Sport
Kapadze Indoneziya terma jamoasini boshqarishga tayyorligini bildirdi
O‘zbekiston terma jamoasi sobiq bosh murabbiyi Timur Kapadze nihoyat, hozirda bosh murabbiysiz qolgan Indoneziya terma jamoasi haqidagi ehtimoliy imkoniyati haqida fikr bildirdi.
Goal Media nashrining Kapadzega tayanib yozishicha, Indoneziya futbol assotsiatsiyasi rasmiy taklif bersa, u bu vazifani qabul qilishga tayyor. U, shuningdek, hozircha hech qaysi klub bilan shartnoma tuzmaganini ham ta’kidlagan.
«Men Indoneziya terma jamoasini boshqarishga tayyorman. Hozir men erkinman, shunday ekan, takliflarni kutayapman», – deydi Kapadze futbol muxbiri Efendi Gazaliy bilan suhbatda.
Kapadze shuningdek, Indoneziya muxlislarining ijtimoiy tarmoqlardagi qo‘llab-quvvatlovi uchun minnatdorchilik bildirdi.
«Men Indoneziyani va uning muxlislarini yaxshi ko‘raman. Ko‘plab xabarlar oldim – odamlar mendan jamoani boshqarishni so‘rashyapti. Bu men uchun juda quvonchli», – dedi u.
«Kapadze ayni vaqtda O‘zbekiston Prezidenti tashabbusi bilan amalga oshirilgan «futbol boshqaruvidagi islohotlar» davrida o‘zidan avvalgi murabbiylarning tajribasini qabul qilib oldi. Ular, o‘z navbatida, Yaponiya va Xorvatiyadan ilhom olishgan.
Kapadze O‘zbekistonni tarixda ilk bor Jahon chempionati–2026 saralashiga chiqargan murabbiy sifatida nom qozondi. Shu bilan birga, u yosh avlodni tarbiyalash tizimi bilan ham yaqindan tanish.
Men futbol dunyosida «agent» emasman, ammo agar Indoneziya futbol federatsiyasi kelgusidagi (doimiy yoki vaqtinchalik) murabbiylar masalasida shunday mutaxassislarni ko‘proq inobatga olsa – bu juda yaxshi bo‘ladi, deb umid qilaman», – deb yozadi futbol jurnalisti Gazaliy.
Eslatib o‘tamiz, Indoneziya futbol federatsiyasi avvalroq uchta nomzod – o‘zbekistonlik Timur Kapadze, «Persiya» klubining sobiq nemis murabbiyi Tomas Doll va Iroq terma jamoasining sobiq bosh murabbiyi, ispaniyalik Xesus Kasaslarni ko‘rib chiqayotgani ma’lum qilingan edi.
Indoneziya terma jamoasini bunga qadar joriy yilning 8 yanvarida qabul qilib olgan gollandiyalik mutaxassis Patrik Klyuyvert boshqarib kelgan va qator muvaffaqiyatsizliklardan so‘ng Federatsiya bilan o‘zaro kelishuv asosida shartnomani bekor qilgan edi.
Ma’lumot uchun, agar Timur Kapadze Indoneziya terma jamoasiga bosh murabbiy etib tayinlanadigan bo‘lsa, u Janubi-Sharqiy Osiyo mintaqasida milliy terma jamoani boshqargan ilk o‘zbek mutaxassislardan biriga aylanadi.
Avvalroq Kapadze Xitoy terma jamoasi bosh murabbiyligiga nomzodlar ro‘yxatida borligi aytilgandi.
Xalqaro shaxmat federatsiyasi (FIDE) Prezident kengashi rossiyalik shaxmatchilarni Butunjahon shaxmat Olimpiadasida ishtirok etishiga ruxsat bermadi. Bu haqda Rossiya shaxmat federatsiyasi ijrochi direktori Aleksandr Tkachyov TASS agentligiga ma’lum qildi.
«Jahon shaxmat Olimpiadasida terma jamoalarimiz qatnashmaydi. Kengash ushbu qarorni FIDE prezidenti vazifasini bajaruvchi janob Vishvanatan Anandning tashabbusi bilan qabul qildi», — dedi Tkachyov.
Butunjahon shaxmat Olimpiadasi 16–27 sentyabr kunlari Samarqand shahrida bo‘lib o‘tadi.
2025 yilning dekabrida Xalqaro shaxmat federatsiyasi Bosh assambleyasi rossiyalik sportchilarga nisbatan cheklovlarni to‘liq va qisman bekor qilish uchun ovoz bergan edi. Rossiyalik shaxmatchilarning qaytishiga 61 delegat ovoz bergan, 51 delegat qarshi chiqqan.
Biroq 2026 yil yanvarda Buyuk Britaniya, Germaniya, Norvegiya, Estoniya va Ukraina shaxmat federatsiyalari FIDEning rossiyalik shaxmatchilarga nisbatan sanksiyalarni to‘liq bekor qilish haqidagi qaroriga e’tiroz bildirish niyatida ekani xabar qilindi. Shundan so‘ng, 2026 yil iyun oyida sanksiyalar qayta joriy etildi.
Avvalroq mazkur Olimpiadani Magnus Karlsen va yana bir qator shaxmat yulduzlari ham o‘tkazib yuborishi ma’lum bo‘lgandi.
Krishtianu Ronaldu joriy mavsum nihoyasida professional futboldagi faoliyatiga yakun yasashi mumkin. Bu haqda u Vogue jurnaliga intervyusida ma’lum qildi.
«Ehtimol, bu futboldagi so‘nggi yilim bo‘lishi mumkin, o‘zimdan ulkan meros qoldirishni istayman», — dedi Ronaldu.
Besh karra «Oltin to‘p» egasi ta’kidlashicha, bo‘sh vaqtini hordiq va sayohatlarga ajratmoqchi.
Krishtianu Ronaldu professional futbolga kirib kelganiga 25 yil bo‘ldi. Birinchi katta o‘yinini 2002-yil 14-avgustda Lissabonning «Sporting» klubi safida Milanning «Inter»iga qarshi o‘tkazgan.
Londonning «Arsenal» klubi o‘z tarixida 18-marta Angliya superkubogini qo‘lga kiritdi. Jamoa Kardiffda «Manchester Siti»ni 3:0 hisobida mag‘lub etdi.
O‘yinning 23-soniyasida Rikkardo Kalafiori hisobni ochdi. One Football nashrining ma’lumotlariga ko‘ra, bu 1968 yildan beri superkubok o‘yinining birinchi daqiqasida urilgan birinchi va kubok tarixidagi eng tezkor gol bo‘ldi.
London jamoasi safida yana Kay Xaverts (28) va Martin Edegor (48) gol urishdi.
O‘tgan mavsumda «Arsenal» Premer ligada g‘olib bo‘lgan bo‘lsa, manchesterliklar Angliya kubogini qo‘lga kiritdi.
«Shaharliklar» safida Abduqodir Husanov to‘liq harakat qildi.
Portugaliyalik hujumchi Krishtianu Ronaldu otasi vafot etgan argentinalik futbolchi Lionel Messini qo‘llab-quvvatladi. U Messining Instagram sahifasidagi posti ostida izoh qoldirdi.
«Bu qiyin damlarda siz va yaqinlaringizni mahkam quchgan holda chuqur hamdardlik bildiraman, Leo. Bardoshli bo‘ling», deb yozgan Ronaldu.
Avval Messi «Inter Mayami»dagi o‘yinchilik faoliyatini to‘xtatgani e’lon qilingan edi. U oilasi va do‘stlarini qo‘llab-quvvatlash uchun Argentinada qoldi.
Xorxe Messi 8-avgust kuni 68 yoshida vafot etdi. U uzoq davom etgan og‘ir kasallikdan so‘ng olamdan o‘tdi. Ko‘p yillar davomida argentinalik futbolchining otasi o‘z o‘g‘lining faoliyatida muhim o‘rin tutardi.
Amazon asoschisi Jeff Bezos professional sportga sarmoya kiritish niyatida. The Guardian nashrining xabar berishicha, tadbirkor boshqa investorlar bilan birgalikda Angliyaning «Liverpul» futbol klubining kamida 30 foiz ulushini sotib olishni ko‘rib chiqmoqda. Kelishuv 1,35 milliard funt sterling yoki taxminan 1,8 milliard dollarga teng bo‘lishi mumkin.
«Liverpul» taxminan 6 milliard dollarga baholanadi va dunyodagi eng taniqli sport brendlaridan biri bo‘lib qolmoqda. Bezosning qiziqishi kengroq tendensiyaga mos keladi: badavlat amerikalik investorlar Angliya futbol klublarida faol ravishda ulushlarni sotib olmoqdalar. Amerikalik aksiyadorlar allaqachon «Chelsi», «Kristal Pelas», «Everton» va «Bornmut» kabi 20 ta Premer-liga jamoalaridan 13 tasiga egalik qilishadi.
Agar kelishuv amalga oshsa, Bezos ingliz futboliga faol ravishda sarmoya kiriyotgan amerikalik milliarderlar safiga qo‘shiladi.
Investorlar uchun ingliz futbolining jozibadorligi qisman sportning Qo‘shma Shtatlarda tobora ommalashib borayotgani bilan bog‘liq. Shu bilan birga, yetakchi Amerika sport franshizalari ko‘pincha yangi investorlar uchun juda qimmat yoki cheklangan, ingliz klubidagi ulush esa global auditoriyaga va eng tijorat jihatidan jozibador sport bozorlaridan biriga kirish imkonini beradi.
Oziq-ovqat ishlab chiqarishda qaysi hududlar yetakchi?
Prezident ishtirokida umumiy qiymati 50 trln so‘mlik loyihalar ishga tushirildi
«Milliy manfaatlarni himoya qilish dunyodan yopilish degani emas» — Sherzod Asadov
-
Siyosat4 days ago
Илҳом Алиев Тошкентда тантанали кутиб олинди
-
Siyosat5 days ago
To‘qayev prezidentlikka qayta nomzod qo‘yishi haqidagi savolga javob berdi
-
Siyosat5 days ago
O‘zbekiston va Ozarbayjon o‘rtasida Abadiy do‘stlik shartnomasi imzolandi
-
Siyosat5 days ago
Shavkat Mirziyoyev «Haydar Aliyev» ordeni bilan taqdirlandi
-
Siyosat3 days ago
Ўзбекистон ва Озарбайжон раҳбарлари Бухоронинг машҳур обидаларини зиёрат қилдилар (фото)
-
Siyosat3 days ago
«Milliy manfaatlarni himoya qilish dunyodan yopilish degani emas» — Sherzod Asadov
-
Siyosat4 days ago
Shavkat Mirziyoyev AQSh kongressmenlari delegatsiyasini qabul qildi
-
Sport3 days ago
Rossiyalik shaxmatchilar O‘zbekistonda o‘tkaziladigan Olimpiadada qatnashmaydi