Sport
Mashhurlar ishtirokidagi futbol turnirida janjal uyushtirganlardan biri 10 sutkaga qamaldi
Alisher Uzoqov, Abdurahmon Mavlonov, Nurjalol Rahmonaliyev va Dilshod O‘rozboyev 3 mln 750 ming so‘mdan jarima to‘laydigan bo‘ldi.
Jar stadionida o‘tgan “Like Cup” loyihasi bir guruh ishtirokchilar o‘zaro kelishib janjallashishgan. Ularning maqsadi hayp qilish orqali ijtimoiy tarmoq sahifalarida obunachilar sonini ko‘paytirish bo‘lgan. Atayin uyushtirilgan janjal ortidan 4 fuqaroga jarima, 2 nafariga ma’muriy qamoq jazosi tayinlandi.
Toshkent shahar IIBB Shayxontohur tumani Jar stadionida yuzaga kelgan janjalli holat yuzasidan lavha e’lon qildi. Unga ko‘ra, “Like Cup” loyihasi doirasida san’atkorlar va blogerlar o‘rtasida futbol bo‘yicha o‘tkazilgan o‘yinda bir guruh blogerlar o‘zari kelishib, janjallashishgan.
Boshqarma janjalni keltirib chiqarganlar bilan suhbatlashib, nima sabab bu ish qilinganiga izoh olgan. Ta’kidlanishicha, qatnashuvchilar to‘polon ortidan yanada mashhurlikka intilishgan.
“O‘zi bu oldindan kelishilgan edi, misol uchun janjallashib ketishimiz. Bu – piar-da, shou qilmoqchi bo‘lganman.
Men endi yangi chiqqan blogerman, o‘zimga xayp ishlamoqchi bo‘ldim. Xalqdan kechirim so‘rayman, bu ish boshqa takrorlanmaydi”,– degan urushganlardan biri.
“Sal mashhurroq bo‘lib, sal daromadimni ko‘paytirish maqsadida bular bilan kelishdik. Afsuski, ko‘pchilikka aytmaganimiz uchun tushunishmagan ekan.
Do‘stim borib [boshi bilan urishu] nima qilish kerak edi, men borib yelka berishim kerak edi, qochib qolishi kerak edi. Bu ishimizdan afsusdamiz.
Bu qilgan ishlarimiz boshqa qaytarilmaydi”,– degan yana biri.
Vaziyat yuzasidan Shayxontohur tumani IIO FMB tomonidan tekshiruv o‘tkazilib, turnir ishtirokchilari bilan profilaktik suhbat olib borilgan. “Like Cup” loyihasi jamoatchilik o‘rtasida keskin e’tirozlar keltirib chiqarganligi va huquqbuzarlik sodir etilishiga sabab bo‘lganligi uchun vaqtincha to‘xtatilgan.
“Juda katta xato bo‘ldi, ya’ni biz tashkilotchilar tomonidan va qolaversa, mana shu epizodni yuzaga keltirgan ayrim bir futbolchilar tarafidan xunuk holat yuzaga keldi va bu holat bir madaniyat xodimi sifatida meni o‘zimga juda qattiq ta’sir qildi. Biz tarafdan mana shuni nazoratga ololmaganimiz, ularning hissiyotlarini biz nazoratga ololmaganimiz tashkilotchilarning katta xatosi bo‘ldi deb o‘ylayman. Xalqimizdan ham shu yigitlarni ko‘rsatgan hunari uchun uzr so‘rayman”,– degan loyiha tashkilotchisi Alisher Uzoqov.
Jinoyat ishlar bo‘yicha Shayxontohur tuman sudining sayyor sud majlisida Alisher Uzoqov, Abdurahmon Mavlonov, Nurjalol Rahmonaliyev va Dilshodbek O‘rozboyev MJtKning 183-moddasi hamda 194-moddaning birinchi qismida ko‘rsatilgan huquqbuzarliklarni sodir etganlikda aybdor deb topilib, to‘rttala huquqbuzarning har biriga BHMning 10 barobari miqdorida jarima jazosi tayinlangan.
Janjalda qatnashgan Ozodbek O‘rozboyev esa MJtKning 183- hamda 194-moddansiing birinchi qismida ko‘rsatilgan huquqbuzarliklarni sodir etganlikda aybdor deb topilib, 10 sutka ma’muriy qamoq jazosi tayinlangan.
Yana bir ishtirokchi Kamoliddin Mamajonov ham MJtKning shu moddalari bilan aybdor deb topilib, BHMning 12 barobari miqdorda jarima jazosiga tortilgan.
Bosh murabbiy Sergey Chigodayev shogirdlari Janubiy Koreya o‘smirlarini penaltilar seriyasida mag‘lub etdi.
O‘zbekistonning 17 yoshgacha bo‘lgan futbolchilardan iborat terma jamoasi Osiyo Kubogi yarimfinaliga chiqdi.
16 may kuni o‘tkazilgan Janubiy Koreyaga qarshi chorakfinal o‘yinining asosiy vaqtida g‘olib aniqlanmadi – 2:2. O‘zbekistonliklarning ikkala goliga Ahror Ravshanbekov mualliflik qildi. Penaltilar seriyasida bosh murabbiy Sergey Chigodayev shogirdlari 5:3 hisobida zafar quchdi.
Endi O‘zbekiston o‘smirlari yarimfinalda 19 may kuni Yaponiyaga qarshi o‘ynaydi.
Eslatib o‘tamiz, 1-turda o‘zbekistonliklar Hindistonni 3:0 hisobida yengib, muddatidan oldin jahon chempionati va chorakfinal yo‘llanmasini qo‘lga kiritgan edi.
U17 Osiyo Kubogi Saudiya Arabistonida o‘tkazilmoqda.
U17 Jahon chempionati shu yil noyabr – dekabr oylarida Qatarda bo‘lib o‘tadi.
«Shaharliklar» Angliya Kubogi finalida «Chelsi»ni mag‘lub etdi. Fevral oyida jamoa Liga Kubogini ham qo‘lga kiritgan edi.
«Manchester Siti» klubi Angliya Kubogi finalida «Chelsi»ni 1:0 hisobida mag‘lub etdi. Yagona golni 72-daqiqada Antuan Semeno urdi.
O‘zbekiston milliy jamoasi himoyachisi Abduqodir Husanov asosiy tarkibda tushib, o‘yin oxirigacha harakat qildi.
Bu «Manchester Siti» klubining mavsumdagi ikkinchi sovrini bo‘ldi. Fevral oyida jamoa Liga Kubogida g‘alaba qozongan edi.
«Manchester Siti» umumiy hisobda 8-marta Angliya Kubogini qo‘lga kiritdi va bu ko‘rsatkich bo‘yicha «Liverpul», «Chelsi» va «Tottenhem» bilan tenglashdi. Ushbu sovrinni eng ko‘p marta «Arsenal» qo‘lga kiritgan – 14. «Manchester Yunayted» hisobida 13 ta Kubok bor.
Shu bilan birga, «shaharliklar» ayni paytda Angliya Premer Ligasi g‘olibligi uchun ham kurashmoqda. Turnir yakunlanishiga 2 tur qolganida Pep Gvardiola shogirdlari peshqadam «Arsenal»da ikki ochko ortda bormoqda.
Polsha milliy jamoasi hujumchisi Robert Levandovski mavsum oxirida Ispaniyaning «Barselona» klubini tark etishini ma’lum qildi.
«Men missiyam yakunlanganini his qilyapman: to‘rt mavsum, uchta chempionlik», deb yozdi 37 yoshli hujumchi ijtimoiy tarmoqlarda.
Levandovski 2022 yilning yozida «Barselona» futbolchisiga aylandi. Uch karra Ispaniya chempioni maqomidan tashqari, u shuncha marta Ispaniya Superkubogi sohibiga aylandi va bir marta Ispaniya Kubogini qo‘lga kiritdi. Shuningdek, u Germaniyaning «Bavariya» va «Borussiya» (Dortmund) jamoalarida ko‘plab unvonlarni qo‘lga kiritgan, Polshaning «Lex» jamoasida milliy sovrinlarga ega bo‘lgan.
«Barselona» joriy mavsumda Ispaniya chempioni bo‘ldi. So‘nggi ikkita o‘yin o‘z maydonida «Betis»ga qarshi (17 may) va mehmonda «Valensiya»ga qarshi (23 may) bo‘lib o‘tadi.
O‘zbekiston Respublikasi Prezidenti Shavkat Mirziyoyev Axaltaka otlari bo‘yicha «Sharq marvaridi – 2026» jahon chempionati g‘oliblariga tabrik yo‘lladi.
Tabrik matni:
Qadrli do‘stlar, aziz mehmonlar!
Avvalambor, xalqaro ot sporti musobaqasi yakunlariga bag‘ishlab o‘tkazilayotgan ushbu tantanali marosimda ishtirok etayotgan barcha yurtdoshlarimiz va muhtaram mehmonlarimizni chin dildan qutlayman.
Musobaqalarda yuksak mahorat va jasorat, milliy an’analarga sadoqat namunasini namoyon etib, ulkan natijalarga erishgan barcha g‘olib va sovrindorlarni samimiy tabriklaymiz.
Bugungi marosim azim poytaxtimizdagi muhtasham va fayzli «Ashxobod» bog‘ida o‘tkazilayotganida chuqur ramziy ma’no bor. Ushbu go‘zal maskan nafaqat o‘zining betakror me’moriy qiyofasi, balki o‘zbekva turkman xalqlari o‘rtasidagi ko‘p asrlik do‘stlik, yaxshi qo‘shnichilik, o‘zaro ishonch va mushtarak ma’naviy ildizlarning yorqin timsoli sifatida alohida ahamiyatga ega.
Shu kunlarda mamlakatlarimiz vakillari o‘rtasida o‘tkazilgan musobaqalar va uning g‘oliblarini sharaflashga bag‘ishlangan mazkur tantanali tadbir ham xalqlarimiz o‘rtasidagi ma’naviy yaqinlikni yanada mustahkamlashga xizmat qilishi shubhasiz.
Azal-azaldan ozodlik, mardlik, sadoqat, matonat va nafosat timsoli bo‘lib kelgan otga mehr va e’tibor Markaziy Osiyo xalqlariga xos bo‘lgan olijanob fazilat hisoblanadi. Hozirgi vaqtda ham qardosh ellarimiz ana shu bebaho merosni munosib davom ettirib, chavandozlik san’atini yanada yuqori bosqichga olib chiqayotganini alohida ta’kidlash lozim.
Hurmatli anjuman ishtirokchilari!
Xalqaro miqyosda ot sportini rivojlantirish bo‘yicha Turkmaniston Prezidenti hurmatli Serdar Gurbanguliyevich Berdimuhamedov hamda Turkman xalqining milliy yetakchisi, Turkmaniston Xalq Maslahati Raisi, qadrli birodarim Gurbanguli Myalikguliyevich Berdimuhamedov rahnamoligida amalga oshirilayotgan izchil islohotlar tufayli mamlakat ulkan yutuqlarga erishmoqda, xalqaro maydonda o‘z mavqeini mustahkamlamoqda.
Dunyo hamjamiyati Turkmanistonning tinchliksevar, konstruktiv siyosatini, mamlakatni ijtimoiy-iqtisodiy rivojlantirish, milliy qadriyatlarni asrab-avaylash va madaniy merosni boyitish borasidagi muvaffaqiyatlarini yuksak e’tirof etmoqda.
Bu haqda so‘z yuritganda, qadimiy axaltaka yilqichiligi an’analarini munosib davom ettirish, uning shon-shuhratini butun dunyoga targ‘ib qilish borasida amalga oshirilayotgan ishlarni alohida qayd etish o‘rinli bo‘ladi.
Bugungi kunda axaltaka tulporlari nafaqat turkman xalqining milliy iftixori, balki butun mintaqamiz madaniy merosining noyob durdonasi sifatida qadrlanmoqda.
«Mustaqil betaraf Turkmaniston – maqsad sari intiluvchi qanotli tulporlar vatani», deb e’lon qilingan joriy yilda o‘tkazilayotgan ma’naviy-ma’rifiy tadbirlar, xalqaro anjumanlar, ilmiy forumlar va bayram tantanalari dunyo xalqlarining chavandozlik san’atiga bo‘lgan qiziqishini yanada oshirmoqda.
Yangi O‘zbekistonda ham milliy qadriyatlarni asrab-avaylash, ajdodlarimizdan meros noyob an’analarni kelajak avlodlarga bezavol yetkazish davlat siyosatining ustuvor yo‘nalishlaridan biriga aylangan. Xususan, milliy sport turlarini rivojlantirish, ot sportini ommalashtirish, nasldor yilqichilikni qo‘llab-quvvatlash va zamonaviy infratuzilmani yaratish borasida keng ko‘lamli ishlar amalga oshirilmoqda.
Mohir chavandozlar, tajribali sayislar va fidoyi mutaxassislarimiz bu sohadagi milliy maktablarning shon-shuhratini yuksaltirish, yosh avlodni azmu shijoat, vatanparvarlik va sog‘lom turmush tarzi ruhida tarbiyalashga munosib hissa qo‘shmoqdalar.
Biz kelgusida ham davlatlarimiz o‘rtasida madaniy-gumanitar aloqalarni kengaytirish, azaliy do‘stligimizni yanada mustahkamlash yo‘lida barcha sa’y-harakatlarimizni safarbar etamiz.
Fursatdan foydalanib, musobaqalarda yuksak natijalarga erishgan barcha g‘olib va sovrindorlarni yana bir bor samimiy muborakbod etaman.
Barchangizga mustahkam sog‘liq, oilaviy baxt, mas’uliyatli va sharafli faoliyatingizda ulkan zafarlar tilayman.
O‘zbek–turkman do‘stligi doimo bardavom bo‘lsin!
Futbol yulduzi, «Barselona» jamoasi hujumchisi Lamin Yamal Isroil rasmiylarining bosimiga uchradi. Ispaniya rahbariyati yosh futbolchining yonini oldi.
11-may kuni «Barselona» jamoasi Ispaniya chempionatidagi g‘oliblikni muxlislar bilan birgalikda ommaviy ravishda nishonladi. Futbolchilar Barselona ko‘chalari bo‘ylab avtobusda o‘tar ekan, Lamin Yamal Falastin bayrog‘ini hilpiratgani dunyo ahlining e’tiborini tortdi.
Falastinning mazlum xalqiga xayrixoh bo‘lgan millionlab odamlar Yamalning bu harakatini olqishladi.
Isroil mulozimlari esa kutilganidek bundan darg‘azab bo‘ldi. Xususan, yahudiy davlati mudofaa vaziri ispan yulduzini «nafrat tarqatish» da aybladi.
«Men «Barselona»dek buyuk va hurmatli klub bu bayonotlardan o‘zini uzoq tutadi hamda terrorizmga undash va uni qo‘llab-quvvatlashga joy yo‘qligini aniq-ravshan bildiradi deb umid qilaman», – deb yozgan Isroil mudofaa vaziri.
Isroil vaziri BMT rezolyusiyalariga muvofiq suveren davlat maqomiga ega hamda dunyoning 160 ga yaqin mamlakati tan olgan Falastin bayrog‘ini hilpiratish nega terrorizmni qo‘llash deb hisoblanishi kerakligiga oydinlik kiritmagan.
Ushbu holatga munosabati bildirgan Ispaniya bosh vaziri Pedro Sanches to‘laqonli ravishda Lamin Yamalni qo‘llab-quvvatladi.
«Davlat bayrog‘ini hilpiratishni nafrat tarqatish deb da’vo qilayotganlar yo aqldan ozgan, yo sharmandali ishlari sabab ko‘rish qobiliyatidan mosuvo bo‘lgan. Lamin millionlab ispanlar xayrixoh bo‘lgan Falastin bilan birdamlik izhor qildi. U bilan faxrlanishimiz uchun yana bir sabab bu!» – deb yozdi Pedro Sanches X platformasidagi rasmiy kanalida.
Ma’lumot o‘rnida: dunyo futbolining yangi porlayotgan yulduzi deb ta’riflanayotgan Lamin Yamal 2007-yilda Ispaniyada Marokash va Ekvatorial Gvineya vakillari xonadonida tug‘ilgan.
Yamalning ayni paytda og‘ir ahvolda qolgan Falastinni qo‘llab-quvvatlashi G‘azo ahlini to‘lqinlantirib yuborgani aytilmoqda. Jumladan, G‘azodagi qochqinlar lagerida vayron bo‘lgan bino devoriga Yamalning Falastin bayrog‘ini hilpiratayotgani aks etgan surati chizilgan.
2024-yil may oyida Falastin davlatini tan olgan Ispaniya hukumati xalqaro maydonda Isroilning xalqaro huquqqa zid harakatlarini keskin tanqid qilib kelmoqda.
O‘zaro ziddiyat ortidan Ispaniya hukumati Tel-Avivdagi vakolatxonasi maqomini elchilikdan muvaqqat vakillikka tushirdi.
Mamlakat bosh vaziri Pedro Sanches Isroilning G‘azo sektorida o‘n minglab tinch aholi vakillarini o‘ldirganini qoralab, xuddi Rossiya kabi Isroil ham «Yevrovideniye» tanlovida qatnashmasligini talab qilgan.
Madrid yahudiy davlatining G‘azodagi urushiga norozilik sifatida Isroil kompaniyasidan ko‘p millionlik o‘q-dori buyurtmasini ham bekor qilgan.
Pedro Sanches Isroil bosh vaziri Binyamin Netanyahuni Livanda ham G‘azoga o‘xshash vayronagarchilikni keltirib chiqaruvchi harakatlarini qoralagan.
Dam olish kunlari ba’zi joylarda 39-41 daraja issiq kuzatiladi
Yaponiya atom elektr stansiyasida radioaktiv zarrachalar bilan bug ‘chiqishi kuzatildi
Prezident Putin “Moldovani g‘azablantirgan” hujjatni imzoladi.
-
Jamiyat5 days agoVaxshivor tog‘larida adashib qolgan 4 nafar fuqaro qutqarildi
-
Siyosat4 days ago
Trampga 80 kunlik muddat nima berdi? (video)
-
Iqtisodiyot4 days ago
O‘zbekiston ko‘proq nimalarni import qilmoqda?
-
Siyosat4 days ago
Putin Yevropa bilan muzokaraga kirishish shartini aytdi
-
Siyosat2 days agoPrezident Mirziyoyev Toshkent metropolitenini 2035 yilgacha kengaytirishni maʼqulladi
-
Siyosat5 days agoO‘zbekistonda 800 ga yaqin davlat xizmatlarini tartibga solish ko‘zda tutilgan
-
Siyosat5 days agoQuvaytning yangi elchisi O‘zbekistondagi diplomatik missiyasini boshladi
-
Iqtisodiyot4 days ago
13-maydan dollar yana ko‘tariladi