Agar jamoa ushbu o‘tish bahsida ham yengilsa, KXDR/Xitoy Taypeyi o‘rtasidagi o‘yinda mag‘lub bo‘lgan jamoa bilan to‘qnash keladi. Bu uchrashuv g‘olibi xalqaro pley-off o‘yinlari orqali mundial yo‘llanmasi uchun kurashni davom ettiradi, mag‘lub musobaqani tark etadi.
2026-yilgi ayollar o‘rtasidagi Osiyo Kubogida 12 ta terma jamoa ishtirok etmoqda. Ular uchta guruhga bo‘lingan holda bahs olib bordi. Guruhlarda dastlabki ikki o‘rinni egallagan jamoalar hamda eng yaxshi ko‘rsatkich qayd etgan ikki nafar uchinchi o‘rin sohibi chorak final bosqichiga yo‘l oldi.
Chorak final g‘oliblari to‘g‘ridan-to‘g‘ri Jahon chempionati yo‘llanmasiga ega bo‘ladi. Mag‘lub jamoalar esa oldindan aniqlangan setka asosida pley-off bosqichida ishtirok etadi. Pley-offda g‘alaba qozongan jamoalar Osiyoning 5 va 6-vakili sifatida mundial yo‘llanmasini qo‘lga kiritadi.
JCh-2027 yo‘llanmasi uchun pley-off o‘yinlari:
O‘zbekiston — Yaponiya/Filippin
KXDR — Xitoy Taypeyi
Yarim finalga yo‘l olgan Avstraliya, Xitoy va Janubiy Koreya terma jamoalari allaqachon Jahon chempionati ishtirokchisiga aylanishga ulgurdi. So‘nggi yarim finalchi nomi Yaponiya – Filippin uchrashuvidan keyin ma’lum bo‘ladi.
Ma’lumot uchun: 2029-yilgi ayollar o‘rtasidagi Osiyo Kubogi O‘zbekistonda o‘tkaziladi.
Sport
Futbol bo‘yicha O‘zbekiston ayollar terma jamoasi Osiyo kubogi chorak finalida yirik hisobda mag‘lub bo‘ldi
Endi ular jahon chempionati yo‘llanmasi uchun Yaponiya – Filippin bahsida imkoniyatni boy bergan jamoa bilan kuch sinashishadi.
Avstraliyada bo‘lib o‘tayotgan ayollar o‘rtasida Osiyo kubogi chorak finalida O‘zbekiston terma jamoasi futbolchilari Janubiy koreyalik raqibalariga qarshi maydonga tushdi.
Bahs 6:0 hisobida Janubiy Koreya ayollar terma jamoasi g‘alabasi bilan yakunlandi.
O‘zbekistonlik ayol futbolchilar bangladeshlik raqibalarini 4:0 hisobida yengib chorak finalga chiqishgandi.
Endi ular 19 mart kuni jahon chempionati yo‘llanmasi uchun Yaponiya – Filippin bahsida imkoniyatni boy bergan jamoa bilan kuch sinashishadi.
Osiyo kubogida eng yaxshi natijaga erishgan olti jamoa 2027 yilgi ayollar o‘rtasidagi Jahon chempionatiga to‘g‘ridan-to‘g‘ri yo‘llanmani qo‘lga kiritadi.
U 50 kg vazn toifasida vaqtinchalik chempionlik kamari uchun puerto-rikolik Jonatan Gonsalesga qarshi jang qiladi.
17–19 aprel kunlari Qirg‘iziston poytaxti Bishkek shahrida professional boks oqshomi bo‘lib o‘tadi. Unda ikki karra Olimpiya chempioni Hasanboy Do‘smatov ham ringga ko‘tarilishi kutilmoqda.
WBA reytingida oltinchi o‘rinni egallab turgan charm qo‘lqop ustasi 50 kg vazn toifasida vaqtinchalik chempionlik kamari uchun puerto-rikolik Jonatan Gonsalesga qarshi jang qiladi.
Hasanboy Do‘smatov professional ringdagi so‘nggi jangini 2025 yil 20 iyul kuni filippinlik Mark Antonioga qarshi o‘tkazib, g‘alaba qozongan edi. Shu tariqa, uning professional boksdagi janglari soni 7 taga yetdi, ularning barchasi Do‘smatov foydasiga hal bo‘lgan.
Jonatan Gonsales hisobida 29 g‘alaba, 4 durang va 1 mag‘lubiyat mavjud.
Prezidentning yangi qarori e’lon qilindi
«Siti» deyarli kurashdan chiqdi, Gulerdan shedevr gol. Kun o‘yinlari
Uch yil avval pora olgan sobiq arxiv xodimasi sudga tortildi
-
Jamiyat4 days agoNogironlar uchun onlayn platforma tenderida shubhali holatlar aniqlandi
-
Jamiyat4 days agoRulda kamar taqmagan Sardor Mamadaliyev jarimaga tortildi
-
Dunyodan4 days ago
Ali Xomanaiyning o‘g‘li Eronning yangi oliy rahbari etib saylandi
-
Siyosat2 days agoPrezident Mirziyoyev fuqarolardan murojaatlar ko‘payib borayotgan bir paytda militsiya xodimlarining qo‘pol xatti-harakatlarini tanqid qildi
-
Siyosat3 days agoIkki nafar O‘zbekiston fuqarosi firibgarlik va o‘g‘irlik hodisasidan so‘ng Bahrayn va AQShdan qaytib keldi
-
Turk dunyosi4 days agoEron urushi kuchayib borayotgan bir paytda Turkiya o’rtada qoldi
-
Sport4 days agoAvstraliyadan boshpana so‘ragan eronlik futbolchilardan biri fikrini o‘zgartirdi
-
Iqtisodiyot3 days ago
13-mart kuni ham dollar kursi pastlaydi