Iqtisodiyot
Men payme’da bir sirni topdim va endi oyiga deyarli 100 ming tejayapman
Maoshim barqaror bo‘lishiga qaramay, baribir pul doim yetmaydigandek tuyuladi. Har oy o‘tkazmalar, musiqa va kino obunalari uchun o‘n minglab pul ketardi. Ularni o‘chirib tashlab bo‘lmaydi, chunki butun oilamiz foydalanadi.
O‘zimda bir qancha kartalar, qarindoshlarimda ham boshqa bank kartalari mavjud. Hammasi bitta joyda bo‘lgani qulay, shu sababli komissiyalar yuqoriligiga qaramay payme’dan foydalanishda davom etdim. Hisob-kitobimga qaraganda, endi payme’ni asta-sekin “zarar ko‘rishga” majbur qilayotganga o‘xshayman. Bunga qanday erishganimni sizlarga gapirib beraman.
O‘tkazmalarga komissiya to‘lamayman
Har oy oilamga 3–4 mln so‘m o‘tkazaman: Samarqanddagi singlimga va shaxsiy xarajatlar uchun onamga. Bu o‘tkazmalar uchun odatda 40 ming so‘m atrofida komissiya ketar edi.
Shunda men payme plus obunasini uladim, chunki unda 5 mln so‘mgacha bo‘lgan o‘tkazmalarga komissiya yo‘q. Bu birinchi yoqimli sovg‘a bo‘ldi: hech narsani o‘zgartirmasdan, kamroq sarflash mumkin.
Oyiga ≈ 40 000 so‘m tejaladi
Servislar uchun alohida to‘lamayman
Oldin ikkita asosiy obunaga to‘lardim: Yandex Plus — butun oilamiz bilan film ko‘ramiz, musiqa tinglaymiz, kitob o‘qiymiz va ba’zan ovqat yoki taksi buyurtma qilamiz. Va Setanta Sport — futbol va boksni o‘zim miriqib tomosha qilaman.
Alohida sotib olsa, har biriga 16–17 ming so‘m, oyiga 33 minggacha ketardi.
payme plus’da esa bu ikki servis obuna ichiga kiritilgan, alohida to‘lash shart emas.
Oyiga ≈ 33 000 so‘m tejaladi.
Turli xaridlar uchun kamroq to‘layman
Qo‘shimchasiga, ilova orqali qilgan har qanday to‘lovimdan 1% keshbek olyapman. Bunga kommunal to‘lovlar, bog‘cha, mobil aloqa, chiptalar, do‘kondagi mahsulotlar kabi har oy to‘lanishi kerak bo‘lgan narsalar.
Men bunday to‘lovlar uchun oyiga 5 mln so‘mdan ortiq sarflayman. Shunda menga 50 ming atrofida keshbek qaytadi. Obuna narxi esa atigi 29 990.
Ya’ni, keshbek sabab obuna menga amalda bepulga tushyapti, hatto payme menga qo‘shimcha pul qaytaryapti.
Oyiga ≈ 50 000 − 29 900 = 20 100 so‘m tejaladi.
Xulosa: men payme’ga atigi 29 990 to‘layman, u esa menga oyiga ≈ 123 000 so‘m qaytaradi.
Hisoblashimcha:
≈ 40 000 so‘m — o‘tkazma komissiyalari uchun;
≈ 50 000 so‘m — keshbek sifatida;
≈ 33 000 so‘m — Yandex Plus va Setanta Sport obunalari uchun payme mening o‘rnimga to‘laydi.
Men esa payme plus uchun faqat 29 990 so‘m to‘layman. Natijada oyiga taxminan 93 000 so‘m, yiliga esa 1 mlndan ko‘proq so‘m tejayman.
Ehtimol, payme kompaniyasida iqtisod noto‘g‘ri hisoblangandir, chunki har bir foydalanuvchiga bunday xarajat ularga qanday foyda keltirishini tushunmayapman. Lekin hozircha shunday ishlayapti ekan — foydalanib qoling!
Sanjar Ibragimov, foydalanuvchi
O‘zbekiston Prezidenti Shavkat Mirziyoyev «Wabtec» kompaniyasi direktorlar kengashi raisi va bosh ijrochi direktori Rafael Santanani qabul qildi. Bu haqda Prezident matbuot xizmati xabar berdi.
Uchrashuvda mamlakatda temir yo‘l infratuzilmasi va tranzit salohiyati rivojlanayotganini hisobga olib, lokomotivlar parkini yangilash va kengaytirish masalalari ko‘rib chiqildi.
AQSh moliya institutlari ishtirokida lokomotivlarni uzoq muddatli servis xizmati bilan birga yetkazib berish imkoniyatlari muhokama qilindi.
Shuningdek, O‘zbekistonda texnik xizmat ko‘rsatishni yo‘lga qo‘yish, butlovchi qismlar ishlab chiqarish va mutaxassislar tayyorlash masalalari ko‘rib chiqildi.
Tog‘-kon korxonalari karer texnikasiga xizmat ko‘rsatuvchi servis markazini tashkil etish hamda dizel-generator qurilmalari bo‘yicha hamkorlik qilishga ham e’tibor qaratildi.
«Wabtec» lokomotivlar, temir yo‘l texnikasi, raqamli va servis yechimlarini ishlab chiqarish bo‘yicha jahondagi yetakchi kompaniyalardan biri hisoblanadi. Kompaniya Markaziy Osiyo mamlakatlarida ham loyihalarni amalga oshirmoqda.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Milliy statistika qo‘mitasi ma’lumotlariga ko‘ra, 2026-yil yanvar–iyul oylarida O‘zbekistonga 46 davlatdan qariyb 28,5 ming tonna shokolad mahsulotlari olib kirilgan.
Import qilingan mahsulotlarning umumiy qiymati 123,7 mln AQSh dollarini tashkil etgan. Bu o‘tgan yilning mos davriga nisbatan 1,6 ming tonnaga yoki 6 foizga ko‘p.
Import hajmi bo‘yicha Rossiya keskin ustunlik qilgan. Yilning dastlabki yetti oyida Rossiyadan O‘zbekistonga 19,5 ming tonna shokolad mahsulotlari yetkazib berilgan.
Rossiyadan kelgan shokolad mahsulotlari umumiy importning qariyb 70 foizini tashkil etgan. Keyingi o‘rinda Ukraina bo‘lib, undan 2,2 ming tonna mahsulot import qilingan.
Qozog‘istondan 914 tonna, Belarusdan 805,2 tonna shokolad mahsulotlari olib kirilgan. Litvadan import 746,2 tonnani tashkil etgan.
Turkmaniston 715,2 tonna, Turkiya esa 569,5 tonna ko‘rsatkich bilan keyingi o‘rinlarda qayd etilgan. Qolgan davlatlar hisobiga 3 ming tonna mahsulot to‘g‘ri kelgan.
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot4 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat4 days ago
Toshkentda xalqaro moda akademiyasi tashkil etiladi
-
Iqtisodiyot1 day ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat1 day ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat1 day ago
O‘zbekiston do‘konlarida 73 turdagi mahsulot sifatsiz deb topildi