Jamiyat
«Juda ko‘p bola evakuatsiya qilindi» – Aviator’dan reportaj
Yong‘in asosan 2-qavatda, bolalar o‘yingohida yuz bergan. Odamlar sarosimada tartibsiz harakat qilishgan, ko‘pchilik tashqariga otilgan, ota-onalar esa farzandlarini qutqarish uchun o‘zini ichkariga urgan. Kun.uz voqea joyidan tayyorlagan reportajda FVV vakili qutqaruv amaliyoti tafsilotlarini aytib berdi.
31 yanvar kuni Toshkent shahri Yashnobod tumani Parkent ko‘chasida joylashgan Aviator savdo-ko‘ngilochar markazida yirik yong‘in sodir bo‘ldi.
Yong‘in umumiy ovqatlanish shoxobchalari va bolalar maydonchasi joylashgan ikkinchi qavatda chiqib, atrofga tarqalgan. Olov taxminan 800 kvadrat metr maydonni qamrab olgan. Yong‘inni o‘chirish ishlariga 12 ta asosiy va 4 ta maxsus texnika hamda 6 ta suv tashuvchi texnika jalb etilgan.
Dam olish kuni bo‘lgani sababli bu yerga ko‘plab oilalar yosh farzandlari bilan kelgandi.
Yong‘in o‘chirilganidan keyin bolalar o‘yingohida 3 yoshli bolaning jasadi topildi.
Toshkent shahar Favqulodda vaziyatlar bosh boshqarmasi axborot xizmati boshlig‘i Zuhriddin Qurbonov jurnalistlarga hodisa tafsilotlari haqida aytib berdi. Qayd etilishicha, ichkaridan juda ko‘p yosh bolalar olib chiqilgan.
Hodisa haqida xabar berilganda qutqaruv texnikalari zudlik bilan voqea joyiga jo‘nab ketgan. Dastlabki qutqaruv texnikalari yetib kelganda vaziyat tartibsiz holatda bo‘lgan.
«Ayrim fuqarolar ichkariga kirayotgan, ayrimlar tashqariga chiqayotgan, tartibsizlik yuzaga kelayotgandi. Shunday sharoitda qutqaruvchilar qutqaruv va evakuatsiya ishlariga kirishdi.
Pastki qavatdagi fuqarolar yuqoriga chiqib olgandi, lekin yuqori qavatdagi vaziyat xavfli edi, u yerdagi yosh bolalar o‘yingohida bolalar juda ko‘p edi – ikkinchi qavatda 120 dan ortiq fuqarolar bor edi.
Birinchi navbatda, xodimlarning barchasi shu fuqarolarni evakuatsiya qilishga jalb etildi. Farzandlari ichkarida qolib ketgani sababli ayrim ota-onalar ichkariga kirishga urinardi. Tartibsizlik yuzaga kelgandi.
Ichki ishlar vazirligidan yordam chaqirildi va qutqaruvchilar deyarli barcha fuqarolarni va ichkarida qolib ketgan bolakaylarni qutqarib olib chiqishga erishdi. Afsuski, yong‘in o‘chirib bo‘linganidan so‘ng, ichkarida 2023 yilda tug‘ilgan bir bolakayning jasadi topildi. U ham shu bolalar o‘yingohida bo‘lgan», – deydi u.
Hozirda ichki ishlar vazirligi va prokuratura organlari tomonidan tergovga qadar surishtiruvlar, xususan, yong‘in nimadan kelib chiqqani bo‘yicha o‘rganishlar olib borilmoqda.
«Aynan qaysi nuqtada [yong‘in chiqqani] aniq emas, lekin kelib chiqish sababi tom qismida bo‘lgan – yong‘in ikkinchi qavatning tom qismida boshlangan. U yer avvaliga tutun bilan qoplangan va fuqarolar u yerdan tashqariga chiqishgan. Ayrim fuqarolar sarosimaga tushib qolgan, shunday vaziyatda ota-onalar o‘z farzandini olib chiqish uchun ichkariga qarab harakat qilgan. Lekin qutqaruvchilarimiz ichkariga kirib, barcha bolalarni olib chiqish uchun evakuatsiya ishlarini boshlagan.
Har bir qutqaruvchining vazifasi insonlarni qutqarish, evakuatsiya qilishdir. O‘sha vaziyatda birinchi navbatda evakuatsiya ishlari amalga oshirilgan bo‘lib, qutqaruvchilar o‘z hayotini xavf ostiga qo‘ygan… Ijtimoiy tarmoqda tarqalgan kadrlarda qutqaruvchilarning o‘zi ham yonib ketishi mumkin bo‘lgani haqida aytilgan. Qutqaruvchilarda professional qutqaruv kiyimlari bo‘lgani sababli, ularga hech qanday zarar yetmagan. Qutqaruvchilarning jangovar kiyimlariga zarar yetgan, lekin hech qanday jiddiy zarar va jarohatlar bo‘lmagan. Qutqaruvchilar o‘z vazifasini bajargan», – dedi Qurbonov.
Qo‘shimcha qilinishicha, binoda yong‘inga qarshi xavfsizlikning barcha tizimlari o‘rnatilgan bo‘lgan. Yashnobod tumani Favqulodda vaziyatlar boshqarmasi tomonidan profilaktik ko‘riklar o‘tkazilgan, profilaktik tavsiyalar, ya’ni yong‘inning oldini olishga qaratilgan ishlar bilan targ‘ibot-tashviqot ishlari olib borilgan.
Qurbonovning so‘zlariga ko‘ra, ayni vaqt videokuzatuv moslamalari tekshirilmoqda, yong‘in aynan nimadan chiqqani bo‘yicha qo‘shimcha ma’lumot beriladi.
Andijon viloyatida 38,3 milliard so‘m budjet mablag‘larini «keshbek» to‘lovlari orqali noqonuniy o‘zlashtirish sxemasi fosh etildi. Tergovga qadar tekshiruvda bir guruh shaxslar soxta elektron hisob-fakturalar va xarid cheklaridan foydalanib, davlat mablag‘larini talon-toroj qilgani aniqlangan.
Bosh prokuratura huzuridagi departamentning Andijon viloyati boshqarmasi tomonidan o‘tkazilgan tergovga qadar tekshiruvda fuqaro Yo.Q. va boshqalar o‘zaro til biriktirib harakat qilgani ma’lum bo‘ldi.
Tekshiruvga ko‘ra, ular 5 ta mas’uliyati cheklangan jamiyat (MChJ) nomiga boshqa MChJ tomonidan go‘yoki 2,2 trillion so‘mlik mahsulotlar yetkazib berilgani haqida soxta elektron hisob-fakturalar rasmiylashtirgan.
Shundan so‘ng, mahsulotlar savdosidan tushgan mablag‘lar nazorat-kassa mashinalari orqali kirim qilingani va tovarlar fuqarolarga sotilgani haqida soxta xarid cheklari shakllantirilgan.
Tergov ma’lumotlariga ko‘ra, ushbu cheklar asosida 94 921 nafar fuqaro hamda Ijtimoiy himoya yagona reyestriga kiritilgan shaxslar nomiga Soliq Mobile mobil ilovasi orqali «keshbek» to‘lovlari rasmiylashtirilgan.
Oqibatda 38,3 milliard so‘m budjet mablag‘i o‘zlashtirish va rastrata qilish yo‘li bilan talon-toroj qilingani aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) hamda 228-moddasi (hujjatlar, shtamplar, muhrlar, blankalarni tayyorlash, qalbakilashtirish, sotish yoki ulardan foydalanish) bilan jinoyat ishi qo‘zg‘atilgan.
Hozirda ish yuzasidan tergov harakatlari davom etmoqda.
Prezident Shavkat Mirziyoyev 4-iyul kuni Sergeli tumanining Ittifoq mahallasidagi Yangi Sergeli ko‘chasida amalga oshirilgan ishlar hamda savdo va xizmat ko‘rsatish obyektlari faoliyati bilan tanishdi.
Ta’kidlanishicha, turizm va xizmat ko‘rsatish sohasi kam xarajat bilan ko‘p ish o‘rni yaratish, aholi daromadini oshirish va hududlar qiyofasini yaxshilashda muhim ahamiyatga ega. Toshkent shahrida bu borada katta imkoniyatlar bor.
Yangi Sergeli ko‘chasida tashkil etilgan 24/7 rejimida ishlaydigan turizm, savdo va xizmat ko‘rsatish obyektlari aholiga qulay sharoit yaratish, tadbirkorlikni rivojlantirish va yangi ish o‘rinlari ochishga xizmat qilmoqda.
Loyihaning umumiy qiymati 18,7 milliard so‘mni tashkil etadi. Ko‘chaning 2,1 kilometr qismining infratuzilmasi to‘liq yaxshilanib, savdo, umumiy ovqatlanish va ko‘ngilochar xizmatlarni o‘z ichiga olgan kunu tun faoliyat yuritadigan hududga aylantirildi.
Aholi dam olishi va sog‘lom turmush tarzini qo‘llab-quvvatlash maqsadida 10 dan ortiq bolalar maydonchasi, 8 ta vorkaut zonasi, kitob do‘koni hamda nuroniylar maskani tashkil etildi.
Hudud atrofidagi 4 ta mahallada 21 mingdan ziyod aholi istiqomat qiladi. Yangi Sergeli ko‘chasidan kuniga o‘rtacha 15-20 mingta avtotransport vositasi harakatlanadi. Loyiha to‘liq ishga tushgach, yiliga 1,2 milliondan ortiq tashrif buyuruvchiga xizmat ko‘rsatish imkoniyati yaratiladi.
Loyiha doirasida 250 dan ortiq yangi ish o‘rni ochildi. 95 ta mavjud tadbirkorlik subyektining faoliyati kengaytirilib, 22 ta yangi tadbirkorlik subyekti tashkil etildi.
Davlatimiz rahbari mahalla bo‘ylab yurib, milliy me’moriy uslubda ta’mirlangan xonadonlar, obodonlashtirilgan ko‘chalar va aholi uchun yaratilgan qulayliklar bilan tanishdi. Mahalla faollari va fuqarolar bilan samimiy muloqot qildi.
Prezidentimiz amalga oshirilayotgan ishlar aholi turmush darajasi va farovonligiga qanday ta’sir ko‘rsatayotgani bilan qiziqdi. Mahalla faollari bu o‘zgarishlar aholi kayfiyatiga, turmush tarzi va daromadiga ijobiy ta’sir ko‘rsatayotganini, hududning qiyofasi ham, odamlarning ertangi kunga ishonchi ham o‘zgarayotganini ta’kidladi.
DXX va IIV xodimlari hamkorligida «Xavfsiz va sog‘lom yurt» tezkor-profilaktik tadbirlari doirasida respublika bo‘ylab giyohvandlik vositalarining noqonuniy aylanmasiga qarshi o‘tkazilgan tezkor tadbirlarda marixuana, geroin hamda yuzlab tup kannabis o‘simliklari aniqlandi. Holatlar yuzasidan tergovga qadar tekshiruv harakatlari olib borilmoqda.
Namangan viloyati Norin tumanida istiqomat qiluvchi 1961 yilda tug‘ilgan fuqaroning yashash xonadoni ko‘zdan kechirilganda, u kelgusida sotish maqsadida saqlab kelgan 1 kilogramm 595 gramm «marixuana» giyohvandlik vositasi aniqlanib, protsessual tartibda rasmiylashtirib olindi.
Shuningdek, Namangan viloyatining Chortoq tumanida o‘tkazilgan tezkor tadbirda 1973 yilda tug‘ilgan shaxs o‘ziga tegishli qo‘shimcha tomorqada sotish maqsadida 839 tup kannabis o‘simligini ekib, parvarishlab kelayotgani ma’lum bo‘ldi.
Samarqand viloyatining Urgut tumanida yashovchi 1995 yilda tug‘ilgan shaxs esa Toyloq tumani hududida avtomashinada harakatlanayotgan vaqtida to‘xtatilib tekshirilganda, undan 20 gramm «geroin» moddasi ashyoviy dalil sifatida olindi.
Xorazm viloyatida qayd etilgan holatda, Qo‘shko‘pir tumanida yashovchi 1962 yilda tug‘ilgan, muqaddam giyohvandlik vositalari savdosi bilan bog‘liq jinoyati uchun sudlangan shaxs 36 tup kannabis o‘simligini yetishtirayotgani aniqlandi.
Toshkent viloyatining Yangiyo‘l shahrida istiqomat qiluvchi 1973 yilda tug‘ilgan, muqaddam shu turdagi jinoyat uchun sudlangan fuqaro ham o‘z hovlisida tashkil etilgan issiqxonada 22 tup kannabis o‘simligini parvarishlayotganligi ma’lum bo‘ldi.
Andijon viloyatining Qo‘rg‘ontepa tumanida yashovchi 1965 yilda tug‘ilgan shaxs esa o‘z tomorqasida 10 tup kannabis o‘simligini parvarishlab kelgani aniqlangan.
Hozirda barcha holatlar yuzasidan tergovga qadar tekshiruv harakatlari olib borilmoqda.
DXX fuqarolardan giyohvandlik vositalari noqonuniy aylanmasi bilan bog‘liq holatlarga duch kelgan taqdirda, idoraning 1520 qisqa raqamiga murojaat qilishni so‘radi. Qayd etilishicha, murojaat qiluvchilarning shaxsi sir saqlanishi kafolatlanadi.
Prezident Shavkat Mirziyoyev Sergeli tumanida joylashgan “Global International Hospital” xususiy ko‘p tarmoqli tibbiyot markazi faoliyati bilan tanishdi.
Mamlakatimizda aholi salomatligini muhofaza qilish, tibbiy xizmatlar sifati va qamrovini oshirish davlat siyosatining ustuvor yo‘nalishlaridan. Shu maqsadda sohaga investitsiyalar jalb etilib, tibbiyotda xususiy sektor faoliyati ham qo‘llab-quvvatlanmoqda.
Mazkur zamonaviy tibbiyot markazi bugungi kunda aholiga talab yuqori bo‘lgan ko‘plab yo‘nalishlar bo‘yicha tibbiy xizmat ko‘rsatish imkoniyatiga ega.
Markazni barpo etish uchun 30 million dollar investitsiya yo‘naltirilgan. Bu yerda yiliga 150 ming nafardan ortiq aholiga tibbiy xizmat ko‘rsatish imkoniyati yaratiladi. Umumiy maydoni 0,5 gektar bo‘lgan muassasada yillik xizmatlar hajmini 15 milliard so‘mga yetkazish rejalashtirilgan.
Davlatimiz rahbariga markaz faoliyati to‘g‘risida taqdimot qilindi. Prezidentimiz jarrohlik, reanimatsiya va davolash bo‘limlari, situatsion markazda yaratilgan sharoitlarni ko‘zdan kechirdi.
Loyiha doirasida 250 ta yangi ish o‘rni yaratilgan. Jamoada xorijda malaka oshirgan 10 nafardan ziyod yuqori malakali mutaxassis va chet ellik shifokorlar ham bor.
Markaz Buyuk Britaniya, Italiya va Germaniyadan keltirilgan zamonaviy tibbiy jihozlar bilan ta’minlangan. Xususan, muassasaga PHILIPS kompaniyasining ilg‘or tibbiy texnologiyalari o‘rnatilgan.
Davlatimiz rahbari markazni ayrim yo‘nalishlar bo‘yicha tayanch tibbiyot muassasasiga aylantirish muhimligini ta’kidladi. Bu yerda to‘planadigan ilg‘or tajriba asosida shifokorlar malakasini oshirish va zamonaviy tibbiy xizmatlar qamrovini kengaytirish yuzasidan mutasaddilarga ko‘rsatmalar berildi.
Prezidentimiz markaz xodimlari bilan muloqot qildi. Sohada mehnat qilayotgan mutaxassislarni qo‘llab-quvvatlash, xususiy tibbiyot tashkilotlari sonini ko‘paytirish hamda aholiga sifatli, zamonaviy va samarali tibbiy xizmat ko‘rsatish masalalariga alohida e’tibor qaratildi.
«Har bir bemorga sifatli va munosib xizmat ko‘rsatish bilan birga, tibbiy va turizm xizmatlarini uyg‘unlashtirish zarur. Bu yo‘nalishni keng targ‘ib qilish, xorij tajribasini o‘rganib, shifoxonalar huzurida mehmonxona infratuzilmasini rivojlantirish kerak», — dedi davlatimiz rahbari.
“O‘zbekiston Respublikasida xizmat ko‘rsatgan kommunal xo‘jaligi xodimi” faxriy unvonini ta’sis etishni nazarda tutuvchi qonun loyihasi Senatga yuborildi.
Hujjat bilan “O‘zbekiston Respublikasida kommunal, maishiy va savdo sohasida xizmat ko‘rsatgan xodim” faxriy unvoni negizida “O‘zbekiston Respublikasida xizmat ko‘rsatgan kommunal xo‘jaligi xodimi” faxriy unvoni ta’sis etilmoqda.
Ta’kidlanishicha, ushbu qonun loyihasining asosiy maqsadi — kommunal xo‘jaligi xodimlarining ko‘p yillik halol va samarali mehnatini e’tirof etish, ularning jamiyatdagi nufuzi va ijtimoiy maqomini oshirish, moddiy va ma’naviy jihatdan qo‘llab-quvvatlash hamda sohada yuqori kasbiy madaniyat, mas’uliyat va fidoyilikni rag‘batlantirishdan iborat.
Qayd etilishicha, qonun loyihasining qabul qilinishi sohadagi xodimlarning kasbiy faoliyatini munosib qo‘llab-quvvatlash, yosh va malakali kadrlarni sohaga jalb etish imkoniyatlarini kengaytirish hamda kommunal xo‘jaligi tizimida xizmatlar sifati va samaradorligini oshirishga xizmat qiladi.
JCh kundaligi. Holand Neymarni yig‘latdi, Angliya jang qildi
Andijonda soxta «keshbek» sxemasi fosh etildi
Venesueladagi zilzila qurbonlari soni 2295 kishiga yetdi
-
Dunyodan4 days ago
NATO davlatlari Rossiyadan xavotirda…
-
Siyosat3 days agoO‘zbekiston va Gruziya strategik sheriklik deklaratsiyasini imzoladi
-
Jamiyat4 days agoToshkentda Malibu qahvaxonaga borib urildi
-
Dunyodan5 days ago
Tojikistonning Togri-Badaxshon muxtor viloyati raisining jasadi topildi.
-
Jamiyat5 days agoSog‘liqni saqlash vaziri korrupsiyaga qarshi murojaat bilan chiqdi
-
Sport5 days agoJCh kundaligi. Mbappe Messini ta’qib qilmoqda
-
Jamiyat3 days agoO‘zbekistonda ayollar umr ko‘rish bo‘yicha erkaklardan oldinda
-
Siyosat3 days agoShavkat Mirziyoyev Gruziyaning oliy milliy mukofoti bilan taqdirlandi