Sport
Liverpulda yana drama, «Bavariya» «Chelsi»dan qasos oldi, «PSJ» yana 4 ta gol bilan boshladi
Keyn «Chelsi»ni «osmondan tushirdi», «Liverpul» «Atletiko» bilan o‘yinning qo‘shimcha daqiqalarida g‘alabani ilib ketdi, Simeone muxlislar bilan janjallashdi. Seshanba oqshomida birinchi tur doirasidagi asosiy voqealar, o‘yinlardagi gollar va turnir jadvalidagi vaziyat.
«Liverpul» – «Atletiko» 3:2
Gollar: Roberson, 4 (1:0). Saloh, 6 (2:0). Liorente, 45+3 (2:1). Liorente, 81 (2:2). van Deyk, 90+2 (3:2)
«Liverpul»: Alisson, van Deyk, Konate, Roberson (Kerkez, 86), Frimpong (Bredli, 58), Virs (Ngumoxa, 74), Soboslai, Gravenberh, Gakpo (Makallister, 58), Saloh, Isak (Ekitike, 58)
«Atletiko»: Oblak, Langle, Le Norman, Galan, Liorente, Gallaher (Molina, 61), Barrios, Gonsales (Pubil, 77), Simeone, Grizmann (Serlot, 61), Raspadori (Koke, 52)
Ogohlantirishlar: Bredli, 71 – Le Norman, 32. Langle, 45
«Atletiko» qanday formada bo‘lmasin, ular doimo top-jamoalarga jang taklif eta olishadi. Ayniqsa bu — «Liverpul» bo‘lsa. Ayniqsa 2:0 hisobida ortda qolayotganida. Mersisaydlik faxriylar 2020 yil «Enfild»da o‘tkazilgan o‘yinni yoddan chiqara boshlagandi. Saloh va Roberson o‘yinning oltinchi daqiqasiga kelib ikki gol farqini yuzaga keltirishdi hamda Oblakni tahlika ostida ushlab turishdi: mezbonlar birinchi bo‘limning o‘zida 16 bor zarba berishdi va uchinchi golni urish uchun hakamdan penalti ham so‘rashdi.
«Atletiko» esa hisob 0:2 ko‘rinishiga kelganini sezmagandek o‘z vaziyatini kutishda davom etdi — va ikkita gol bilan javob qaytardi. Birinchi bo‘limga qo‘shib berilgan daqiqalarda Liorente kichik Simeonening pasini golga aylantirdi, 81-daqiqada esa raqib jarima maydonidan qaytgan to‘pni egallab olib, hisobni tenglashtirdi. Ammo bu o‘yin ham Slot-taym iborasiz o‘tmadi: qo‘shimcha daqiqalarda van Deyk burchakdan oshirilgan to‘pni bosh bilan darvozaga yo‘llab, g‘alaba golini urdi. Mersisaydliklar joriy mavsumdagi beshinchi o‘yinida ham o‘yin oxirida g‘alabani ilib ketmoqda (bungacha «Bornmut» bilan o‘yinning 88-daqiqasida Kiyeza, «Nyukasl»ga qarshi o‘yinning 90+10 daqiqasida Ngumoxa, «Arsenal»ga qarshi o‘yinning 83-daqiqasida Soboslai, «Byornli»ga qarshi o‘yinning 90+5 daqiqasida Saloh ham shunday ishni amalga oshirgandi).
Simeone esa jamoasi durangni saqlab qola olmaganidan keyin mahalliy fanatlar bilan janjallashdi va qizil kartochka oldi — «matraschilar»da inqiroz davom etmoqda.
«Bavariya» – «Chelsi» 3:1
Gollar: Chaloba, 20 avtogol (1:0). Keyn, 27 penalti (2:0). Palmer, 29 (2:1). Keyn, 63 (3:1)
«Bavariya»: Noyyer, Upamekano, Ta (Kim Min Je, 46), Stanishich (Boe, 51), Laymer, Kimmih, Pavlovich (Goretska, 64), Gnabri (Bishof, 90+1), Dias, Olise, Keyn (Jyekson, 90+1)
«Chelsi»: Sanches, Adarabioyo, Chaloba, Kukurelya, Gyusto, Jyeyms (Santos, 68), Kaysedo, Fernandes (Estevan, 81), Palmer, Pedru Netu (Garnacho, 68), Joao Pedro
Ogohlantirishlar: Ta, 29. Laymer, 85. Olise, 85 – Santos, 90
Birinchi tur doirasida navbatdagi top-raqiblar o‘rtasidagi to‘qnashuvda intrigalar talaygina edi. Germaniyalik muxlislar 2012 yil «Alyans Arena»da London jamoasiga boy berilgan finalni haligacha yoddan chiqargani yo‘q. Rahbariyat o‘zgarganidan keyin beqaror jamoaga aylangan «Chelsi» nihoyat Mareska davrida tunnel oxirida yorug‘lik ko‘ra boshlagan, o‘tgan mavsumda yevrokuboklarda munosib qatnasha olmagan myunxenliklar esa Kompanining ikkinchi mavsumida haqiqiy mashinaga aylangan. «Bavariya» bu safargi o‘zaro o‘yinga mutlaq favorit sifatida yetib keldi. Jamoa o‘zi ishtirok etayotgan barcha turnirlarda yirik hisoblarda g‘alaba qozonmoqda, Harri Keyn, Maykl Olise, Luis Dias va Serj Gnabridan iborat hujum to‘rtligining o‘zi birgalikda 14 gol urishdi.
Odatda top-klublar o‘zaro uchrashuvda ehtiyotkorlik bilan harakat qilishadi, «Bavariya» va «Chelsi» esa bunday yo‘l tutmadi. Ikki jamoa ham ilk daqiqalardan hujumga o‘tdi va gol bo‘lishi vaqt masalasi edi.
Yakunda myunxenliklarning taktikasi muvaffaqiyatliroq chiqdi. 20-daqiqada (bu vaqtga kelib londonliklar chuqur himoyaga yotgan va olisdan berilgan zarbalarni qaytarish bilan band edi) Olise o‘ng qanotdan «Chelsi» jarima maydoniga kirib bordi va ko‘pchilik futbolchi to‘planib turgan markazga to‘p oshirdli. Uning pasiga sheriklari tayyor emasdi, ammo to‘p Trevor Chalobaning oyog‘idan darvoza to‘riga kirib ketdi.
25-daqiqada «Chelsi» himoyasi yana uyaltirdi — bu safar Keyn Kaysedoni o‘ziga fol ishlatishga majbur qildi va belgilangan penaltini o‘zi aniq ijro etib, hisobdagi ustunlikni ta’minladi.
«Bavariya» to‘xtash haqida o‘ylamadi va futbolchilarning barchasi maydonining ikkinchi qismida harakatlandi. Bu esa pand berdi Olise to‘p yo‘qotgach, mehmonlar tezkor qarshi hujumga chiqishdi. Palmer o‘zi boshlagan hujumni o‘zi yakunladi. Shundan keyin jamoalar yengil tin olishdi va birinchi bo‘limda boshqa gol urilmadi.
Ikkinchi bo‘limda ham mezbonlar tashabbusni qo‘lga olib, qator golli vaziyatlarga ega bo‘lishdi. «Chelsi» esa kuchli bosim ostida xato qilishda davom etdi. 63-daqiqada «Chelsi» qisqa paslar bilan himoyadan chiqishga harakat qildi — Sanches to‘pni o‘ng qanotdagi Chalobaga yetkazdi, u Gyustoni oldinga boshladi. Ammo fransuz himoyachisi to‘pni yaxshi qabul qila olmadi va uni yo‘qotmaslik uchun podkat bilan o‘z darvozasi tomon qaytardi. Ammo bu vaziyatni yanada og‘irlashtirdi — to‘pga Ris Jyeymsdan oldin Keyn yetib bordi va jarima maydoniga kirib borib, dublni rasmiylashtirdi.
Amalda Gyusto unga assistentlik qildi — «Chelsi» o‘tkazgan uchta gol ham himoyadagi qo‘pol xatolar tufayli sodir bo‘ldi.
89-daqiqada Palmer dublni nishonladi, ammo uning quvonchi uzoqqa cho‘zilmadi, vaziyatga VAR aralashib, ofsayd holati tufayli golni bekor qildi.
«PSJ» – «Atalanta» 4:0
Gollar: Markinos, 3 (1:0). Kvaratsxeliya, 39 (2:0). Nunu Mendesh, 51 (3:0). Ramush, 90+1 (4:0)
Aniq ijro etilmagan penalti: Barkolya, 44’
«PSJ»: Shevale, Markinos, Pacho, Nunu Mendesh (Zabarniy, 75), Hakimi, Vitinya, Ruis (Li Kan In, 55), Joau Nevesh (Ramush, 58), Barkolya, Kvaratsxeliya (Mbay, 75), Mayulu (Zair-Emeri, 55)
«Atalanta»: Karnesekki, Xin, Jimsiti (Skalvini, 75, Axanor, 85), Kossunu, Musa (Breshanini, 75), de Ron, Bernaskoni, Bellanova, Pashalich, De Ketelare (Samardjich, 46), Maldini (Krstovich, 46)
Ogohlantirish: Musa, 44
Turnirning amaldagi g‘olibi yangi mavsum startiga tarkibdagi muammolar bilan yetib keldi. Ammo barchasi tuyulgani kabi qo‘rqinchli bo‘lib chiqmadi – Dembele va Due hali jarohatini tuzatayotgan bo‘lsa-da, chorshanba kuni Kvaratsxeliya va Li Kan In safga qaytdi. Hujum chizig‘idagi yo‘qotishlarni esa himoyachilar kompensatsiya qilishdi. Markinos raqib jarima maydoni atrofida pressing uyushtirdi, to‘p egallab olingach, Fabian Ruisning uzatmasiga yetib borib, hisobni ochdi. «PSJ» sardori shu kuni fransuzlar klubida 115-xalqaro o‘yinini (klublar o‘rtasidagi jahon chempionati ham hisobga olingan) o‘tkazib, Stiv Mandandaga tegishli rekordni takrorladi.
Uning YeChLdagi gollari sonini 10 taga yetkazish ilinjidagi boshqa ampluadoshlari ham hujumda faol bo‘lishdi. Ammo Nunu Mendesh yakkama-yakka vaziyatdan foydalana olmadi, Hakimining zarbasidan keyin esa to‘p ustunga tegdi. Umuman, parijliklar vaziyat ortidan vaziyat yaratishdi. Barkolyaning goli ofsayd tufayli bekor qilindi, Xvicha esa hech qanday hakam bekor qila olmaydigan qilib gol urdi. U to‘pni jarima maydonigacha olib bordi va to‘pni ustun yonidan darvoza to‘riga kiritdi. Bo‘limga qo‘shib berilgan daqiqalarda Barkolyaning yana bir bor omadi kelmadi, penaltidan juda oddiy zarba berib, Karnesekkini dog‘da qoldira olmadi.
Enrikening tanaffusdagi ko‘rsatmalaridan keyin Barkolya nihoyat golli harakat amalga oshirib, Mendeshning goliga assistentlik qildi. Undan to‘pni qabul qilib olgach, portugaliyalik himoyachi raqiblardan birini fint bilan yo‘ldan oldi va yaqin burchakka yo‘llagan zarbasi bilan darvozabonni dog‘da qoldirdi. O‘yinga ikkinchi bo‘limda qo‘shilgan Ramush esa hakam tomonidan qo‘shib berilgan daqiqalarda o‘z golini urdi va tabloda «PSJ»ga xos hisob porlay boshladi. «PSJ» yil boshidan buyon urilgan gollar soni bo‘yicha tengsiz — 133!
«Ayaks» – «Inter» 0:2
Gollar: Tyuram, 42 (0:1). Tyuram, 47 (0:2)
«Ayaks»: Yarosh, Itakura (Shutalo, 84), Bas, Vayndal, Goei, Klassen, Teylor (Makkonnell, 63), Reger (Glux, 76), Gods (Moro, 76), Edvardsen, Veghorst (Dolberg, 63)
«Inter»: Zommer, Akanji, Bastoni, de Vrey, Hoqon Chalxono‘g‘li (Suchich, 86), Mxitaryan (Frattezi, 69), Barella (Karlos Augustu, 79), Dimarko (Zelinski, 79), Dyumfris, Tyuram (Bonni, 86), Espozito
Ogohlantirishlar: Bas, 73 – Tyuram, 17. Mxitaryan, 67
Amsterdamdagi o‘yinda «Inter» avvaliga olov bilan o‘ynashdi, Tyuram esa avvaliga oqshomning eng omadsiz o‘yinchisi bo‘lishga da’vogarlik qildi. Fransuz hujumchisi qulay vaziyatda turib uzoq burchakni nishonga oldi va imkoniyatni qo‘ldan chiqardi, ko‘p o‘tmay VAR tufayli u ishlagan penalti bekor qilindi. Bas Tyuramni jarima maydoni ichida yiqitishdan oldin, uning tashqarisida Markusning o‘zi raqibiga nisbatan qoida buzgani oydinlashdi. «Ayaks» esa qarshi hujumda vaziyatga ega bo‘ldi, Gods uzun pas bilan yakkama-yakka vaziyatga chiqarib yuborildi.
Zommer «neradzurri»ni qutqarib qoldi, shundan so‘ng Tyuram o‘ziga kela boshladi. Hoqon Chalxono‘g‘lining birinchi bo‘lim oxiridagi va ikkinchi bo‘lim boshidagi ikkita burchak zarbasi – iikkinchi qavat”dan berilgan ikkita benuqson zarba. Tyuramga qadar «Inter» safida YeChLda faqatgina Ernan Krespo bosh bilan dubl qayd etgandi. Fransuz milanliklarga muhim g‘alaba keltirdi va Kristian Kivuga bosimni olib tashladi.
«Slaviya» – «Bude-Glimt» 2:2
Gollar: Mbodji, 23 (1:0). Mbodji, 74 (2:0). Bassi, 78 (2:1). Fet, 90 (2:2)
Aniq ijro etilmagan penalti: Xeg, 54’
«Slaviya»: Stanek, Zima, Mbodji (Xasioka, 77), Xolesh (Xaloupek, 18), Zafeyris, Provod, Sadilek (Cham, 90+8), Dorli, Dudera, Kushey (Shrans, 90+8), Xori (Xitil, 77)
«Bude-Glimt»: Haykin, Bertuft, Gundersen (Riysnes, 65), Aleyesami (Nilsen, 85), Sevold, Berg, Euklenn (Fet, 74), Even, Hauge, Yyergensen (Bassi, 46), Heg (Helmersen, 74)
Ogohlantirishlar: Mbodji, 69. Xitil, 90 – Bertuft, 45. Aleyesami, 79. Berg, 85
«Olimpiakos» – «Pafos» 0:0
«Olimpiakos»: Pasxalakis, Pirola (Byankon, 75), Retsos, Ortega, Rodiney (Koshtinya, 61), Dani Garsiya (Muzakitis, 46), Esse (Pnevmonidis, 75), Shikinyu, Podense, Strefetssa (Torimiy, 46), Al-Kaabi
«Pafos»: Mixail, David Luiz (Pileas, 33), Goldar, Lyukkassen, Shunich, Dragomir (Anderson Silva, 85), Pepe, Brunu, Joau Korreya (Langa, 76), Dimata (Orshich, 33), Jaja (Sema, 76)
Ogohlantirishlar: Dani Garsiya, 20. Pirola, 36. Torimiy, 72 – Brunu, 15. Langa, 88
Chetlatish: Brunu, 26 (ikkinchi sariq)
Shavkat Mirziyoyev shaxmatchilar bilan uchrashuvda Javohir Sindorov, Muhiddin Madaminov va Shamsiddin Vohidovning Olimpiadadagi o‘yinlarini alohida e’tirof etdi.
Prezident Javohir Sindorovga murojaat qilib, bir necha oy avval uning Nomzodlar turniridagi tarixiy g‘alabasi nishonlanganini esladi. Olimpiadada ham Javohir Sindorov sovuqqonlik va barqarorlik ko‘rsatib, kuchli raqiblar oldida ortga chekinmagani ta’kidlandi.
«Endi oldingda yana bir ulkan marra — jahon toji uchun bellashuv turibdi. Bugun ortingda nafaqat jamoadoshlaring va ustozlaring, balki qirq millionga yaqin O‘zbekiston xalqi turibdi. Biz senga ishonamiz!» — dedi davlat rahbari.
Yirik musobaqada ilk bor ishtirok etgan Muhiddin Madaminov hal qiluvchi kunda ukrainalik Roman Dextyarovni qora donalarda mag‘lub etdi.
Uning g‘alabasi jamoaga oltin medal uchun zarur ochkoni olib keldi. Prezident uning g‘ayrati va g‘alabalari muxlislar ko‘nglidan joy olganini ta’kidladi.
Shamsiddin Vohidov ham umumiy natijaga munosib hissa qo‘shdi. U amaldagi jahon chempioni Gukeshga qarshi qora donalarda tengma-teng kurashib, o‘z salohiyatini namoyon etdi.
Prezident oltin medal jamoaning har bir a’zosi mehnati va hissasi natijasi ekanini ta’kidladi.
«Bu oltin medalda jamoaning har bir a’zosining mashaqqatli mehnati va ulkan hissasi bor», — dedi Prezident.
Davlat rahbari shaxmatchilar haqida hali kitoblar yozilishi, filmlar yaratilishi va ularning o‘yin uslubi darsliklarga kirishiga ishonch bildirdi.
Yosh shaxmatchilarni tayyorlash imkoniyatlarini kengaytirish uchun Toshkent xalqaro shaxmat akademiyasining Samarqand, Xorazm va Farg‘onada uchta mintaqaviy filiali tashkil etiladi. Akademiyada oliy toifali murabbiylarni tayyorlash ham yo‘lga qo‘yiladi.
FIDE reytingida 1 ming 500 dan yuqori ball to‘plagan shaxmatchilarning xususiy klublarda o‘qish xarajatlarining yarmi davlat tomonidan qoplanadi. Bu yosh iste’dodlarning tayyorgarligini davom ettirishiga qo‘shimcha imkoniyat yaratadi.
Mamlakatimizda “O‘zbekiston Grand Chess” milliy brendi ostida xalqaro turnirlar muntazam o‘tkazib boriladi. Bu shaxmatchilarimizga kuchli raqiblar bilan o‘z yurtimizda bellashish imkonini beradi.
Prezidentimiz Yangi Toshkentda 500 kishilik o‘yin zali, yotoqxona va sport maydonchalariga ega zamonaviy shaxmat saroyini barpo etishni taklif qildi.
O‘zbekiston delegatsiyasi Yaponiyadagi Osiyo o‘yinlarining bugungi kunini oltin va kumush medallarni qo‘lga kiritish bilan boshladi.
Shahriyor Mahkamov baydarkachilar o‘rtasida 500 metr masofaga kechgan yakkalik poygalarida marrani birinchi bo‘lib zabt etib, Osiyo o‘yinlari chempioniga aylandi.
Terma jamoamizning yana bir a’zosi Arina Tanatmisheva esa kumush medalni qo‘lga kiritdi. U 500 metr masofaga kechgan yakkalik dasturida marraga ikkinchi bo‘lib yetib keldi.
Shuningdek, kanoeda eshkak eshish bo‘yicha O‘zbekiston jamoasi a’zolari Vladlen Denisov hamda Nilufar Zokirova juftligi kumush medalni qo‘lga kiritdi.
Hozirgacha o‘tkazilgan musobaqalardan so‘ng, O‘zbekiston delegatsiyasi turnir jadvalida 4-o‘ringa ko‘tarilib oldi. Jami 34 ta medal qo‘lga kiritildi: 8 ta — oltin, 17 ta — kumush, 9 ta — bronza.
Aichi-Nagoya-2026 musobaqalarida medallar jamg‘arish bo‘yicha Xitoy peshqadamlik qilmoqda, Yaponiya — ikkinchi, Janubiy Koreya — uchinchi o‘rinda.
O‘zbekiston U-23 terma jamoasining Osiyo o‘yinlari yarim finalidagi raqibi ma’lum bo‘ldi.
Chorak finalda Yaponiya terma jamoasi KXDRni 1:0 hisobida mag‘lub etib, yarim finalga yo‘l oldi.
Shu tariqa, O‘zbekiston U-23 terma jamoasi final yo‘llanmasi uchun musobaqa mezboni Yaponiyaga qarshi maydonga tushadi.
Uchrashuv 30-sentyabr kuni Toshkent vaqti bilan soat 15:30 da “Nagai” stadionida boshlanadi.
Samarqandda o‘tayotgan 46-Butunjahon shaxmat olimpiadasining 10-turi O‘zbekistonning birinchi jamoasi uchun muvaffaqiyatli yakunlandi.
Nodirbek Abdusattorov, Javohir Sindarov, Nodirbek Yoqubboyev va Muhiddin Madaminov ishtirok etgan O‘zbekiston-1 jamoasi Armanistonni mag‘lub etdi.
Abdusattorov, Sindarov va Madaminov o‘z raqiblaridan ustun keldi. Shu tariqa, O‘zbekiston-1 jamoasi 18 ochko bilan musobaqada yetakchilikni saqlab qoldi.
O‘zbekiston-2 jamoasi Hindistonga imkoniyatni boy berdi. O‘zbekiston-3 esa Isroilga qarshi keskin bahsda kichik hisobda mag‘lub bo‘ldi.
Xotin-qizlar o‘rtasidagi 10-turda O‘zbekiston-1 jamoasi Peru vakillarini yirik hisobda mag‘lub etdi.
27-sentyabr kuni Olimpiadaning so‘nggi — 11-tur bahslari o‘tkaziladi. Uning yakunlariga ko‘ra, g‘olib va sovrindor jamoalar aniqlanadi.
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot4 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat4 days ago
Toshkentda xalqaro moda akademiyasi tashkil etiladi
-
Iqtisodiyot1 day ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat1 day ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat1 day ago
O‘zbekiston do‘konlarida 73 turdagi mahsulot sifatsiz deb topildi