Jamiyat
“Kun.uz’da chiqqan video sabab orzumga erishdim” – Harvard grantini yutgan qiz
Dilafruz Sobirova Farg‘ona shahridagi Prezident maktabining 11-sinf o‘quvchisi. IELTS’dan 8, SAT imtihonidan 1540 ballni qo‘lga kiritgan, nemis tilidan Multilevel imtihonida ham B2 darajani egallagan. U Harvard universitetiga 100 foizlik grantni qo‘lga kiritib integratsiyalashgan biologiya yo‘nalishiga qabul qilindi. Qahramonimiz Kun.uz’da e’lon qilingan Go‘zalxon Haydarova haqidagi videomaterialni ko‘rib ilhomlanib orzusiga erishgani haqida so‘zlab berdi.
{Yii::t(}
O’tkazib yuborish 6s
O’tkazib yuborish
Dilafruz Sobirova prezident maktabida eko-qo‘mita sardori, Yangi O‘zbekiston universiteti tomonidan tashkillangan Hogwars yozgi oromgohi qatnashchisi, Breakthrough Junior Challenge Top 30%dagi video sohibasi, Hippo xalqaro ingliz tili olimpiadasi 2022-2023 yarim-finalisti va ingliz tili olimpiadasining viloyat bosqichi g‘olibasi bo‘lgan ekan.
Go‘zalxon Haydarovaning intervyusi hayotimni o‘zgartirdi…
Men Harvard universitetining integratsiyalashgan biologiya yo‘nalishiga 100 foiz grant bilan qabul qilindim. Farg‘ona shahridagi prezident maktabida o‘qiyotgan paytimda namanganlik Go‘zalxon Haydarova Harvardga o‘qishga kiribdi, degan xushxabarni aytishgandi bizga. U bu muvaffaqiyatga qanday erishgani haqida Kun.uz saytiga intervyu bergan ekan. O‘shanda 168 nafar o‘quvchini yig‘ib, ana shu intervyuni qo‘yib berishgandi. Aynan shu videoni ko‘rib (o‘sha paytda 8-sinf o‘quvchisi edim) men ham Harvardga kiraman, deb ichimda orzu paydo bo‘lgandi. Shundan so‘ng Telegram’dagi profilimga Harvard universitetining rasmini qo‘yganman. O‘shandan beri hali o‘zgartirganim yo‘q. Alloh nasib qilgan ekan ikki yil o‘tib, o‘sha universitetga qabul qilindim. Bugun ertalab soat 5:00 da chiqdi natijalar.
Dilafruz Sobirova
Natijalar chiqqach ustozim Jons Hopkins universiteti talabasi Bobur Baxtiyorov tabriklagani keldi. Natijalar chiqishini hammasiz intiq bo‘lib kutayotgan edik. Natijani ko‘rib o‘zimni nazorat qila olmadim, ko‘zimga yosh kelib ketdi-da. Shuncha yil kutgan narsam xuddi ishonib bo‘lmaydigan tushga o‘xshar edi-da. Tushda ham shunaqa bo‘lishi mumkin-ku, balki tush ko‘ryapman deb o‘yladim. Keyin yo‘q, hammasi haqiqat ekan…
Harvardni Harvard qiladigan o‘quvchilarning natijalari…
Quva tumanining Xonobod qishlog‘ida yashaymiz. Otam shifokor, onam o‘qituvchi, oilada to‘ng‘ich farzandman. Ota-onam bu yutug‘imdan boshlari ko‘kka yetdi. Boshimdan o‘tgani shu bo‘ldiki, inson eng avvallo orzuga albatta erishaman deb ishonishi kerak ekan. Chunki ko‘pchilik Harvard katta universitet, kira olmaysan deyishgandi. Lekin niyatimdan qaytmadim. Nega? Chunki o‘zimda o‘sha ishonchni topishimga o‘sha profilga qo‘ygan universitet surati, ko‘rgan videomaterial yordam berdi.
Harvardga hamma ham bora olmaydi. Ingliz tilini, matematikani bilishingiz kerak, fanlarni yetarlicha o‘zlashtira olishingiz kerak. Iqtidorli o‘quvchilar juda ko‘p. Lekin Harvard hamma iqtidorlilarni ham qabul qila olmaydi. Joyi cheklangan. Misol uchun O‘zbekistondan deylik bitta o‘quvchi qabul qilgan bo‘lsa kerak. Lekin yurtimizdan o‘sha nufuzli oliygohga xujjat topshirgan o‘quvchilarning deyarli hammasi iqtidorli edi. Misol uchun, tajribamda o‘tgan: darsdan tashqari ekologiya muammolari bilan shug‘ullanardim. Biologiya bo‘yicha tajribalar qilib, ularni video shaklida Instagram’ga, YouTube’ga joylar edim. Ba’zilarini o‘zbek, ba’zilarini ingliz tilida. Darsdan tashqari vaqtimni samarali o‘tkazishga harakat qilganman. Chunki bilaman, hammamiz bir xil dars o‘qiymiz, bir xil narsamiz bor. Lekin bizni ajratadigan narsa darsdan keyin nima qilishimiz bo‘lgan. Shuning uchun boshqalardan ajralib turadigan hamda odamlarga foyda keltiradigan mashg‘ulotlar bilan shug‘ullanishga harakat qilganman. Ayollarni, xotin-qizlarni yig‘ib, ham onlayn, ham oflayn dars o‘tganmiz. Farg‘ona Davlat universitetidan o‘qitishni boshlaganmiz. Keyin onlayn o‘qitishni ham yo‘lga qo‘ydik. Aynan shu kabi biz qilgan mashg‘ulotlarimiz boshqalardan ajratib turgan va bizni odamlarga yordam bera olganimiz va aynan yordam berish jarayonida o‘zimizda ham bo‘lgan o‘zgarish aynan Harvardga ma’qul kelgan. Ularda shunday his bo‘lganki, demak, bu o‘quvchi shuncha o‘qibdi, shuncha narsani qilibdi. Demak, bizning universitetimizga kelganda ham biz bergan resurslardan samarali foydalana olib, deylik, prezident bo‘la oladi, Nobel yuta oladi. Bizning Harvardni dunyoga tanita oladi. Harvardni Harvard qiladigan o‘quvchilarning natijalari. Ularga natija qiladigan o‘quvchi kerak. Qayerdan bilishadi? Ular taxmin qila olmaydi. Aniq bilishmaydi, lekin o‘quvchining qilgan ishiga qarab nima qila olishini taxmin qilishadi.
Ibn Sino izdoshi…
Uyimizdagi issiqxonada gullar parvarish qilamiz. Bolaligimdan, tug‘ilganimdan boshlab gullarni ko‘rib voyaga yetganman. Yashillikni ko‘rib tabiiy fanlarga qiziqib qolganman.
Atrofda, ayniqsa O‘zbekistonda ekologik muammolar ko‘p. Ayniqsa havo ifloslanishi Toshkentda, o‘zimizning Farg‘onada ham yetarlicha. Biologiyani aynan tabiatdagi muammolarni yechish uchun foydalanishimiz mumkin. Barcha qiziqishimlarni birlashtirishga qaror qildim va ko‘rdimki Harvardda shunday yo‘nalish bor ekan…
Biologiyani tabiatni himoya qilish sohasida qo‘llamoqchiman. Aynan shu tabiatdagi muammolarni yechish uchun biologiyani ishlatmoqchiman. Bundan tashqari genetikani ko‘proq o‘rganmoqchiman. Aynan biz gullarni birlashtirganmiz, gullarning genlarini. Kelib yana balki genetika sohasida O‘zbekistonda kashfiyot qilishim mumkin. Ibn Sino bobolarimiz aynan shu biologiya, tibbiyot, genetika sohasida butun dunyoda birinchi bo‘lishgan. Avitsenna nomini olgan butun Yevropa bo‘yicha. Lekin orada uzilish bo‘ldi. Endi yana o‘sha uzilishdan keyin yana o‘sha uchinchi Renessans, prezidentimiz aytganidek, uchinchi Renessansning poydevorini qo‘yib, yana o‘sha ajdodlarga mos avlod bo‘lib, aynan ularning nomini qaytarmoqchiman. Xuddi ibn Sinodek Dilafro‘z deganda butun dunyo bilishini xohlayman.
Eng muhimi orzu bilan yashang…
Harvard universitetida ma’lum talablar: IELTS, SAT xalqaro imtihonlari bor. IELTS’dan 8 ball, SAT imtihonidan 1540 ballni qo‘lga kiritganman va eng ilk qadamni qo‘ymoqchi bo‘lgan yoshlar ham aynan shu imtihonlarni topshirib, aynan shu talablarni qondirishlari kerak bo‘ladi.
Endi yoshlarga maslahatim, bugun Harvard talabasi bo‘lgan o‘quvchi sifatida, oddiy bir o‘zbek qizi sifatida sizlarga aytadigan gapim bor. Eng muhimi orzu bilan yashang. Orzuyim Harvardga kirish bo‘lgan. Aynan orzu ortidan ergashdim va nasib qildi, shunga erishdim. Orzungiz shunchalik kuchli bo‘lsinki, u tunlari sizni uxlatmasin. Aynan o‘sha orzuga erishish uchun harakat qiling. Orzu shunchalik kuchli bo‘lsin, unga bog‘lanib qoling. Albatta bir kun unga erishasiz. Xoh Harvard bo‘lsin, xoh boshqa nufuzli universitet. Eng muhimi harakatdan to‘xtamang, niyat qilishdan to‘xtamang.
To‘liq intervyuni Kun.uz’ning YouTube’dagi kanalida tomosha qilishingiz mumkin.
Sarvar Ziyoyev,
Sardor Mamirov,
Kun.uz
Prezident o‘z nutqida 7 milliy dastur haqida e’lon qildi.
Birinchi milliy dastur bilim va malakani kelgusi taraqqiyotning asosiy kapitaliga aylantirishdan iborat bo‘ladi.
Bolalarning 6 yoshli tayyorlov guruhlariga qamrov qisqa muddatda 100 foizga olib chiqiladi. Xususiy bog‘cha tashkil qilish bo‘yicha mavjud imtiyozlar saqlab qolinadi.
Barcha maktablar xalqaro baholash dasturlari bilan to‘liq qamrab olinadi.
Yurtimizdagi texnikumlarda xalqaro ta’lim standartlarini joriy etiladi. Ularda yoshlarimizni yuqori daromadli kasblarga o‘qitishni yo‘lga qo‘yib, qamrovni 1 millionga yetkaziladi. Bir so‘z bilan aytganda, Yangi O‘zbekistonda kasb egallamagan birorta yigit-qiz qolmaydi.
Ikkinchi milliy dastur xalqimizning sog‘lom bo‘lishi va uzoq umr ko‘rishini ta’minlashga xizmat qiladi.
Shu maqsadda aholi salomatligi bilan bog‘liq davlat xarajatlarini kelgusi besh yilda yalpi ichki mahsulotga nisbatan 5 foizga yetkaziladi.
Tibbiyotda profilaktikani kuchaytirish orqali salomatlikni asrash modeliga o‘tiladi. Davlat tibbiy sug‘urtasi mamlakatning barcha xonadonlariga kirib boradi
Ixtisoslashgan tibbiyotda raqobat muhitini kuchaytirish maqsadida dunyoning eng nufuzli kamida 5 ta klinikasi olib kelinadi.
Uchinchi milliy dastur – iqtisodiyotimizni yuqori texnologiya va mehnat unumdorligi modeliga o‘tkazish.
Buning uchun kelgusi o‘n yilda 450 milliard dollar xorijiy investitsiya jalb qilinadi. Iqtisodiyotda yuqori o‘sish sur’atini saqlagan holda, 2030 yilgacha yalpi ichki mahsulot hajmi 300 milliard dollarga yetkaziladi, sanoatda 2 millionta yuqori daromadli ish o‘rni yaratiladi.
Yoshlarimizning salohiyatini to‘liq ro‘yobga chiqarishda startap, venchur va sun’iy intellektni rivojlantirish ustuvor yo‘nalishga aylanadi.
Shuningdek, kichik biznes – o‘rta biznesga, o‘rta korxonalar esa yirik kompaniya va korporatsiyalarga aylanishi uchun yaxlit ekotizimni yo‘lga qo‘yamiz. Bularning hisobiga kelgusi o‘n yilda jon boshiga yalpi ichki mahsulot hajmi 10 ming dollarlik marradan oshadi.
Global iqlim o‘zgarishi sharoitida suv va ekologiya masalalari yanada dolzarb bo‘lib bormoqda.
Shu bois, to‘rtinchi milliy dastur suv va tabiatga munosabatni tubdan o‘zgartirishga qaratiladi.
Kelgusi besh yilda ekin maydonlarida suv tejaydigan texnologiyalar qamrovini 100 foizga olib chiqiladi. Bu – umummilliy marraga aylanadi.
Adolat qaror topgan joyda iqtisodiy o‘sish ham, ijtimoiy ishonch ham yuksaladi.
Bu borada beshinchi milliy dastur – sud mustaqilligini kuchaytirish va qonun ustuvorligini ta’minlashni umumiy qadriyatga aylantirishdan iborat.
“Buning uchun huquqiy tarbiyani maktabdan boshlab aniq tizim asosida yo‘lga qo‘yamiz. Fuqarolar va tadbirkorlarning qonuniy kafolatlarini kuchaytirish bo‘yicha islohotlarimizni qat’iy davom ettiramiz. Kiberjinoyatchilik, giyohvandlik va odam savdosining oldini olish bo‘yicha choralarni yanada kuchaytiramiz.
“Yashirin iqtisodiyot”, uyushgan jinoyatchilik, ayollar va bolalar huquqini kamsitishga qarshi kurashni yangi bosqichga ko‘taramiz.
Odamlarimizning kayfiyati, oilalarning farovonligi, yoshlarning orzu-istagi, tadbirkorlarning tashabbuskorligi, eng avvalo, mahallada namoyon bo‘ladi.
Shuning uchun oltinchi milliy dastur mahallani jamiyat taraqqiyotining asosiy buyurtmachisiga aylantirishga yo‘naltiriladi.
Endi davlat dasturlarini ishlab chiqish bo‘yicha yondashuv butkul o‘zgaradi. Tuman budjeti, investitsiya dasturi hamda infratuzilma loyihalari mahalla buyurtmasi asosida ishlab chiqiladi. Bunda fuqarolarning talab va ehtiyoji, mahallaning farovonligi – eng asosiy mezon sifatida belgilanadi”, dedi Prezident.
Yettinchi milliy dastur – O‘zbekistonning tinchlik va do‘stlik diyori, bag‘rikeng o‘lka sifatidagi nufuzini har tomonlama yuksaltirishdan iborat.
Bizning ochiq, pragmatik va tinchlikparvar siyosatimiz uzoq muddatli taraqqiyotimizni ta’minlashga qaratilgan.
Bu yilgi Mustaqillik bayrami ijtimoiy tarmoqlarda chin ma’noda portladi. Prezident Shavkat Mirziyoyevning nutqi, bayram ssenariysi va sahnadagi chiqishlarga foydalanuvchilardan juda katta, samimiy va kuchli reaksiya bo‘ldi.
Izohlarni o‘qib, bir narsa yaqqol ko‘rinadi: odamlar bayramni shunchaki tomosha qilmagan — his qilgan.
“Juda zo‘r!”, “Boshqacha bo‘ldi!”, “Ta’sirli!”, “Gap yo‘q!”, “Sahnadagi energiya va jonli ijro odamni lol qoldirdi, haqiqiy bayram kayfiyati!”, “Harbiylarning safdagi kelishgan va qat’iy qadamlari qalbimizni g‘ururga to‘ldiradi”, “Juda go‘zal bayram, betakror bayram”… — ijtimoiy tarmoqlardagi minglab fikrlarda bir xil kayfiyat.
Ayniqsa, Prezident nutqidagi fikrlar alohida muhokama qilindi. Vatan tarixi, bugungi islohotlar va kelajakka ishonch uyg‘unlashgan nutq ko‘pchilikda kuchli taassurot qoldirdi.
Bu yilgi Mustaqillik bayrami sahnada o‘zgacha bo‘ldi — ijtimoiy tarmoqlardagi reaksiya esa bundan ham kuchli!
Bu shunchaki izohlar emas. Bu — xalqning bayramga bo‘lgan kayfiyati.
BYD Central Asia mahalliy ishlab chiqarilayotgan BYD CHAZOR UzPride modelining rasmiy sotuvi boshlanganini e’lon qiladi. Mahalliylashtirish darajasi yuqori bo‘lgani tufayli 55 KM Luxe jamlanmasi 255 900 000 so‘m narxda taklif etilmoqda.
Modelning nomi uning mazmun-mohiyatini aks ettiradi: brend mahalliy bozorda izchil rivojlanib, texnik mutaxassislarni tayyorlash va mamlakat avtomobilsozlik sanoatini zamonaviylashtirishga ko‘maklashmoqda. Shu bilan birga, zamonaviy texnologiyalarni aholining tobora keng qatlamlari uchun qulay va hamyonbop qilmoqda. Shu sababli yangi talqin O‘zbekiston va uning xalqiga chuqur hurmat ramzi sifatida UzPride nomini oldi.
O‘zbekiston Respublikasi mustaqilligining 35 yilligi munosabati bilan xaridorlar uchun maxsus moliyalashtirish dasturi tayyorlandi:
– boshlang‘ich to‘lov – 35%;
– bo‘lib to‘lash muddati – 35 oy;
– foiz stavkasi – 0%;
– moliyalashtirishni rasmiylashtirish – faqat OFB hamkor banki orqali.
Mustaqillikning 35 yilligiga bag‘ishlangan moliyalashtirish dasturi shartlari 2026 yil 29 avgustdan 1 sentyabrgacha amal qiladi.
Dastur shartlari qutlug‘ sana bilan ramziy tarzda uyg‘unlashtirilgan bo‘lib, yangi supergibrid sedanni O‘zbekiston bo‘ylab xaridorlar uchun yanada qulayroq shartlarda sotib olish imkonini beradi.
BYD CHAZOR UzPride haqida
BYD CHAZOR UzPride DM-i supergibrid tizimi bilan jihozlangan. Unda elektr yuritmaning afzalliklari 1,5 litr hajmli yuqori samarali benzin dvigatelining imkoniyatlari bilan uyg‘unlashtirilgan.
132 kVt quvvatga ega elektr dvigatelining eng yuqori burovchi kuchi 316 N·m ni tashkil etadi. Avtomobil 0 dan 100 km/soat tezlikka 7,9 soniyada chiqadi. NEDC o‘lchov tartibi bo‘yicha faqat elektr quvvatida yurish masofasi 55 kilometrgacha yetadi. Akkumulyator quvvati past bo‘lganda yoqilg‘i sarfining eng kam ko‘rsatkichi 100 kilometrga 3,8 litrni tashkil etadi.
55 KM Luxe jamlanmasiga aylantiriladigan 12,8 dyuymli multimedia ekrani, 8,8 dyuymli displeyga ega raqamli ko‘rsatkichlar paneli, o‘zbek tilidagi aqlli ovozli boshqaruv tizimi, 4G va Bluetooth ulanishi, shuningdek, OTA orqali masofadan yangilash imkoniyati kiradi.
Haydovchiga yanada ko‘proq qulaylik yaratish maqsadida avtomobil kalitsiz kirish tizimi, NFC-karta, masofadan ishga tushirish, o‘rindiqni elektr yordamida sozlash, elektr yuritmali tom tuynugi hamda orqa o‘rindiq yo‘lovchilari uchun havo yo‘naltirgichlarga ega iqlim tizimi bilan jihozlangan.
360° atrofni ko‘rsatuvchi panoramali HD-kamera hamda old va orqa to‘xtash datchiklari avtomobilni boshqarish va tor joylarda harakatlanishni osonlashtiradi.
Xavfsizlik tizimlari qatoriga tezlikni bir maromda saqlash tizimi, yo‘nalish barqarorligini nazorat qilish, g‘ildiraklarning sirpanishiga qarshi tizim, shinalardagi bosimni kuzatish, qiyalikda harakatni boshlashga ko‘maklashish, avtomobilni avtomatik ushlab turish, old va yon xavfsizlik yostiqchalari, shuningdek, parda turidagi xavfsizlik yostiqchalari kiradi.
BYD CHAZOR UzPride modelining mahalliy ishlab chiqarilishi yangi energiya manbalarida harakatlanuvchi zamonaviy avtomobillar tanlovini kengaytiradi hamda mamlakat avtomobilsozlik sanoatining rivojlanishiga hissa qo‘shadi.
BYD Central Asia kompaniyasining mustaqillikning 35 yilligiga bag‘ishlangan dasturi – O‘zbekiston Respublikasi mustaqilligining 35 yilligini mamlakatimizda ishlab chiqarilgan yangi avtomobil boshqaruvida kutib olish uchun ajoyib imkoniyatdir.
*Mustaqillikning 35 yilligiga bag‘ishlangan moliyalashtirish dasturi 2026 yil 29 avgustdan 1 sentyabrgacha, 1 sentyabr kuni ham, amal qiladi. Dastur doirasidagi moliyalashtirish faqat OFB hamkor banki orqali rasmiylashtiriladi. Dastur bo‘yicha taklif etiladigan avtomobillar soni cheklangan. Texnik ko‘rsatkichlar ma’lumot berish maqsadida keltirilgan bo‘lib, yo‘l va ob-havo sharoiti, avtomobilning yuklanish darajasi hamda haydash uslubiga qarab farq qilishi mumkin. Avtomobilni sotib olish shartlari va jamlanmasi haqidagi batafsil ma’lumotni BYD kompaniyasining rasmiy dilerlaridan olishingiz mumkin.
BYD kompaniyasining O‘zbekistondagi aloqa ma’lumotlari
Rasmiy ishonch telefoni: 1811
Rasmiy veb-sayt: bydauto.uz
Instagram: @bydauto.uz
Telegram: t.me/bydautouz
Jamiyat
Yangi o‘quv yilida 806 mingdan ziyod 6 yoshli bola maktabga tayyorlov guruhlariga qamrab olinadi
E-qaror tizimida Maktabgacha va maktab ta’limi vazirligining maktabgacha ta’lim tashkilotlarini 2026/2027 o‘quv yiliga tayyorlash va bolalarni qabul qilish jarayonini samarali tashkil etishga oid buyrug‘i e’lon qilindi. Hujjatning ilovalari Maktabgacha va maktab ta’limi vazirining 2026-yil 18-avgustdagi 299-son buyrug‘i bilan tasdiqlangan.
Hujjatga ko‘ra, 2026/2027 o‘quv yilida respublika bo‘yicha 811 ming 586 nafar 6 yoshli bola hisobga olingan. Ularning 806 ming 290 nafarini maktabga tayyorlov guruhlariga qamrab olish rejalashtirilgan. Natijada qamrov darajasi 99,3 foizga yetkazilishi ko‘zda tutilmoqda.
Maktabga tayyorlov guruhlari bilan qamrab olinmagan 6 yoshli bolalar uchun 485 ta bir yillik bepul majburiy tayyorlov guruhi tashkil etiladi. Ularda jami 13 ming 104 nafar bolani qamrab olish rejalashtirilgan.
Shundan:
— umumiy o‘rta ta’lim maktablarida 413 ta guruh tashkil etilib, 11 ming 163 nafar bola;
— davlat maktabgacha ta’lim tashkilotlarida 65 ta guruh ochilib, 1 ming 766 nafar bola;
— boshqa mos binolarda 7 ta guruh tashkil qilinib, 175 nafar bola qamrab olinadi.
Chora-tadbirlar rejasiga muvofiq, avval hududlardagi 6 yoshli bolalar xatlovdan o‘tkaziladi. Xatlov natijasida tayyorlov bilan qamrab olinmagan bolalar mavjud bo‘sh guruh va o‘rinlarga joylashtiriladi.
Shundan keyin ham qamrovdan tashqarida qolgan bolalar uchun umumta’lim maktablari, davlat maktabgacha ta’lim tashkilotlari, «Kelajak markazlari» va boshqa obyektlarning bo‘sh xonalarida yangi tayyorlov guruhlari tashkil etiladi. Ularni sentyabr–oktyabr oylarida ishga tushirish belgilangan.
Prezident farmonida tadbirkorlik subyektlarining huquqiy himoyasini kuchaytirishga qaratilgan «tadbirkorlik subyektining haqlilik prezumpsiyasi» belgilandi.
Unga ko‘ra, davlat organi tomonidan aksi isbotlanmaguncha tadbirkorlik subyekti va uning mansabdor shaxsi qonunchilikka muvofiq harakat qilgan hamda o‘z majburiyatlarini lozim darajada bajargan deb hisoblanadi.
Sudda tadbirkorga nisbatan huquqiy ta’sir chorasi qo‘llash uchun uning asosli, qonuniy va mutanosib ekanini, shuningdek, huquqbuzarlik faktini isbotlash majburiyati davlat organiga yuklanadi.
Qonunchilikdagi bartaraf etib bo‘lmaydigan ziddiyatlar, noaniqlik va tushunmovchiliklar, shuningdek, dalillar yetarli emasligi tufayli yuzaga keladigan shubhalar tadbirkorlik subyekti foydasiga talqin qilinadi.
Dushanba kuni ham dollar kursi pastlaydi
O‘zbekiston mahsulotlari AQShning eng yirik savdo tarmog‘i orqali Amerika bozoriga chiqishi mumkin
Prezident 7 milliy dastur haqida e’lon qildi
-
Siyosat4 days ago
Шавкат Мирзиёев Бишкекда кутиб олинди
-
Mahalliy3 days ago
«Enamdan qolgan dalalar» (Esse)
-
Jamiyat5 days ago
Qonunchilikdagi noaniqliklar tadbirkor foydasiga talqin qilinadi
-
Jamiyat4 days ago
BYD CHAZOR UzPride – O‘zbekiston mustaqilligining 35 yilligiga bag‘ishlangan maxsus taklif
-
Jamiyat4 days ago
Bu yilgi Mustaqillik bayrami ijtimoiy tarmoqlarda chin ma’noda portladi!
-
Sport5 days ago
«Beradigan boshqa narsam qolmadi» — Messi Argentina terma jamoasidagi faoliyatini yakunladi
-
Jamiyat2 days ago
Prezident 7 milliy dastur haqida e’lon qildi
-
Iqtisodiyot2 days agoPrezidentning bojxona xizmatiga oid farmoni qabul qilindi