Jamiyat
“Kimnidir ayblamayman” – qo‘shaloq falokatdan omon qolgan yigit
Yaqinda ijtimoiy tarmoqlarda noodatiy videolavha tarqaldi. Unda qurilish uchun o‘rnatilgan havozaga chiqqan yigit balandlikdan avtomobil qatnov yo‘liga yiqiladi va shu zahoti harakatlanib kelayotgan mashina uni urib yuboradi. Videodagi yigitning ahvoli va voqea qayerda sodir bo‘lgani shu paytgacha noma’lum bo‘lib qolayotgandi. Voqea ishtirokchilari tahririyat bilan bog‘landi va Kun.uz muxbiri hodisa joyidan reportaj tayyorladi.
{Yii::t(}
O’tkazib yuborish 6s
O’tkazib yuborish
Ma’lum bo‘lishicha, hodisa joriy yilning 24 iyun kuni Samarqand tumani Qumzor mahallasidagi Termiz ko‘chasida sodir bo‘lgan. Bir qarashda kulgili tuyulgan bu holat aslida jiddiy baxtsiz hodisaga aylanishi mumkin edi.
Lisadan yiqilgan yigit Rajab Rajabov – Kun.uz bilan suhbatda omon qolgani baxtli tasodif ekanini aytmoqda. Rajabovning aytishicha, u kunlik qurilish-ta’mirlash ishlari bilan shug‘ullanadi. O‘sha kuni ishini deyarli yakunlab qolgan bo‘lgan va shoshilinch lisaga chiqqan. O‘zining qaltis harakati sabab tepada muvozanatni yo‘qotgan va serqatnov ko‘cha tomon qulagan.
“Lisadan yiqilish chog‘ida oyog‘im bilan tushdim va o‘sha zahoti mashina urib yubordi. Meni xudo asradi, kimnidir ayblamayman, aksincha, haydovchi menga o‘z vaqtida zarur yordamni ko‘rsatdi. Tez yordam mashinasi orqali shifoxonaga olib borishdi, oyog‘imni gips qilishdi, hozir yaxshiman”, dedi Rajabov.
Haydovchi Anvar Ma’rupovning aytishicha, o‘sha paytda katta tezlikda bo‘lmagan.
“Men bu yigit ishlayotgan joyga juda yaqin kelgandim. Tepadan nimadir tushayotganini zo‘rg‘a ko‘rib qoldim va mashinani chap tomonga burdim. O‘sha paytda juda qo‘rqib ketdim va mashinadan tushdim. Shukurki, yigit harakatlanayotgandi, yuzini to‘sib turgan ekan. Keyin unga yordam berishga shoshildim. Tez yordam orqali shifoxonaga bordik, yigitning oyog‘ini gips qilishdi, shundan keyin uning o‘zi va yaqinlari bilan aloqada bo‘lib turdim. Ular menga hech qanday da’vo qilishmadi. Voqea og‘ir oqibatlarga sabab bo‘lmagani uchun ham huquq-tartibot idoralariga murojaat qilmadik. Bu holat yaqinda ijtimoiy tarmoqlarda tarqalganidan so‘ng, IIB xodimlari men bilan bog‘lanishdi. Ularga ham vaziyatni tushuntirdik. Baribir ekspertizadan o‘tishimiz kerakligini aytishdi, endi ularning xulosasini kutyapmiz”, dedi haydovchi.
Anvarning so‘zlariga ko‘ra, voqeadan so‘ng u shikastlangan mashinasini o‘z hisobidan ta’mirlatgan va Rajab bilan do‘stona munosabatni saqlab qolgan.
Ma’lum bo‘lishicha, odatda bu ko‘cha ancha serqatnov hisoblanadi. Rajab yiqilgan vaqtda jiddiy falokat bo‘lish ehtimoli ham ancha yuqori edi. Yigitning baxtiga o‘sha kuni ko‘chada qatnov kam bo‘lgan.
Energetiklar tomonidan nosozlikni bartaraf etish va barcha iste’molchilarning elektr ta’minotini bosqichma-bosqich qayta tiklash ishlari davom ettirilmoqda.
Foto: Energetika vazirligi
Bugun, 28 iyun soat 20:45 da Toshkent shahridagi «Yuksak» podstansiyasida nosozlik yuz berishi oqibatida poytaxtning Mirobod, Chilonzor va Yakkasaroy hamda Toshkent viloyatining Zangiota tumanlarining ayrim hududlarida elektr ta’minotida vaqtincha uzilish kelib chiqqani xabar qilingandi.
FVV xabariga ko‘ra, “svet” o‘chishi oqibatida Chilonzor tumanida joylashgan Dream Park istirohat bog‘idagi «Charxpalak» attraksionida qolib ketgan fuqarolar xavfsiz joyga tushirib olingan.
Xabar qilinishicha, ayni paytda Energetika vazirligi hamda “O‘zbekiston milliy elektr tarmoqlari” AJ rahbariyati podstansiyada bo‘lib, ular tomonidan nosozlikni tiklash ishlari nazoratga olingan.
Energetiklar tomonidan nosozlikni bartaraf etish va barcha iste’molchilarning elektr ta’minotini bosqichma-bosqich qayta tiklash ishlari davom ettirilmoqda.
Aviareyslarda kechikish va Yaqin Sharq mintaqasidagi keskin vaziyat sababli oila mamlakatni tark eta olmagan. Shuningdek, vizasiz yurish muddati tugagani uchun ular jarimaga tortilgan.
BAAda og‘ir vaziyatga tushib qolgan oila O‘zbekistonning Dubaydagi Bosh konsulxonasi ko‘magida vatanga qaytarildi.
Qayd etilishicha, P.G. va uning farzandi A.Z. 2025 yilda mavsumiy ishlash maqsadida BAAning Dubay shahriga borgan.
Biroq moliyaviy qiyinchiliklar sababli 2026 yil yanvarida O‘zbekistonga qaytish uchun aviachiptalar xarid qilgan. Aviareyslarda kechikish va Yaqin Sharq mintaqasidagi keskin vaziyat tufayli ular mamlakatni tark eta olmagan.
Shuningdek, vizasiz yurish muddati tugagani uchun oila vakillari jarimaga tortilgan.
O‘zbekistonning BAAdagi Bosh konsulxonasi tomonidan Dubay immigratsiya xizmati bilan olib borilgan muzokaralar natijasida ularning mamlakatni jarimasiz tark etishiga ruxsat olindi.
Ushbu oila a’zolari uchun 26 iyun kuni “Dubay–Toshkent” yo‘nalishi bo‘yicha aviachiptalar xarid qilindi hamda ularning O‘zbekistonga qaytishi ta’minlandi.
Qayd etilishicha, hodisa oqibatida tan jarohati olganlar yo‘q.
Bugun, 28 iyun kuni Toshkent davlat agrar universitetida yong‘in sodir bo‘ldi.
Xabar qilinishicha, soat 15:17 da «112» tizimidan Toshkent viloyati FVBBga Toshkent davlat agrar universiteti sport kompleksi binosining tom qismi yonayotganligi to‘g‘risida xabar kelib tushgan.
Xabarga asosan, qutqaruv bo‘linmalari voqea joyiga yetib borgan. Yong‘in soat 15:59 da qurshab olingan hamda soat 16:15 da to‘liq bartaraf etilgan.
Qayd etilishicha, hodisa oqibatida tan jarohati olganlar yo‘q.
Yong‘in sababi va zarari aniqlanmoqda.
Dor yo‘lining po‘lat arqonlari belgilangan texnik me’yorlar asosida yetarli darajada tarang tortilmagani hamda qiyalik burchagi talab darajasida ta’minlanmagani oqibatida fuqaro harakat yo‘nalishining o‘rtasida to‘xtab qolgan.
27 iyun kuni Surxondaryo viloyati Boysun tumani Omonxona mahallasi hududida joylashgan qarashli dor yo‘li (ziplayn) attraksionida noxush hodisa qayd etildi.
Dastlabki ma’lumotlarga ko‘ra, mazkur dor yo‘li attraksioni texnik jihatdan to‘liq ishga tushirilmagan, davlat ro‘yxatidan o‘tkazilmagan hamda undan foydalanish uchun tegishli ruxsatnoma olinmagan bo‘lishiga qaramasdan, fuqaro undan foydalanishga harakat qilgan.
Dor yo‘lining po‘lat arqonlari belgilangan texnik me’yorlar asosida yetarli darajada tarang tortilmagani hamda qiyalik burchagi talab darajasida ta’minlanmagani oqibatida fuqaro harakat yo‘nalishining o‘rta qismida to‘xtab qolgan.
Tashkilot xodimlari tomonidan fuqaro xavfsiz tarzda attraksiondan tushirib olingan.
Hodisa oqibatida fuqaro tan jarohati olmagan.
Hozirda mazkur holat yuzasidan Sanoat, radiatsiya va yadro xavfsizligi qo‘mitasi tomonidan o‘rganish ishlari olib borilmoqda.
Muzrabot tumani hokimiga jazo berildi. Bu haqda Korrupsiyaga qarshi kurashish agentligi xabar berdi.
Ijtimoiy tarmoqlarda Muzrabot tumani hokimi Abdulla Mamatqulovning fermerlarni haqorat qilgani aks etgan audiosi tarqalib, keng muhokamalarga sabab bo‘lgan edi.
Korrupsiyaga qarshi kurashish agentligi ushbu holat yuzasidan Surxondaryo viloyati hokimligiga xizmat tekshiruvi o‘tkazish bo‘yicha taqdimnoma kiritdi.
O‘rganishlar davomida mazkur holatda davlat xizmatchisining odob-axloq qoidalari talablariga zid xatti-harakatlarga yo‘l qo‘yilgani aniqlandi.
Qonunchilikka muvofiq, davlat fuqarolik xizmatchilari xizmat vazifalarini vijdonan bajarishi, davlat organlari va tashkilotlarining obro‘-e’tiboriga putur yetkazishi mumkin bo‘lgan xatti-harakatlardan tiyilishi, shuningdek, fuqarolar bilan munosabatlarda xushmuomalalik, hurmat va professionallik tamoyillariga qat’iy rioya qilishi shart, deyiladi agentlik xabarida.
Davlat xizmatchisining odob-axloq qoidalarini buzgani uchun Muzrabot tumani hokimi Abdulla Mamatqulovga nisbatan «hayfsan» intizomiy jazosi qo‘llanildi.
Agentlik davlat xizmatida axloqiy standartlar buzilishiga qarshi choralarni davom ettirishini ma’lum qildi.
Chilonzor va Yakkasaroy tumanlarining bir qismida elektr ta’minoti qayta tiklandi
Shomurodov jahon chempionatidagi deyarli imkonsiz gol muallifi bo‘ldi
Janubiy Koreyaning sobiq birinchi xonimi 7 yillik qamoq jazosiga hukm qilindi
-
Sport3 days agoYaponiya futbolining buyuk sabog‘i: mag‘lubiyatdan to‘g‘ri xulosa chiqarish
-
Dunyodan2 days agoQirgʻiziston va Oʻzbekiston chegarani delimitatsiya qilish doirasida hudud almashadilar
-
Jamiyat3 days ago«Andijon polkasi» tadbiriga ketayotgan o‘quvchilar YTHga uchradi
-
Iqtisodiyot4 days ago
Dollar bir necha kunlik ko‘tarilishdan so‘ng pastladi
-
Sport5 days agoEldor Shomurodov muxlislardan uzr so‘radi
-
Jamiyat2 days agoVatanparvar jurnalistlarni o‘zimga do‘st va maslakdosh deb bilaman
-
Dunyodan4 days ago
BAAda 15 yoshgacha bo’lgan bolalar uchun ijtimoiy tarmoqlar taqiqlangan
-
Iqtisodiyot4 days ago
O‘zbekiston banklari aktivlari 962,8 trln so‘mga yetdi