Sport
JCh saralashi. Falastin alamli tarzda qolib ketdi, Saudiya pley-offda o‘ynaydi
Saudiya Arabistoni o‘z uyida Avstraliyaga yutqazdi va mundialga to‘g‘ridan to‘g‘ri yo‘llanma ololmadi, Eron oxirgi turda g‘alaba qozonib, birinchi o‘ringa qaytdi.
Foto: Alaa Al Sukhni/Reuters
10 iyun kuni Osiyo qit’asida JCh-2026 uchinchi saralash bosqichi o‘yinlari yakunlandi.
A guruhida so‘nggi tur o‘yinlari amalda rasmiyatchilik uchun o‘tdi. O‘zbekiston Qatarni yirik hisobda yengib, o‘z tarixida saralash bosqichidagi eng ko‘p ochko (21) jamg‘ardi. Mundial yo‘llanmasidan umid uzib ulgurgan Qirg‘iziston BAAga qarshi o‘yinda 1:1 hisobida durang o‘ynadi, Eron esa KXDRni yirik hisobda yengib (3:0) guruhda birinchi o‘ringa qaytdi.
B guruhi
So‘nggi tur oldidan bu guruhda Janubiy Koreya va Iordaniya to‘g‘ridan to‘g‘ri yo‘llanmani hal qilgandi. Faqat 3-4 o‘rin uchun Iroq, O‘mon va Falastin da’vogarlik qilib turgandi.
Iroq so‘nggi turda Iordaniya ustidan zafar quchdi, Falastin va O‘mon o‘rtasidagi kurash esa dramatik tus oldi. Bu o‘yinda Falastinni faqat g‘alaba qoniqtirardi, O‘mon esa durang bilan ham to‘rtinchi o‘rinni saqlab qolishi mumkin edi.
Falastinliklar ikkinchi bo‘lim boshida Uday Harubning goli evaziga hisobni ochgandi, ammo o‘yinga qo‘shib berilgan beshinchi daqiqa tugayotganida mezbonlar darvozasiga penalti belgilandi va Issam Al Sabha penaltini aniq ijro etib, falastinliklarni guruhda qoldirib ketdi.
C guruhi
Bu guruhda esa so‘nggi tur oldidan to‘g‘ridan to‘g‘ri yo‘llanmalarning faqat bittasi egasini topgandi, Yaponiya ancha oldinroq masalani hal qilgandi. Ikkinchi o‘rindagi Avstraliya va uchinchi o‘rindagi Saudiya Arabistoni o‘rtasida uch ochkolik farq saqlanib qolgandi va so‘nggi turda saudiyaliklar o‘zaro o‘yinda yirik hisobda g‘alaba qozonib, ikkinchi ko‘tarilishi mumkin edi.
Ammo Saudiya o‘z maydonidagi o‘yinda hisobda oldinda borayotib, yutqazib qo‘ydi (1:2) va qo‘shimcha imkoniyatdan foydalanadigan bo‘ldi.
Shu tariqa uchta guruhdan quyidagi jamoalar JCh-2026 turniriga to‘g‘ridan to‘g‘ri yo‘llanmaga ega bo‘ldi: Yaponiya, Eron, O‘zbekiston, Iordaniya, Janubiy Koreya va Avstraliya.
Quyidagi olti jamoa esa pley-offda ishtirok etadi: : BAA, Qatar, Iroq, Ummon, Saudiya Arabistoni va Indoneziya.
Bu olti milliy jamoa 3 tadan 2 ta guruhga bo‘linishadi. O‘ynlar markazlashgan holda o‘tkaziladi. Guruhda 1-o‘rinni olgan terma jamoalar JCh-2026 yo‘llanmasiga ega bo‘lishadi.
Ikkinchi o‘rinni olganlar o‘zar uchrashishadi, g‘olib qit’alararo pley offda yana bitta yo‘llanma uchun harakat qilib ko‘radi. Ya’nikim, Osiyodan yana ikkita yoki uchta terma jamoa JCh-2026 ishtirokchisiga aylanadi.
Shavkat Mirziyoyev shaxmatchilar bilan uchrashuvda Javohir Sindorov, Muhiddin Madaminov va Shamsiddin Vohidovning Olimpiadadagi o‘yinlarini alohida e’tirof etdi.
Prezident Javohir Sindorovga murojaat qilib, bir necha oy avval uning Nomzodlar turniridagi tarixiy g‘alabasi nishonlanganini esladi. Olimpiadada ham Javohir Sindorov sovuqqonlik va barqarorlik ko‘rsatib, kuchli raqiblar oldida ortga chekinmagani ta’kidlandi.
«Endi oldingda yana bir ulkan marra — jahon toji uchun bellashuv turibdi. Bugun ortingda nafaqat jamoadoshlaring va ustozlaring, balki qirq millionga yaqin O‘zbekiston xalqi turibdi. Biz senga ishonamiz!» — dedi davlat rahbari.
Yirik musobaqada ilk bor ishtirok etgan Muhiddin Madaminov hal qiluvchi kunda ukrainalik Roman Dextyarovni qora donalarda mag‘lub etdi.
Uning g‘alabasi jamoaga oltin medal uchun zarur ochkoni olib keldi. Prezident uning g‘ayrati va g‘alabalari muxlislar ko‘nglidan joy olganini ta’kidladi.
Shamsiddin Vohidov ham umumiy natijaga munosib hissa qo‘shdi. U amaldagi jahon chempioni Gukeshga qarshi qora donalarda tengma-teng kurashib, o‘z salohiyatini namoyon etdi.
Prezident oltin medal jamoaning har bir a’zosi mehnati va hissasi natijasi ekanini ta’kidladi.
«Bu oltin medalda jamoaning har bir a’zosining mashaqqatli mehnati va ulkan hissasi bor», — dedi Prezident.
Davlat rahbari shaxmatchilar haqida hali kitoblar yozilishi, filmlar yaratilishi va ularning o‘yin uslubi darsliklarga kirishiga ishonch bildirdi.
Yosh shaxmatchilarni tayyorlash imkoniyatlarini kengaytirish uchun Toshkent xalqaro shaxmat akademiyasining Samarqand, Xorazm va Farg‘onada uchta mintaqaviy filiali tashkil etiladi. Akademiyada oliy toifali murabbiylarni tayyorlash ham yo‘lga qo‘yiladi.
FIDE reytingida 1 ming 500 dan yuqori ball to‘plagan shaxmatchilarning xususiy klublarda o‘qish xarajatlarining yarmi davlat tomonidan qoplanadi. Bu yosh iste’dodlarning tayyorgarligini davom ettirishiga qo‘shimcha imkoniyat yaratadi.
Mamlakatimizda “O‘zbekiston Grand Chess” milliy brendi ostida xalqaro turnirlar muntazam o‘tkazib boriladi. Bu shaxmatchilarimizga kuchli raqiblar bilan o‘z yurtimizda bellashish imkonini beradi.
Prezidentimiz Yangi Toshkentda 500 kishilik o‘yin zali, yotoqxona va sport maydonchalariga ega zamonaviy shaxmat saroyini barpo etishni taklif qildi.
O‘zbekiston delegatsiyasi Yaponiyadagi Osiyo o‘yinlarining bugungi kunini oltin va kumush medallarni qo‘lga kiritish bilan boshladi.
Shahriyor Mahkamov baydarkachilar o‘rtasida 500 metr masofaga kechgan yakkalik poygalarida marrani birinchi bo‘lib zabt etib, Osiyo o‘yinlari chempioniga aylandi.
Terma jamoamizning yana bir a’zosi Arina Tanatmisheva esa kumush medalni qo‘lga kiritdi. U 500 metr masofaga kechgan yakkalik dasturida marraga ikkinchi bo‘lib yetib keldi.
Shuningdek, kanoeda eshkak eshish bo‘yicha O‘zbekiston jamoasi a’zolari Vladlen Denisov hamda Nilufar Zokirova juftligi kumush medalni qo‘lga kiritdi.
Hozirgacha o‘tkazilgan musobaqalardan so‘ng, O‘zbekiston delegatsiyasi turnir jadvalida 4-o‘ringa ko‘tarilib oldi. Jami 34 ta medal qo‘lga kiritildi: 8 ta — oltin, 17 ta — kumush, 9 ta — bronza.
Aichi-Nagoya-2026 musobaqalarida medallar jamg‘arish bo‘yicha Xitoy peshqadamlik qilmoqda, Yaponiya — ikkinchi, Janubiy Koreya — uchinchi o‘rinda.
O‘zbekiston U-23 terma jamoasining Osiyo o‘yinlari yarim finalidagi raqibi ma’lum bo‘ldi.
Chorak finalda Yaponiya terma jamoasi KXDRni 1:0 hisobida mag‘lub etib, yarim finalga yo‘l oldi.
Shu tariqa, O‘zbekiston U-23 terma jamoasi final yo‘llanmasi uchun musobaqa mezboni Yaponiyaga qarshi maydonga tushadi.
Uchrashuv 30-sentyabr kuni Toshkent vaqti bilan soat 15:30 da “Nagai” stadionida boshlanadi.
Samarqandda o‘tayotgan 46-Butunjahon shaxmat olimpiadasining 10-turi O‘zbekistonning birinchi jamoasi uchun muvaffaqiyatli yakunlandi.
Nodirbek Abdusattorov, Javohir Sindarov, Nodirbek Yoqubboyev va Muhiddin Madaminov ishtirok etgan O‘zbekiston-1 jamoasi Armanistonni mag‘lub etdi.
Abdusattorov, Sindarov va Madaminov o‘z raqiblaridan ustun keldi. Shu tariqa, O‘zbekiston-1 jamoasi 18 ochko bilan musobaqada yetakchilikni saqlab qoldi.
O‘zbekiston-2 jamoasi Hindistonga imkoniyatni boy berdi. O‘zbekiston-3 esa Isroilga qarshi keskin bahsda kichik hisobda mag‘lub bo‘ldi.
Xotin-qizlar o‘rtasidagi 10-turda O‘zbekiston-1 jamoasi Peru vakillarini yirik hisobda mag‘lub etdi.
27-sentyabr kuni Olimpiadaning so‘nggi — 11-tur bahslari o‘tkaziladi. Uning yakunlariga ko‘ra, g‘olib va sovrindor jamoalar aniqlanadi.
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat4 days ago
Toshkentda xalqaro moda akademiyasi tashkil etiladi
-
Iqtisodiyot5 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Iqtisodiyot2 days ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot6 hours ago
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
-
Jamiyat2 days ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat2 days ago
O‘zbekiston do‘konlarida 73 turdagi mahsulot sifatsiz deb topildi