Jamiyat
Korrupsiya darajasi bo‘yicha xalqaro reytingda O‘zbekiston 3 pog‘ona pastladi
2025 yil yakunlari bo‘yicha korrupsiyani baholash indeksi e’lon qilindi. Unga ko‘ra, O‘zbekiston 3 pog‘ona tushish bilan 182 ta davlat orasida 124-o‘rinni egalladi, korrupsiyaga qarshi kurashish ko‘rsatkichida esa 100 dan 31 ball oldi. Bu o‘tgan yilgiga nisbatan 1 ballga kamroq.
Transparency International xalqaro nodavlat-notijorat tashkiloti 2025 yil yakunlari bo‘yicha o‘zining an’anaviy Korrupsiyani qabul qilish indeksini e’lon qildi. Bu safar reytingda 182 ta davlatning ko‘rsatkichlari keltirilgan.
O‘zbekiston unda 31 ball bilan 124-o‘rinni egalladi.
Taqqoslash uchun, O‘zbekiston bu indeksning 2016 yilgi hisobotida 21 ball bilan 156-o‘rinda joylashgandi.
Keyingi yillardagi o‘rinlar:
2017 yilda 157-o‘rin (22 ball);
2018 yilda 158-o‘rin (23 ball);
2019 yilda 153-o‘rin (25 ball);
2020 yilda 146-o‘rin (26 ball);
2021 yilda 140-o‘rin (28 ball);
2022 yilda 126-o‘rin (31 ball);
2023 yilda 121-o‘rin (33 ball);
2024 yilda 121-o‘rin (32 ball).
2025 yil yakunlari bo‘yicha korrupsiya darajasi eng past Top-10 mamlakatlar quyidagilar:
Daniya – 89 ball;
Finlandiya – 88 ball;
Singapur – 84 ball;
Yangi Zelandiya – 81 ball;
Norvegiya – 81 ball;
Shvetsiya – 80 ball;
Shveytsariya – 80 ball;
Lyuksemburg – 78 ball;
Niderlandiya – 78 ball;
Germaniya – 77 ball.
Rossiya o‘zining tarixiy antirekordini takrorlab, 22 ball olgan hamda Chad, Gonduras va Zimbabve kabi davlatlar bilan 157-o‘rinni bo‘lishib turibdi.
Markaziy Osiyo davlatlaridan Qozog‘iston 96, Qirg‘iziston 142, Tojikiston 166, Turkmaniston esa 167-o‘rinda joylashgan.
Reytingni Nikaragua, Sudan, Eritreya, Liviya, Yaman, Venesuela, Somali va Janubiy Sudan kabi davlatlar yakunlab bergan.
Nazvaniye
Transparency International’ga ko‘ra, Sharqiy Yevropa va Markaziy Osiyo dunyodagi eng past natija ko‘rsatadigan mintaqalardan biri bo‘lib qolmoqda. «Korrupsiyaning keng tarqalishiga nisbatan javobsizlik ko‘pchilik hukumatlar va ularning institutlarini egallab olgan manfaatdor guruhlar tomonidan qo‘llab-quvvatlanmoqda», – deyiladi hisobotda.
Ma’lumotlarga ko‘ra, 2025 yilgi korrupsiyani baholash indeksi Sharqiy Yevropa va Markaziy Osiyoda zaif institutlar va demokratik orqaga qaytish korrupsiyani kuchaytirayotgani va fuqarolik maydonini toraytirayotganini ko‘rsatgan. Mintaqaning balli 100 dan atigi 34 ballni tashkil etmoqda. Mazkur raqam 19 ta davlatning 6 tasida sezilarli darajada yomonlashgani, faqat 7 tasida yaxshilangani aytiladi.
«Markaziy Osiyoda repressiya (bosim) davom etmoqda. Qirg‘iziston va Qozog‘iston fuqarolik jamiyatini, ayniqsa nodavlat-notijorat tashkilotlar (NNT) uchun qiyin qonunlar orqali qattiq cheklab kelmoqda. Qozog‘istonda shuningdek, antikorrupsiya xizmatining shaffof bo‘lmagan tarzda tarqatilishi va uning funksiyalari Milliy xavfsizlik qo‘mitasiga o‘tkazilishi bo‘yicha xavotirlar kuchaygan, bu esa mustaqillik, hisobdorlik va nazorat masalalarini savol ostiga qo‘yadi.
O‘zbekistonda rasmiy islohotlar ba’zi yutuqlarni berdi, ammo korrupsiyani ochib beradigan jurnalistlar va blogerlar hanuz ta’qib yoki sudga tortilish xavfi bilan yuzlashmoqda, bu esa korrupsiyaga qarshi kurashning samaradorligini cheklab qo‘ymoqda», – deyiladi Transparency International hisobotida.
Eslatib o‘tamiz, Transparency International 1993 yilda Jahon bankining sobiq xodimlari tomonidan tashkil etilgan, tashkilot Germaniyada ro‘yxatdan o‘tgan. Uning bosh ofisi Berlinda joylashgan. Korrupsiyani baholash indeksi 1995 yildan buyon e’lon qilib kelinadi.
Toshkentda AQShga viza olib berishni va’da qilib, 75 ming dollar olgan shaxs ushlandi. Yana bir holatda esa Navoiy viloyatida Bolgariyaga ishga jo‘natish evaziga 3 ming dollar so‘ralgan.
Foto: Iqtisodiy jinoyatlarga qarshi kurashish departamenti
Toshkent shahrida fuqaroga AQShga borish uchun «biznes viza» rasmiylashtirib berishni va’da qilib, 75 ming dollar olgan shaxs ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Departamentning Sergeli tumani bo‘limi va boshqa huquqni muhofaza qiluvchi organlar xodimlari hamkorligida o‘tkazilgan tezkor tadbirda fuqaro Sh. A. go‘yoki yuqori lavozimlarda ishlovchi tanishlari orqali fuqaro M.O.ga AQShga borishi uchun viza olib berish evaziga pul olgan vaqtida ashyoviy dalillar bilan ushlangan.
Shuningdek, yana bir holatda departamentning Navoiy viloyati Xatirchi tumani bo‘limi tomonidan o‘tkazilgan tezkor tadbirda «T.L.» MChJ rahbari F.Sh. fuqaro J.B.ni Bolgariyaga ishga joylashtirib qo‘yishni va’da qilib, firibgarlik yo‘li bilan 3 ming dollar olgan vaqtida qo‘lga olingan.
Mazkur holatlar yuzasidan Jinoyat kodeksining 168-moddasi (Firibgarlik) hamda 28, 211-moddalari (Pora berish) bilan jinoyat ishlari qo‘zg‘atilib, tergov harakatlari olib borilmoqda.
Shvetsiyada migratsiya qonunchiligini buzgan 14 nafar O‘zbekiston fuqarosi Toshkentga qaytarildi. Ularning deportatsiya qilinishi ikki davlat vakolatli idoralari hamkorligida amalga oshirildi.
Ma’lum qilinishicha, mazkur fuqarolar Shvetsiya hududida bo‘lish tartib-qoidalarini buzgani sababli mamlakatdan chiqarib yuborilgan.
Ularni O‘zbekistonga qaytarish jarayoni Shvetsiya va O‘zbekistonning tegishli idoralari o‘rtasidagi hamkorlik doirasida tashkil etilgan bo‘lib, fuqarolar Toshkent shahriga yetkazilgan.
Rasmiylarga ko‘ra, bu kabi holatlar asosan xorijda qonuniy maqomga ega bo‘lmasdan yashash, vizaviy talablarni buzish yoki belgilangan muddatdan ortiq qolib ketish bilan bog‘liq bo‘ladi.
Mutaxassislar xorijga chiqishdan oldin qabul qiluvchi davlatning migratsiya qonunchiligini puxta o‘rganish, barcha hujjatlarni qonuniy rasmiylashtirish zarurligini ta’kidlamoqda.
Aks holda deportatsiya, qayta kirish taqiqlari va boshqa huquqiy oqibatlar kelib chiqishi mumkin.
Qimmatbaho metallarning noqonuniy aylanmasiga qarshi kurash doirasida o‘tkazilgan tezkor tadbirlar natijasida Buxoro, Farg‘ona va Andijon viloyatlarida bir qator qonunbuzilish holatlari fosh etildi.
Xususan, Davlat xavfsizlik xizmatining Buxoro viloyati bo‘yicha boshqarmasi xodimlari tomonidan bojxona va ichki ishlar organlari bilan hamkorlikda o‘tkazilgan tezkor tadbirda Shofirkon tumanida yashovchi, 2001 va 2005 yillarda tug‘ilgan ikki nafar fuqaro sof og‘irligi 110 gramm bo‘lgan nostandart shakldagi oltin quymasini 17 ming AQSh dollariga sotayotgan vaqtda ashyoviy dalillar bilan ushlandi.
Tadbir davom ettirilib, mazkur qimmatbaho metallni qotishma shaklida tayyorlab bergan 2001 yilda tug‘ilgan shaxsning yashash manzili ko‘zdan kechirilganda, oltinni eritishga mo‘ljallangan uskunalar, prekursorlar hamda kislorod va suyultirilgan gaz ballonlari mavjudligi aniqlandi. Ekspertiza xulosasiga ko‘ra, ushbu oltin quymasining bahosi 209 million 757 ming so‘mni tashkil etgan.
Shuningdek, DXX Farg‘ona viloyati bo‘yicha boshqarmasi hamda viloyat bojxona boshqarmasi xodimlari tomonidan Toshkent xalqaro aeroportida o‘tkazilgan tezkor tadbirda xorijdan uchib kelgan 1980 yilda tug‘ilgan chet el fuqarosi shaxsiy tintuvdan o‘tkazildi. Natijada, u umumiy qiymati 290 million 516 ming so‘mga teng, sof og‘irligi 226 gramm bo‘lgan tilla buyumlarni oyoqlari ostiga yashirgan holda bojxona nazoratidan olib o‘tganligi aniqlandi. Mazkur zargarlik mahsulotlari protsessual tartibda rasmiylashtirib olindi.
Andijon viloyatida ham shunga o‘xshash qonunbuzilish holati qayd etildi. Xususan, Andijon shahrida yashovchi, 1997 yilda tug‘ilgan fuqaro Qirg‘izistondan “Do‘stlik” xalqaro nazorat-o‘tkazish punkti orqali kirib kelayotgan vaqtda tekshiruvdan o‘tkazilganda, uning yonida bojxona deklaratsiyasida ko‘rsatilmagan, taxminiy bahosi 400 million so‘mlik 241 gramm tilla buyumlar borligi ma’lum bo‘ldi.
Aniqlanishicha, ushbu zargarlik mahsulotlari sotish maqsadida Turkiyadan Qirg‘iziston orqali olib kelinayotgan bo‘lgan. Hozirda mazkur holat yuzasidan olingan ashyoviy dalillarga nisbatan ekspertiza tayinlanib, surishtiruv ishlari olib borilmoqda.
Barcha holatlar bo‘yicha qonunbuzarlarga nisbatan jinoyat ishlari qo‘zg‘atilib, tergov harakatlari davom ettirilmoqda.
O‘zbekiston-Afg‘oniston davlat chegarasida yirik miqdordagi giyohvandlik vositalarini kontrabanda qilishga urinish bartaraf etildi.
O‘zbekiston Davlat xavfsizlik xizmatining Chegara qo‘shinlari harbiy xizmatchilari tomonidan qo‘shni Afg‘onistondan mamlakatga narkotik moddalarni noqonuniy olib kirishga bo‘lgan urinish to‘xtatildi.
Ma’lum bo‘lishicha, Afg‘onistonning Qunduz viloyatida yashovchi, 1974 yilda tug‘ilgan shaxs davlat chegarasini noqonuniy ravishda kesib o‘tib, Amudaryo orqali qayiqda suzib o‘tgan vaqtida qo‘lga olingan.
Tekshiruv davomida uning yonida bo‘lgan ikki dona qopdan jami 10 ta o‘ramga joylangan, sof og‘irligi 10 kilogramm 354 gramm bo‘lgan “gashish” giyohvandlik vositasi aniqlanib, protsessual tartibda rasmiylashtirildi.
Hozirda mazkur holat yuzasidan DXX Surxondaryo viloyati bo‘yicha boshqarmasi Tergov bo‘limi tomonidan jinoyat ishi qo‘zg‘atilgan.
Tergov harakatlari davomida ushbu jinoyatga aloqador bo‘lgan boshqa shaxslarni aniqlash chora-tadbirlari olib borilmoqda.
Toshkent shahrining Sergeli tumanida o‘tkazilgan tezkor tadbirda fuqaroni AQShga yuborish uchun “Biznes” vizasi rasmiylashtirib berishni va’da qilgan shaxs katta miqdordagi pulni olgan vaqtida qo‘lga olindi.
Foto: Bosh prokuratura huzuridagi Departament
Bosh prokuratura huzuridagi Departamentning Sergeli tumani bo‘limi va boshqa huquqni muhofaza qiluvchi organ xodimlari hamkorligida tezkor tadbir o‘tkazildi.
Unda fuqaro Sh.A. go‘yoki yuqori lavozimlarda ishlovchi tanishlari orqali fuqaro M.O.ga AQShga borishi uchun “Biznes” vizasini rasmiylashtirib berishi mumkinligini aytgani aniqlangan.
U mazkur xizmat evaziga 75 ming AQSh dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi, ya’ni firibgarlik, hamda 28, 211-moddalari, ya’ni pora berish bilan bog‘liq holatlar bo‘yicha jinoyat ishi qo‘zg‘atilib, tergov harakatlari olib borilmoqda.
P2P-o‘tkazmalarining maqsadini ko‘rsatish bo‘yicha talab bekor qilindi(mi?)
Toshkentda AQShga viza olib berish va’dasi bilan 75 ming dollar olgan shaxs ushlandi
Namangan viloyatidagi 150 million dollarlik “Alashan” kurortining qurilishi boshlandi
-
Siyosat3 days agoIslom bank ishi anʼanaviy foizlarga asoslangan modellardan nimasi bilan farq qiladi?
-
Jamiyat5 days agoImom Buxoriy masjid-majmuasida ilk hayit namozi o‘qildi (foto)
-
Jamiyat2 days agoO‘zbekistonda taksichilarni aldashning yangi firibgarlik usuli fosh etildi
-
Sport5 days ago
Masharipov va Fayzullayev jarohat sabab xalqaro turnirda qatnashmaydi
-
Dunyodan1 day ago
Eron tarixidagi eng katta banknotalar muomalaga chiqariladi
-
Jamiyat5 days ago
Shavkat Mirziyoyev O‘zbekiston xalqini hayit bilan tabrikladi
-
Jamiyat13 hours ago
O‘zbekistonliklar qaysi mamlakatlarga eng ko‘p safar qilmoqda (top-10)
-
Iqtisodiyot5 days agoEron urush va iqtisodiy inqiroz fonida rekord qiymatdagi banknotni muomalaga chiqardi